Oct 6, 2007

ဖြန့်ဝေခြင်း(၄၂)


“တန်ခိုးကြီးဘုရားများ .. ဗလီများ .. ဘုရားကျောင်းများ အားလုံးမှာ ..
ဝတ်ပြုဆုတောင်းမှုတွေကို ကျွန်တော်တို့ ပြုလုပ်ကြပါမယ် .. ။
ဖယောင်းတိုင်တွေကို ထွန်းညှိပြီးတော့ ဆုတောင်းကြမှာ ဖြစ်ပါတယ် .. ။

ကျွန်တော်တို့ မြန်မာနိုင်ငံမှာ ယူနီဖောင်းဝတ်ပြီးတော့ ..
ဘယ်လိုရာဇ၀တ်မှုမျိုးကိုမဆို ကျူးလွန်လို့ရတယ်ဆိုတဲ့ စနစ် ..
မုဒိန်းမှုတွေ .. လူသတ်မှုတွေ .. ပြန်ပေးဆွဲမှုတွေ .. လုယက်မှုတွေ..
ကြိုက်တဲ့ရာဇ၀တ်မှု မှန်သမျှကို ကျူးလွန်လို့ ရတယ်ဆိုတဲ့ စနစ်ကို
ကျွန်တော်တို့ လက်မခံတော့ဘူး .. ။

နှစ်ပေါင်းများစွာ ..
ကျွန်တော်တို့ ပြည်သူတွေ ခံစားခဲ့ရတဲ့ ဒုက္ခတွေ ..
မြန်မာနိုင်ငံရဲ့သမိုင်းတလျှောက်မှာ ပြည်သူတွေရဲ့မျက်ရည်တွေ ..
ငိုရှိုက်သံတွေနဲ့ နာကျည်း တောက်ခေါက်သံတွေ ..
သံဃာတွေရဲ့သွေးတွေ ..
အားလုံးအတွက်ကို ကျွန်တော်တို့ တုံ့ပြန်ကြရပါတော့မယ် .. ။
အဲဒီ့ကြေကွဲမှုကို ကျွန်တော်တို့ ယုံကြည်မှုနဲ့ တုံ့ပြန်ပါမယ် .. ။

မြန်မာနိုင်ငံရဲ့ ..
တရားမျှတခြင်း ..
လွတ်လပ်ခြင်း .. ဆိုတဲ့ ယုံကြည်မှုနဲ့ ..
တုံ့ပြန်ပါမယ် .. ။”

(ကိုဌေးကြွယ်)

No comments: