ဒေါ်အောင်ဆန်းစုကြည်ကို မခန့်လေးစား ထိကပါး ရိကပါး ဝေဖန်ရအောင် ကျမက ဘာမို့လို့လဲ..

ကိုယ့်အလုပ်တွေနဲ့ ကိုယ်ရှုပ်… ပြီးတော့ တော်ရုံဆို ၀င်မပြောချင်.. လို့ ထားထားလိုက်တာ။ ခုတော့ နည်းနည်းလည်း အားပြီ။ ပြီးတော့ ပြောချင် စိတ် လည်း ပေါက်လာတာနဲ့ ဆိုပါတော့။

ဒေါ်အောင်ဆန်းစုကြည် .. ဥရောပသွားတုန်းကလည်း ဥရောပအလျောက်.. ခု အမေရိက လာတော့ လည်း အမေရိက အလျောက်.. ဆိုင်ရာ အာဏာပိုင်တွေက အတတ်နိုင်ဆုံး တခမ်းတနား.. တလေး တစား.. ကြိုဆိုကြ.. ဂုဏ်ပြုကြ..။ ကျမတို့နိုင်ငံ့အရေး ဆွေးနွေးကြ.. အဖြေ၀ိုင်းရှာကြ။ တကယ် တန်ဖိုး ရှိဖို့ နှစ်ဦးနှစ်ဘက် ကြိုးစားကြ တဲ့ ခရီးပါပဲ။ အဲသလိုပဲ မြန်မာအုပ်စုတွေလည်း ဒေါ်အောင်ဆန်းစုကြည်နဲ့ တွေ့ဖို့ ဒေါ်အောင်ဆန်းစုကြည် ကို ကြိုဆိုဖို့ အရေး၊ အစဉ်အလာ မပျက်ရလေအောင် ပြင်ကြ ဆင်ကြ.. ရန်ဖြစ်ကြ.. စိတ်ဝမ်းကွဲကြ..။ အုပ်စုတွေ ကွဲကြ…။ အုပ်စု ကွဲတယ် ဆိုရင်လည်း အများ အားဖြင့် ပြောကြတာက နှစ်ဘက် မညီလို့ လို့သာ ပြောကြတာပေါ့။ ဒါပေမဲ့ ကျမ အမြဲ စဉ်းစားမိတယ်။ အမှန်နဲ့ အမှား ဘယ်လို ညီနိုင်ပါ့မလဲပေါ့။

အမှန်က လိုက်မှားကြမလား..။ အမှားက လိုက်မှန်ကြရမလား.. စဉ်းစားရမှာပါ။

ဒီနေရာမှာ ကျမနဲ့ အစ်ကိုလို ချစ်ခင်သော ပညာရှင် စာရေးဆရာတယောက် ငြင်းကြခုန်ကြရင်း ပြောခဲ့ ဖူးတာလေး ပြန်ပြောပြချင်လာပါတယ်။ လွှတ်တော်နိုင်ငံရေးနဲ့ ပတ်သက်လို့ပါပဲ။ အဲဒီတုန်းက စစ် အစိုးရ လက်ထက်.. စစ်သားတစ်မတ်သား ကိစ္စနဲ့ ပတ်သက်ပြီး ပြောကြတာမှာ သူက ကျမကို ပြောပါ တယ်။

“လွှတ်တော်ထဲမှာ စစ်တပ်က ၂၅% ပဲ ယူထားတာလို့ စစ်အစိုးရ ကတော့ ထင်မှာပဲ” တဲ့။

 ဒီတော့ ကျမကပြောတယ်.. “စစ်တပ်နဲ့ လွှတ်တော် ဘာဆိုင်သလဲ.. ထုံးစံမှ မရှိတာ..။ ဒါ အမှန် တရား မှ မဟုတ် တာ..။  ပြီးတော့ လူထုသဘောတူတဲ့ အခြေခံဥပဒေလည်း မဟုတ်ဘူး၊ ဒီလောက် အစိုးရက မတရား သဖြင့်တွေ လုပ်နေတာ ဘယ်အချက်က အမှန်လဲ အစ်ကို ကျမကို ပြောပြစမ်းပါ” လို့။

