Oct 31, 2007

ဖြန့်ဝေခြင်း(၅၇)

ဒီတလော ဘာစာမှမရေးနိုင်။ ဘလော့တွေ လည်ဖတ်။ ဖတ်နေကျ ပြည်တွင်းက ဘလော့တွေဆီ လွမ်းဆွတ်။ ဒါနဲ့ပဲ ကျမမောင်လေး သစ်ကောင်းအိမ်က သူကဗျာရေးပြီးတိုင်း ပို့ပေးနေကျမှာ သူ့ကဗျာတွေပဲ ကြိုက်ကြိုက်ပြီး တင်ပေးချင်နေခဲ့ပါတယ်။ သူကတော့ ဒီတလောမှာ ကဗျာတွေအများကြီး ရေးချင်နေပြီ အမရေ..တဲ့။ ကျမလည်း စာတော့ ပြန်ရေးချင်လာနေပါပြီ။ ကျမတို့ ဘ၀တွေထဲ ဝေးဝေးနေရတဲ့ လွမ်းဆွတ်ရမှုတွေ အကြောင်း ပေါ့။

စိန်ပန်းပွင့်ချိန်မှ သင်္ကန်းပွင့်ချိန် ညီမလေး

ဇီဝဇိုးငှက်တကောင်ရဲ့ အန်ဖတ်လို
မေတ္တာတရားမှာလည်း
သွေးစသွေးစနတွေနဲ့
သမိုင်းပျို့တယ်

သင်္ကန်းကို မီးလောင်လို့
ခွေးတွေက တခေတ်လုံးဟောင်တယ်

ဟောင်ဖွာ ဟောင်ဖွာတွေနဲ့
မီးမညှိလေနဲ့ ညီမလေး

ရတာခဲထားကြတာလည်း
ရခဲခြင်းပါပဲ

နောက်ကျောက ဓားနဲ့
ကျောခိုင်းရပ်ခဲ့တယ်

အနီးကြီးနီးဖို့
အဝေးကြီး အဝေးကြီးဝေးခဲ့တယ် ။ ။

သစ်ကောင်းအိမ်
(၃၀၊ ၁၀၊ ၂၀၀၇)

ဖြန့်ဝေခြင်း(၅၆)

(ဒီက ယူပါတယ်)
သေစာရှင်စာ
နိုင်ငံကူးလက်မှတ် မရှိဘူး
ဘ၀ကူးလက်မှတ်တော့ ရှိတယ်
နေ့ကိုစွဲသေပြီး နေ့စွဲဖြစ်ခဲ့
နေ့စွဲလေးတစွဲပါပဲ


သီတင်းကျွတ် လပြည့်ညကောင်းကင်မှာ
မီးပုံးပျံတွေမြင်မှ
ဘယ်တုံးကမှ မှိုင်းမ၀ဘူးတဲ့
ကိုယ်နှလုံးသားကိုလည်း သတိတရနဲ့

ပီကာဆိုလွှတ်လိုက်တဲ့ ချိုးငှက်

ပီကာဆိုလက်ထဲ ပြန်မရောက်နိုင်ခဲ့

တရား...တရားဆိုလား

ဘုရား...ဘုရားဆိုလား
မျှပြီးတကြရ

ကြားဖူးတယ်..

ကြားဖူးတယ်
တရားဆိုတာ

မျှတမှုပဲဆိုလား
ကြားဖူးတယ်
ငါ့ ဘောပင်လေးကိုတော့ ခွေးစာမကျွေးနိုင်ပါ


ဟဲလို.....

၃၁ဘုံခင်ဗျား

ရမ္မက်ကြီးလွန်းလို့

အရင်းအတိုင်း ထိုင်မြည်းနေတာ။ ။


သစ်ကောင်းအိမ်

(၂၅၊ ၁၀၊ ၂၀၀၇)

Oct 29, 2007

ဖြန့်ဝေခြင်း(၅၅)

ငွေကြာယံ

သရဏဂုံကို
သရဏဂုံ ပြန်တင်နေရတဲ့ခေတ်

ဒေါင်းသင်္ဃန်းတွေနဲ့
သူပုန်အလံကို ဥုံခံကာလွှင့်ကြ

အစွယ်ဖွေးဖွေး
စစ်ခွေးအုပ်ကြား
အောင်ခြင်းကိုးပါး မြတ်တရားနဲ့
ဗုဒ္ဓပွင့်တော်မူခဲ့ပြီ ။


သစ်ကောင်းအိမ်
( ၂၅ – ၁၀ – ၂၀၀၇ )



Oct 25, 2007

ဖြန့်ဝေခြင်း(၅၄)

စစ်အစိုးရကို စီးပွားရေးအရ ဆန္ဒပြနိုင်တဲ့ နည်းလမ်းကောင်းလေးတခု (ထီမထိုးကြပါနဲ့)

"အောင်ပါလေ” ကို “ရှုံးပါလေ” လုပ်ကြပါစို့။
စစ်အစိုးရကို စီးပွားရေးအရ ဆန္ဒပြနိုင်တဲ့ နည်းလမ်းကောင်းလေးတခုပါ။ အန္တရာယ်မများသလို၊ လူတိုင်းလည်း လိုက်ပါ ဆောင်ရွက်နိုင်တဲ့ နည်းလမ်းကလေးတခုဖြစ်ပါတယ်။

လွယ်လွယ်လေးပါ။ လူတွေက အစိုးရရောင်းတဲ့ “အောင်ပါလေထီ” တွေကို မ၀ယ်ကြဖို့ပါပဲ။

ဘာဖြစ်လို့ ထီမထိုးကြဖို့ လိုအပ်သလဲ။ ဘာဖြစ်လို့ အစိုးရထီ မ၀ယ်ရမှာလဲ။



၁။ ထီဆိုတာက လောင်းကစားတမျိုးပါ။ ထီဆိုတာမျိုးက ပေါက်ဖို့အခွင့်အလမ်း အလွန်နည်းပြီး၊ ဒိုင်ကိုင်တဲ့သူဖက်က အမြဲတစေ မြတ်ပါတယ်။ ရောင်းရငွေရဲ့ ရာခိုင်နှုန်းတချို့ကိုသာ ပြန်ထုတ်ပေးတာ ဖြစ်ပါတယ်။ အဲသည်ထဲက ၀င်ငွေ တွေက အစိုးရရဲ့ အိပ်ကပ်ထဲ၊ ဘဏ္ဍာငွေထဲကို ရောက်သွားလို့ပါပဲ။ စေတနာရှိလွန်းလို့ ဆုကြေးတွေ မြှင့်ပေးတယ် မထင်ပါနဲ့။

အနောက်နိုင်ငံတွေမှာ ထီထိုးမယ်ဆိုရင် "Responsibly Play" (ကစားပေမယ့် ကိုယ့်တာဝန်ကိုသိပါ) ဆိုတာမျိုး သတိပေး ထားတာ ရှိပါတယ်။ ထီထိုးဖို့ မိမိဘာသာ ထိန်းချုပ်လိုက်တာဟာ ကိုယ်ကျင့်တရားအရလည်း ကောင်းမွန်တဲ့ စိတ်ဓါတ် ဖြစ်ပါတယ်။

၂။ ကျနော်တို့က နိုင်ငံခြားတိုင်းပြည်တွေမှာ စစ်အစိုးရအိပ်ကပ်ထဲ ငွေမ၀င်ရလေအောင် စီးပွားရေးအရ ကန့်သတ်ချုပ်ချယ်မှုတွေ လုပ်ဖို့ တောင်းဆိုနေတာ ရှိပါတယ်။ ဒီကိစ္စကတော့ အစိုးရထံ ငွေမ၀င်ရလေအောင် ကျနော်တို့ ဘာသာ ဆောင်ရွက်နိုင်တဲ့ ကိစ္စပါ။ နိုင်ငံခြားကိုလည်း အားမကိုးဘဲ ဆောင်ရွက်နိုင်ပါတယ်။

ကိုးကားလို့ရတဲ့ သတင်းတပုဒ်အရ ၂၀၀၅ ခုနှစ်၊ စတ်တင်ဘာလ စာရင်းတွေအရ မြန်မာနိုင်ငံမှာ အစိုးရထီတစောင်ကို ကျပ် (၁၀၀) ပေးရပြီး၊ ဆုကြီးတွေက ကျပ်သန်း (၃၀) ကနေ သန်း (၅၀) အထိ ရနိုင်ပါတယ်။ မက်စရာပါပဲ။ လစဉ် ရောင်းရတဲ့ ထီက စောင်ရေ ၃၂-သန်းခန့်ရှိတယ်လို့ ဆိုပါတယ်။ ၂၀၀၅ ခုနှစ်မှာ ဆုကြေး ပိုပေးလာလို့ စစ်အစိုးရက ထီစောင်ရေ နောက်ထပ် ၂၁-သန်း ရိုက်နှိပ်ရောင်းချရမယ်လို့ တွက်ထားပါတယ်။ ဆိုပါစို့- ရောင်းရနိုင်တဲ့ ထီအစောင်ရေက ၅၃- သန်း ရှိလာနိုင်ပါတယ်။ တစောင်ကို ၁၀၀ ကျပ်နဲ့ မြှောက်လိုက်တဲ့အခါ အစိုးရအတွက် ကျပ်သန်း ၅၃၀ ရလာပါလိမ့်မယ်။

အဲဒီအထဲက စစ်အစိုးရက ၄၀% ကို အခွန်အနေနဲ့ ကောက်ယူလို့ရရှိပါတယ်။ အဲသည်တော့ လစဉ် အခွန်ငွေ ကျပ် ၂၁၂ သန်း၊ (နှစ်စဉ်တွက်ရင် ကျပ် ၂၅၄၄ သန်း) ၀င်ငွေ ရစေမယ့် ကိစ္စပါ။ ဒီငွေတွေနဲ့ ပြည်သူလူထုကို ဖိနှိပ်ညှဉ်းပမ်းနေတာ ဖြစ်ပါတယ်။
(အကိုးအကား။ AFP: Myanmar's lottery dreams twice as pricey: report , Thu 22 Sep 2005)


၃။ ဒီမိုကရေစီဆိုတာ ရွေးချယ်နိုင်တဲ့ အခြေအနေ များများ ရှိခြင်းပါပဲ။ တခုမကြိုက်ရင် တခုရွေးခွင့်ရှိနေပါတယ်။ ဒီထီကို ထိုးမှ မဟုတ်။ မနေနိုင်လွန်းရင်တောင် တရားမ၀င်ချဲထီ ထိုးနိုင်သလို၊ မြန်မာနိုင်ငံမှာ ဘောလုံးပွဲ လောင်းနေတာလည်း အများပါ။ အားပေးလိုခြင်း မဟုတ်ပေမယ့်၊ ထီမထိုးရ မနေနိုင်သူတွေအတွက် အခြားနေရာလေးတွေ ရှိကြောင်း လက်တို့ တာပါ။

ဘယ်လို ဆန့်ကျင်ကြမလဲ။
- တာဝန်သိသိဖြင့် ထီမထိုးပါနဲ့။
- မနေနိုင်ရင် အစိုးရဆီတိုက်ရိုက် မရောက်စေမယ့် ထီထိုးပါ။
- မိတ်ဆွေများကို အစိုးရထီ မထိုးရန် တိုက်တွန်းပါ။
- ထီရောင်းချနေသည့် ဆိုင်များကို တိုက်တွန်းပါ။
- ထီအရောင်းမြှင့်တင်ရေး လုပ်ပေးနေကြသည့် ရုပ်ရှင် မင်းသား၊ မင်းသမီး၊ ဖက်ရှယ်မယ်များကို တိုက်တွန်းပါ။

စစ်အစိုးရ ကျဆုံးရပါလိမ့်မည်။ အောင်ပါလေလည်း ရှုံးပါလေ ဖြစ်တော့မည်။

(ရွက်မွန် ကနေယူပါတယ်)


Oct 21, 2007

ဖြန့်ဝေခြင်း(၅၃)


"သီတင်းကျွတ် တန်ဆောင်တိုင် မီးထွန်းပွဲမှာ မီးပုံးပျံလေးတွေ လွှတ်ကြရင်း ပြည်သူ့ဆန္ဒဖော်ထုတ်ကြရအောင်"

လတ်တလောတွင် ဖြစ်ပွားခဲ့သော သာသနာ့ အာဇာနည်၊ ကျောင်းသား အာဇာနည်များ၏ ဆန္ဒပြပွဲများကြောင့် ကျွန်တော်တို့နိုင်ငံရဲ့ ဒီမိုကရေစီအရေး လှုပ်ရှားမှုများကို ကမ္ဘာက သိရှိကာ အကူအညီများလည်း ပေးလာ ကြပြီဖြစ်ပါတယ်။ ဒါဟာ ကျွန်တော်တို့အတွက် ကြီးမားတဲ့ အောင်မြင်မှုပါ။ စစ်အစိုးရ လက်အောက်က လွတ်မြောက်ဖို့ရာ အရေးပါတဲ့ ခြေလှမ်းတွေပါ။ ဒါပေမဲ့ ကျွန်တော်တို့ရဲ့ ဒီခြေလှမ်းတွေကို ရပ်လိုက်လို့ မဖြစ်ပါ ဘူး။ စစ်မှန်တဲ့ လူ ထုလှုပ်ရှားမူများနဲ့ ဆက်လက်၍ လျှောက်လှမ်းသွားရမှာ ဖြစ်ပါတယ်။

