Apr 24, 2017

ဂျွန်ရပ်စကင်းကို သတိရ ..


လူမျိုးတမျိုးဟာ ..

ရသ ခံစားတတ်မှုကို ဟာသလုပ်တယ်

အနုပညာကို သရော်မော်ကားပြုတယ်

ချစ်ခြင်းမေတ္တာကို လိင်စိတ်လို့ မြင်တယ်

မျိုးဆက်အသစ်အတွက် ဆိုးကျိုးဆက်ကို မမြင်တတ်ဘဲ ကိုယ့်လောဘတဏှာကို ထုတ်ပြရဲတယ်

ကိုယ့်အမှားကို ဝန်မခံဘဲ တပါးသူရဲ့ အားနည်းရာကို ထိုးကျွေးတယ်

သူဟာ ငါ့ထက်တတ်လို့ နေရာဖယ်ပေးရတော့မယ်ရယ်လို့ တွေးပြီး ရန်မူတယ်

ပညာတတ်ဆိုတာ သေချာပြင်ဆင်ပြီး ညာတတ်သူလို့ အဓိပ္ပါယ်ရတယ်..

အိမ်ထောင်ရေးဆိုတာ ထောင်လို အိမ်ပဲလို့ စဉ်းစားတယ်

လူမှုရေးဆိုတာ လူအချင်းချင်း အမှုကိစ္စဖြစ်ရေး လို့ ဦးတည်တယ်

စီးပွားရေးဆိုတာ စီးစီးပိုးပိုးနဲ့ ပွားများနိုင်ဖို့အရေး ပဲ..

နိုင်ငံရေးဆိုတာကတော့ အသံထွက်ကတောင် နိုင်ကန်ရေး လိုလို။

ကာမ ဖောက်ပြန်မှုကို အရည်အသွေးတစ်ရပ်လို့ ဗန်းတင်တယ် ..

ကလေးအမေလည်း မျက်နှာစာအုပ်မှာ ခပ်တည်တည် လော်လည်ရဲတယ် ..

သူ ဘာလုပ်နေနေ အဖေ ဟာ အဖေပဲ ၊ အမေ ဟာ အမေပဲ .. ဆိုတဲ့ ပုံသွင်းမှုစနစ် ရှိတယ်။

ယောက်ျားဆိုတာ ကျန်းမာရေးအတွက် ပုံမှန်သွေးသားအသုံးပြု စနစ်ရှိရတယ်တဲ့..

မိန်းမ ဆိုတာ.. အေးရာအေးကြောင်း အိမ်မှုကိစ္စနဲ့ နေသားကျရမှာ တဲ့။

စာအုပ်ဖတ်ဖို့ .. ဟုတ်လား.. ပျင်းစရာကြီး.. ဘာအရေးကြီးလဲ.. ကိုယ်က ဝင်ငွေကောင်းတယ် တဲ့။

ဒီဘာသာစကား မွေးကတည်းက ပြောလာတာ.. ဒီစာ တသက်လုံးဖတ်လာတာ.. 
ဘာခက်လို့လဲ.. တဲ့ ..။

သြော်.. ဒီ အလုပ်နဲ့ပတ်သက်တာ နားမလည်လည်း အထက်လူကြီးနဲ့ သူ့ဇနီးကို နားလည်ဖို့တော့ အရေးကြီးတယ်။

ကိုလံဘတ်ရဲ့ ကြက်ဥပြုတ် စားပွဲပေါ်ထောင်တဲ့ ဇာတ်လမ်းကလည်း ခေတ်မီနေတုန်းပါပဲ။

သူခိုးက လူ လူ ဟစ် ဆိုတဲ့ ဆိုရိုးကလည်း မရိုးနိုင်သေးပါ။

ဘုရားစင်ပေါ် ပန်းတွေ ဝေနေအောင် တင်တာ ထီပေါက်ဖို့အရေးပါ။

အိုးး သိဒ္ဓတ္ထ လေ.. အဲဒီ စိန်ရွှေရတနာတွေဟာ အဆိပ်အတောက်တွေမှန်းသိလို့ ထားခဲ့ပေမဲ့

ခုတော့ သူ့ရုပ်ပွားမှာ အဲဒီ တန်ဆာပလာတွေ ပလပွ..

တကိုယ်စာ ငြိမ်းအေးရာ လူတိုင်းရှာတွေ့တဲ့အခါ ကမ္ဘာငြိမ်းတရားပဲ လို့ သူပြောခဲ့ပါလျက်နဲ့။

ဂျွန်ရပ်စကင်းက ပြောတာတော့..

“ လူမျိုးတစ်မျိုးဟာ... စာပေကို အထင်သေးနေလျှင်... သိပ္ပံပညာကို အထင်သေးနေလျှင် ..

အနုပညာကိုအထင်သေးနေလျှင်.. မေတ္တာကရုဏာကို အထင်သေးနေလျှင် ..

ပိုက်ဆံကိုဒီလောက်မက်နေလျှင် .. အဲဒီလူမျိုးဟာကြာရှည်ခံမှာမဟုတ်ဘူး “တဲ့။

ထပ် ထပ်ပြောပါရစေဦး.. ..

တန်ဘိုး ဆိုတဲ့ စကားလုံးဟာ တန်ဘိုးအကြောင်း နားလည်တဲ့သူတွေ ဆီမှာသာ ဆရာကျတာပါကွာ…။

လောလောဆယ်တော့ နားထောင်နေတဲ့ သီချင်းက “ပုထုဇဉ်”

“ပျော်စရာကြုံရင် ပျော်ပစ်လိုက်.. ငိုချင်လာရင် ငိုလိုက်ဦး.. ခံစားချက်အတိုင်းပဲ..

ရင်ခုန်နေတာ ဘာအတွက်လဲ.. အချိန်ဆိုတာကို ရင်ဆိုင်ဖို့.. အိုးးး မီးလျှံများ…

လက်ခံလိုက်.. လက်ခံလိုက်…”

Apr 17, 2017

မေငြိမ်း ကိုယ်ပိုင် မြန်မာစာ မြန်မာစကား သင်တန်း


လွန်ခဲ့တဲ့ ၅ နှစ် .. ၂၀၁၂ ခုနှစ်ထဲမှာ အမေရိကန်သံတမန်တွေကို ဘာသာစကားသင်ပေးတဲ့ ကျောင်းကြီးတစ်ကျောင်းမှာ မြန်မာစာဆရာမ အလုပ်ရခဲ့ရာကနေ VOA မြန်မာပိုင်းမှာ အသံလွှင့်သူ လုပ်နေတဲ့ အချိန်ပိုင်းအလုပ်ကို စွန့်ပြီး ကိုယ့်ဇာတိ သင်ကြားရေးနယ်ထဲ ပြန်ရောက်ခဲ့ရပါတယ်။
အဲဒီကျောင်းမှာ ၃ နှစ် လုပ်တဲ့ကာလအတွင်း သင်ကြားရေးဆိုင်ရာ မွမ်းမံသင်တန်းတွေ အပတ်စဉ် တက်ခွင့်ရခဲ့တာတွေ .. ကျောင်းအလုပ်ပြင်ပမှာ နီးစပ်ရာတချို့ကို online ကနေ မြန်မာစာ မြန်မာ စကား သင်ပေးခဲ့တဲ့ အတွေ့အကြုံတွေ.. စေတနာဖြစ် တည်ထောင်ထားတဲ့ သပြေညို မြန်မာစာ ကျောင်းက အတွေ့အကြုံတွေ.. လက်ရှိ အလုပ်လုပ်နေတဲ့ Online ကျောင်းကြီး VL Language School ရဲ့ ဝန်ထမ်း မြန်မာစာ ဆရာမအဖြစ် အဲဒီ ကျောင်းရဲ့ Training တွေကနေ ရတဲ့ online teaching နည်းစနစ်တွေလည်း ရလာတော့၊ ခုချိန်မှာ နိုင်ငံခြားသားတွေကို မြန်မာစာ မြန်မာစကားသင်ကြားရေးနဲ့ ပတ်သက်ပြီး ကိုယ့်ကိုယ်ကို အပြည့် အဝ ယုံကြည်မှု ရှိလာပါတယ်။
ဒါကြောင့် ခုလက်ရှိ online Teaching အလုပ်ကိုပဲ သေသေချာချာ လုပ်တော့မယ်လို့ စဉ်းစား ဖြစ်ပါတယ်။ ခုနောက်ပိုင်းမှာ တခြားပြည်နယ်တွေ နဲ့ တခြားနိုင်ငံတွေမှာ နေနေနကြတဲ့ မြန်မာမိသားစုတချို့က ကျမရဲ့ သပြေညို ကျောင်း အကြောင်းကို ကြားပြီး သူတို့ကလေးတွေကိုလည်း မြန်မာစာ သင်ပေးချင်တဲ့ အကြောင်း .. ဘယ်လို လုပ်ပေးနိုင်မလဲဆိုတာတွေ ပြောလာကြတာတွေ ရှိပါတယ်။
ကုမ္ပဏီကျောင်းတွေမှာ ဘာသာ စကား သင်ဖို့ဆိုတာ အဲဒီကျောင်းကိုလည်း ပေးရ.. ဆရာ ဆရာမ ကိုလည်း ပေးရတာမျိုးမို့လို့ သင်တန်းခ က ဈေးများ သွား ပါတယ်။ ကျမ ကိုယ်ပိုင် သင်တာဆိုတော့ ကျောင်းက ဖြတ်ယူမယ့် စရိတ်စက သက်သာသွားမှာ ဖြစ်ပါတယ်။
ဒါနဲ့ ..မှတ်မှတ်ရရလည်း ဖြစ်ရအောင် .. မင်္ဂလာရှိတဲ့သဘောလည်း ဆောင်အောင်လို့ ရည်ရွယ်ပြီး မြန်မာနှစ်သစ်ကူးနေ့ ကနေ ကျမ ရဲ့ ကိုယ်ပိုင်အလုပ် ကို စ လိုက်ပါတယ်။
ကျောင်းသူ ကျောင်းသားလည်း ပိုက်ဆံ များများ မကုန်ဘဲ .. ကျမ လည်း စိတ်တိုင်းကျ အလုပ် လုပ်နိုင်ဖို့ ဘာသာစကားသင်ဆရာမ အလုပ်ကို ကိုယ်ပိုင်အလုပ်တစ်ခုအဖြစ် တနိုင်တပိုင် လုပ်ဖို့ စလိုက် ပါပြီ။
(ကျမ တစ်ယောက်တည်းသင်ရမှာမို့လို့ရော .. ပြီးတော့ ကျမက လက်ရှိ ကျောင်းတစ်ကျောင်းရဲ့ ဝန်ထမ်းလည်း ဖြစ်နေသေးတာမို့လို့ရော သင်တန်းသား လက်ခံတာမှာတော့ အကန့်အသတ် ရှိမှာဖြစ်ပါတယ်)
အသေးစိတ်သိချင်တာရှိရင်email ပို့နိုင်ပါကြောင်း...

