Nov 21, 2011

ပြောမဆုံးပေါင်...

တနေ့တုန်းက FaceBook ပေါ်မှာ စာလုံးပေါင်း သတ်ပုံကိစ္စ ပြောထားကြတာလေး ဒီတလောစိတ်ရောက်နေပါတယ်။ ကျမ ပြည်ပရောက်ကာစ.. ဘလော့စရေးတော့ ဘလော့တခုမှာ စာလုံးပေါင်းကိစ္စအချေအတင်ပြောနေကြတာ တွေ့ရဖူးပါတယ်။ တွေ့ပေမဲ့လည်း ကျမက ၀င်ပြောလေ့မရှိတာကြောင့် ဒီတိုင်းနေနေတုန်းမှာ အဲဒီတုန်းက ပြဿနာဖြစ်နေတဲ့ အမျိုးသမီးဘလော့ဂါကအစ်မ ၀င်ပြောပါဦး ဆိုတာနဲ့.. ကျမကလည်း အမှန်ကို ဖြစ်စေချင်တာနဲ့... Comment မှာဝင်ရေးလိုက်ပါတယ်။ ကျမ မှတ်မိ ပါတယ်.. ဒီစာလုံးပေါင်းအမှန်က ဒီလိုပါရှင်...ဒီအဓိပ္ပါယ်မို့ ဒီလိုပေါင်းတာပါရှင်ပေါ့...။ ကျမစိတ်ထဲငါတတ်နိုင်တာလေးဝင်လုပ်ပေးလိုက်တယ်ပေါ့..။ ဒါပေမဲ့ မဟုတ်ပါဘူး။ ကျမရဲ့ Commentအောက်ကနေ ကျမကို သရော်မော်ကားပြောတာတွေ.. ဟားတာတွေ.. ရိတာတွေ.. နောက်ဆုံးကျတော့ အဲဒီ ဘလော့ဂါကောင်လေးကပဲ ဒီလိုရေးလည်းရတာပဲဆိုပြီး တမင်ကို အမှားတွေပေါင်းထားတဲ့ စာလုံးပေါင်းတွေနဲ့ post တခုရေးတဲ့အထိပါပဲ...။ ကျမကတော့ ပြုံးနေလိုက်ပါတော့တယ်။ ကျမက မမှားချင်ဘဲမှားမှန်းမသိဘူးထင်လို့ ပြင်ပေးမိတာကိုး..။ တကယ်က သူတို့က အမှားကို လက်သင့်ခံသူတွေအမှားနဲ့ နေသားကျသူတွေ.. တလွဲမာနနဲ့ နေပျော်သူတွေပဲ...။ ဒါနဲ့ပဲ အဲဒီကတည်းကစလို့ကျမ မြန်မာစာကိစ္စ.. စာလုံးပေါင်းကိစ္စကို မေးလာရင်တောင်မှ နှစ်ကိုယ်ကြားသာ ဖြေပြီးအွန်လိုင်းလောကမှာ နှုတ်ဆိတ်နေလာလိုက်တာ.. ဒီနေ့ထိပဲ ဆိုပါတော့။
ခုတော့ အွန်လိုင်းမှာလည်း နေပါးဝလာပြီ။ အသက်ကြီးလာတော့ အင်း မှန်တာလေးတော့ လုပ်မှဖြစ်မှာ ပါလေလို့လည်း ပိုမိုက်ရဲလာပြီ။ ကိုယ့်ထမင်းကိုယ်စားပြီး ကြီးတော်နွားကျောင်းရတာ တယ်ကုသိုလ်ရတာပဲ လို့လည်း ပိုပိုပြီး ခံစားလာတတ်ပြီ.. ဒါ့ထက်ပိုတဲ့ အခြေနေကတော့ အရေထူတဲ့နေရာမှာ တိုးတက်လာတာ ပါပဲ။ ဆိုတော့ ခုတော့ ကျမ မနေနိုင်မထိုင်နိုင်လောက်အောင် စိတ်ကသိကအောက်ဖြစ်ရတဲ့ သတ်ပုံကိစ္စ ပြောပါတော့မယ်။


တချို့စာလုံးပေါင်းတွေဆို ကျမစိတ်ထဲ ဒီလောက်လေးတော့ မမှားသင့်ဘူးလို့ ထင်မိတာတွေ အများကြီး ပါ။ ဒါပေမဲ့ ပြဿနာက မြန်မာစာအဖွဲ့က ပြုစုထားတဲ့ စာလုံးပေါင်းသတ်ပုံကျမ်းမှာကို ကျမ သဘော မတူနိုင်တာတွေ အများကြီးပါ။ ဒါပေမဲ့ စာလုံးပေါင်းမမှန်လို့ အဓိပ္ပါယ်ပြောင်းမသွားရင်တော့ ကိစ္စမရှိပါဘူး။ ဥပမာ... ချွတ်ခြုံကျတာကို ခြွတ်ချုံကျတယ် ပေါင်းလည်း မြင်ရတာသာ တမျိုးကြီးဖြစ်နေတာ အဓိပ္ပါယ် ကတော့ လွဲမသွားဘူးကိုးလို့ စိတ်လျှော့ပေးလို့ ရပါတယ်။ ဒီလိုပဲ ခြိုးခြံ လား ချိုးချန်လား.. ခြိုးချန် လား ဆိုတာတွေ..။ ထားလိုက်လို့ ရပါတယ်။ ကျမစိတ်ထဲ သိပ်သည်းမခံနိုင်တဲ့အမှားတွေကတော့ မှားမှန်း သိဖို့ ကောင်းလျက်နဲ့ မသိကြတာကို စိတ်ညစ်တာပါပဲ။ အများစုမှားကြတဲ့စကားလုံးတွေ သတိရသလောက် ရေးပြရရင်... ရှေ့စာလုံးပေါင်းတွေက အမှန်တွေပါ.. နောက်စာလုံးတွေက မှားရေးလေ့ရှိတဲ့ စာလုံးတွေနဲ့ မသဲကွဲတတ်တဲ့ စကားလုံးတွေပါ။
...
ရှုတ်ချ ကို ရှုံ့ချ လို့ ရေးတာ......
ပတ်သက် ကို ပတ်သတ်
တပ်မက် ကို တက်မက်
လုပ်တတ်တာ ကို လုပ်တက်တယ်
သူတို့အချင်းချင်း ကို သူတို့ အခြင်းခြင်း
လုံးချင်းဝတ္ထု ကို လုံးခြင်းဝတ္ထု
မေတ္တာဘွဲ့ ကဗျာ ကို မေတ္တာဖွဲ့ကဗျာ
စွပ်စွဲ တာကို စွပ်ဆွဲ
ပျက်စီးတာကို ပျက်ဆီး
လွယ်အိတ် ကို လွယ်အိပ်
ရပ်စဲ တာကို ရပ်ဆဲ
အနှောက်အယှက် ကို အနှောင့်အယှက်
ပြန်ချင် တာကို ပြန်ခြင်တာ...
အချေအတင် ကို အခြေအတင်
လုပ်နိုင်ခြေ ဖြစ်နိုင်ခြေ ကို လုပ်နိုင်ချေ ဖြစ်နိုင်ချေ
ဝါသနာ ကို ၀ါတနာ
ဉာဏ် ကို ညာဏ်
ဉာဉ် ကို ညာဉ် …
ဉ လား ဥ လားမကွဲတာတွေ..။ (လုံးချင်းဗျည်းအနေနဲ့ ရေးရင် ဉ .. ပါ။ အသတ်အနေနဲ့ဆိုရင် ဥ ကို ညလေးအနေနဲ့ သုံးပါတယ်)
ရုတ်ချည်းလား.. ရုတ်ချဉ်းလား..
ချဉ်းကပ်လား.. ချည်းကပ်လား...
ဖွံ့ဖြိုးလား.. ဖွင့်ဖြိုးလား..
ရဲဝံ့ လား.. ရဲဝင့်လား...
မုန့်ဖိုး လား.. မုံ့ဘိုး လား...
ဖုန်ထူ လား.. ဖုံထူလား..
ဖြစ်နေကျ အဖြစ်အပျက်လား.. ဖြစ်နေကြ အဖြစ်အပျက်လား..
သီတင်းတပတ်လား.. သတင်းတပတ်လား...
စုဆောင်း လား.. စုစောင်း လား...
ယောက်ျား လား.. ယောင်္ကျားလား..
သက်သေလား .. သတ်သေလား..
လွင့်စင် လား.. လွင့်စဉ်လား..
အဆင်ပြေ လား.. အစဉ်ပြေ လား..
အသည်းကွဲ လား.. အသဲကွဲ လား...
ချက်ချင်း လား.. ချက်ခြင်း လား
ဆန်းစစ်လား.. စမ်းစစ်လား...
ခမ်းနား လား ခန်းနား လား..
လန်းဆန်း လား.. လန်းဆမ်း လား..
လတ်ဆတ် လား.. လန်းဆတ်လား..
စာအုပ်စင် လား.. စာအုပ်စဉ် လား...
တယောက်တည်းလား.. တယောက်ထဲ လား...
အချိန်မီ လား.. အချိန်မှီ လား..
အလုပ်ဖြစ်ရုံ လား.. အလုပ်ဖြစ်ယုံလား..
အချိန်မီရုံပဲ လား... အချိန်မှီယုံဘဲ လား...
ပြင်းပျ လား.. ပျင်းပျ လား.. ပျင်းပြ လား...
ဖျော်ဖြေ လား.. ဖြော်ဖြေ လား..
ပရိသတ် လား.. ပရိဿတ် လား..
ပြဿနာ လား.. ပြသနာ လား..
ဗာဒံပင်လား.. ဗံဒါပင်လား..
ပဟေဠိ လား.. ပဟေဌိ လား..
ပါဠိ လား.. ပါဌိ လား...
ပြောထားလျက်နဲ့ လား.. ပြောထားရက်နဲ့... ပြောထားရဲ့နဲ့လား... …
သိတယ်မို့လား လား.. သိတယ် မဟုတ်လား လား...သိတယ်မှုတ်လား.. လား
နှလုံးသည်းပွတ် လား... နှစ်လုံးသဲပွတ်လား.. (တနေရာမှာဆို နှစ်လုံးသား လို့ ရေးတာတောင် တွေ့ပါတယ်)။


ဒါ facebook နဲ့ blog တချို့မှာ လက်လှမ်းမီတွေ့ရာလေးတွေပဲ ရေးသေးတာပါ။
ပြောရရင်တော့ အများကြီးမှ အများကြီး..
ဖူး ကို ဘယ်မှာ သုံးပြီး ဘူး ကို ဘယ်လိုသုံးတယ်ဆိုတာ.. ဖက် နဲ့ ဘက်.. ပဲ နဲ့ ဘဲ ... အဲဒါတွေတော့ အပ်ကြောင်းထပ်နေပြီမို့ မပြောတော့ပါဘူး။
ပြောရရင် မြန်မာစာပေါင်းထုံးတွေက သူ့အဓိပ္ပါယ်နဲ့သူ ချိတ်တွဲထားကြတာချည်းပါ။
အသံထွက်မှားတာတွေကိုတော့ မောရုံမို့ မပြောတော့ပါဘူးလေ..။
ကျမက တမင်တကာ မှားနေကြတယ်လို့တော့ မထင်ပါဘူး.
မသိလို့မှားတယ်လို့ပဲ ထင်ပါတယ်။ တမင်တကာမှားတဲ့သူတွေအတွက်ဆိုရင်တော့ ကျမ ခုလိုရေးလည်း သူတို့က ဒါမျိုးတွေ ၀င်ဖတ်တာမှ မဟုတ်တာလေ။


သူမှားနေပါလားလို့ ထောက်ပြတာ လွယ်တယ်လို့ ထင်တတ်ကြပါတယ်။ ဒါပေမဲ့ အဲလို ထောက်ပြဖို့ကလည်း အမှား ကို အမှားမှန်းတော့ သိဦးမှ မဟုတ်လား နော်..။
မှား အစဉ် ပြင်ခဏ ဆိ်ုပေမဲ့ မှားမှန်းကလည်း သိဦးမှပါလားဆိုတာကိုပေါ့...။
(တချို့စကားလုံးအသုံးတွေက သတ်ပုံကျမ်းမှာတောင် မပါလို့ တချို့ ကျမမှားနေတာ အထောက်အထားနဲ့ အမှန်တွေ့ရင် ၀င်ပြင်ပေးပါဦးနော်)


+++++


ဒီတခါ ဆရာမကြီး လုပ်တယ်လို့ အပြောခံရရင်တော့ ပြန်ပြောလိုက်မှာပဲ... ဆရာမကြီးမို့ ဆရာမကြီးလုပ်တာပေါ့လို့ :P

20 comments:

နေ၀သန် said...