ဒီအတွက် စစ်အစိုးရရဲ့ ဖိနှိပ်မူတွေကြားထဲက လူထုပါဝင် လှုပ်ရှားနိုင်မယ့် နည်းလမ်းများ ရှာကြံတဲ့အခါမှာ တခု သတိထားမိတာက သီတင်းကျွတ် တန်ဆောင်တိုင် မီးထွန်းပွဲတွေမှာ မီးပုံးပျံလွှတ်ကြတာကို သွားသတိရမိပါ တယ်။ ဒီတော့ ဒီနှစ် မီးထွန်းပွဲမှာ ကျွန်တော်တို့ ပြည်သူ့ဆန္ဒမှန်တွေပါတဲ့ မီးပုံးပျံလေးတွေ လွှတ်ကြရင် မ ကောင်းဘူးလား။ သာသနာ့ အာဇာနည်တွေကို ကိုယ်စားပြုတဲ့ သာသနာ့အလံပါတဲ့ မီးပုံးပျံ အနီလေးတွေ၊ ကျောင်းသား အာဇာနည်တွေကို ကိုယ်စားပြုတဲ့ ခွပ်ဒေါင်းပုံပါတဲ့ မီးပုံးပျံ အနီလေးတွေ၊ ပြည်သူ့တွေရဲဆန္ဒမှန် "Free Burma" ဆိုတဲ့ စာတန်းပါတဲ့ မီးပုံးပျံ အနီလေးတွေ၊ ကျဆုံးသွားတဲ့ သာသနာ့ အာဇာနည် ကျောင်းသား အာဇာနည်တွေကို ကိုယ်စားပြုတဲ့ မီးပုံးပျံ အနီလေးတွေကို ကောင်းကင်ထက်စီ လွှတ်တင်ကြရအောင်လားဗျာ။

မီးပုံးပျံလေးတွေ ကောင်းကင်ယံဆီ ပျံဝဲသွားပြီဆိုတာနဲ့ ဒီ နအဖတွေ၊ ကပ်ဖားရပ်ဖားကောင်တွေ ငုတ်တုတ် ထိုင် ကြည့်ရုံမှတပါး ဘာမှမလုပ်နိုင်ပါဘူး။ ၀ါးရင်းတုတ်နဲ့လည်း လိုက်ရိုက်လို့မရ၊ အဲသေနတ်တွေနဲ့ လိုက်ပစ်ချရင်တော့ မပြောတတ်ဘူးပေါ့ဗျာ။ လူတစ်စုကို လိမ်ညာလို့ရချင်ရမယ်၊ လူထုကိုတော့ လိမ်ညာလို့ မရကြောင်း သက်သေပြလိုက်ကြပါစို့။ စစ်မှန်တဲ့ ပြည်သူ့ဆန္ဒတွေ ထက်ကောင်းကင် ဘ၀ဂ်ထိတိုင် သိနိုင်ကြပါ စေလို့…..

မြန်မာကျောင်းသူ/သားများ


New Opportunity to Show People's Desire

Coming Lighting Festival, and Tazaungdine Festival we can show People's Desire by releasing Hot Balloon with attachment.
People's Desire
• We favour stability
• We favour peace
• We oppose spdc's violence
We encourage to participate everyone who loves the truth! in this festival.
Win your fear with the truth!
Show your desire over the sky!
Now Lighting Festival and Tazaungdine Festival are very close.
I'm thinking of how to show our desire to the Junta. Ok what we can do is releasing Hot Air Balloon (Mie Pone Pyan) to air, with Sar Sa Na flag, NLD logo, "Free Burma" letter or even Red ballon can show our desire. Once the balloon is up to the air it's very hard to take it down. Means our desires are up in the sky and not easily crack down by gun. Let the key full with people desire in ThaDinKyut Night.
Pls spread the idea to other, hope our country will free soon.

myanmar students

Oct 20, 2007

ဖြန့်ဝေခြင်း(၅၂)

ခုတလော ဘာစာမှ မရေးနိုင်ဘဲ ရှိတုန်း ဖြန့်ဝေချင်တဲ့ ကောင်းနိုးရာရာလေးတွေပဲ တင်နေရပါတယ်။ ခုလည်း ကိုနစ်နေမင်း ဘလော့က ပို့စ်လေးတခု သဘောကျတာနဲ့ ယူတင်လိုက်ပါတယ်။

သေပြီတော်

နအဖရဲ့ ၀ါဒဖြန့်ချိရေး သတင်းစာ(သတင်းညာ)တွေ အင်တာနက်ဝက်ဆိုဒ်တွေမှာ ဖြစ်ချင်တိုင်း ဖြစ်နေတာကို မကြာခဏဆိုသလို တွေ့နေရပါရဲ့ဗျာ။

ပထမဦးဆုံးကတော့ သတင်းစာပါ နအဖဗိုလ်ချုပ်ကြီးများရဲ့ ဓါတ်ပုံတွေရဲ့ နောက်မှာ “ကမ္ဘာကျော် လူလိမ်ကြီးများ” ဆိုပြီး ရေစာနဲ့ပါလာတုန်းကတည်းက စလို့ အင်မတန် မှန်ကန်သော ရေးသားမှု ဖြစ်ကြောင်း မြန်မာပြည်သူများက အုတ်အော်သောင်းတင်း ဖြစ်ရလောက်အောင် ၀ိုင်းဝန်း ထောက်ခံခဲ့ကြလေရဲ့ ။

ဒုတိယတစ်ကြိမ်ကတော့ အင်္ဂလိပ်လိုထုတ်တဲ့ မြန်မာ့အလင်းသတင်းစာထဲမှာ “killer Than Shwe” နဲ့  “Freedom” စကားလုံးကို ခရီးသွားကြော်ငြာပုံစံနဲ့ ထည့်သွင်းခဲ့လို့ ပါ။

မကြာခင်ရက်ကလည်း ပြည်ပရောက် မျိုးချစ်မြန်မာပြည်သူတွေရဲ့ ဆန္ဒပြပွဲမှာ “Support The Monks, Free Burmaဆိုတဲ့ စာရွက်ကပ်ထားတာပါတဲ့ ဓါတ်ပုံကို အီရတ်စစ်ဆန့်ကျင်ရေး ဆန္ဒပြပွဲဆိုပြီး နအဖ သတင်းစာ ထဲမှာ ပါလာတာလည်း တကမ္ဘာလုံးက ပြည်သူတွေပါ ထင်ထင်ရှားရှားကြီး တွေ့ မြင်ကြရလေရဲ့။

အခုလည်း ကြည့်ပါဦး။ ဒီတစ်ခါကတော့ ဗေဒင်လက္ခဏာအဟောအပြောတွေ သိပ်ယုံတတ်တဲ့ နအဖတို့ အတွက် ရှေ့ပြေးနိမိတ်ဘဲ။ မြန်မာပြည်သူများသာမက တစ်ကမ္ဘာလုံးက ပြည်သူတွေရဲ့ အမုန်းပွားတာ ခံနေရတဲ့ နအဖဗိုလ်ချုပ်များ မကြာခင်မှာ ဇီဝိန်ချုပ်တော့မယ့် အလားအလာ ပြနေတာ။ ရဟန်းတော်တွေကို ပြစ်မှားခဲ့တဲ့ ကံကြီးထိုက်တော့မယ့် အခြေအနေလို့လည်း ပြောရနိုင်တယ်။ ရဟန်းတော်တွေကို စော်ကားခဲ့လို့ မိုးကြိုးပစ်ခံရပြီး သေသွားခဲ့တဲ့ ကြံ့ဖွတ်အတွင်းရေးမှူး အဖြစ်အပျက်ကလည်း သက်သေပြခဲ့လေရဲ့။ အမျိုးသား ညီလာခံကြီးကျင်းပနေတဲ့ အဆောက်အဦးရဲ့ မီးဖိုချောင်ကို မိုးကြိုးပစ်ခံခဲ့ရတာလည်း မှတ်မိကြမှာပေါ့။

ခု နိမိတ်ကြီးကတော့ “သေပြီတော်” တဲ့။ နအဖရဲ့ ၀ါဒဖြန့်ချိရေး အင်တာနက်ဝက်ဆိုဒ်ဖြစ်တဲ့ www.myanmar.com (http://www.myanmar.com/newspaper/nlm/index.html) မှာ (၁၈) ရက်နေ့ ထုတ် မြန်မာ့အလင်းသတင်းစာ (အင်္ဂလိပ်စာ) မှာပါတဲ့ အခြေခံဥပဒေရေးဆွဲရေးကော်မီတီ ဖွဲ့စည်းကြောင်း ကြေညာချက်ကို ရေးတင်ထားတာ “နေပြည်တော်” အစား “သေပြည်တော်”(တရုတ်သံလေးနဲ့ဖတ်ရင်)လို့ ရေးထားတာပါ။ ကြည့်ကြည့်ကြပါဦး။ အင်းးး... နအဖရဲ့ ဘ၀ရှေ့ရေးကတော့ လားလားမှ မကောင်း ...


ဖြန့်ဝေခြင်း(၅၁)




Oct 19, 2007

မွေးနေ့ဆုတောင်း

ဒီကနေ့ (အောက်တိုဘာလ ၁၈ ရက်)ဟာ ကျမတို့ မြန်မာနိုင်ငံ... ဒီမိုကရေစီရေးတိုက်ပွဲ သမိုင်းရဲ့ ဦးဆောင် သူရဲကောင်းတွေထဲမှာ တယောက်အပါအ၀င်ဖြစ်တဲ့ ကိုမင်းကိုနိုင်ရဲ့ ၄၅နှစ်မြောက် မွေးနေ့ပါ။

ကိုယ်ပိုင်ဘ၀ကို နိုင်ငံအတွက် ပေးဆပ်ထားတဲ့၊ နိုင်ငံလွတ်မြောက်ရေး အတွက် တစိုက်မတ်မတ် ကြိုးပမ်းနေတဲ့၊ စဉ်းစားနေတဲ့ ကိုမင်းကိုနိုင်.. ဒီကနေ့မှာကျရောက်တဲ့ ၄၅နှစ်မြောက်မွေးနေ့က စလို့ ရှေ့ဘ၀ခရီး တလျှောက်မှာ အန္တရာယ်ခပ်သိမ်း ဘေးရန်ခပ်သိမ်းမှ ကင်းလွတ်ငြိမ်းပြီး၊ သူလိုချင်တဲ့.. လွတ်လပ်တဲ့.. ငြိမ်းချမ်းသာယာတဲ့.. မြန်မာနိုင်ငံကို အမြန်ဆုံး မြင်တွေ့ရပါစေ…. လို့ မွေးနေ့အထိမ်းအမှတ်အဖြစ် ဆုတောင်းပေးလိုက်ပါတယ်...

မေငြိမ်း


Oct 18, 2007

ဖြန့်ဝေခြင်း(၅၀)

အီမေလ်ထဲက ရတဲ့ စာလေးတစောင်ကို တင်ပေးလိုက်ပါတယ်။
မူရင်းက pdf နဲ့ လာတာကို ဓါတ်ပုံအဖြစ်ပြောင်းလိုက်ပါတယ်။
စာရေးသူနာမည်မပါပေမဲ့ စာရေးသူရဲ့ စေတနာနဲ့ ခံစားချက်က
ပေါ်လွင်လှတာမို့ မျှဝေခံစားကြဖို့ ရည်ရွယ်ပါတယ်။


Oct 17, 2007

ဖြန့်ဝေခြင်း(၄၉)

ပြည်သူ့တာဝန် (၉)ရပ်

၁။ ငါတို့သည် နအဖ နှင့် အဆက်အနွယ်များကို အားပေးသော အလုပ်မှန်သမျှကို ရှောင်ရှားမည်။
၂။ ငါတို့သည် နအဖ အတွက် အလုပ်ကို ဆိုးဆိုးရွားရွားလုပ်ပေးမည်။ ဖြည်းလေးစွာ လုပ်ပေးမည်။
၃။ ငါတို့သည် နအဖ အရေးပါသော စက်ကိရိယာများ၊ စက်ယန္တရားများကို ဖျက်ဆီးပစ်ရမည်။
၎။ ငါတို့သည် နအဖအတွက် အကျိုးရှိနိုင်မည့် အရာမှန်သမျှကို ဖျက်ဆီးပစ်ရမည်။
၅။ ငါတို့သည် နအဖ ထုတ်ဝေသော ရုပ်မြင်သံကြားသတင်း၊ ရုပ်ရှင်၊ ဗီဒီယို၊ စာစောင်များကို သပိတ်မှောက် ရမည်။
၆။ ငါတို့သည် နအဖ နှင့် အဆက်အနွယ်များပိုင် ဆိုင်များတွင်ဈေးမ၀ယ်တော့ပါ။ နအဖ နှင့် အဆက်အနွယ်များ ပိုင် ကုန်ပစ္စည်းအမျိုးမျိုးကို မစားသုံးတော့ပါ။
၇။ ငါတို့သည် နအဖ တို့၏ ဆက်သွယ်ရေး၊ နအဖ၏ အင်ထရာနက် ကွန်ယက်များ၊ သယ်ယူပို့ဆောင်ရေးများ အားလုံးကို နှောင့်နှေး ပိတ်ဆို့ အောင်ပြုလုပ်မည်။
၈။ ငါတို့သည် နအဖ နှင့် အဆက်အနွယ်များအား သူတို့နှင့်ထိုက်တန်သည့်အတိုင်း ဆက်ဆံရမည်။ အရေးတယူ မဆက်ဆံတော့ပါ။ ရှောင်ကျဉ်ရေးမူကို လုပ်ဆောင်မည်။
၉။ ငါတို့သည် ရဟန်းတော်များ၊ ကျောင်းသားခေါင်းဆောင်များ၊ ပြည်သူများကို နအဖတို့ မတရား ဖမ်းဆီး ချုပ်နှောင်ခြင်း မခံရအောင် အတတ်နိုင်ဆုံး ကာကွယ်ကြမည်။ လွတ်မြောက်အောင် ကြံဆောင်ပေးကြမည်။ ကျန်ရစ်သော ဘုန်းတော်ကြီးကျောင်းများ၊ ကျန်ရစ်သူမိသားစုများ စားဝတ်နေရေး၊ ပညာရေးများကို လူအား ငွေအား စသည့် နည်းလမ်းပေါင်းစုံဖြင့် ထောက်ပံ့ ကူညီစောင့်ရှောက်ကြမည်။

