Oct 25, 2009

နီကိုရဲ...

သူက ကျမကို မာမီလို့ ခေါ်တယ်..။ သူ့ကို တွေ့ရင် တတွတ်တွတ်နဲ့ ဆုံးမ တတ်လို့တဲ့..။ ကျမကတော့ သူ့ကို ကိုရဲလို့ပဲ ခေါ်ပါတယ်။ ကျမတို့ချင်းက ဝေး.. ဝေး... နေတတ်တော့ တွေ့ရပြီလားဟေ့ဆိုရင် စကားပြောလို့ ကောင်းမယ့် တနေရာရာကို သွားဖြစ်အောင် သွားထိုင်ပြီး တွတ်ထိုးတော့တာ..။ အများအားဖြင့် ပြောဖြစ်တာက ဘ၀အမောတွေ..။ ကျမတို့ တွေ့ရင် မမေ့မလျော့ လုပ်ဖြစ်တာက ကိုရဲကို ကျမက ဗေဒင်တွက်ခိုင်းဖို့နဲ့ ကိုရဲကလည်း မမေ့မလျော့ ကျမ လက္ခဏာကို တောင်းတောင်းကြည့်တတ် တာ..။ (နီကိုရဲက ဗေဒင်ဟောရင် သိပ်မှန်တာ)။ အဲဒီအခါကျရင် ကြားထဲ ရှုပ်တုပ်ရှုပ်တုပ် လုပ်တတ်ကြတာက မင်းခိုက်စိုးစန်..။ ဒါမှမဟုတ်.. ခက်မာ။ ဒါမှမဟုတ် ဝေမှူးသွင်။ ကျမတို့တတွေ တကယ့် မောင်နှမရင်းချာတွေလို. တိုင်ပင်ကြ.. ရင်ဖွင့်ကြ..။ ဘယ်လောက်ဝေးနေနေ ပြန်တွေ့ရင် နွေးထွေးမြဲ..။

(မေငြိမ်း၊ နီကိုရဲ၊ ခက်မာ)
(တိုက်တိုက်ဆိုင်ဆိုင်.. ပြီးခဲ့တဲ့ ကျမတင်ထားတဲ့ ကိုအောင်ဝေးလုပ်တဲ့ အင်တာဗျူး.. မရေးဖြစ်တဲ့ ကဗျာကို ကျမတို့ ၃ယောက် လဆက် ဖြေခဲ့ကြတာ.. ခုတော့ တကယ်ပဲ စိုတဲ့လက်မှ မခြောက်ခင်...)

ကိုရဲ ၀တ္ထုတွေ အောင်မြင်ချိန် ကျောင်းထဲ ရုပ်ရှင်လာရိုက်တဲ့အခါ ကျမကို ဌာနမှာ သူ လာရှာခေါ်သွားပြီး သူ့ရိုက်ကွင်းအနားမှာ လေပွားခဲ့ကြတာ..။ တကယ်က သူနဲ့ ကျမက အသက် ၁နှစ်ခွဲပဲ ကွာတာပါ။ ဒါပေမဲ့ သူက ကျမကို အစ်မကြီးလို.. ကျမက သူ့ကို မောင်ငယ်လို ဆက်ဆံတော့ ကျမတို့က တကယ့် မောင်နှမတွေလို..။

သူနဲ့ နောက်ဆုံးတွေ့ခဲ့ကြတာ ၂၀၀၄ နိုဝင်ဘာလထဲ.. ကိုငှက်(ထူးအိမ်သင်)ဆုံးတာ ရက်၁၀၀ပြည့် အထိမ်းအမှတ်ကို နေမျိုးဆေးက Mr.Guitar မှာ ကိုငှက်မိသားစုနဲ့ သူငယ်ချင်းတွေချည်းပဲ အမှတ်တရဆိုပြီး လုပ်ပေးတဲ့ပွဲလေးမှာ ကိုငှက် ချစ်တဲ့ ကိုရဲနဲ့ ကျမတို့ သူငယ်ချင်းတတွေ ဆုံဖြစ်ခဲ့ကြတာ..။ နောက် မင်းခိုက်စိုးစန် ရောပေါ့...။

(နီကိုရဲ၊ ခက်မာ၊ မေငြိမ်း၊ မင်းခိုက်စိုးစန်)
(ကိုရဲအိမ်မှာ.. ထုံးစံအတိုင်း မောင်နှမတတွေ.. တဟားဟားနဲ့ ရယ်ခဲ့ကြရတာ.. အဲဒါ နောက်ဆုံးတွေ့ခဲ့ရတာပေါ့)

ထုံးစံအတိုင်း မောင်နှမတွေ အလုပ်ကိုယ်စီရှုပ်ပြီး မတွေ့တာကြာလို့မို့... စကားတွေ ဖောင်လောင်တိုက် ပြောကြတာ..။ သူက ပြောလိုက်သေးတယ်.. ကိုငှက်သာ ကြည့်နေရင် ကျနော်တို့ကို ကြည့်ပြီး သူ့တော့ မလွမ်းကြဘဲ လေကန်နေကြတယ်လို့ ဆဲနေမှာတဲ့..။ (အဲဒီတုန်းကလည်း ကိုရဲက သူနဲ့ ကိုငှက် ဂျစ်ကျကြပုံတွေ ပြောပြတာမို့ ကျမတို့မှာ ငိုချင်တဲ့ ကြားကပဲ ရယ်နေခဲ့ကြရတာပါ။ (ကိုရဲက ရယ်စရာ ဖြစ်အောင်ကို ပြောတတ်တာပါ။ အဲလိုရယ်စရာတွေသာပြောနေတာ သူ့ရုပ်ကတော့ ခပ်တည်တည် ထားတာမို့ ကျမတို့မှာ ပိုရယ်နေရတာပါ)။ တကယ်တော့ ကျမတို့အားလုံးဟာ ကိုငှက် ဆုံးတုန်းက အသည်းတွေ ကွဲခဲ့ကြတဲ့ သူတွေချည်းပါပဲ..။ ခုတော့ဖြင့်... ကိုငှက်နောက်ကနေ.. တန်းစီသွားကြသူတွေထဲ သူလည်း နံပါတ်စဉ် တခု ချိတ်ခဲ့ပြီ။

ကိုရဲရေ...
ခုလည်း ငါကတော့ ဆူချင်တာပါပဲ...။ မွေးရာပါနှလုံးရောဂါဟာ အရက်အလွန်အကျွံသောက်ရင် သေဖို့ သိပ်မြန်တယ်ဆိုတာ.. နင်အသိဆုံးလေ.. ကိုရဲ..။
ငါ ပို စိတ်မကောင်းဖြစ်ရတာက ဒီကနေ့ နင့်နာရေးသတင်းကို ငါနဲ့ စိုးလေး ပြောလိုက်ကြရတာပဲ..။ (စိတ်ဆင်းရဲစရာ ကောင်းလိုက်တာ)
ကိုရဲရေ.. ခက်မာလည်း ညက အိပ်မပျော်ဘူးသိလား...။
တကယ်တော့ ငါတို့ သူငယ်ချင်းအားလုံးကို အမြဲတမ်းပျော်အောင် လုပ်ခဲ့တဲ့ နင့်မှာ နာကျင်စရာတွေ ရှိသမျှ.. ငါတို့ကကျတော့ နင့်ကို ဘာမှလုပ်မပေးနိုင်ခဲ့ပါလားနော်...။
ချစ်တဲ့
မာမီ
အောက်တိုဘာ ၂၄၊ ၂၀၀၉

16 comments:

အိန္ဒြာ said...

မမရေ...

ဘာပြောရမှန်းမသိအောင်ကို
ကြောင်အနေမိခဲ့တာပါ...

မခင်မင်ခဲ့ပေမယ့်
အလိုလိုရင်းနှီးနေမိတာ......

နောက်တစ်ယောက်မရှိနိုင်တဲ့သူတွေ...
ရွေးသေပေးနေသလို့ပဲ........

Moe Cho Thinn said...

သူ နောက်နေတာပဲ ဖြစ်ပါစေလို့ ဒီသတင်း ကြားကြားချင်း အကြိမ်ကြိမ် ဆုတောင်းမိတယ် ဆရာမ။

Nge Naing said...