Apr 3, 2017

တနင်္ဂနွေ တမနက်

ဟော.. လေတိုးသံ သဲ့သဲ့လေး.. ငှက်သံသဲ့သဲ့ လေးတွေ ကြားတယ်။ အပြင်မှာ နေမြင့်ပြီ။
အိပ်ရာပေါ်မှာ ပြည့်ပြည့်ဝဝပြုံးပြီး ပြတင်းဆီကို ငေးတော့ နေရောင်ဟာ မြှူဆွယ်လိုက်တာ။
ကိုင်းတံရိုးဖျားမှာ လာချိတ်နေတဲ့ ကောင်းကင်ဟာ တကယ့် ဆွတ်ဆွတ်ပြာ။
သဘာဝက ပဲ့ပြင်တယ်..
ဘာမှမဆန်းတဲ့ နေရောင် နဲ့
ဘာမှမခမ်းနားတဲ့ ကိုင်းခက်လက်တွေ
ဘာမှ မထည်ဝါတဲ့ ဘဝတစ်ခုထဲမှာ
မြိန်ယှက်စွာ ငြိတွယ်။
မနိုးတဝက် နိုးတဝက် ကော်ဖီခွက်ထဲ
သဘာဝလို့ ပြောတဲ့ ကော်ဖီမှုန့်များများ
သဘာဝနွားနို့ပျစ်ပျစ်အနေတော် နဲ့
သဘာဝပျားရည်ချိုမြ နဲ့
ရေနွေးဆူဆူ ဟာ .. သဘာဝကျစွ အရသာ။
တကယ်တော့ ပြည့်ပြည့်ဝဝ နိုးထ ပြီးသားပါလေ…
သိပ်သာယာစရာပဲကိုး..
တင်းတိမ်တတ်သူအတွက်
လွတ်မြောက်သွားနှင့်သူ ဦးဂျင်မီဟင်းဒရစ်ကြီးရဲ့ နတ်စောင်းဂစ်တာသံရှိတယ်
လင်းပွင့်တဲ့ မနက်ခင်းနေရောင် နဲ့ အစိမ်းရောင်သစ်ရွက်တွေ ရှိတယ်
အနားမှာ ရောင့်ရဲအေးချမ်းတတ်တဲ့ ကိုယ့်သွေးသားတွေ ရှိတယ်
ပကာသန လုံးဝ လုံးဝ မရှိတဲ့ ဘဝ တစ်ခုမှာ ပျော်ရွှင်စရာတွေ အပြည့် .. ယုံ။
ယုန်အညိုဖျော့ဖျော့လေးက တောင်ကြည့်မြောက်ကြည့် ကြည့်ဆဲ..
ရှဥ့်ညိုလေးက သူ့ကို ဝင်တိုက်ဖြတ်ပြေးတယ်… ဒါပေမဲ့ သူတို့ချင်း ရန်ဖြစ်မသွားကြ။
ခေါင်းပေါ်မှာ အမောက်နီနီလေးပါတဲ့ ငှက်ကလေး ချစ်စရာကောင်းလိုက်တာ ငေးဆဲ..
ခုန်တဆွဆွ နှံကောင်စိမ်းလေးဟာလည်း မြင်ကွင်းမှာ သဘာဝက ပေးတဲ့ အလှကလေး..
တိတ်တိတ်လေး ငြိမ်နေလိုက်တော့ သစ်ရွက်ချင်းငြိသံအကြားမှာ
မြို့မငြိမ်းရဲ့ ခင့်အိပ်မက်ကို သတိရတယ်..
ငယ်ရွယ်စဉ် အိပ်မက်ထဲထိ စွဲဖူးခဲ့သူကို ခု နည်းနည်းမှ ရင်မခုန်တော့တာ မဆန်းဘူးလား။
ခုတော့ ငယ်ငယ်တုန်းက ဖတ်ဖူးတဲ့ ပုံပြင်လေးလိုပါ။
သဘာဝမနက်ခင်းဟာ ရောက်တတ်ရာရာ စ်ိတ်ကူးတွေထဲ လှလိုက်တာ။
ဘာမှန်းညာမှန်း သေချာမသိလည်း ဆဲရေးတိုင်းထွာဖို့.. ကဲ့ရဲ့ပြစ်တင်ဖို့ ..
မမှန်မတရားဖို့ ဝန်မလေးတဲ့သူတွေနဲ့ ဝေးရာ နေရာလေးဟာ သုခဘုံပဲ။
ဝန်တိုမစ္ဆရိယတွေကင်းရာ.. အနုပညာ သက်သက်သာ ဖြစ်တည်ရာ အယူဝါဒ ဟာ ကိုယ့် ရဲ့ ဘာသာရေး ပေါ့။
ဒီမနက်တော့ ဦးဂျင်မီကြီးဆီက ရလိုက်တာ.. အနုပညာ ဆိုတာ အပွင့်လင်းဆုံး တူးဖော်လိုက်ရုံ။
ဒါနဲ့ပဲ ဒီတနင်္ဂနွေက တန်ပြီ။