(Niknayman)

Oct 14, 2007

ဖြန့်ဝေခြင်း(၄၇)


တုံဏှိဘာဝေ နိုင်ငံမှာ
(In the quiet Land)

ဒီ တုံဏှိဘာဝေနိုင်ငံမှာ..
ဒင်းတို့ ရောင်းဝယ် ဖောက်ကားနိုင်တဲ့
လျို့ဝှက်ချက်တွေကို

တစုံတယောက်က
နားထောင်နေတယ်ဆိုတာ
ဘယ်သူမှ ပြောမပြနိုင်ဘူး။

သတင်းတွေကို
ဒီနိုင်ငံရဲ့ သွေးတွေနဲ့ ပေးချေ၊
အာဏာရှင်တွေရဲ့ အားနည်းချက်ကိုတောင်
ဘယ်သူမှ မပြောရဲကြဘူး။

ဒီတုံဏှိဘာဝေ မြန်မာနိုင်ငံမှာ
ဘယ်သူမှ မရယ်မောဝံ့ကြသလို
ကျယ်ကျယ်ပြန့်ပြန့်လည်း မတွေးဝံ့ကြဘူး။

ဒီ တုံဏှိဘာဝေ မြန်မာနိုင်ငံမှာ
ရယ်မောမှုတွေကို
လူအုပ်ကြီးရဲ့ ဆိတ်ငြိမ်မှုထဲမှာ
တွေ့မြင်နိုင်ကြပါရဲ့။

ဒီတုံဏှိဘာဝေနိုင်ငံမှာ
သူတို့ကို ခေါ်ဆောင်သွားမယ့်
စစ်သားတွေလာနေတာတောင်
ဘယ်သူတစ်ဦးတစ်ယောက်ကမျှ
ပြောမပြနိုင်ပေဘူး။

တရုတ်တွေက
လမ်းတွေကို လိုချင်တယ်....
ပြင်သစ်တွေကတော့
လောင်စာဆီကို လိုချင်တယ်..
ထိုင်းတွေက
သစ်တွေကို ယူတယ်...
နအဖ ကတော့
အမြတ်အစွန်းတွေကို
ယူတယ်လေ...။

ဒီ တုံဏှိဘာဝေနိုင်ငံမှာလေ..
ဟော့ဒီ တုံဏှိဘာဝေနိုင်ငံမှာလေ..
လူသတ်သမားတွေကြောင့်
တေမိဇာတ် ခင်းနေရတာ...
စိုးရိမ်မှုတွေ ဖုံးလွှမ်းနေတာကို
မကြားသိနိုင်ပေဘူး။

ဒါပေမဲ့
ဘယ်လိုပဲ အင်အားသုံးသုံး
လွပ်လပ်မှုအသံကိုတော့
လူညာတွေ လိမ်လို့ မရသလို
ဘယ်လိုအသံမျိုးနဲ့မှလည်း
မဖုံးလွှမ်းနိုင်ပေဘူး...။

(မြန်မာပြန်..ဖေသက်နီ)

ဖြန့်ဝေခြင်း(၄၆)




Oct 12, 2007

ဖြန့်ဝေခြင်း(၄၅)


ရွှေဝါရောင် ဥဒါန်း

သာသနာတော်တောင် သွေးစွန်းခဲ့ရ
ဟော့ဒီ ကာလဟက်တက်
ကီးထဲ
အလွ
မ်းကိုလည်း တကျွန်းပို့ထားရပေါ့
မောင့်ဂူစတီနာ

မီးသဂြိုလ်စက်တလုံးလို
ကိုယ့်ကိုယ်ကို လောင်က
ျွမ်းက
ပက်ပက်စက်လောင်က
ျွမ်းက

ဒါ နှင်းဆီရောင်အလှတရားလား..
စုန်းမအိုရဲ့ မြည်တွန်တောက်တီးသံတွေလား
..
ဒါမှမဟုတ် သွေးနံ့
ရတဲ့ ပင်လယ်လား..။

ငါတို့ ရေနန်းယာဉ်သာ သင်္ဘောကို မမျှော်နဲ့..
ငါတို့
ကောင်းဘွိုင်ကီး ဂျွန်ဝိန်းကို မမျှော်နဲ့..

ဝါးလုံးဆွေးနဲ့ အလံထောင်လို့
မိစ
္ဆာက ဟားတိုက်ရယ်နေရဲ့

ငါတို့ ဖိနပ်သာ ငါတိုသေနတ် ဖြစ်တယ်

သွေးကွေးဆိုတော့
ဆွေးနွေး
ဖို့ မရှိတော့ပါ

သစ်ကောင်းအိမ်
(
၁၁၊ ၁၀၊ ၀၇)

Oct 9, 2007

ဖြန့်ဝေခြင်း(၄၄)

ပြည်တွင်းနာ

မြန်မာပြည်သူများ အတော်များများတွင် စိတ်ဒဏ်ရာရသွားကြသည်။ အမာရွတ်ထင်စေနိုင်လောက် သည့် စိတ်အတွင်း ဒဏ်ရာမျိုး ဖြစ်သည်။ ၁၉၈၈ ခုနှစ် အစုအပြုံလိုက် လူသတ်ပွဲများ၏ ဒဏ်ရာဒဏ်ချက်များက သွေးမတိတ်သေး။ ၂၀၀၃ ခုနှစ် ဒီပဲယင်း အစုအပြုံလိုက် လူသတ်ပွဲများ၏ ဒဏ်ရာဒဏ်ချက်များက သွေးစိမ်းရှင်ရှင်။ နောက်ထပ် ဒဏ်ရာဒဏ်ချက်များ ရစေခဲ့ပြန်သည်။ ဤတကြိမ်တွင်တော့ အတော်ကုစားရန် ခက်ပါလိမ့်မည်။ အမျိုးသား ပြန်လည်ရင်ကြားစေ့ရေးတို့၊ ပြန်လည်သင့်မြတ်ရေးတို့ ပြောနေကြသော်လည်း ဤတကြိမ်တွင်တော့ အစစ်အမှန် ပြန်လည် ပေါင်းစည်းနိုင်ရန် အတော် အချိန်ယူကြရတော့မည် ဖြစ်သလို၊ ပျက်ပြားသွားပြီဖြစ်သော ယုံကြည်မှု တည်ဆောက်ရေးအတွက်လည်း နိုင်ငံတခု၊ လူမှုအဖွဲ့အစည်းတခုအနေဖြင့် အတော် ရုန်းကန်ကြိုးပမ်း ကြရပါဦးတော့မည်။

(Trauma) ဟု ဆေးပညာရပ်အားဖြင့် ခေါ်ဆိုကြသော စိတ်တွင်းနာ၊ သို့မဟုတ် စိတ်ဒဏ်ရာသည် လူတဦးချင်းအဖို့ပင် နှစ်ပေါင်းများစွာ ရင်ဆိုင်ရုန်းကန်ကြရသော ပြဿနာဖြစ်ပါသည်။ လူတဦး၏ စိတ်တွင်းဒဏ်ရာများ ကုသနိုင်ရေးအတွက် ပင် နှစ်ပေါင်းများစွာ အချိန်ပေးကြရသည်။ အချို့ပညာရှင်များက ၇-နှစ်မှ ၁၅-နှစ်တိုင်တိုင် အချိန်ယူကြရသည်ဟု ဆိုကြပါ သည်။ ကဗျာဆရာကြီးဦးတင်မိုးက သူ၏ကဗျာတပုဒ်တွင် မြန်မာပြည်၏အခြေအနေနှင့် ပတ်သက်၍ “ပြည်တွင်းနာ” ဟု သုံးနှုံးခဲ့ဖူးသည်ကို ကျနော် မှတ်မိနေပါသည်။ သူက ကပ်သဘော၊ အထွေထွေ အကျပ်အတည်းသဘောကို ပြောသည်ဖြစ် နိုင်ပါသည်။ ကျနော်၏ယူဆချက်ကတော့ ဤ“ပြည်တွင်းနာ” ဟူသော စကားလုံးတွင်ပင် စိတ်ခံစားချက်သဘောများလည်း ပါဝင်နေသယောင် ထင်မှတ်မိပါတော့သည်။ လူတဦးချင်း၏ စိတ်ဒဏ်ရာများ ပေါင်းစည်းမိသောအခါ၊ ကပ်ဘေးဒုက္ခ၊ အကျပ်အတည်းများ၊ စစ်ကြီးများ၊ အဖျက်အဆီး ဘေးဆိုးကြီးများ ကြုံတွေ့ရသောအခါ လူမှုအဖွဲ့အစည်းတခုလုံး စိတ် ဒဏ်ရာ ခံစားရ တတ်ပါသည်။ ကျနော်ကတော့ ၁၉၈၈၊ ၂၀၀၃ ဒီပဲယင်း၊ ၂၀၀၇ သံဃာများ၏ ကံဆောင်ပွဲဖြိုခွင်းနှိမ်နင်းမှု များသည် ကျနော်တို့ လူမှုအဖွဲ့ကြီးတခုလုံးအတွက် တခုအပေါ် တခုဆင့်၍ စိတ်ဒဏ်ရာများ အနာဖေး မတက်နိုင်ခင်၊ နောက်ထပ် နာကျဉ်စေပြန်ခဲ့ပြီဟု မြင်နေမိပါတော့သည်။

ဤသို့ စိတ်ဒဏ်ရာရစေလောက်အောင် ကြုံရသော အခြေအနေမျိုးတွင် ထိုသူတဦး၏ လုံခြုံမှုနှင့် ပတ်သက်သော ကျနော်တို့၏ ယုံကြည်ထားချက်ကို အခြေခံဖောင်ဒေးရှင်းမှ စ၍ ဆွဲလှုပ်ခံလိုက်ရပါ သည်။ တနည်းဆိုရသော် ယုံကြည် ထားသောအရာ ကိစ္စများလည်း ပြိုကွဲကြေမွသွားရပါတော့သည်။ ထို့အပြင် စိတ်ဒဏ်ရာရလျှင် လူအများသည် ဤဒဏ်ရာ ပြေပျောက်စေကြောင်းအတွက် နည်းလမ်း များစွာဖြင့် တုံ့ပြန်တတ်ကြပါ သည်။ ဥပမာအားဖြင့် -မိမိစိတ်တွင်း ခံစားချက်ကို ဖြေသိမ့်နိုင်ရေး အတွက် အရက်သောက် ထွက်ပေါက်ရှာကြခြင်းများ၊ အိမ်ပြန်လာသောအခါ မိန်းမရိုက်၍ အိမ်တွင်း အနိုင်ကျင့် နှိပ်စက်မှုများ၊ အခြားနည်းပေါင်းစုံဖြင့် လွဲမှား မူမမှန်စွာဖြေရှင်း ကြသည်များလည်း တွေ့ရတတ်ပါသည်။ ဤတုံ့ပြန်ပုံလုပ်ငန်းမျိုးကို Coping mechanism ဟု ခေါ်ကြပါသည်။

နိုင်ငံအများတွင်လည်း ဤသို့ လူမှုအဖွဲ့အစည်းကြီးတရပ်လုံး စိတ်ဒဏ်ရာရစေသော ဖြစ်ရပ်များ ကြုံခဲ့ကြရ ဖူးပါသည်။ ဥပမာ-အမေရိကန်ပြည်ထောင်စုဆိုလျှင် ပြည်တွင်းစစ်၏ သမိုင်းကြောင်းကို ပြော၍ မဆုံး သေးသကဲ့သို့၊ ဒုတိယကမ္ဘာစစ် ကို ကြုံခဲ့ရသော မျိုးဆက်များက ရန်-ငါ (အဖြူ သို့မဟုတ် အမဲ) စသည့် အတွေးများနှင့် စစ်အေးတိုက်ပွဲကို ဆက်ခဲ့ကြ ကြောင်းလည်း လေ့လာသူများက ဆိုကြပါသည်။ ထို့အပြင် စက်တင်ဘာ ၁၁ (September 11) သည် အမေရိကန် လူထု အများအတွက် စိတ်ဒဏ်ရာအကြီးအကျယ် ရစေခဲ့သော ကိစ္စပင် ဖြစ်သည်။ ဤစက်တင်ဘာ ၁၁ တိုက်ခိုက်မှုကြောင့် နောက်ဆက်တွဲ တုံ့ပြန်လာပုံ ဆိုးကျိုးများကို မိမိတို့တွေ့ကြုံ ခံစားနေကြရပြီ ဖြစ်ပါသည်။ အမေရိကန်လူထုများ၏ အစွန်း ရောက် မျိုးချစ်စိတ်ဓါတ်ကို ပိုမိုပြင်းထန်စေသကဲ့သို့ အခြားသော လူမှုအခွင့်အရေး၊ စစ်၊ ကမ္ဘာ့ဆက်ဆံရေး မျက်နှာစာများ တွင် များစွာ အကျိုးသက်ရောက်စေခဲ့ပါသည်။