ဒီတော့ အဲဒီအကိုက ပြန်ပြောတယ်..။

“လူတိုင်းကတော့ ကိုယ်သာ မှန်တယ်.. ကိုယ့်ဘက်ကသာ အမှန်လို့ ထင်တာပဲဟ”.. တဲ့။

ကျမလည်း ပြန်ပြောခဲ့ပါတယ်။

“အမှန်တရားဆိုတာ တရားသဖြင့် မှန်ကန်ခြင်းတော့ ဖြစ်ရမယ်မို့လား” လို့..။

မပြီးသေးပါဘူး။ သူက ဆက်ပါတယ်။ “သူတို့ကလည်း တရားတယ်ထင်မှာပဲ” တဲ့။ ဒါနဲ့ ကျမက “တရား တယ်ဆိုတာ လောကကောင်းကျိုး.. လူအများကောင်းကျိုး.. လူအများ စိတ်လက်ကြည်ဖြူ ရှိတာမှပဲ တရားတယ်လို့ အကြမ်းဖျင်း ပြောနိုင်မယ်ထင်တယ်” လို့…။ နောက်ဆုံးတော့ သူနဲ့ကျမ နှစ်ယောက် လုံး သဘောတူ လက်ခံနိုင်တဲ့ အဖြေမရပါဘူး။

နောက်ဆုံး သူက ပြောပါတယ်။ “အေးပေါ့ဟာ.. ရေဖန်ခွက်ထဲ.. တ၀က်တည်းပဲ ပေးတာလား… ဆိုတာနဲ့ သြော်.. တစ်ဝက်ကြီးတောင် ပေးတာပဲ..ဆိုတာ ကွာသလိုပေါ့” တဲ့။ ကျမကလည်း ပြောပါတယ်။ “ပေးသင့်တာ.. ရသင့်တာက တစ်ဝက်လားဆိုတာလည်း ရှိသေးတယ်လေ” လို့…။

ဒါပါပဲ.. နောက်ဆုံးတော့လည်း " လူတွေဟာ ရလိုမှုတွေအပေါ်မူတည်ပြီးတော့သာ အမှန်တရားဆိုတာကို သတ်မှတ် ကြတယ်" ဆိုတာပဲ အဖြေထွက်ပါတယ်။ ဒါကြောင့်ပဲ သိဒ္ဓတ္ထမင်းသား တောင်မှပဲ သစ္စာလေးပါး တရားကို အဖိုးတန် တယ်လို့ ထင်သူတွေအတွက် ဘုရားဖြစ်ပေမဲ့ သူ့မိဘ ဇနီး သား နဲ့ ဆွေမျိုး အသိုင်းအ၀ိုင်းတွေ အတွက်ကတော့ဖြင့် တော်တော်ကြောင်တဲ့ မင်းသား.. လူ့ဘောင်လောကကို သစ္စာ ဖောက်သူ.. ဖြစ်နေခဲ့ဖူးမှာပါ။

+++++

ဒေါ်အောင်ဆန်းစုကြည်ကို ကျမ အပြင်မှာ နီးနီးကပ်ကပ် စတွေ့ဖူးတာ.. ၁၉၈၉ ၀န်းကျင်..။ ကျမရဲ့ တဦးတည်း သော မောင်လေး မောင်အောင်စည်.. အဲဒီတုန်းက အသက် ၁၇ နှစ်သားက ၈၈ ဇွန်လ လောက်ကတည်း က ဒီမိုကရေစီ လှုပ်ရှားမှုထဲ ပါသွား လိုက်တာ.. ဘယ်ရောက်လို့ ရောက်နေမှန်း မသိ..။ ဘယ်မှာ နေနေလို့ နေနေမှန်း မသိ..။ နောက်တော့မှ သေသေချာချာ သိရတာက မောင်လေး က အန်တီစု ခြံထဲမှာ နေနေတာတဲ့။ သုံးရောင်ခြယ် လူငယ် အဖွဲ့နဲ့ နေနေတာတဲ့။