နှောင်တည်းခံ

ဒီဝတ္ထုလေးကို ကိုအောင်ဖြိုးလေးက တင်ပေးဖို့ ပြောနေတာ ကြာပါပြီ။ ကျမကလည်း Scan ဖတ်ဖို့ကိုတောင် ပျင်းပျင်းနေတာနဲ့။ ခုတော့ ကြာလေ.. စာရွက်လေးတွေက စုတ်လုစုတ်ခင်နဲ့ ထိန်းသိမ်းရခက်လာတာမို့ အချိန်ရတုန်းလေးတော့ လုပ်ဦးမှပါလို့.. အားမွေးရပါတယ်။ ဒီတော့မှ ပြန်ကြည့်တော့ နှစ် ၂၀အတွင်း ကျမရေးခဲ့တဲ့ ရှားရှားပါးပါး ၀တ္ထုအပုဒ် ၁၀၀၀န်းကျင်လောက်က လက်ထဲမှာ အပုဒ် သုံးလေးဆယ်ပဲ ရှိတော့တာ တွေ့ရပါတယ်။ ငှားဖတ်ပြီး ပြန်မပေးကြတာနဲ့.. ဟိုညပ် ဒီညပ် ပျောက်တာနဲ့..။ အဲဒီတော့လည်း နှမျောသားပါ။ (တလက်စတည်း ကျမရဲ့ မဂ္ဂဇင်း ၀တ္ထုတိုဟောင်းလေးတွေ တွေ့မိလို့များ Scan လုပ်ပြီး ပို့ပေးကြရင် သိပ်ကို ကျေးဇူးတင်မှာပါ..။ :))
ဒီဝတ္ထုလေးက ၁၉၈၈ ဇန်န၀ါရီလ ရွှေအမြုတေ မဂ္ဂဇင်းမှာ ပါခဲ့တာပါ။ ဒီဝတ္ထုလေး ဘာလို့ ရေးမိတယ်ဆိုတာတော့ ပြောတော့ပါဘူး :P ..။ (တမျိုးတွေ လျှောက်မထင်ကြနဲ့နော်...။ အဲလိုများ ဖြစ်တတ်လေမလားလို့ တွေးမိရာကနေ ရေးဖြစ်ခဲ့တာပါ။)




Nov 5, 2016

ကြွေချိန်


အဲလို ခွေခွေခေါက်ခေါက်နဲ့
အဲဒီထောင့်ချိုးလေးထဲမှာ
ပိတ်မိနေတာလား
ပိတ်ထားနေတာလား
ဆုံခြင်းဆိုတာက အဲလို ကြေးကြီးသလား
ချစ်ခြင်းတွေအများကြီး ပေးရုံနဲ့ မလုံလောက်ဘူးလား
ငြိတွယ်ခြင်းတွေနဲ့ တံတားထိုးရုံနဲ့လည်း မရောက်နိုင်ဘူးလား..
အမြဲလို…. ကြည်ရွှင် သာယာခြင်းတွေနဲ့ ဝေးလံသီခေါင်ရ
ဒုက္ခသစ္စာအကြောင်း ကောင်းကောင်းသိပါပြီဆိုလည်း သက်သာရာမရ
နောင်တမှာ နောက်မကျခဲ့လည်း
ကံတရားရဲ့နောက်ကျမှုထဲ အဖန်ဖန်
ဘယ်လောက်မှမလိုပါဘူး..
လှပသော ရွက်ကြွေရာသီထဲ
လွမ်းဆွတ်ခြင်းဘာဝနာကို အေးအေးမြမြ မှတ်နိုင်ရုံ…

၅ နိုဝင်ဘာ ၂၀၁၆

ဒီနေ့ ပိုလွမ်းတယ် ဂျွန် ...