ဟုတ်တယ်ဗျာ.. မြန်မာစာလုံးပေါင်းတွေက တခါတလေ မှန်တယ်ထင်တာတွေ မှားနေတတ်တယ်... တချို့တွေကျတော့လည်း အဘိဓါန်တွေမှာကို မတူတာ.... တခါက ဖြစ်ဖူးတယ်... `ဗူး` နဲ့ `ဘူး` ဘူးသီးလား.. ဗူးသီးလား... ဘီယာဗူးလား.. ဘီယာဘူးလား.... :D.. နောက် ဘိနပ်လား.. ဖိနပ်လား... တချို့တွေကျ ခေတ်ပြောင်းတာနဲ့ အရေးအသားတွေ ပြောင်းသွားသလား.... အရင်က စာအုပ်တွေမှာ ဘိနပ်ပဲ ရေးပေမယ့် ခုကျတော့ ဖိနပ်ပဲ တွေရတော့တာမျိုး... ပြောရရင် မြန်မာစာကတော့ မြင့်တယ်ဗျာ.. ဥာဏ်မမီဘူး... :D


ခင်မင်လျက်
နေ၀သန်

စန္ဒကူး said...

စာလုံးပေါင်းလေးတွေမှတ်သားသွားတယ်...
ကျွန်မလဲစာလုံးပေါင်းသိပ်မှားတာဘဲ...
ကိုယ်ကအမှန်လို့ထင်ထားတာတွေ မှားနေတာတွေ များတယ်။ အခုလို ရှင်းပြပေးတာကျေးဇူးမမ..

ချော(အစိမ်းရောင်လွင်ပြင်) said...

ကျွန်မလဲ စာလုံးပေါင်းတစ်ချို့ကို ဘယ်ဟာအမှန်အမှားဆိုတာ မခွဲနိုင်ဘဲ ဇဝေဇဝါ ဖြစ်တာမို့ မှားရေးမိတာတွေ ရှိပါတယ်..
အတတ်နိုင်ဆုံးတော့ စာလုံးပေါင်းသတ်ပုံကျမ်းမှာ စစ်ပေမဲ့ အလျင်စလို ရေးမိပြီး ပြန်မစစ်တာတွေကျတော့ မှားမိပါတယ်..
ဆရာမရေးပြထားတဲ့ စာလုံးတွေကိုကြည့်မှ တစ်ချို့ဟာတွေ ငါမှားနေပါလားလို့ သတိထားမိတယ်.. ခုလို ရှင်းပြပေးတာ ကျေးဇူးတင်ပါတယ်ရှင်..

ငြိမ်းစိုးဦး said...

ညလေးမရှိလို့ ညာဏ်လို့ ရေးမိတာ ၊ ခဏကို ခန လို့ ရေးမိတာများကိုတော့ ခွင့်ပြုလို့ရမယ် ထင်ပါတယ် ။ ဠ ၊ ဍ ၊ ဋ ၊ စသည့်အသုံးများကို တ ၊ ထ၊ ဒ ၊ ဓ ၊ န ဟူသော စာလုံးများနှင့် ( ပါဠိ မူ မဟုတ်ပါက ) သုံးနိုင်မည် ထင်ပါသည် ။ ( ကျွန်တော် ယူဆခြင်း ဖြစ်ပါသည် ။ )

စူးနွယ်လေး said...

နောက်ရှိသေးတယ်....
အဆင်ပြေကို အစဉ်ပြေ
အရသာဆိမ့်တာကို စိမ့်တယ်ဆိုပြီး ရေးနေကြတာ။
စားလိုက်ရင် စိမ့်စိမ့်လေးဆိုတော့ ဖတ်ရင်းစားလိုက်ရတာ သွားတောင်စိမ့်သွားတယ်။ :D

သိတယ်မို့လား လား.. သိတယ် မဟုတ်လား လား...သိတယ်မှုတ်လား.. လား

အဲဒါက ဘယ်ဟာမှန်တာလဲ အစ်မ ?

ကိုယ့်ကိုယ်ကို လို့ရေးတာရော မှန်ပါသလား... ?

Nyi Linn Thit said...

