မြသီလာ(၃၅)ထဲက ကျမရဲ့ အဲဒီ စာပိုဒ်နဲ့ ပတ်သက်လို့ Geology က ဆရာဟောင်းတချို့ ရေးပို့လာတဲ့ email တွေထဲက အချက်အလက်တချို့ကို တင်ပေးသင့်တယ် ထင်လို့ တင် ပေးလိုက်ပါတယ်။
အဲဒီ ဒဂုံတက္ကသိုလ်မှာ…
တသက်လုံး စည်းစည်းလုံးလုံးနဲ့ ကိုယ့်မေဂျာကို ချစ်တယ်.. စီနီယာတွေက ဂျူနီယာတွေကို အဆင့်ဆင့် ထိန်းကြ စောင့်ရှောက်ကြတယ်.. သူတို့ ဆရာဆရာမတွေကို ချစ်ကြတယ်ဆိုတဲ့ နာမည်တလုံးနဲ့ နေလာကြတဲ့ ဘူမိဗေဒမေဂျာက ကျောင်းသား၃ယောက်က သူတို့မေဂျာက ဆရာမကို Rape လုပ်တာ.. ပြီးတော့ အဲဒီ Rape case က လက်သိပ်ထိုး ဖျောက်ဖျက်ခံလိုက်ရတာ…။
ပူးတွဲပါစာတွေအရ ပညာရပ်မိသားစုအတွက် အရေးကြီးတဲ့ကိစ္စမို့ ကျွန်တော်ရေးခြင်း ဖြစ်ပါတယ်။
- ကျွန်တော့်အမြင်တော့ တရားခံကို ဒီနေ့အထိ မိခဲ့ပုံ မရဘူးလို့ပဲ ထင်ပါတယ်။ ဆရာမ ပြောတဲ့ ပြောင်းခံရတဲ့ကျောင်းသားဆိုတာ ခုနက ပါချုပ်ကို သွားအရေးဆိုလို့ ပြောင်းခံရတာ ဖြစ်ဖို့ ပိုများပါတယ်။
- အုပ်ချုပ်တဲ့သူဘက်က ကြည့်ရင် အင်မတန် လွယ်တဲ့အကွက်ကို ရွှေ့လိုက်တာပါပဲ။ သူတို့ တာဝန်ကို မင်းတို့ထဲကဖြစ်တာပဲ ဆိုတဲ့ သဘောနဲ့ လက်ညှိုးထိုး ချလိုက်တာပဲလို့ ထင်ပါ တယ်။ (တခြားကျောင်းသားလို့ ထိုးပြန်ရင် ဒီထက်ကြီးတဲ့ပြဿနာ ဖြစ်မှာကိုး)
နိဂုံးပြောရရင် ဒီကိစ္စကို ဆရာမ က တခြားအမှန်တွေနဲ့ ရောရေးလိုက်တဲ့အတွက် ကျွန်တော်တို့ ဘူမိဗေဒ လောကအတွက် တော်တော်ကြီး ထိခိုက်သွားပါတယ်။ ဆရာမဘက်က အထောက်အထား ပိုခိုင်လုံတာ ရှိရင် (ကျွန်တော်ရှင်းပြတဲ့ ဖြစ်စဉ်ထဲမှာတော့ လိုတာတွေ/ မှားတာတွေ ရှိနိုင်ပါတယ်။ ဒါပေမဲ့ ဆွဲထားတဲ့ အဖြေ မှားနိုင်တယ်ဆိုတဲ့ အထောက်အထား ရှိရင်) တိုက်ရိုက် ပြန် ရှင်းပြစေလိုပါတယ်။
နောက် စာတစောင်ကတော့
ဒဂုံတက္ကသိုလ်က rape case ကို အဲဒါ geology ကျောင်းသားနဲ့ ဘာဆိုင်လို့လဲကွ။
သာမန်ပြောရရင်တော့ အဲဒီ case ဖြစ်တုံးက ၀န်ထမ်းအကြီးအကဲတွေက သူတို့ လက်ညှိုးထိုးလွတ်အောင် ကျောင်းသားကို ပုံချကြတယ်။ ဒါပေမဲ့ ပုံလို့ မရဘူး။ ခုအချိန်မှာ ဒီလိုမျိုး ပြန် ပြောလာတယ်ဆိုရင်တော့ တစ်ခုဖြစ်နိုင်တာက တစ်နေ့က ဟိုကောင်တွေ အရက် သောက် ရန်ဖြစ်တဲ့ case ကို သေးသိမ်အောင် အာရုံလွှဲတာလို့ ငါတော့ ချက်ခြင်း ထင်ချင်တယ်။ ရန် ဖြစ်တတ်တဲ့ geology တွေဟာ အဲလိုကောင်တွေပါလို့ ပြောပစ်လိုက်တဲ့ သဘောပဲ။
ကျမဘက်က ခိုင်လုံတဲ့ အထောက်အထားတွေကို ခုပို့လာတဲ့ အီမေလ်ရှင်တွေကို personal email ပို့ပြီး ပြန်ရှင်းပြလိုက်ပါပြီ။ Blog မှာတော့ မတင်တော့ပါ။ ကျမအနေနဲ့ Self censorship အရ ကာယကံရှင် မိန်းကလေးကို ငဲ့ညှာရမှာမို့လို့ပါ။ ကျေးဇူးပါ..။
1 comment:
Fair enough.
Post a Comment