ဘယ်သူဟာ သေခြင်းအတွက် အဆင်သင့်ဖြစ်လဲ စဉ်းစားရင် ပထမဆုံး သတိရတာ.. ခင်ဗျားပါပဲ ဂျွန်.. Elvis လို သေခြင်းကို ကိုယ့်ဘာသာ မရွေးချယ်ခဲ့ပေမဲ့ အနုပညာနဲ့ လူသားဖြစ်တည်မှုကို ခန့်ညားလေးစားတဲ့ ခင်ဗျားဟာ သေခြင်းအတွက် အဆင်သင့်ရှိနေခဲ့ပြီးသားလို့ ယုံတယ်..
ငြိမ်းချမ်းရေးကို ချစ်တာဟာ လူသားဖြစ်တည်မှု ကို ချစ်တာပဲဆိုတာ.. ခင်ဗျားပြလို့ တွေ့ခဲ့တာ သိလား။
ဘာအရေးကြီးလဲ စဉ်းစားတော့ ဒီကနေ့ ကို တည့်တည့်ရင်ဆိုင်ဖို့သာ အရေးကြီးတာလို့ ကျန်ရစ်သူ ယိုကိုဆီက ကျမ ရတယ်.. ။
ဟုတ်လား.. မိန်းမ တစ်ယောက်ကြောင့် ဂီတ အမြုတေတစ်ခု ပြိုကွဲခဲ့တယ်တဲ့လား..
ဒါဆို ရော့ခ်ဘုရင် ၄ပါး ရဲ့ ဂုဏ်သိက္ခာ နဲ့ ချစ်ခြင်းတရားရဲ့နက်ရှိုင်းမှုကို ထိခိုက်ပါ့မယ်… ။
အချစ်ဆိုတာရယ်.. အနုပညာ ရယ်ဟာ တူတူပဲ.. တခါတလေမှာ နားလည်ရ ခက်လောက်အောင် လျို့ဝှက်တယ် .. မဟုတ်လား..။
လောကထဲ နေရထိုင်ရ ခက်လာရင်လည်း ခင်ဗျားကိုပဲ သတိရတာပဲ ဂျွန် .. ဘာပဲဖြစ်ဖြစ် ခင်ဗျားနဲ့ ယိုကို ရင်ဆိုင်နိုင်ခဲ့ကြတယ်။ ခင်ဗျား ယောဂကိုလည်း တွေ့ခဲ့တယ်.. ယောဂီကိုလည်း ကြုံခဲ့တယ်..။ ကြေကွဲ နာကျင် ရတာတွေ ကြေမွ ပျောက်ရှရတာတွေ .. ကိုယ့်ကိုယ်ကိုအတွက် လုပ်ချင်တာလုပ်တာတွေ.. လူသားတွေ အပေါ် ထားတဲ့ ခင်ဗျားရဲ့ အချစ်တွေ.. ။
ခင်ဗျားဟာ အနုပညာပါပဲ ဂျွန်.. ။
ဒါနဲ့ .. ခင်ဗျား သစ္စာရော မဲ့ခဲ့ဖူး သလား..။ သစ္စာမဲ့ ခံခဲ့ရဖူး မှာတော့ သေချာသလောက်ပဲ … ။
အနုပညာသမားမှန်ရင်၊ တစုံတယောက်.. ဒါမှမဟုတ်.. ဒါ့ထက်မကရဲ့ သစ္စာဖောက်မှုကို ခံခဲ့ကြရတာ လောကနိယာမ တစ်ခုလိုပါပဲ။
ဂျွန်ရယ်.. ခုထိတော့ ကျမ နှလုံးသားမှာ ဘယ်အရာကမှ ခင်ဗျားရဲ့ Imagine ကို မကျော်နိုင်သေး..
ယိုကိုဆီက မြစ်ဖျားခံလာတာပါဆိုတဲ့ Imagine က ကျမကို ခုထိ တမြည့်မြည့် နာကျင်နေစေဆဲ…။
အို.. လူအများကြီးကို.. ဒါမှမဟုတ်.. လူတိုင်းကို နာကျင်နေစေဆဲလည်း ဖြစ်နိုင်ပါတယ်..။
ခင်ဗျားပြောတဲ့ I'm not the only one … I hope someday you'll join us .. ဆိုသလို။
ဒီနေ့ သိပ်လွမ်းတာပဲ ဂျွန် ..
ဒီနေ့ .. သေခြင်းအကြောင်း စဉ်းစားမိတယ်..
ဒီနေ့ .. တာရာမင်းဝေ ပြောဖူးတဲ့ ‘ ကိုယ့်ကိုယ်ကို လေနဲ့ မှုတ်ပြီး ငြှိမ်းပစ်လိုက်ချင်တယ်’ ဆိုတာကို
သတိရတယ် ..
ဒီနေ့ … သမီးတစ်ယောက်ရဲ့ စာတိုလေးတစ်စကနေ အတွေးရပြီး သစ်ပင်တွေကြားထဲ ..
ဒါမှမဟုတ် ပင်လယ်လှိုင်းသံတွေကြားထဲပဲ နေရတော့ရင် ကောင်းမှာပဲလို့ ခံစားရတယ်..
ဒါနဲ့ ခင်ဗျားကို ပိုသတိရတော့တာပဲ ဂျွန် .. ကောင်းကင်ဘုံမှာ နေလို့ ပျော်လား ဂျွန်…

 ၁၅ စက်တင်ဘာ ၂၀၁၆

Aug 21, 2016

“ရသစာပေဆိုတာ ယဉ်ကျေးမှုကို ထိန်းကျောင်းတယ်”