အချို့ လူမှုအဖွဲ့အစည်းများတွင်လည်း စိတ်ဒဏ်ရာရစေသော ဖြစ်ရပ်များ ကြုံကြရဖူးပါသည်။ နာဇီများ ၏ အစုလိုက် အပြုံလိုက် ဂျူးများကို လက်စတုန်းသုတ်သင်မှုသည် လူမှုအဖွဲ့အစည်းတခုလုံးကို ထိခိုက်စေခဲ့ သကဲ့သို့၊ ပါလက်စတိုင်း ပြည်သူများ၏ နိုင်ငံမဲ့တွန်းပို့ခံရသောအခြေအနေ၊ ဒုက္ခသံသရာများကလည်း လူမှုအဖွဲ့အစည်းကို ၀ါးအစည်းပြေစေ သကဲ့သို့၊ တဖက်တွင်လည်း အစွန်းရောက် အယူအဆများ ထွက်ပေါ်လာစေပါသည်။ အကြမ်းဖက်မှုများအကြောင်း လေ့လာကြသူများက ထိုလူမှုအဖွဲ့အစည်း၏ ကောက်ယူမွေးစားထားသော စိတ်ဒဏ်ရာ (chosen trauma) များ အကြောင်းကိုလည်း အကျယ်တ၀င့် လေ့လာဖူးခဲ့ကြပါသည်။

ယခုတော့ ငြိမ်းချမ်းစွာ ဆန္ဒပြနေကြသော သံဃာများကို လမ်းမလယ်ခေါင် ရက်ရက်စက်စက် ပစ်ခတ် ချေမှုန်းနေပုံများကို မြင်တွေ့ခဲ့ကြရသည်။ ပြောရမည်ဆိုလျှင် ၂၀၀၇ စက်တင်ဘာလ သံဃာများနှင့် ဆန္ဒပြပြည်သူများကို ရက်ရက်စက်စက် ဖြိုခွဲချေမှုန်းမှုသည် မြန်မာနိုင်ငံ၏ စက်တင်ဘာ (၁၁) Burma September 11 ဟု တင်စားလျှင် မမှားနိုင်ပါ။ ထစ်ကနဲရှိ စစ်တပ်အားကိုး၊ လက်နက်အားကိုးဖြင့် ဖိနင်းချေမှုန်းလိုသည့် အာဏာရှင်များ၏ ဒေါသ၊ အမျက် မာန်မာနများကို မြင်တွေ့လိုက်ကြရသည်။ ထို့အပြင် တဖက်သတ်ပြောဆို ၀ါဒဖြန့်ချိနေမှုများကလည်း၊ ထပ်မံ စော်ကားသကဲ့သို့ ရှိနေစေသည်။ သံဃာများက ဆိုခဲ့သကဲ့သို့ မေတ္တာဓါတ်အားနည်းသည့် အပြုအမူများ၊ ရုန့်ရင်းကြမ်း တမ်းမှုများကလည်း ဆက်လက်သည်းညည်း မခံနိုင်စရာ။ လူအများ၏ ကိုးကွယ်ယုံကြည်မှု ဘာသာရေးအခြေခံကိုပါ ရိုက်ချိုးကြေမွစေသကဲ့သို့ ဖြစ်စေခဲ့သည်။

သမိုင်းအရလည်း စိတ်နာကျည်းစရာများက အကြိမ်ကြိမ်၊ ၁၉၆၂ ကျောင်းသားသမဂ္ဂ အဆောက်အဦးကို ဖြိုခဲ့သည်။ ဦးသန့်အရေးအခင်းတွင် သွေးချောင်းစီးခဲ့ရသလို၊ ၁၉၇၀ ခုနှစ် အလုပ် သမားဆန္ဒပြပွဲများ ကိုလည်း ပစ်ခတ်ချေမှုန်းခဲ့သည်။ ၁၉၈၈၊ ၂၀၀၃၊ ၂၀၀၇ သွေးချောင်းစီးရမှုများက မြန်မာ့လူ့အဖွဲ့အစည်း အတွက် မမေ့နိုင်စရာ အဖြစ်အပျက်များ ဖြစ်နေသည်။ ထိုထက်ပို၍ ဆိုးသည်မှာ ငြိမ်းချမ်းမှုကို လိုလားသည့်၊ ဗုဒ္ဓဘာသာထွန်းကား၊ အလေးအမြတ်ထားသည့် လူမှုအဖွဲ့အစည်းဟု ဂုဏ်ယူနေကြဆဲ ရဟန်း သံဃာများနှင့် သာသနာကို အဆိုးဝါးဆုံးဖျက်ဆီး ချေမှုန်းလိုက်မှုသည် လူအများအတွက် စိတ်ဒဏ်ရာကို ပို၍ နက်ရှိုင်းလာစေခဲ့တော့သည်။

သံဃာများ၏ ဆန္ဒပြပွဲများကို အကြမ်းဖက်ချေမှုန်းနေစဉ်တွင် ပြည်တွင်းမှ “သဲ” ဟူသော ကလေးမ တဦး နှင့် မိမိ ချက်တင် စကားပြောခွင့် ရနေခဲ့ပါသည်။ သူရော၊ ကျနော်ပါ စိတ်လှုပ်ရှားနေကြ၍ အတော်လည်း စိတ်ထိခိုက်နေကြရပါသည်။ “ပစ်နေပီ။ ပစ်နေပီ။ လုပ်ကြပါဦး” “သေကုန်ကြတော့မှာပဲ” တဖက် မြန်မာပြည်ဖက်မှ သူမ ရိုက်ပို့လိုက်သော စာသားများ ကျနော် ရရှိနေပါသည်။ သူမက ပြင်ပသို့ အဖြစ်အပျက်များကို တတ်နိုင်သမျှ သတင်းပေးနိုင်ရေးအတွက် ကြိုးစားကူညီနေ သူသာ ဖြစ်ပါသည်။ မိမိနှင့် ယခင်ကလည်း မရင်းနှီး၊ မကျွမ်းဝင်ခဲ့ပါ။ “ပြောပေးကြပါဦး” “ကျမတို့လည်း ဘာမှ မတတ်နိုင် တော့ဘူး” သူမက အဖြစ်အပျက် အသေးစိတ်ကို ပေးပို့နေချိန်တွင် ခံစားချက်ကိုပါ ကျနော်ထဲထဲဝင်ဝင် မြင်နေရပါသည်။

ကျနော်လည်း မည်သို့မျှ မကူညီနိုင်ခဲ့ပါ။ ကျနော့ကိုယ် ကျနော်လည်း ၁၉၈၈ အာဏာသိမ်းမှုအပြီး၊ ရန်ကုန်ဆေးရုံကြီးအနီး ရင်ခွဲရုံရှိ သူငယ်ချင်းအလောင်းနားတွင် နံရံကိုထု၊ မျက်ရည်တွေတွေကျ ငိုယိုနေသော လူငယ်လေးတယောက်ကို ပြန်မြင် ယောင်နေပါသည်။ ထိုသို့ ငိုယိုနေခဲ့သူ လူငယ်ကလေးမှာ ကျနော်ကိုယ်တိုင် ဖြစ်ပါသည်။ ယခုတော့ ငိုယိုနေသူကလေးမ တဦး၏ အဖြစ်ကို ကျနော်ကိုယ်တိုင် နောက်ထပ် မြင်တွေ့နေရပါတော့သည်။

ကျနော်တို့၏ စိတ်ဒဏ်ရာများက ပို၍ပို၍ နက်ရှိုင်းလာစေပါသည်။ ကျနော်တယောက်ထဲ မဟုတ်။ ကျနော် တို့ လူမှု အသိုင်း အ၀ိုင်းကြီးရော၊ နောက်ထပ် မျိုးဆက်သစ်လူငယ်များပါ ထပ်၍ စိတ်ဒဏ်ရာသင့်ရပြန်ပါပြီ။ ဘယ်တော့များမှ ပြီးနိုင်တော့ မည်နည်း။ မည်သည့်အခါမှ ကျေပျောက်နိုင်ကြပါတော့မည်နည်း။ မျိုးဆက် များ ဆင့်ခဲ့ကြပြီ ဖြစ်သည်။

စစ်အစိုးရကတော့ လူအနည်းစုကလေး၏ အုံကြွမှု၊ ကောက်ရိုးမီးသဖွယ် ပုံဖော်နေပါသည်။ ဒေါ်အောင်ဆန်းစုကြည်ကို တွေ့မည်ဟု အပေါ်စီး မက်လုံးပေးရုံလောက်ဖြင့် ငြိမ်းအေးသွားတော့မည့် ကိစ္စ ဟု ထင်နေပုံရပါသည်။ လူမှုအဖွဲ့အစည်း အတွင်း နက်နက်ရှိုင်းရှိုင်း ဖြစ်ပေါ်နေခဲ့သော စိတ်ဒဏ်ရာ အတွင်းကြေကို ဤမျှလောက်ဖြင့် ကျေပျက်စေလိမ့်မည် မဟုတ် ပါ။ ကျနော်တို့၏ ယုံကြည်မှု အခြေခံတခုလုံး ကိုင်လှုပ်ခံလိုက်ရသောအခြေအနေ၊ ကမ္ဘာ့ကုန်သွယ်ရေး မျှော်စင်ကြီး ပြိုကျခဲ့ သလို အပြန်အလှန်ယုံကြည်မှုများ ပြိုကွဲ မြေပေါ်ပုံကျသွားရသည့် အခြေအနေကို ကျနော်မြင်နေရပါသည်။ ဤစိတ်ဒဏ်ရာ ဒဏ်ချက်များဖြင့် ကျနော်တို့ လူမှုအဖွဲ့အစည်းကြီးက ကာလအတန်ကြာ ဆက်လက် လျှောက်လှမ်းနေကြရဦးတော့မည် ဖြစ်ပါတော့သည်။

အောင်သူငြိမ်း
အောက်တိုဘာလ ၂၀၀၇ ခုနှစ်။
(ရွက်မွန် မှ)

Oct 8, 2007

ဖြန့်ဝေခြင်း(၄၃)

မပြီးဆုံးသေးသော မြန်မာ့လွတ်လပ်ရေး တိုက်ပွဲ

အခုဆိုရင် မြန်မာနိုင်ငံမှာ ဖြစ်ခဲ့တဲ့ အဖြစ်အပျက်တွေဟာ ပြည်တွင်းမှာ ငြိမ်သက်သွားတယ်လို့ ထင်ရပါတယ်။ စောင့်ကြည့်နေသူတွေ အနေနဲ့လည်း ဒါဟာပြီးဆုံးသွားပြီလားလို့ တွေးတောနေကြမလားပဲ။ စစ်အစိုးရက ရက်ရက်စက်စက် နှိမ်နင်းလိုက်လို့ ၁၉၈၈ ကလို ငြိမ်သွားကြတော့မှာလား။ ၁၉၈၈ မှာ စစ်တပ်က အာဏာ သိမ်းပြီးတဲ့နောက်မှာ ရွေးကောက်ပွဲတွေလုပ်၊ အနိုင်ရပါတီကို ချက်ချင်း အာဏာလွှဲပေးတော့မယောင် စစ်တပ်က စစ်တန်းလျားကိုပဲ ပြန်သွားတော့မယောင် မျှော်လင့်ချက်အလွဲတွေ ပေးခဲ့တာဟာ စစ်အုပ်ချုပ်ရေး အဓွန့်ရှည်ဖို့ ဖြစ်ခဲ့ပါတယ်။ အခု ကာလမှာ ၁၉၈၈ လူထုအုံကြွမှု နဲ့ မတူတာကတော့ လူတွေဟာ စစ်အစိုးရ ရဲ့ အလိမ်အညာကို မခံကြတော့ပါဘူး။

ဒီနေရာမှာ အခုလို ဆန္ဒထုတ်ဖော်ပွဲတွေကို သံဃာတော်များက ဘာလို့ဦးဆောင်ရတာလဲ ဆိုတာကို ရှင်းပြချင် ပါသေးတယ်။ ၁၉၈၈ နဲ့ ၁၉၉၆ ကာလတွေအထိ ဒီမိုကရေစီရေး လှုပ်ရှားမှုတွေမှာ တက္ကသိုလ် ကျောင်းသား တွေကပဲ ဦးဆောင်ခဲ့ပါတယ်။ အခုတော့ အဲဒီလို နိုင်ငံရေးတက်ကြွတဲ့ ကျောင်းသား မျိုးဆက်သစ် ပြိုကွဲခဲ့ရပါပြီ။ ဒါဟာ အရှင်ထွက်သွားလေသူ မြန်မာနိုင်ငံ ပညာရေးကော်မီတီ ဥက္ကဌဖြစ်ခဲ့တဲ့ ဗိုလ်ချုပ်ကြီး ခင်ညွှန့်ရဲ့ စီမံကိန်းတွေ အောက်မှာ ကျောင်းသားထု တစ်ခုလုံးကို စနစ်တကျ နှိပ်ကွပ်ခဲ့တာကြောင့်ပါ။ နယ် အသီးသီးမှာ တက္ကသိုလ်ကောလိပ်တွေ မှိုလိုပေါက်အောင် ဖွင့်တယ်။ သွားလာရ ခက်ခဲဝေးလံတဲ့ မြို့ပြင်တွေမှာ ကျောင်းတွေကို ဆောက်တယ်။ တက္ကသိုလ် အဆောင်တွေ ပိတ်တယ်။ အခုနောက်ပိုင်း နှစ်ကာလတွေမှာတော့ တက္ကသိုလ်ကောလိပ်တွေမှာ အထက်တန်းကျောင်းသားတွေလို တူညီဝတ်စုံဝတ်ခိုင်းပြီး ထမင်းစားချိန် ကျောင်းတက်ချိန် အလွန်တင်းတင်းကျပ်ကျပ် ကန့်သတ်တဲ့အထိ ဖြစ်လာခဲ့တယ်။ အကျိုးဆက်အနေနဲ့ကတော့ ကျောင်းသားများဟာ အထူးသဖြင့်နယ်က ကျောင်းသားအများစုဟာ နိုင်ငံရေး နဲ့ ပို ပိုဝေးလာ၊ ပြင်ပ ဗဟုသုတလည်း အလုံအလောက်မရှာနိုင်၊ ပြည့်စုံမှုမရှိတဲ့ သင်ထောက်ကူ ပစ္စည်းကိရိယာနဲ့ ခေတ်မမီတော့တဲ့ သင်ရိုးညွှန်းတမ်းတွေအောက်မှာ ပြားပြားဝပ် နေရတဲ့အတွက် မြန်မာ့ပညာရေးအဆင့်အတန်းလည်း စုတ်ပြတ် သတ်အောင် နိမ့်ကျသွားခဲ့ပါပြီ။ ဒါဟာ အခုလူထုလှုပ်ရှားမှုမှာ မျိုးဆက်သစ် ကျောင်းသားတွေက ဘာကြောင့် အဓိက ဦးမဆောင်နိုင်ခဲ့သလဲ ဆိုတာကို ပြတာပါ။