ဝါသနာကို “ဝါတနာ” နဲ့ သက်သေကို “သတ်သေ” လို့ ရေးတာကတော့ အတော်လေးကို ဆိုးပါတယ်၊း)
“ရပ်ဆဲ” ကလည်း မရပ်စဲဘူး ဆိုရင် ရပ်ပြီးဆဲမယ်လို့ ဆိုချင်တာလား မသိ၊း) ၂၀၀၃ မှာ ဒုတိယအကြိမ် ပုံနှိပ်ခြင်းအနေနဲ့ ထွက်လာတဲ့ သတ်ပုံကျမ်းမှာတော့ “အနှောင့်အယှက်” လို့ ရေးထားတာ တွေ့တယ် အမရေ..၊ ၂၀၀၃ နောက်ပိုင်းမှာ သတ်ပုံကျမ်း ထပ်ထွက်ပြီး “အနှောက်အယှက်” လို့ ပြင်လိုက်တာ များလား? ဘာပဲဖြစ်ဖြစ် အခုလို ယှဉ်မရေးထားရင် အမှားကို တွေ့လည်း အမှန်လို့ အောက်မေ့နေမိတတ်လို့ ကျေးဇူးပါပဲ အမရေ...။

မေငြိမ်း said...

နေ၀သန်..
ဟုတ်ပါတယ်.. မြန်မာစာမှာလည်း ၀ိဝါဒကွဲတွေ အများကြီးပါ။ ဒါကြောင့် ကျမပြောခဲ့တာပါ..။ တော်ရုံ အဓိပ္ပါယ်လွဲမသွားစေတဲ့ အမှားဆို အရေးမကြီးဘူးလို့...ခု ကိုနေ၀သန်ပြောတဲ့ ဘူးသီးဆို တကယ်က ဗူးသီးလို့ တသက်လုံးပေါင်းလာတာ.. ခုကျတော့ ဘူးသီး..တဲ့။ ဘာလို့အဲလိုပေါင်းသလဲဆိုတော့ ပစ္စည်းထည့်တဲ့ ဘူးနဲ့ တူလို့လို့ ပြောရမယ်ထင်တယ်။ ဒါဖြင့် အဲဒီဘူးကိုရော ငြင်းဆိုတဲ့ ဘူးနဲ့ မရောရအောင် ဗူးလို့ မပေါင်းသင့်ဘူးလား။ ကျမ အမြဲ စဉ်းစားဖြစ်ပါတယ်။ ဗူ;ဘုရား လား.. ဘူးဘုရားလား :)

မေငြိမ်း said...

စန္ဒကူး..ချော
အစ်မလည်း ခုထိ မှားတုန်း.. မသေချာတဲ့ စာလုံးတွေ ခုထိ သတ်ပုံကျမ်း ကြည့်ရတုန်း..

မေငြိမ်း said...

ငြိမ်းစိုးဦး..စူး...
အဓ်ိကက အဓိပ္ပါယ်မလွဲဖို့ပါပဲလေ..။ အမှန်အတိုင်း ရေးနိုင်တာကတော့ အကောင်းဆုံးပေါ့။
စူးရေ.. သိတယ်မဟုတ်လားကတော့ စကားပြောနဲပဆို သိတယ်မို့လား ဖြစ်တာပါပဲ။ :)

မေငြိမ်း said...

ညီလင်းရေ..
အဲဒီအနှောက်အယှက်ကလည်း ပြဿနာပဲဗျ.. တသက်လုံးမှတ်လာတာ အနှောက်..ဆိုတော့ သတ်ပုံကျမ်းတောင် မလှန်ခဲ့တာ ခု ညီလင်းပြောမှ ကြည့်တော့ ဟုတ်ပါ့.. အနှောင့်..တဲ့။ အစ်မသိတဲ့ အနှောင့်ကတော့ အနှောင့်အသွားပါ..။ ဆိုတော့ အနှောင့်အယှက်ကို အဲလိုများ ဆက်စပ်ယူလေသလားပဲ..။ တခုခုက ခုခံ တားဆီးနေတဲ့ အဓိပ္ပါယ်..။ ခုမှ ပြန်သတိထားမိရပြီ။ ထုံးစံအတိုင်း.. ရှဲရှဲ...။

rose of sharon said...

ကျေးဇူးအမရေ... အဲလိုအသေအချာ ပြောပြမဲ့သူတွေ အနားမှာမရှိဘူး... အဲလိုလေးတွေများများပြောပြပေးပါ... စာရေးခါနီး spelling check လုပ်သလိုမျိုး အမဆီလာလာရှာကြည့်မယ်နော်...