ဧရာဝတီ အင်တာဗျူး
Hits:1,597
1   | |
 မေငြိမ်း

စာရေးဆရာမ မေငြိမ်းဟာ ကဗျာအရေးကောင်းသလို ၀တ္ထုတိုတွေ၊ လုံးချင်း ၀တ္ထုတွေမှာလည်း ကိုယ်ပိုင်ဟန်နဲ့ ဖန်တီးနိုင်ပါတယ်။ စာရေးဆရာမ မေငြိမ်းဟာ မြန်မာပြည်နဲ့ ကင်းကွာပြီးနောက် ၁၀ နှစ်အကြာမှာ “အရောင်ဆွံ့ လိပ်ပြာ” စာအုပ်ကို ထုတ်ဝေလိုက်ပါတယ်။ ဆရာမ မေငြိမ်း ဟာ ဒီနေ့အထိ လုံးချင်းဝတ္ထု ၁၃ အုပ်ထွက်ရှိထားပါတယ်။ ၁၉၈၉ ခုနှစ်မှာ “သီချင်းနှင်းဆီ” ၀တ္ထု စတင် ထွက်ရှိခဲ့ပါတယ်။ အဆိုတော် ဇော်ဝင်းထွဋ်အကြောင်း ရသဟန်နဲ့ရေးသားထားတဲ့ “အသံသစ် ပြတိုက်” က ဒုတိယ အကြိမ်ထိ ထုတ်ဝေခဲ့ပြီးပါပြီ။ ၁၉၈၆ ခုနှစ် မတ်လမှာ “ပေဖူးလွှာ” မဂ္ဂဇင်းမှာ “ပြည်စုံခြင်း” ဆိုတဲ့ ကဗျာနဲ့ စာပေလောကတွင်းကို ရောက်ရှိခဲ့တဲ့ ဆရာမ မေငြိမ်းနဲ့ စာပေရေးရာတွေ မေးမြန်းဖြစ်ပါတယ်။
မေး။    ။  ဆရာမ မြန်မာပြည်က ထွက်မသွားခင်တုန်းက မဂ္ဂဇင်းတွေမှာ ၀တ္ထုတွေ အများကြီး ဖော်ပြ ကြ တယ်။ ဖတ်ရတဲ့သူအတွက်လည်း အရသာရှိလိုက်တာ၊ သွေးတို့ဆိုရင် “ရှုမ၀” ၊ “ပေဖူးလွှာ” “ကလျာ”ပေါ့ နော်။ မဂ္ဂဇင်းတွေမှာ ၀တ္ထုတိုတွေဖတ်ရတာ မ၀ဘူး။ အခု ဆရာမမြန်မာပြည်ပြန်လာတဲ့အခါ ဘယ်လိုကွဲပြား ခြားနားမှု တွေ မြင်မိလဲ။ မဂ္ဂဇင်းတွေက ကွာလတီလို့တော့ ပြောကြပါရဲ့၊ ကိုင်လိုက်ရင် ထူပြီး ကြော်ငြာ တွေများနေတယ်၊ ၀တ္ထုတို ဆိုရင်လည်း၂ ပုဒ် ၊ ၃ ပုဒ်ထက် ပိုမပါဘူး။ အဲ့ဒီ့အပေါ် အမြင်လေးပြောပါဦး။
ဖြေ။    ။  မြန်မာပြည်ကနေ နိုင်ငံခြားထွက်သွားတာ ၁၁ နှစ်လောက်ရှိပြီ၊ နိုင်ငံခြားမထွက်ခင်ထိ အစ်မက ဒဂုံ တက္ကသိုလ်မှာမြန်မာစာ ကထိကတာဝန်ထမ်းဆောင်ခဲ့တာလေ၊ ကျမတို့ စာစရေးတုန်းက “ရှုမ၀” မဂ္ဂဇင်း ကနေ စင်တင် ကလောင်ဆိုရင် အထင်ကြီးတယ်။ ရှုမ၀ကို စာမူတွေပို့ခဲ့ပေမယ့် အပယ်ခံခဲ့ရတယ်၊ မရွေးခဲ့ဘူး လေ၊ စာတွေပြန်ရေးဖြစ်တော့ ပထမဆုံးဖော်ပြခံရတဲ့ ကဗျာလေးက “ပေဖူးလွှာ” မှာ ပါလာတာ။ နောက်ကျေးဇူး တင်ရမှာက “ရွှေအမြုတေ” မဂ္ဂဇင်းက ဆရာဦးဝင်းငြိမ်းပေါ့။ သူက ပို့တဲ့ ၀တ္ထုတွေကို သုံးပေးတယ်။
“စံပယ်ဖြူ” မှာ “ချစ်သူဘွဲ့” ဆိုတဲ့ ၀တ္ထုလေးပါတယ်။ ခပ်ကြောင်ကြောင်ရည်စား တယောက်အကြောင်းပေါ့။ အယ်ဒီတာက ဒေါ်ခင်ဆွေဦးလေ။ အဲ့ဒီမှာ ကိုခင်ဝမ်းက ဒေါ်ခင်ဆွေဦးသမီးရဲ့ သမက်ရဲ့ သူငယ်ချင်းပေါ့။ သူက အစ်မရဲ့ စာမူလေးကို ကောက်ဖတ်ပြီး သရုပ်ဖော်ပုံဆွဲပေးချင်တယ်ပေါ့။ အဲ့ဒီဝတ္ထုလေးပါလာ တော့ပျော်တာ ပေါ့နော်၊ ၀တ္ထုပါတာက တကြောင်း၊ ကိုခင်ဝမ်းဆွဲပေးတဲ့ သရုပ်ဖော်ပုံမို့ ဂုဏ်ယူတာက တကြောင်းပေါ့လေ။
အခုကျတော့ မဂွင်းဇင်းတွေမှာ ကြော်ငြာတွေကများနေတယ် ကိုယ့်ဝတ္ထုလေးပါရင်တောင် စာကိုအဓိကထားတဲ့ မဂ္ဂဇင်းက နည်းနေတယ်။ ဘယ်မဂ္ဂဇင်းကို ပေးရမလဲဆိုတာကိုပါ စဉ်းစားနေရပြီပေါ့။
မေး။    ။ နောက်တခုကလေ လူငယ်တွေ စာသိပ်မဖတ်ကြဘူး၊ ရသစာပေအားနည်းလာနေတယ်လို့ ပြောကြ တယ်၊ အဲ့ဒါကရော ဘာအကြောင်းကြောင့်လို့ ထင်လဲ။ အုပ်ရေတထောင်တောင်ကုန်ဖို့မလွယ်တော့လေ။