သံဃာတော်များ ဦးဆောင်မှုနဲ့ ပတ်သက်လို့ပြောရရင် မြန်မာ့နိုင်ငံရေး သမိုင်းအဆက်ဆက်မှာ သံဃာတော် များဟာ အမြဲတမ်း အရေးပါတဲ့နေရာက ပါဝင်ခဲ့ပါတယ်။ မြန်မာနိုင်ငံမှာ အင်အားကြီးမားတာ သားသုံးသား ရှိတယ်လို့ ဆိုကြတယ်။ ကျောင်းသား။ ဘုရားသား (သံဃာ)၊ နဲ့ စစ်သား တို့ဖြစ်တယ်။ စစ်သားတွေက စစ်အစိုးရ လက်ကိုင်တုတ်ဖြစ်ပြီး ကျောင်းသား အင်အားက ပြိုကွဲနေတဲ့ လက်ရှိအခြေအနေမှာ ပြည်သူတွေကို ကိုယ်စားပြုဖို့ သံဃာတွေ ဦးဆောင်လာရတာ မြန်မာလူမျိုးတစ်ယောက် အဖို့ကတော့ သိပ်ရှည်ရှည်ဝေးဝေး စဉ်းစားစရာမလိုဘဲ သဘောပေါက်နိုင်တဲ့ ကိစ္စဖြစ်တယ်။ သံဃာတော်တွေဆိုတာ ဘာသာရေးကိုင်းရှိုင်းပြီး ယဉ်ကျေးသိမ်မွေ့တဲ့ မြန်မာလူမျိုးတို့အတွက် အလွန် ရိုသေလေးစားရသူတွေ ဖြစ်တယ်။ ဒီလို သံဃာတော် တွေ ငြိမ်းချမ်းစွာ တောင်းဆိုလာတာကိုဖြင့် စစ်အစိုးက ရက်ရက်စက်စက် မလုပ်လောက်ပါဘူးလေလို့ ပြည်သူတွေက ရိုးရိုးပဲ မျှော်လင့်ခဲ့ကြတာပါ။

မျှော်လင့်ထားခဲ့သလိုမဟုတ်ဘဲ စစ်အစိုးရက သံဃာတုတွေလို့ မဟုတ်မမှန်စွပ်စွဲ ရက်ရက်စက်စက် အစွမ်းကုန် ရိုက်ပုတ် ပစ်ခတ် နှိမ်နင်းလိုက်တဲ့အခါ မြန်မာပြည်ရဲ့ အနာဂတ်ဟာ အလွန် ကြောက်မက်ဖွယ် ကောင်းသွားပါပြီ။ သယံဇာတတွေ တဖြည်းဖြည်း ပြုန်းတီး လူ့အရင်းအမြစ်တွေ ချွတ်ခြုံကျလာတဲ့ မြန်မာပြည် မှာ ဗုဒ္ဓဘာသာတရား အဆုံးအမရဲ့အောက်မှာပဲ ဖြစ်သမျှအကြောင်း ခါးစည်းခံ နေခဲ့ကြရတာပါ။ စေတီပုထိုး တွေနဲ့ သာသနာ့နိမိတ်တွေကပဲ ကမ္ဘာမှာ မြန်မာဟေ့လို့ ပြစရာရှိတော့တာပါ။ အတိတ်က သင်ခန်းစာအရ စစ်အစိုးရဟာ ဒီအတိုင်း မနေပါဘူးဆိုတာ ခန့်မှန်းလို့ ရပါတယ်။ သူတို့ အာဏာ တည်မြဲရေးအတွက် အနှောင့်အယှက် ဖြစ်နိုင်တာအားလုံးကို ကောင်းကောင်း စီမံကိန်းချ နှိပ်ကွပ်တော့မှာပါ။ အခုတစ်ခါ ကျရှုံး သွားခဲ့ရင် တစ်နိုင်ငံလုံး ဗုဒ္ဓသာသနာ ညိုးမှိန်လို့ စစ်တပ်ကို ကိုးကွယ် စစ်ကျွန်ဘ၀ ရောက်ကြရမယ့် အန္တရာယ်ဆိုးကို မြင်နေကြပါပြီ။ ဗုဒ္ဓဘာသာကိုတောင် ဒီလို ရဲရဲတင်းတင်း ဖိနှိပ်ရဲရင် တခြားလူနည်းစု ဘာသာတွေ အတွက်ကတော့ ဆိုဖွယ်ရာ မရှိပါ။ အပြောင်းအလဲဖြစ်ဖို့ နောက်ထပ် ၁၀ နှစ် အနှစ် ၂၀ စောင့်ရ မယ် ဆိုရင်တော့ အားလုံး လူညွှန့်တုံးကြဖို့သာရှိပါတယ်။ အချိန်တိုင်း နေ့ညတိုင်းဟာ အပြောင်းအလဲ အတွက် အရေးကြီးနေပါပြီ။

မစ္စတာဂမ်ဘာရီရဲ့ ခရီးစဉ်ကတော့ ပြီးဆုံးသွားခဲ့ပြီ။ အောင်မြင်တဲ့ခရီးလို့ မဆိုနိုင်ဘူးလို့ ကုလသမဂ္ဂ အတွင်းရေးမှုးချုပ် မစ္စတာ ဘန်ကီမွန်းက ဆိုပါတယ်။ ကုလသမဂ္ဂက ဘယ်လောက်အထိ ကူညီနိုင်မလဲ ဆိုတာကို စောင့်ကြည့်ရမှာပါ။ နိုင်ငံတကာရဲ့ ပူးပေါင်းကူညီမှုဟာလည်း စစ်အစိုးရကို လုံးဝ အပြီးတိုင် ဖယ်ရှားပေးနိုင်သည်အထိ အထောက်အကူ တိုက်ရိုက် ပြုချင်မှပြုမယ်။ ကုလသမဂ္ဂကိုယ်တိုင်တောင် မသေချာ မရေရာတဲ့ ကိစ္စဆိုတော့လည်း နိုင်ငံတကာ ဖိအားကို လုံးလုံး အားကိုးနေလို့ မရဘူးဆိုတာ သိသာပါတယ်။ တရုတ် ရုရှနဲ့ အမေရိကန် အင်္ဂလန် တို့ကလည်း အင်အားပြိုင်နေကြတုန်းပါပဲ။

ဘယ်လိုပဲဖြစ်ဖြစ် ပြည်တွင်း ပြည်ပ လှုပ်ရှားမှု အားလုံး တညီတညွတ်တည်း ပေါင်းစပ်ကာမှ အောင်မြင်မှုကို ရယူနိုင်မှာပါ။ ပြည်တွင်းက တောင်းဆိုမှုတွေ မကျဆင်းသွားဖို့ လိုအပ်သလို စစ်အစိုးရ စေ့စပ်ညှိနှိုင်းလာဖို့ ရက်စက်တာတွေ ရပ်တန်းက အမြန်ဆုံးရပ်ဖို့အတွက် ပြည်ပက ဖိအားပေးမှုကလည်း မဖြစ်မနေ လိုအပ်ပါ တယ်။ ဒါဟာ မြန်မာ့အရေးတင် မကပါဘူး။ အာဏာရှင်အစိုးရအောက်မှာ ဒီမိုကရေစီကို တောင်းဆိုတဲ့ သာဓကတစ်ခု အောင်မြင်တော့မလားလို့ အားလုံးက မျက်စိဒေါက်ထောက် ကြည့်နေကြတာပါ။ မြန်မာ့သမိုင်း မှာသာမက ကမ္ဘာ့သမိုင်းမှာပါ အရေးကြီးတဲ့ မှတ်တိုင်တစ်ခုကို စိုက်ထူနိုင်တော့မယ့် အချိန်ပါ။

ဒါကြောင့် အားလုံးကို အခုလို ပန်ကြားချင်ပါတယ်။

ပြည်တွင်းနေ မြန်မာပြည်သူများ

အားတင်းထားကြပါ။ နိုင်ငံတကာက ပြည်သူများရဲ့ ကိုယ်ချင်းစာနာစွာ အားပေးမှုများကို ရရှိနေပါတယ်။ လွတ်လပ်မှုအတွက် ငြိမ်းချမ်းစွာ ဆက်လက် တိုက်ပွဲဝင်ကြပါ။

ပြည်တွင်းပြည်ပ နိုင်ငံရေး အင်အားစုများ၊တိုင်းရင်းသား အဖွဲ့အစည်းများ

အားလုံး စည်းစည်းလုံးလုံး ညီညီညွတ်ညွတ်နဲ့ နည်းဗျူဟာများချမှတ်ပြီး စစ်ကျွန်ဘ၀ အန္တရာယ်ဆိုးကြီးက လွတ်မြောက်အောင် စုပေါင်း စီမံခန့်ခွဲကြစေလိုပါတယ်။

မြန်မာ့အရေး ကျွမ်းကျင်သူ ပညာရှင်များ

ပြည်သူတို့ရဲ့ သဘောထားကို အမှန်တကယ် နားလည်ထင်ဟပ်သော သုံးသပ်မှုများ ဖြစ်စေလိုပါတယ်။ မိမိတို့ ရဲ့ တတ်ကျွမ်းတဲ့ ပညာများကို လွတ်လပ်ရေးတိုက်ပွဲ အောင်မြင်ရန် မြန်မာပြည်သူများ ဆောင်ရန် ရှောင်ရန် အပြုသဘော အကြံဥာဏ်ကောင်းများပေးတဲ့ နေရာမှာ အသုံးချနိုင်ပါတယ်။

ကမ္ဘာ့ကုလသမဂ္ဂ၊ နိုင်ငံတကာ အဖွဲ့အစည်းများနဲ့ အစိုးရများ

မြန်မာစစ်အစိုးရရဲ့ မတရားဖိနှိပ်မှုများ အခုချက်ချင်း ရပ်တန့်အောင်နဲ့ အတိုက်အခံများနဲ့ စေ့စပ် ညှိနှိုင်းလာ အောင် ထိထိရောက်ရောက် ဖိအားပေးကြပါ။

ပြည်ပရောက် မြန်မာများ နဲ့ ကမ္ဘာ့လူထု

သတင်းများကို မပြတ်နားစွင့်ကြပါ။ မြန်မာ့အရေးအတွက် ရန်ပုံငွေများထည့်ဝင်ကြပါ။ မိမိတို့သက်ဆိုင်ရာ နိုင်ငံအသီးသီးမှ လှုပ်ရှားမှုများတွင် ပါဝင် အားပေးကြပါ။

မိမိတို့ရဲ့ လှုပ်ရှားမှုတစ်ခုတိုင်းဟာ အချိန်တိုင်း မိနစ်တိုင်း စက္ကန့်တိုင်းမှာ အဖမ်းခံ အနှိပ်စက်ခံ အသတ်ဖြတ်ခံ နေရတဲ့ မြန်မာပြည်တွင်းမှ ရဟန်းရှင်လူများအတွက် သက်သာရာ သက်သာကြောင်း ဖြစ်ပါတယ်။

မြန်မာ့အရေးအတွက် တတပ်တအား ပါဝင်ဆင်နွှဲကြပါစို့။

နယ်ခြားမဲ့ မြန်မာဘလော့ဂါများ

Burmese Bloggers without Borders

http://bbwob.blogspot.com/

Oct 6, 2007

ဖြန့်ဝေခြင်း(၄၂)


“တန်ခိုးကြီးဘုရားများ .. ဗလီများ .. ဘုရားကျောင်းများ အားလုံးမှာ ..
ဝတ်ပြုဆုတောင်းမှုတွေကို ကျွန်တော်တို့ ပြုလုပ်ကြပါမယ် .. ။
ဖယောင်းတိုင်တွေကို ထွန်းညှိပြီးတော့ ဆုတောင်းကြမှာ ဖြစ်ပါတယ် .. ။