ချစ်ကြည်အေး said...

အစ်မရေ...ညီမ စာရေးရင် မမှားအောင် ကြိုးစားရေးလေ့ရှိပါတယ် အစ်မ။ ဒါပေမဲ့ တစ်ချို့ ဇဝေဇ၀ါတွေကို စာရေးပြီးချင်စိတ်နဲ့ မသေမချာ လွှတ်လိုက်ရတာတွေ ရှိတယ် အစ်မရ။ အဓိပ္ပါယ်ကြီး သိပ်လွဲသွားတာတွေ ဖတ်မိရင် ကိုယ်တိုင်လည်း မကြိုက်နိူင်ဘူးကိုး အစ်မရဲ့.....။ ကျေးဇူးပါ အစ်မရေ။ အစ်မဆီက ဘလော့ဂ်ဂါ လက်စွဲစာအုပ် လာယူပါဦးမယ်......

မယ်ကိုး said...

ကျေးဇူးပါ ဆရာမရေ... စာလုံးပေါင်းကို အရင်တုန်းက အရမ်းသတိထားပါတယ်။ ငယ်ငယ်တုန်းကဆို စာလုံးပေါင်းမှားတဲ့ စာရေးသူတွေဆို အထင်လေးသေးတတ်သေးတယ်။ ကိုယ့်အလှည့်ကျမှ စာလုံးပေါင်းမှားနေတာတောင် မသိ။ သူများလာပြောမှ သိတဲ့အဖြစ်ကို ရောက်ပါတော့တယ် :P ...ရေးချင်ဇောကြီးနေတော့ သတိလွတ်သွားတာပါ။ အခု စာလုံးပေါင်းကို သိပ်ဂရုမမူချင်တော့ပေမယ့် ဆရာမစာလေးကြောင့် ပြန်သတိထားပြီး သေချာဂရုစိုက်ပြန်ပြန်စစ်ပါ့မယ်း)။

YL said...

လာလည်သွားပါတယ်... ကျနော့် သီချင်းဆိုဒ်ဆီကိုလည်း လာပြီး အပန်းဖြေပါဦး..

Myanmar Online Mp3 Songs: http://www.myanmaronlinemusic.com

ကျေးဇူးပါ...

နိုင်းနိုင်းစနေ said...

ဆရာမကြီးလို့ မထင်ရဲပါဘူးအစ်မ.. အယ်.. မပြောရက်ပါဘူး အစ်မ..း)
ကျွန်မဆို အမြဲမှားတယ်.. ခဏခဏ မှားတယ်။ ဘလော့ရေးစက တော်တော်လေးမှားပေမယ့် ခုတော့ပြင်ရင်းပြင်ရင်း နည်းနည်းတော့ မှန်လာခဲ့ပါပြီ။း)

အစ်မကိုတစ်ခုမေးချင်လို့ပါ။ "လွဲ" နဲ့ "လွှဲ" ကို ကျွန်မခွဲမတတ်လို့ပါ။ အွန်လိုင်းက မြန်မာစာလုံးပေါင်း ဝက်ဆိုက်ကိုလိုက်ကြည့်တော့ လိုချင်တဲ့အဖြေတွေ သိပ်မရှိဘူး။ အစ်မ အားရင် နည်းနည်းပြောပြပေးပါနော်.. ကျေးဇူးတင်ပါတယ်..း)

မေငြိမ်း said...

99 ရေ..
လွဲ က Active ပါ.. လွှဲက Passive ။ ဆိုတော့ ကျ နဲ့ ချ လိုပေါ့.. သူ့အလိုလို ကျတယ်..။ တယောက်ယောက်က ချတယ်။ လွဲသွားတယ်.. လွှဲပေးတယ်...။ လွှဲလိုက်တာ လွဲသွားတယ်။ အဲလို..။ ရပြီထင်တယ်နော်...။

သက်ဝေ said...

ပိုစ့်ရော... ကော်မန့်တွေရော ဖတ်လိုက်တယ်... စာတပုဒ်ရေးတိုင်း စာလုံးပေါင်းကို အတတ်နိုင်ဆုံး (အတတ်နိုင်ဆုံး) မမှားရလေအောင် သတိထားပါတယ် အမ... တကယ်လို့ အမြင်မတော်တဲ့ အမှားတွေ တွေ့ရင်လည်း ပြင်ပေးပါနော် အမ...း))

အိမ့်ချမ်းမြေ့ said...

