ကာလ ရောဂါ

 

အပူလှိုင်းဖြတ်တဲ့ညလယ်

မြွေဟောက်တစ်ကောင်လို ပါးပျဉ်းမတ်မိ

ဗြုန်းဆို ကိုယ့်အကွက်အစင်းတွေကို ကိုယ်တိုင် အထပ်ထပ် စိုက်ပေါက်

သွေးဖြာဖြာပန်းထွက်မှ ကျေနပ်လေမယ်..။

ခနော်နီခနော်နဲ့ယက်ထားတဲ့ ၀ါးကြောင်လိမ်လှေကား..

တက်ခဲ့တဲ့ အထစ် ၅၀မှာ ခြေကုန်လက်ပမ်းကျ မောဟိုက် ..

ဘယ်လောက် .. ထပ် .. တက်.. ရ ဦး မှာ လဲ .. အပေါ်ကို လှမ်းမျှော်ကြည့်တော့

တိမ်ညွန့်တွေက ပြန်ငုံ့ကြည့်တာ အသက်ရှူကျပ်ချင်စရာ.. ။

လှောင် ရယ် ကြည့် စမ်းပါ ..

လှောင် ရယ် လိုက် စမ်း ပါ…

ဟားတိုက်.. ဟားတိုက်…ဟားတိုက်… ဟားတိုက်…

တချို့တွေ ဒီလိုနဲ့ မှောင်မိုက်ခြင်းကိုသာ ရလိုက်ကြသတဲ့ ။ ငါ မမှောင်စေရ။

ပန်းတွေဝေတဲ့ နေအိမ်ထဲက နံရံမှာ ပြုံးနေတဲ့ ကိုယ့်ကိုယ်ကို တွေ့တယ်..

ကျောက်တုံးကြီးကြီးတစ်တုံး.. ဒါမှမဟုတ်.. ရဲရဲတောက် လောင်နေတဲ့ မီးတစ်စ နဲ့ အဲဒီအပြုံးဆီ ပစ်သွင်းလိုက်ရင် တော်တော် အရသာရှိမယ်လို့ တွေးကြည့်တာကတောင် တော်တော် အရသာရှိ။

လှေကားထစ် ၅၀ ရောက် အခိုက်အတံ့ဟာ အဲလို စိတ်မှောက်တတ်သတဲ့လား..။

အဲဒီလမ်းမျိုး ပြန်မလျှောက်ချင်ဘူး..

အဲဒီလမ်းမျိုး ထပ်မလျှောက်ချင်ဘူး..

အဲဒီလမ်းမျိုး ထပ် မဖြတ်ချင်တော့ဘူး..

ခုနေမှာ သိပ်မုန်းသလောက် အာတွေ့တဲ့ စကားလုံးက .. စိတ်ကျ။

နိုဝင်ဘာ ၂၉ ၊ ၂၀၁၅။