ကျွန်တော်တို့ မြန်မာနိုင်ငံမှာ ယူနီဖောင်းဝတ်ပြီးတော့ ..
ဘယ်လိုရာဇ၀တ်မှုမျိုးကိုမဆို ကျူးလွန်လို့ရတယ်ဆိုတဲ့ စနစ် ..
မုဒိန်းမှုတွေ .. လူသတ်မှုတွေ .. ပြန်ပေးဆွဲမှုတွေ .. လုယက်မှုတွေ..
ကြိုက်တဲ့ရာဇ၀တ်မှု မှန်သမျှကို ကျူးလွန်လို့ ရတယ်ဆိုတဲ့ စနစ်ကို
ကျွန်တော်တို့ လက်မခံတော့ဘူး .. ။

နှစ်ပေါင်းများစွာ ..
ကျွန်တော်တို့ ပြည်သူတွေ ခံစားခဲ့ရတဲ့ ဒုက္ခတွေ ..
မြန်မာနိုင်ငံရဲ့သမိုင်းတလျှောက်မှာ ပြည်သူတွေရဲ့မျက်ရည်တွေ ..
ငိုရှိုက်သံတွေနဲ့ နာကျည်း တောက်ခေါက်သံတွေ ..
သံဃာတွေရဲ့သွေးတွေ ..
အားလုံးအတွက်ကို ကျွန်တော်တို့ တုံ့ပြန်ကြရပါတော့မယ် .. ။
အဲဒီ့ကြေကွဲမှုကို ကျွန်တော်တို့ ယုံကြည်မှုနဲ့ တုံ့ပြန်ပါမယ် .. ။

မြန်မာနိုင်ငံရဲ့ ..
တရားမျှတခြင်း ..
လွတ်လပ်ခြင်း .. ဆိုတဲ့ ယုံကြည်မှုနဲ့ ..
တုံ့ပြန်ပါမယ် .. ။”

(ကိုဌေးကြွယ်)

Oct 4, 2007

ကမ္ဘာမှာ ဗမာကျန်ဖို့

(ကိုထိုက် ဆီကပါ)

ပြီးခဲ့တဲ့ တစ်ပတ်လုံးလုံးမှာ ကျမ ဘာအလုပ်ကိုမှ မလုပ်နိုင်ဘဲ.. မလုပ်ဘဲ နေခဲ့ပါတယ်။ အချိန်တိုင်းမှာ မျှော်လင့်ချက် ရယ်.. ဆုတောင်း ရယ်.. ကိုယ်ချင်းစာ ခံစားရစိတ်နဲ့ မေတ္တာတရား ရယ်က ဖိစီးနေခဲ့ပြီး.. တော်သလင်း လပြည့်နေ့မှာတော့ သွေးစွန်းတဲ့ ဥပုသ်နေ့ အတွက် ပူဆွေးကြေကွဲခဲ့ရတာ ခုထိပါပဲ။ ကျမ တသက် အနှစ်လေးဆယ်ကျော်ကြီးမှာ ခုလောက် ပူဆွေးသောက ရောက်ရတာ၊ ၀မ်းနည်းကြေကွဲရတာ၊ ယူကျုံး မရ ဖြစ်ရတာ၊ ရှက်ကြောက် နာကျင်ရတာ၊ ထိတ်လန့် သိမ်ငယ်ရတာမျိုး မရှိခဲ့ဖူးပါဘူး။
၈၈တုန်းက ၀မ်းနည်းရတာ၊ ခံပြင်းဒေါသဖြစ်ရတာ၊ နာကျင်ကြေကွဲရတာတွေက တမျိုးပါ။ ခုတကြိမ်ကတော့ ပူပန်စိုးရွံ့ရတာဟာ တကယ့်ကို မိုးပြိုတာလိုပါပဲ။
တိတိကျကျပြောရရင် ကျမတို့ တိုင်းပြည်တွင်းမှာ အဘက်ဘက်က သိသိသာသာ ပြိုလဲ ပျက်စီးသွားခဲ့တာဟာ ၁၉၉၅ ခုနှစ်လောက်မှာ စတာပါပဲ။ အဲဒီနှစ်တွေက စလို့ ကျောင်း ပညာရေးကို တန်ဖိုးမရှိတဲ့ ဖြစ်ကတတ်ဆန်း ပညာရေးဖြစ်အောင် ဗိုလ်ခင်ညွန့်က စီမံကိန်း ချပြီးတော့ကို ဖျက်ဆီး ပစ်ခဲ့တာပါ။ ဒါကိုလည်း လူတိုင်းသိပြီးသားမို့ အရှည် မပြောတော့ ပါဘူး။ အဓိက ကတော့ ဒီမိုကရေစီနိုင်ငံဖြစ်ဖို့အတွက် အရေးပါလှတဲ့ အဓိက မဏ္ဍိုင်ကို ဖြိုတာပါပဲ။ အဲဒီ အကျိုးဆက်ကြောင့်ပဲ နောက် ၁၀နှစ် အကြာ ၂၀၀၅ခုနှစ်မှာတော့ မြန်မာနို်င်ငံရဲ့ ပညာရေး အဆင့်အတန်းဟာ သုည ဖြစ်သွားခဲ့တာပါပဲ။ ပညာရေးအဆင့် နိမ့်ကျတာဟာ အညံ့များတဲ့ မျိုးဆက်ကို ပျိုးထောင်လိုက်တာနဲ့ အတူ တူ ပါပဲ။
အဲဒီ ၁၉၉၅မှာတုန်းကလည်း ကျမ မျက်ရည်ကျခဲ့ရတဲ့ တကြိမ် ရှိခဲ့ပါသေးတယ်။ ပုဂံက ရှေးဟောင်း ယဉ်ကျေးမှုရဲ့ တန်ဖိုးအမွေအနှစ်ဖြစ်တဲ့ ဘုရားပုထိုးတွေကို ဆေးသုတ်ပစ်.. ထီးတွေတင်ပစ်.. နံရံဆေးရေး ပန်းချီ တွေကို Plastic paint တွေ သုတ်ပစ်တဲ့ ကိစ္စပါ။ "ပုဂံဘုရားတွေကို န၀တက အဲလို လုပ်တဲ့ကိစ္စနဲ့ ပတ်သက်ပြီး ဘယ်လို သဘော ထားပါသလဲ"လို့ ဆရာကြီး ဒေါက်တာသန်းထွန်းကို ဘီဘီစီက အင်တာဗျူးလုပ်ပြီး နောက်တနေ့ပေါ့။ “ပုဂံကို ဘယ်သူ စ တည်ထောင်ခဲ့လဲ လို့ ခုထိ ပညာရှင်တွေ သေချာ မပြောနိုင်သေးဘူး။ ဒါပေမဲ့ ခုတော့ ပုဂံကို ဖျက်တာ ဘယ်သူလဲ ဆိုတာတော့ သေချာ သိပြီ ပေါ့ဗျာ..” တဲ့။ ဆရာကြီးက အဲလို ရဲရဲတောက် ဖြေခဲ့ တာ။ နောက်တော့ ဆရာပြောပြတဲ့ သမိုင်းဆိုင်ရာ အထောက်အထား ယဉ်ကျေးမှု အနုပညာတွေ အဖျက် ဆီး ခံရပုံတွေကို နားထောင်ပြီး ကျမ မျက်ရည် ပေါက်ပေါက် ကျခဲ့ရတာပါ။
ကျမတို့ ဗမာပြည်ကို ဗုဒ္ဓသာသနာ ရောက်လာတာဟာ ၁၁ရာစု - ပုဂံခေတ်။ အနော်ရထာမင်း လက်ထက်မှာ ရှင်အရဟံက ဆောင်ယူလာပေးခဲ့တာပါ။ အခု ရာစုနှစ် တိုင်ခဲ့ပြီ။ နှစ်ပေါင်း တထောင်နီးပါးမှာ မြန်မာပြည်ဟာ ကမ္ဘာမှာ ဗုဒ္ဓဘာသာ အထွန်းကားဆုံးနိုင်ငံ လို့ ပြောရမှာပါ။ အခုတော့ အဲဒီ တိုင်းပြည်မှာ အခုအချိန်မှာ ပညာရေးတွေ ကျန်းမာရေးတွေကအစ တစ်ခုတည်းသာ ကျန် တော့တဲ့ အားကိုးရာကိုပါ ပျက်သုဉ်းသွားအောင် အာဏာရှင် များက မီးကုန်ယမ်းကုန် ဖျက်ဆီးလိုက်ပါပြီ။ သူတို့ အလွန် ရိုသေပါတယ်လို့ ကြွေးကြော်ခဲ့တဲ့ ဘာသာရေးကိုတောင် ဒီလောက် ဖျက်ဆီးရင် တခြားသော ဘာသာရေး တွေကိုလည်း တိုက်ခိုက် ဖျက်ဆီးလာဦးမှာလည်း သေချာပါတယ်။ ဒါဟာ လူထုရဲ့ နှလုံးသားကို၊ ဘ၀ကို၊ ဂုဏ်သိက္ခာတွေကို၊ မာနတရား တွေကို၊ လူ့တန်ဖိုးတွေကို အဆုံးစွန်ထိ အစွမ်းကုန် ဖျက်ဆီးနေ တာ နဲ့ အတူတူပါပဲ။
ခုချိန်မှာ ကျမတို့ မြန်မာတွေဟာ နိုင်ငံတကာမှာ အင်မတန်မှ မျက်နှာငယ်နေကြရပါတယ်။ မိဘ မကောင်း သားသမီး ခေါင်း.. လို ဖြစ်နေတာမျိုးပါ။ ကျမတို့ နိုင်ငံကိုမှီပြီး ရပ်တည် ကြီးပွားနေတဲ့ အိမ်နီးချင်းနိုင်ငံ တွေက တောင် မြန်မာဆိုရင် နှိမ်ချင်၊ အနိုင်ကျင့်ချင်၊ ပြဿနာ ရှာချင် နေကြ တာပါ။
ကျမစဉ်းစားနေမိပါတယ်။ ဒီပွဲဟာ အထွေထွေ သပိတ်ဖြစ်မှ၊ စကားပြောဖြစ်ကြမှပဲ ပြတ်မှာပါ။ အဲဒီအတွက် အခရာ အကျဆုံးဖြစ်တဲ့ လူထုတရပ်လုံး သပိတ် ပါဝင် ဆင်နွှဲရေး တခုတည်းသာ အသက်ပါပဲ။ ရေများမှ ရေနိုင် မှာပါ။ တကယ်လို့များ ကျမတို့ ဒီတပွဲမှာ လည်း အရေးနိမ့်ခဲ့ပြီဆိုရင်တော့…. ဒီတပွဲအပြီးဟာ ရှစ်လေးလုံး အရေးတော်ပုံ အပြီး ကာလထက် အဆများစွာ ဆိုးတော့မှာပါ။ ကျမတို့ နိုင်ငံ လူမျိုးပါ ပျောက်သွားတော့မယ့် အရေးပါ။
၁၉၆၂ မှာ Seven July အရေးအခင်းနဲ့ သူ့ကို ဆန့်ကျင်တဲ့အတွက် ဦးနေ၀င်းက တက္ကသိုလ် ကျောင်းသား တွေကို ဖိနှိပ် နှိပ်ကွပ်ခဲ့တာ သူ့ရဲ့ နောက်ဆုံးချိန်ထိပါပဲ။ အဲလိုပဲ ၁၉၇၄ ဦးသန့် အရေးအခင်း၊ ၁၉၇၆ မှိုင်း ရာပြည့် ကိစ္စ၊ ကျောင်းသားတွေက တာဝန်ကျေခဲ့။ ဦးနေ၀င်းက အခဲမကျေဘဲ ရက်ရက်စက်စက် နှိမ်နင်းခဲ့ တာ ၈၈ ထိ။ နောက် သူ့အမွေခံ ခင်ညွန့် က ၈၈နောက်မှာ သူတို့ကို အုံနဲ့ ကျင်းနဲ့ ဆန့်ကျင်ခဲ့တဲ့ ပြည်သူလူထုနဲ့ ကျောင်းသားတွေအပေါ် နည်းမျိုးစုံနဲ့ နှိပ်ကွပ် ဖျက်ဆီး၊ တကယ့်ကို အငြိုးတကြီး။ နောက်တော့ ၁၉၉၆ မှာ တကြိမ်၊ ကျောင်းသား အရေးအခင်း.. အနှိမ်နင်းခံရ။ ၉၆နောက် မှာတော့ စစ်အစိုးရဟာ ကျောင်းသား ဆိုတာနဲ့ ပတ်သက်ရင် အခြေခံပညာကနေ တက္ကသိုလ်ထိကို ဖိနှိပ်ရုံမက ဒုက္ခ အမျိုးမျိုး ရှာကြံပေးတာမျိုး ထိအောင် လုပ်လာတာ အားလုံးအမြင်ပါ။ သူတို့ မူက ပညာတတ် မရှိရေး၊ ကျောင်းသားတွေ ဆင်းရဲဒုက္ခ ရောက်ရေး၊ စစ်တပ်ရှေ့မှောက် မှာ ဦးကျိုးရေးပါ။
ဒါကြောင့် ခု ၂၀၀၇ အရေးအခင်းကြီးသာ အဲလိုနဲ့ပဲ အဆုံးသတ်သွားဦးမယ် ဆိုရင်တော့.. ဒီ စစ်အစိုးရက သူ့ကို မလိုလားကြောင်း ပြခဲ့တဲ့ မြန်မာတပြည်လုံးကို ကုန်းကောက်စရာ မရှိတဲ့အထိ မွဲပြာကျအောင်၊ လူညွန့် တုံးသထက် တုံးသွားအောင်၊ သူတို့ကို ရှိခိုး ဦးချ နေရ အောင် လုပ်လာမှာ မလွဲမသွေပါ။ ဗုဒ္ဓဘာသာ နေရာမှာ စစ်တပ်ဘာသာကို အစားထိုး ခံယူလာကြ ရပါလိမ့်မယ်။ ပြီးတော့ စစ်တပ်ကို လိုလားသူတွေက အဆမတန် နေရာရပြီး လူလူချင်း ခွဲခြားဆက်ဆံခံရမှုတွေကြောင့် နောက်မျိုးဆက်တွေဟာ ကိုယ့်တိုင်းပြည်ထဲမှာ စစ်ကျွန် တွေ၊ စစ်အမျိုးအနွယ်ဝင်တွေရဲ့ ကျေးကျွန်တွေအဖြစ် အလွန်တရာမှ အောက်တန်းကျစွာနဲ့ နေသွား ကြရပါ တော့မယ်။
ဦးနေ၀င်း စဖျက်ခဲ့စဉ် ၁၉၆၂ ကတည်းက နိမ့်ကျပျက်စီးခဲ့တဲ့ ကျမတို့နိုင်ငံဟာ.. နောင် ဆိုရင်တော့ ဘယ်သူက မှ အရာ မလုပ်ရုံမက.. မြန်မာဟေ့ ဆိုရင် ဘုရားကိုတောင် ခေါင်းဖြတ်၊ သံဃာကို ခေါင်းဖြတ်၊ ကိုယ့် လူမျိုး အချင်းချင်းကိုတောင်မှ ဖျက်ဆီး သတ်ဖြတ် တတ်တဲ့ လူမျိုးပါလားလို့ သံသယအဖြစ်ခံ စောင့်အကြည့်ခံရ တော့မှာ မလွဲမသွေပါပဲ။ အဲလိုနဲ့ ကျမတို့ရဲ့ နောက်မျိုးဆက်တွေဟာ ကမ္ဘာအလယ်မှာ ကိုယ့်ကိုယ်ကို မြန်မာလို့ မပြောရဲ တော့ဘဲ တဖြည်းဖြည်းနဲ့ မြန်မာလူမျိုးဆိုတဲ့ အမည်က ပျောက်ကွယ်သွားတော့မှာ ဖြစ်ပါတယ်။
အဲလိုပဲ မြန်မာနိုင်ငံထဲမှာ နေရတဲ့သူတွေဆိုရင်လည်း ဆင်းရဲမွဲတေ၊ ပညာမတတ်၊ ယဉ်ကျေးမှု မသိ၊ အရှက် အကြောက် တရားဆိုတာကို မသိ၊ ဘာသာတရားမဲ့၊ ကိုယ်ချင်းစာ တရား ခေါင်းပါး၊ ရိုင်းစိုင်း၊ နောက်ဆုံးတော့ ကိုယ့်အပေါ် အလွန် ရက်စက် ယုတ်မာခဲ့တဲ့ ရန်သူတွေ ကို တွေ့လေရာမှာ ထိုင်ရှိခိုး ဦးချကြရတဲ့ အခြေအနေ ရောက်လာပါလိမ့်မယ်။ ဒီလိုနဲ့ ကျမတို့ နို်င်ငံသားတွေ ဟာ နိုင်ငံတကာနဲ့ အဆက်အသွယ်တွေ အဖြတ်တောက် ခံကြရပြီး ပုံမှန် လူသားတွေနဲ့ မတူတော့ဘဲ၊ နှစ်ရှည် အဖိနှိပ်ခံ အကျဉ်းသားများလို စိတ်ကျ ထုံထိုင်း ချိနဲ့ လူစဉ် မမီစွာနဲ့ သက်တမ်းစေ့လည်း နေကြရတော့မှာ မဟုတ်ပါဘူး၊။ အဲဒီအပြင် ဆင်းရဲ ကျပ်တည်း မခံနိုင်ကြ တဲ့အခါ ထွက်ပေါက်ဟာ စစ်တပ်ကို သစ္စာခံဖို့နဲ့ တရုတ် လွှမ်းမိုးမှုကို သိသိသာသာ လက်ခံလိုက်ဖို့သာ ရှိတာမို့၊ လူမျိုးရေး လက္ခဏာတွေ ပျက်သုဉ်း သွားတော့မှာလည်း အသေအချာပဲ ဖြစ်ပါတယ်။
ဆရာကြီးဒေါက်တာသန်းထွန်းစကားကို ငှားပြောရရင်တော့ ခုတပွဲမှာ မပြီးပြတ်ရင်တော့ဖြင့် မြန်မာ အစ တကောင်းက-လား.. သရေခေတ္တရာက-လား.. မသေချာခဲ့ပေမဲ့ မြန်မာ အပျက်၊ စစ်အစိုးရလက်ထက် လို့တော့ ဖြစ်သွားနိုင်ပါတယ်။ အဲသလိုပဲ ထေရ၀ါဒ ဗုဒ္ဓ သာသနာကို ၁၀၄၄ ခုနှစ်မှာ ရဟန်းမြတ် ရှင်အရဟံက သယ်ဆောင် ပေးလာတော်မူခဲ့ပြီး အနော်ရထာမင်းက စတင် ပြုစု ကိုးကွယ် ခဲ့ပါတယ်။ အဲဒီ သာသနာတော်ကြီးကို မြန်မာပြည်မှာ ပျောက်ပျက်သွားအောင် ဖျောက်ဖျက်ခဲ့ တဲ့ သမိုင်းဆိုရင်တော့ ၂၀၀၇ခုနှစ် စက်တင်ဘာလ -၂၅ရက်နေ့ က စပြီး သံဃာတွေကို သတ်ခဲ့၊ သာသနာတော်ကို သွေးစွန်းစေခဲ့တဲ့ ဗိုလ်ချုပ်မှူးကြီးသန်းရွှေ ဦးဆောင်တဲ့ စစ်အစိုးရနဲ့အတူ တာဝန်အရှိဆုံးထဲမှာပါတဲ့ သံဃာ့ မဟာသံဃာ့နာယက ဦးဆောင် ဆရာတော်တချို့ပဲ တရားခံတွေ ဖြစ်ပါတော့ မယ်။
ဒီနေရာမှာ ကျမကတော့ အန်တီစု ပြောဖူးတာလေးတစ်ခု သတိရနေပါတယ်။ မဆလပါတီ ၂၆နှစ်လုံးလုံး အုပ်ချုပ်ခွင့် ရခဲ့တာမှာ အုပ်ချုပ်ခွင့်ပေးခဲ့တဲ့ လူတွေမှာလည်း တာဝန်ရှိပါတယ် တဲ့။ ဟုတ်ပါတယ်..။ ခုလည်း နောက်ထပ် လူလိမ် လူယုတ်မာ မတရားအစိုးရ သက်တမ်း နှစ်၂၀ပြည့်ပါ တော့မယ်။ သူတို့ကို နောက်ထပ် သက်တမ်းတိုးစေဦးမယ် ဆိုရင်တော့၊ နောင်… နှစ်များစွာမှာ အမှောင်ခေတ် ဗမာပြည်ထဲက မျိုးဆက်သစ် တွေ က ကျမတို့ကို ပြစ်တင် ရှုတ်ချ စိတ်နာကြမှာ မလွဲမသွေပါပဲ..။ ဆိုရင်… ဒီ စနစ်ဆိုးကြီးကို ကျမတို့ ခေတ်မှာပဲ နည်းလမ်းမျိုးစုံ လက်နက်မျိုးစုံ သုံးပြီး ပြတ်အောင် ဖြတ်ပေးကြပါစို့လို့.. ကျမတို့ရဲ့ လူထုကြီး တရပ်လုံးကို လက်ဆင့်ကမ်း တိုက်တွန်း ပေးကြ စေချင်ပါတယ်..။