ဆရာမရေ
ဗေဒင်ဟောတတ်၊ လက္ခဏာ ကြည့်တတ်တဲ့ နီကိုရဲက သူ့ဇာတာကို တခါမှ ပြန်မတွက်ကြည့်ဘူးလား မသိဘူးနော့်။ သူ့သတင်းကြားရတာ ဆရာမတို့နဲ့ ထပ်တူထပ်မျှ ခံစားရပါတယ်။

pandora said...

သူများတွေကို ပျော်ရွှင်အောင် စာလေးတွေရေးတတ်တဲ့ ဆရာ.. နောင်ဘ၀ဆိုတာ ရှိခဲ့ရင် ပျော်ရွှင်အေးချမ်းပါစေ လို့ ဆုတောင်းပါတေယ်။

MANORHARY said...

ဟုတ်ပါရဲ့ ဗေဒင်လက္ခဏာတွေကို သူများကို အရမ်းမှန်အောင်ဟောပေးနိုင်ခဲ့ဖူးတဲ့သူက
သူ့ကံကြမ္မာကျ သူ မဖတ်ထားခဲ့ဘူးထင်ပါရဲ့

နေသစ် said...

အလွဲတွေနဲ့ တေးဆိုသွားတဲ့ ဆရာနီကိုရဲ..
မကြည်ပြာနဲ့ ပရိသတ်တွေ လွမ်းနေတော့မှာ အသေချာ..

chanchan said...

နှမြောစရာကောင်းလိုက်တာ..
စိတ်ထဲ မကောင်းလိုက်တာအရမ်းပါပဲ။
တော်တဲ့ ကောင်းတဲ့ သူတွေ အချိန်မတန်ခင် တဖြုတ်ဖြုတ်ဖြစ်နေတာ ကြာနေပြီ.. အစားထိုဖို့ ခက်တဲ့ ဆုံးရှူံးမှု့တွေ......

ကိုချစ်ဖေ said...

မမေငြိမ်းရေ
ဘာပဲဖြစ်ဖြစ် ကိုနီကိုရဲက အပျော်တွေကိုပေးသွားခဲ့ပါ
တယ် ကျနော်တို့အတွက်.

ကြာပီ said...

အင်မတန် စိတ်မကောင်းဖြစ်မိပါတယ်။

တောင်ပေါ်သား said...

အကို နီကိုရဲ ကောင်းရာသုဂတိ ရောက်ပါစေလို့ ဆုတောင်းပေးပါတယ်


လေးစားလျက်
တောင်ပေါ်သား

သိင်္ဂါကျော် said...

ဟာသ အရေးကောင်းတဲ့ စာရေးဆရာ တစ်ယောက် ဆုံးရှုံးသွားရတာ အစားထိုးလို့ မရတဲ့ ဆုံးရှုံးမှု ပါပဲ...

komin said...

မမရေ

မပြောဘဲ ယူသုံးတဲ့ အတွက် ခွင့်လွှတ်ပါ။ aug27.weebly.com မှာ အမှတ်တရ သိမ်းထားချင်လို့ပါ။

rose of sharon said...

စိတ်မကောင်းဖြစ်မိပါတယ်.... ဘဝအမောတွေကို ရီစရာဖြစ်အောင်ရေးတတ်တဲ့ သူ့အရေးအသားကို လွမ်းနေရတော့မှာ.....

INGJIN THANT said...

ဆရာမရေ....ဒီပို့စ်ကိုဖတ်ပြီး မျက်ရည်တွေဝဲလာသည်အထိခံစားရတယ်...
ကျွန်မတော့သူ့ကိုအရမ်းနှမြောတယ်
ကိုနီကိုရဲကောင်းရာသုဂတိလားပါစေ......

INGJIN THANT said...

ဆရာမရေ....ဒီပို့စ်ကိုဖတ်ပြီး မျက်ရည်တွေဝဲလာသည်အထိခံစားရတယ်...
ကျွန်မတော့သူ့ကိုအရမ်းနှမြောတယ်
ကိုနီကိုရဲကောင်းရာသုဂတိလားပါစေ......

INGJIN THANT said...
This comment has been removed by the author.