ဖြေ။    ။ စာသိပ်မဖတ်ကြဘူးဆိုတာ စားဝတ်နေရေးနဲ့ ဆိုင်တယ်။ နိုင်ငံရေးအရ ဖိစီးထားတာတွေပါတယ်။ အစ်မတို့ ကလေးတွေမှာ စာဖတ်တာကလွဲလို့ ပျော်စရာတွေများတယ်။ မူးယစ်ဆေးဝါး သုံးစွဲတာ တွေများ လာတယ်။ နည်း ပညာတိုးတက်လာတယ်ဆိုပေမယ့် စာဖတ်တာနည်းလာတယ်။ အမေရိကန်မှာ လူငယ်တွေ facebook သုံးဖို့ အတွက် အချိန်မပေးနိုင်ကြဘူး။
ဘာလို့ဆိုတော့ သူတို့မှာ တခြား Activities တွေ များတယ်။ အစ်မသမီးဆို ၁၁ တန်းမှာ High School Senior ပေ့ါ။ အထက်တန်းပညာရေးမှာ အခမဲ့၊ စာလိုက်နိုင်ရင် Advance Course တွေယူလို့ရတယ်။ တက္ကသိုလ်မှာ ပညာသင် စရိတ်က များတာကိုး။ အဲ့ဒီတော့ သမီးက Advance Course ယူထားတယ်။ ဘာသာပိုတွေယူ တယ်ပေါ့နော်။
ကလေးတွေက ကျောင်းကနေ Homework  တွေလုပ်ရတယ်၊  Project တွေလုပ်ရတယ်။ အစ်မသမီးဆို Project က “Woman and Environment ”။ စာအုပ်အဖုံးမှာ သုံးထားတာ သူဆွဲတဲ့ ပန်းချီပဲ လွတ်လွတ် လပ်လပ် ဆွဲလို့ရတယ်။ သစ်ပင်ကြီးနဲ့ အမျိုးသမီးပုံရေးတယ်၊ တကယ်တော့ အမျိုးသမီးနဲ့ သစ်ပင်ဟာ ထိန်း သိမ်း ဖို့ အရေးကြီးရာမှာ အတူတူပဲဆိုတာ ပြောချင်တာ။ သူ Grade A ရတယ်။ အဲ့ဒီတော့ နည်းပညာ တွေတိုး တက်နေပေမယ့် Facebook သုံးဖို့အချိန်မပေးနိုင်ဘူး စာဖတ်ကြရတယ်။
မေး။    ။ အမရဲ့ “အရောင်ဆွံ့လိပ်ပြာ”၀တ္ထုရေးဖြစ်ခဲ့ပုံလေးကိုပါ ပြောပြပေးပါလား။
ဖြေ။    ။  အိမ်ထောင်ရေးဖောက်ပြန်မှုတွေရှိတယ်ပေါ့။ အစ်မက အမျိုးသမီးတယောက်ဆိုတော့ အမျိုးသမီး ဘက်က ရေးတာ။ လူတွေကပြောကြတယ်လေ “အိမ်တွင်းအကြမ်းဖက်မှု” ဆို ယောကျာ်းက မိန်းမကို ရိုက်တာ၊ နှက်တာပေါ့။
ဒါပမေယ့် အမျိုးသမီးတွေရဲ့ စိတ်ကိုအနာတရဖြစ်အောင် လုပ်တာကလည်း Mental Abuse လို့ ထင်တယ်။ အမျိုးသားဘက်ကဖော်ပြန်မှုမဟုတ်ဘူး၊ အမျိုးသားဘက်မှာနဂိုရှိရင်းစွဲရှိနေတဲ့ အမျိုးသမီးအပေါ် ကန့်သတ် ချင်တဲ့စိတ်ကြောင့်ဖြစ်ရတဲ့ စိတ်ပိုင်းဆိုင်ရာ အနိုင်ကျင့်မှုကိုရေးတာ။ စိတ်ပိုင်းဆိုင်ရာအနိုင်ကျင့်မှု ကြောင့်လည်း လင်မယားတွေ ကွဲနိုင်တယ်ဆိုတာ “အရောင်ဆွံ့လိပ်ပြာ” မှာရေးဖြစ်တာပါ။
မေး။    ။ စာရေးဆရာမတယောက်အနေနဲ့ ကမ္ဘာ့စာပေနဲ့ထိတွေ့ဖို့စာများများဖတ်ဖို့ လိုမယ်ထင်ပါတယ်။ ဆရာမ ဆွေးနွေးပေးပါဦး။
ဖြေ။    ။  စာရေးဆရာဆိုတာ အမြဲတမ်းဘာစာကိုမဆို ဖတ်ရမှာပဲ၊ အနည်းဆုံးတော့ ကိုယ်နဲ့ လမ်းကြောင်း တူတဲ့ စာမျိုးကို  ဖတ်ရမယ်။ အစ်မက ရိုမန်တစ်ဇင်ဘက်ကို အားသန်တော့ အမေရိကန် စာရေးဆရာမ တွေး တာ ဖတ်ဖြစ်တာများတယ်။ ဒါပေမယ့် သိပ်စွဲလမ်းတာမျိုးတော့ မရှိဘူး။ အင်္ဂလိပ်စာကို လေ့လာတဲ့ အနေနဲ့ လည်း ဖတ်တယ်။
မေး။    ။ “ကျမနဲ့ မြန်မာစာ” ကိုဖတ်ရတော့ စဉ်းစားမိတာလေးရှိလာတယ်။ မြန်မာစာမှာ မမှားသင့်တဲ့ အမှား တွေကို စာရေးဆရာတွေ၊ သတင်းဌာနတွေကအစ မှားနေတာပေါ့နော်၊ အဲ့ဒီအပေါ် မြန်မာစာသင်နေတဲ့ ဆရာမ တယောက်အနေနဲ့ရော စာရေးဆရာမတယောက်အနေနဲ့ရော ဆရာမသဘောထားက ဘယ်လိုရှိလဲ။