မေငြိမ်း
၎ အောက်တိုဘာ ၂၀၀၇။


ဖြန့်ဝေခြင်း(၄၁)

ကျမ ဘလော့မှာ တင်ပေးပါလို့ အီမေးလ်ထဲကနေ ရောက်လာတဲ့ ကာတွန်းလေးတွေပါ။
ကလေးတယောက်ရဲ့ လက်ရာလို့ ဆိုပါတယ်။ လက်ရှိမြန်မာ့တပ်မတော်ကြီးခမျာ ကလေးကတောင် ရွံရွံရှာရှာ လှောင်ပြောင်ရတဲ့ အနေအထားရောက်နေတာ.. ရှက်စရာ.. စိတ်မကောင်းစရာပါပဲ။
(ပို့ပေးတဲ့အတိုင်း မပြင်ဆင်ဘဲ တင်ပေးလိုက်ပါတယ်)

Oct 3, 2007

ဖြန့်ဝေခြင်း(၄၀)


အန်တီစုကို တကယ် အားနာ ငဲ့ညှာကြပါတော့...

ကြည့်ကြပါဦး..။ ကျမတို့ ရဲ့ အန်တီစုကို ကျမတို့ ရင်းနေကြတာ။ သူ့အသက်အရွယ်အရ ပျိုရွယ် ဖျတ်လတ်ချိန်တွေ အများကြီး ပေးဆပ်ခဲ့ရပြီ။ သူ့ကို ကယ်တင်ဖို့ဆိုတာ ပြည်သူလူထု အားမှတပါး အခြားမရှိ။ အာဏာရူး စစ်ခွေးတွေကတော့ အန်တီ့ကို သေတဲ့အထိ ချုပ်နှောင်ထားမှာပါပဲ။ လူထုကြီး အနေနဲ့ အန်တီစု ကို ပါးစပ်နဲ့ ချစ်နေလို့ သတိရတယ်ပြောနေလို့ မရတော့တဲ့အချိန် ရောက်နေပါပြီ။ ကျမတို့ နိုင်ငံ လွတ်မြောက်ဖို့ အရေးအတွက် အန်တီစု လွတ်မြောက်ဖို့က အဓိက ကျလှပါတယ်။ အန်တီစု လွတ်မြောက်ဖို့ဟာလည်း လူထုတရပ်လုံးအားနဲ့ စစ်တပ်ကို အင်အားချိနဲ့ ပြုတ်ကျသွားအောင် လုပ်တာက လွဲလို့ တခြားနည်း မရှိပါ။ ကျမတို့ပြည်သူတွေ တကယ် လွတ်မြောက်ချင်ပြီ ဆိုရင်တော့... .... ...

Oct 2, 2007

ဖြန့်ဝေခြင်း(၃၉)

အောင်ခြင်းကိုးပါး ဖြစ်စေချင်

မြတ်စွာဗုဒ္ဓရဲ့ မေတ္တာတရားဖြင့် အောင်ခြင်း (၈) ပါး ကို အားလုံးသိကြမှာပါ။ ဒီနေ့ ဗုဒ္ဓရဲ့သားတော် ရဟန်း သံဃာတွေနဲ့ မြန်မာပြည်သူတွေဟာ မေတ္တာလက်နက်နဲ့ အကြမ်းမဖက်ဘဲ အာဏာရူးစစ်အုပ်စုကို တိုက်ပွဲဝင် နေကြပါတယ်။ ကုန်ဈေးနှုန်းတွေ ကြီးမြင့်လွန်းလို့ သာမန်အခြေအနေမှာတောင် ထမင်းနပ်မှန်ဖို့ မနည်း ရှာဖွေ နေရတဲ့ မြန်မာပြည်သူတွေ၊ ရဟန်းရှင်လူတွေ ခုလို ခေတ်ပျက်၊မြို့ပျက် အခြေအနေမှာ ဘယ်လိုများ စားသောက် နေကြရမလဲ... မစဉ်းစားတတ်အောင်ပါပဲ။ ဒါပေမဲ့ အဲသည်လို အိမ်ပြန်သွားရင် စားဖို့ မရှိတဲ့ကြား ကပဲ လူထုဟာ စည်းကမ်းတကျ တိုက်ပွဲဝင်နေကြပါတယ်။ ဘယ်ဆိုင်ကို လုတယ် ဘယ်နေရာမှာ ယက်တယ် ဆိုတာ မကြားရပါဘူး။ တိုက်ပွဲဝင်သူု အားလုံးဟာ နိုင်ငံရေး အတွေးအခေါ်ရော အတွေ့အကြုံပါ ပြည့်ဝနေကြရုံ သာမက တိုင်းပြည်အပေါ် မနာစေချင်တဲ့စေတနာ အပြည့်အ၀ရှိတာ သိသာလှပါတယ်။ မြန်မာလူထုရဲ့ အကြမ်းမဖက် ငြိမ်းချမ်းတဲ့ တိုက်ပွဲ အောင်မြင်စေချင်ပါတယ်။ အောင်ခြင်းကိုးပါး ဖြစ်စေချင်ပါတယ်။

သည်နေရာမှာ မြတ်စွာဘုရားရဲ့ အောင်ခြင်းရှစ်ပါးကို ပြန် သုံးသပ်ကြည့်မိပါတယ်။ ဗုဒ္ဓဟာ မေတ္တာကို အခြေခံ ထားသော်လည်း တဘက်လူ(ရန်သူ)ရဲ့ အခြေအနေကိုကြည့်ပြီး သင့်တော်တဲ့ နည်းဗျူဟာတွေ သုံးပြီး အောင်ခဲ့ တာပါ။ အားလုံးကို မေတ္တာသက်သက်နဲ့သာ အောင်တော်မူခဲ့တာ မဟုတ်ပါဘူး။