ကျေးဇူးတင်ပါတယ် အစ်မ..

မလေး ဒီငါးနှစ်တွင်းမှာတော့ စာလုံးပေါင်း တော်တော် တိုးတက်လာတယ်..

ဆက်လက်လေ့လာနေဆဲပါ။

ချစ်ခင်စွာဖြင့်..
မလေး

Lun Lunn said...

အမရေ ...

စာလုံးပေါင်းနဲ့ ပတ်သက်ပြီး ခုလို အမကိုယ်တိုင်က ရေးလာတာတွေ့ရလို့ အရမ်း ၀မ်းသာပါတယ်။

အများကောင်းဖို့အတွက်ပဲ သတ္တိတွေ ရှိလိုက်ပါ။ အမ တစ်ယောက်တည်း အားမရှိရင် အနောက်ကနေ တွန်းကူဖို့ အမြဲ အသင့်ပါပဲ။

ကျွန်တော်လည်း စာရေးတဲ့သူတွေ မမှားသင့်တဲ့ အမှားတွေကို မြင်တိုင်း မြန်မာစာကို အလေးမထားတာကို သိရလို့ စိတ်မကောင်း အမြဲ ဖြစ်ရတယ်။

အင်္ဂလိပ်စာရေးလို့ စာလုံးပေါင်း မှားရင် ရှက်ရမှန်း သိကြပြီး E Dictionary ကို အမြဲ အားကိုးကြသလို မြန်မာ သတ်ပုံကျမ်းကိုလည်း အဲ့ဒီလို သဘောထားပြီး ကြည့်စေချင်မိတယ်။ အားကိုးစေချင်တယ်။

အများအားဖြင့် မသေချာတဲ့ စကားလုံးက အများကြီး မရှိတဲ့အတွက် မှန်ချင်တဲ့ စိတ်ရှိဖို့ပဲ လိုအပ်တာပါ။ ယခုကစပြီး သေချာအောင်၊ သိအောင် သတ်ပုံကျမ်းကို မှီငြမ်းတဲ့ အကျင့်ရှိအောင် ကျင့်ကြံရင် နောက်ပိုင်း ကြည့်စရာ သိပ်မလိုတော့မှာ မဟုတ်ပါဘူး။

မြန်မာစာလုံးပေါင်းကို အင်္ဂလိပ်စာလုံးပေါင်းလို အလွယ်တကူ စာလုံးပေါင်း မှန်မမှန် Double Click နှိပ်ပြီးပဲဖြစ်ဖြစ်၊ အွန်လိုင်း Myanmar Dictionary ပဲဖြစ်ဖြစ်၊ နှစ်မျိုးစလုံးပဲဖြစ်ဖြစ် လုပ်ဆောင်ပေးနိုင်ရင် မြန်မာတွေရဲ့ မြန်မာစာ အရေးအသားတွေ တိုးတက် ကောင်းမွန်လာလိမ့်မယ်လို့ ယုံကြည်ပါတယ်။

လုပ်ပေးနိုင်တဲ့ အတတ်ပညာရှင်တွေ ပေါ်လာပါစေလို့ ၀ိုင်းဝန်းပြီး နှိုးဆော်ကြဖို့ လိုအပ်ပါတယ်။

လေးစားခင်မင်စွာဖြင့်

စိုးထွန်း

တိမ်ညိုသခင် said...

ဆရာမကြီးမို့ ဆရာမကြီးလုပ်တာပေါ့/ လုပ်ကိုလုပ်ရမယ် လုပ်လည်ုးလုပ်သင့်တယ် ဆရာ့ တာဝန်ကို ကျေပွန်မှ ပေါ့ တာဝန်ကျေတတ်မှ ခေါင်းဆောင်ကောင်းပီသမှာပေါ့။ကြိုက်တယ် ။လူမျိုးစာပေ ချစ်တဲ့သူဆိုရင် ကိုယ့်လူမျိုးကိုယ့်စာပေ ကို အပျက်စီးမခံနိုင်ကြပါဘူး။ သိပ်ကျေးဇူးတင်တယ်။