ဖြေ။    ။ အဓိက က မလေ့လာနိုင်ကြတာ၊ မြန်မာစာအဖွဲ့က လူတွေဖတ်ချင်အောင်ကာတွန်းလေးတွေနဲ့ ထုတ် ထား တာတောင်ရှိတယ်၊ စိတ်ရှိရင် မှတ်မိဖို့လည်းလွယ်တယ်၊  Positive ဆို “ပဲ” Negative ဆို “ဘဲ” ပေါ့ ပဲနဲ့ ဘဲကိုသုံးတာပြောပါတယ်။ ဒီထက်ပိုဆိုတာ ရှိသေးတယ် “သူကဘာပြောလိုက်သလဲ”၊ နောက်ပစ်နဲ့ “လဲ”ရမှာ ကို “လည်း”တယ်။ “လည်း” က  Also လေ။ လွယ်လွယ်လေးတွေကိုတော့ မမှားသင့်ပါဘူး။
မေး။    ။ အခုလက်ရှိမြန်မာစာပေရဲ့အနေအထားကို ဆရာမဘယ်လိုသုံးသပ်မိလဲ။ နောက်ပြီး မြန်မာစာပေ ဒီထက် ဖွံ့ဖြိုးလာဖို့၊ ရသစာပေဖွံ့ဖြိုးလာဖို့၊ လူတွေစာဖတ်လာဖို့ ဘာတွေလုပ်သင့်တယ်လို့ မြင်မိလဲ။
ဖြေ။    ။ လူတွေရဲ့ စား၊ ၀တ်၊ နေရေး ချောချောမွေ့မွေ့ဖြစ်မှ ရသစာပေဘက်လှည့်မယ်။ ရသစာပေရှိတာ၊ မရှိ တာက သိပ်ကွာတယ်။ ရသစာပေကိုမသိတဲ့သူက ယဉ်ကျေးမှုကို မသိဘူး၊ မခံစားနိုင်ဘူး၊ “ရသစာပေ ဆိုတာ ယဉ်ကျေးမှုကို ထိန်းကျောင်းတယ်လေ”။ ရသစာပေထိုးကျသွားတာနဲ့ ရာဇ၀တ်မှုတွေ ထူပြောလာ တာနဲ့လည်း ဆက်စပ်နေတယ်။ ဒီမှာ စာအုပ်တွေထုတ်ရင် စာမူခရတာလည်း နည်းတယ်။ ထုတ်ဝေသူ လည်း ရှုံးတယ်၊ ဘာဖြစ် လို့လဲဆိုတော့ အုပ်ရေနည်းလို့။
            အမေရိကန်မှာ စာရေးဆရာ တယောက်က စာရေးတာတခုတည်းနဲ့ ရပ်တည်လို့ရတယ်။ စာရေးဆရာတယောက် ရဲ့ စာအုပ်ထွက်လာရင် စာကြည့် တိုက်တွေ မ၀ယ်မနေရ၀ယ်ရတယ်၊ အမေရိကန် ရဲ့ ပြည်နယ် ၅၀ မှာ စာကြည့်တိုက် ပေါင်း အနည်းဆုံး တသောင်းခွဲရှိတယ်။ ကျောင်းတွေမပါသေးဘူးနော်၊ စာအုပ်တအုပ်ထွက်လို့ စာကြည့်တိုက်မှာ အဲ့ဒီ စာအုပ် မရှိရင် ဂုဏ်သိက္ခာမရှိဘူးဆိုပြီး ရှက်တယ်၊ ရပ်ကွက်တိုင်းမှာ စာကြည့်တိုက်တွေရှိ တယ်။ ကျောင်းတွေမှာ Reading အချိန်ပါလို့ကလေးတိုင်း တစ်နှစ် မှာ စာအုပ် ၇ အုပ်ကနေ ၁၀ အုပ်အထိ ဖတ်ရ တယ်၊ အဲ့ဒီစာအုပ်တွေဖတ်ပြီးရင် Presentation တွေ လုပ်ရတယ်။ Presentation  ကို နားထောင်ပြီး ရင် မေးခွန်းတွေ ထုတ်ရတယ်။ အမေရိကားမှာ မေးခွန်း မထုတ်နိုင်တဲ့ ကလေးဟာ သိပ်ရှက်စရာကောင်း တယ်။ 
           နွေရာသီကျောင်းပိတ်ရက်မှာ ကလေးတယောက်ဟာ အနည်းဆုံးစာအုပ် ၇ အုပ်ကနေ ၁၀ အုပ် အထိဖတ်ပြီး သားဖြစ်ရမယ်။ ကိုယ်ကြိုက်တဲ့စာအုပ်ဖတ်လို့ရတယ်။ အဲ့ဒီစာအုပ်တွေအားလုံးကို အကျဉ်း ချုံးရေးရတယ်။ ပြီးရင်း Reading အချိန်မှာ Presentation လုပ်ရတယ်။ ကိုယ်ဖတ်တဲ့စာအုပ်တွေရဲ့ List ကို ဆရာတွေဆီ တင်ရ တယ်။ အဲ့ဒီတော့ သူတို့ဆီမှာရသစာပေထွန်းကားတာပေါ့။
           မြန်မာပြည်မှာ ရသစာပေထွန်းကားချင်ရင်၊ ကလေးတွေကိုဆင်ခြင်တုံတရားရှိစေချင်ရင် ကျောင်း ပညာရေး ထဲမှာ ရသစာပေဖတ်တဲ့အချိန်ထည့်ကိုထည့်ရမယ်၊ အဲ့ဒီအတွက် ပညာရေးဝန်ကြီးကပဲ ဖြစ်ဖြစ်၊ အစိုးရက ပဲဖြစ်ဖြစ် တာဝန်ယူပြီးလုပ်ကိုလုပ်ရမယ်။ အဲ့ဒါကို အခုကတည်းက ကျွဲကူးရေပါတပါတည်း လုပ်သွားရမယ်။ စီးပွားရေးတွေ၊ နိုင်ငံရေးတွေလုပ်မယ်၊ ဒီ ဥစ္စာနောက်မှလုပ်မယ်လို့ မရဘူး၊ အားလုံး တပြိုင် တည်း လုပ်သွား ရမယ် လို့ ထင်ပါတယ်။