အောင်ခြင်းပထမမှာ မြတ်စွာ ဘုရားရဲ့ ဘုရား ဖြစ်တော်မူခြင်းကို မနာလိုတဲ့ မာန်နတ်နဲ့ နောက်လိုက် စစ်သည် တွေဟာ မြတ်စွာဘုရားကို နည်းမျိုးစုံခြောက်လှန့် နှိပ်စက်ပါတယ်။ မြတ်စွာဘုရားက မတုန်မလှုပ် မကြောက်မရွံ့ဘဲ မေတ္တာလက်နက်ကို ကိုင်စွဲပြီး သစ္စာ ဆိုပါတယ်။ သည်အခါမှာ ပြင်ပအကူအညီဖြစ်တဲ့ ၀သုနြေ္ဒနတ်သမီးရဲ့ အစွမ်းနဲ့ မာန်နတ်နဲ့နတ်စစ်သည်တွေ ရေမှာမျောပြီး ရှုံးနိမ့်ကုန်ကြပါတယ်။ မာန်နတ်နဲ့ နောက်ပါ စစ်သားတွေဟာ မြတ်စွာဘုရားရဲ့ မေတ္တာတရားမှာ နောင်တရပြီး မြတ်စွာဘုရားကို ဒူးထောက် တောင်းပန်ကြတယ်လို့ မကြားဖူးခဲ့ပါဘူး။

နောက် အောင်ခြင်းတပါးဖြစ်တဲ့ အာဠာဝက ဘီလူးကြီးကို အောင်တော်မူခန်းမှာလည်း မြတ်စွာဘုရားဟာ ဒေါသ ကြီးလှတဲ့ ဘီလူးကြီးကို ပြောက်ကျားနည်း သုံးပြီး အောင်တော်မူခဲ့ပါတယ်။ ဘီလူးကြီးရဲ့ နေရာမှာ ခေတ္တ ခဏ စံမြန်းနေတဲ့ မြတ်စွာဘုရားကို ဘီလူးကြီးက အကြမ်းဖက် အင်အားသုံးပြီး မောင်းထုတ်ပါတယ်။ ဗုဒ္ဓက တန်ခိုး နဲ့ ဟိုနေရာက ပေါ်လာလိုက် သည်နေရာက ပေါ်လာလိုက်နဲ့ နောက်ဆုံးမှာ ဘီလူးကြီးမောပြီး မြတ်စွာဘုရားရဲ့ရှေ့မှောက် ဒူးထောက်ရပါတော့တယ်။ သည်တော့မှ မြတ်စွာဘုရားက မေတ္တာနဲ့ တရားဟော တော်မူပါတယ်။

အောင်ခြင်းနံပါတ်(၈) မှာ လည်း သူ့ကိုသူ စွမ်းအားကြီးလှတယ်လို့ ဘ၀င်မြင့်ပြီး မြင့်မိုရ်တောင်ကို ကိုယ်နဲ့ ရစ်ပတ် အပိုင်စီးထားတဲ့ နန္ဒောပနန္ဒနဂါးကြီး ကို ဆုံးမဖို့ မြတ်စွာဘုရားဟာ သူ့ရဲ့ လက်ဝဲရံ တန်ခိုးအရာမှာ ထူးချွန်ဆုံးဖြစ်တဲ့ ရှင်မဟာမောဂ္ဂလာန်ကို တာဝန် ပေးခဲ့ပါတယ်။ ရှင်မဟာမောဂ္ဂလာန်က နဂါးဆိုးကြီးထက် (၂) ဆကြီးတဲ့ နဂါးကြီး တကောင်အဖြစ် ဖန်ဆင်းပြီး တောင်ကို ရစ်ပတ်ထားတဲ့ နဂါးဆိုးကြီးကို ထပ်မံရစ်ပတ် ဖိညှစ်ပြတော့ မှ နဂါးဆိုးကြီးလည်း မာန်စွယ်ကျိုးသွားခဲ့ပါတော့တယ်။

သည်နေ့ မြန်မာပြည်သူတွေရဲ့တိုက်ပွဲမှာလည်း မြတ်စွာဘုရားကျင့်သုံးခဲ့သလိုပဲ မေတ္တာတရားကို အခြေခံလို့ ရန်သူရဲ့ အခြေအနေ တုံ့ပြန် သဘောထားတွေ ကို သုံးသပ်ပြီး သင့်တော်တဲ့ နည်းဗျူဟာတွေ သုံးနိုင်ခြင်းဖြင့် အောင်ခြင်းကိုးပါး ဖြစ်စေချင်ပါတယ်။ ပြည်တွင်းပြည်ပ အားလုံးက သင့်တော်မယ့် နည်းလမ်းတွေနဲ့ ၀ိုင်းဝန်း တိုက်ပွဲဝင်လို့ မတရားမှုကို တရားမှုဖြင့် မုချ အနိုင်ယူနိုင်မှာပါ။

Mr.Balance ဆီက ယူလာတာပါ။

ဖြန့်ဝေခြင်း(၃၈)



ဖြန့်ဝေခြင်း(၃၇)

အညတြပြည်သူတစ်ဦး၏အိတ်ဖွင့်ပေးစာ (အောက်တိုဘာ ၁၊ ၂၀၀၇)

လေးစားအပ်ပါသော မြန်မာနိုင်ငံ၏ဒီမိုကရေစီရရှိရေးအတွက် လက်နက်ကိုင်၊ လက်နက်မဲ့ နည်းမျိုးစုံဖြင့် တိုက်ပွဲဝင်နေကြသည့် ပြည်တွင်းပြည်ပမှ အဖွဲ့အစည်းများ၊ ခေါင်းဆောင်များခင်ဗျား ......

မြန်မာနိုင်ငံ၏ ကောင်းကျိုးချမ်းသာကို လိုလားသော မြန်မာပြည်သူလူထု၏ ကိုယ်စား အညတရ မြန်မာ နိုင်ငံသားတစ်ဦးအနေဖြင့် အနည်းငယ်အကြံပြု ပြောကြားလိုပါသည်။ ယခုအချိန်တွင် မြန်မာနိုင်ငံ အတွင်းတွင် ဒီမိုကရေစီရရှိရေး၊ နိုင်ငံသားတိုင်း သာတူညီမျှ အခွင့်အရေးရရှိရေး၊ စစ်အစိုးရ၏ အုပ်ချုပ်ရေးဆုံးခန်းတိုင်စေရေးအတွက် နောက်ဆုံးနည်းလမ်းအဖြစ် လူထုတိုက်ပွဲအသွင်ဖြင့် လူထုနှင့် သံဃာ ပူးပေါင်းကာ စတင် တိုက်ပွဲဝင်နေကြပြီ ဖစ်ပါသည်။၊ ယခင့်ယခင် ကာလများဆီက လူထုတိုက်ပွဲ ဖြစ်မြောက်အောင် ပုံဖော်တော့မည်ဟု လွတ်မြောက်နယ်မြေရှိ NCUB, NLD(LA), FDB ကဲ့သို့သော ဦးဆောင်အဖွဲ့အစည်း များက တရားဝင် ကြေညာချက်များ ထုတ်ပြန်ခဲ့ကြသည်ကို ကြားသိ ဖတ်ရှုခဲ့ရပါ သည် ခင်ဗျား။

ထိုသို့ ကြေညာချက်များ၊ သတင်းထုတ်ပြန်ချက်များကို ဖတ်ရှုကြည့်ခဲ့ရာတွင် လူထုတိုက်ပွဲ ဖြစ်ပေါ်ဖို့ သည် ပြည်တွင်းက လူထုအပေါ်တွင် အဓိကမူတည်သည်ဟူသော အာဘော်မျိုးကို ဖတ်ရှုခဲ့ရပါ သည်။ ယခုအချိန်တွင် မြန်မာပြည်တွင်းကလူထုသည် သံဃာတော်များ၏ ဦးဆောင်မှုအောက်မှနေကာ လူထုတိုက်ပွဲ အသွင်မျိုးတိုက်ပွဲဝင်ခဲ့သည်မှာ ရက်သတ္တတစ်ပတ်မျှ ကြာမြင့်ခဲ့ပြီဖြစ်သည်ကို လူကြီးမင်း တို့ အသိပင်ဖြစ်ပါသည်။ ထိုအတောအတွင်း ကျဆုံးခဲ့ရသည့် ပြည်သူနှင့် သံဃာများစွာရှိနေသလို၊ လက်ရှိ အဖမ်းဆီးခံ၊ အနှိပ်စက်ခံနေရသည့် ပြည်သူလူထုနှင့် သံဃာများလည်း များစွာရှိနေပြီ ဖြစ်ပါသည်။

ထို့ကြောင့် ယခုအချိန်သည် ပြည်တွင်း၏အင်အားကိုသာမက ပြည်ပမှ လူကြီးမင်းတို့ကပါ ၀ိုင်းဝန်းပါဝင် လုပ်ဆောင်ကြရမည့်ကာလဟု ယူဆမိပါသည်။ ထို့အတွက်ကြောင့် လွတ်မြောက်နယ်မြေမှ အဖွဲ့အစည်း များ၊ ခေါင်းဆောင်များ၊ လက်နက်ကိုင်၊ လက်နက်မဲ့ တိုက်ပွဲဝင် နေကြသူများအနေနှင့် ပြည် တွင်းက လူထုကြီး၏ သတ္တိကို လေးစားသောအားဖြင့်လည်းကောင်း၊ အားပြုခြင်းအားဖြင့်လည်းကောင်း၊ ပြည်ပ လွတ်မြောက်နယ်မြေများမှနေ၍ နည်းလမ်းမျိုးစုံ အသုံးပြုကာ ပြည်တွင်းကို အထောက်အပံ့ပေးရန် အချိန်တန်ပြီဟု ယူဆမိပါသည်။ မြန်မာပြည်သူအားလုံး၏ ဘုံရန်သူ သာသနာဖျက် မင်းဆိုးမင်းယုတ် နအဖ စစ်အစိုးရအား ဘက်ပေါင်းစုံမှ ဖိအားပေးလုပ်ဆောင်သင့်ပြီဟုလည်း ထင်မှတ်မိပါသည်။

မြန်မာနိုင်ငံ၏ ဒီမိုကရေစီအရေးလှုပ်ရှားမှုတွင် ဦးစီးဦးဆောင် လုပ်ဆောင်နိုင်သူ အများစုမှာ နအဖမှ ဖမ်းဆီးထားသူများမှလွဲလျင် ပြည်ပတွင်သာ ရောက်ရှိနေကြပါသည်။ လူကြီးမင်းတို့အနေဖြင့် လူထု လိုက်ပါမှုကို တကူးတကစည်းရုံးစရာမလိုပဲ ယခုရရှိနေပြီဖြစ် သဖြင့် လွတ်မြောက်နယ်မြေ အသီးသီးမှ ယခု မြန်မာနိုင်ငံ၏ အခြေအနေနှင့်ကိုက်ညီသော နည်းဗျူဟာများချမှတ်ကာ စနစ်တကျ ဦးဆောင်မှု ပေးစေလိုပါသည်။ နိုင်ငံရေးဆိုသည်မှာ လူထုလိုက်ပါလာအောင် စနစ်တကျစည်းရုံးလုပ်ဆောင်နိုင်လျှင် အောင်ပွဲရသည်ချည်း ဖြစ် သည်ကို လူကြီးမင်းတို့ သိရှိပြီးဖြစ်ပါလိမ့်မည်။

လွတ်မြောက်နယ်မြေရှိ ခေါင်းဆောင်များက ဦးဆောင်မှုပေးလျှင် ပြည်တွင်းက ပြည်သူလူထုသည် လိုက်ပါဖို့ အဆင်သင့်ဖြစ်နေကြသည့် အနေအထားကို ရောက်ရှိမြင်တွေ့နေရပြီ ဖြစ်ပါသည်။ ထို့ကြောင့် လွတ်မြောက်နယ်မြေအသီးသီးရှိ ခေါင်းဆောင်များက ဦးဆောင်ဦးရွက်ပြုပြီး ခေါင်းဆောင်မှု လိုအပ် နေသည့် ပြည်တွင်းမှမြန်မာပြည်သူလူထုကို လမ်းညွှန်ပေးစေလိုပါသည်။

ခေါင်းဆောင်များအနေနှင့် ကြေညာချက်များထုတ်ပြန်ရုံ၊ သံရုံးများရှေ့တွင် ဆန္ဒပြ နေရုံမျှ နဲ့ကျေနပ်မနေကြစေလိုပဲ မြန်မာနိုင်ငံဒီမိုကရေစီရရှိရေး၊ ပြည်သူလူထုလိုလားသော ပြည်ထောင် စု စစ်စစ် တည်ထောင်ရေးကို ပြည်တွင်းမှ မြန်မာပြည်သူလူထုနှင့် ပူးပေါင်း လုပ်ဆောင် သင့်သည့်အချိန် ကျရောက်နေပြီ ဖြစ်ကြောင်း သတိထားမိစေလိုပါသည်။

၂၀၀၇၊ စက်တင်ဘာတိုက်ပွဲအတွင်း ကျဆုံးသွားခဲ့ရသော သံဃာတော်များနှင့် ပြည်သူလူထု အာဇာနည် များကို လေးစား အသိအမှတ်ပြုသောအားဖြင့်သော်လည်းကောင်း၊ ပေါ်ပေါက်လာသော နိုင်ငံရေး အခြေအနေ အခွင့်ကောင်းကို အမိအရ ဆုပ်ကိုင်သင့်သည်ကို သတိပြုစေချင်သောကြောင့်လည်းကောင်း၊ ဤအိတ်ဖွင့်ပေးစာကို ရေးသားရခြင်း ဖြစ်ပါတယ်။

အမိနိုင်ငံတော်အကျိုးကိုလိုလားသူ
ရွှေဘိုသား(အညတြပြည်သူတစ်ဦး)