မှတ်မှတ်ရရ.. အဲဒီအချိန်မှာ အိမ်ထောင်ကျပြီး ရန်ကုန်စက်မှုတက္ကသိုလ်ဝင်းထဲ နေနေတဲ့ ကျမက မောင်လေးနဲ့ သိပ် မတွေ့ဖြစ်ပါဘူး။ အန်တီစု ခြံရှေ့နားရောက်မှပဲ လူငယ်လေးတွေ တွေ့မှ မောင်လေး ရှိနေတယ်လို့ သတိရရ တာပါ။ အဲဒီတုန်းက အန်တီစုက သူ့ခြံထဲမှာ အရွယ် ရောက်ပြီး ရှင် မပြုရ သေး.. ရဟန်းမခံရသေးတဲ့ လူငယ်လေး တွေကို ရှင်ပြုမယ်.. ရဟန်းခံပေးမယ် ဆိုတော့ ရှင်ပြုကြ.. ကိုရင်ဝတ် ကြမယ့်အထဲမှာ ရှင်မပြုရသေးတဲ့ ကျမ မောင်လေး လည်း ပါပါတယ်။

ရွှေတောင်ကုန်း ပဏ္ဍိတာရာမမှာ ထင်ပါရဲ့။ အဲဒီတုန်းက အလှူရှင်တွေ မိသားစုဝင်တွေ သိမ်ဆင်း လောင်းကြရင်း.. အဲဒီနေ့ကမှ အန်တီစု ကို အပြင်မှာ နီးနီးကပ်ကပ် မြင်ဖူး တာပါ။ နောက်တစ်ကြိမ် နီးနီးကပ်ကပ်ကတော့ ခင်မင်းဇော် တို့ မင်္ဂလာ ဆွမ်းကျွေး မှာပေါ့။ ခုနောက်ဆုံးတကြိမ် တွေ့ခွင့်ရတာ ကတော့ ခု အမေရိကန်ခရီးမှာ VOA ကို အန်တီစု အလည်လာတဲ့အချိန်မှာ တွေ့ရတာပါ။ အန်တီ့ကို တွေ့တဲ့အချိန်မှာ ကျမ ပြင်းပြင်းပျပျ လုပ်ချင်လျက်နဲ့ လုပ်ခွင့် မရ လိုက်တာက မြေပေါ်မှာ သေသေ ချာချာ ထိုင်ပြီး အန်တီ့ကို တရိုတသေ ကန်တော့ချင်တာပါပဲ။ ခုကတော့ လုံခြုံရေး အစီအစဉ်တွေကို လေးစားရတာကြောင့် စိတ်ထဲကနေသာ ထိခြင်း ငါးပါးနဲ့ ကန်တော့လိုက်ရပါတယ်။

+++++

ကျမထင်ပါတယ်။ ကျမအပါအ၀င် အန်တီစုကို တွေ့ချင်ကြတဲ့သူ အများစုဟာ အန်တီ့ကျေးဇူးကို သိစွာနဲ့ ရိုသေ လေးစားလို့ တွေ့ချင်ကြတာပဲလို့ ထင်ပါတယ်။ တွေ့ခွင့်ရဖို့ ကြိုးစားကြတဲ့သူတွေထဲမှာ အခွင့်အရေး တစုံတရာ အတွက် တွေ့ချင်ကြတဲ့သူတွေလည်း ပါတယ်လို့ ထောက်ပြလာကြရင်တော့ လည်း ကျမ လက်ခံရမှာပါ။ ဘာလို့လဲ ဆိုတော့ အဲလို အခြေအနေတွေ တကယ်ပဲ ရှိခဲ့ ဖြစ်ခဲ့ကြတာကိုး။

ဒေါ်အောင်ဆန်းစုကြည်ကို တွေ့ဖို့.. ငါတို့ လုပ်မှ.. ငါတို့နဲ့ ပြေလည်မှ.. ငါတို့ပဲ လုပ်နိုင်တာ.. ငါတို့… ငါတို့.. ငါတို့….။ နေရာတကာမှာ အတိုင်းသား ကြားနေတာတွေ ရှိတာ ကိုး..။ ဖြစ်ချင်တော့ အဲဒီ ငါတို့ ဆိုတာတွေထဲမှာက တချိန်ကတော့ အမေရိကလို နိုင်ငံမျိုးရောက်ပြီး၊ နိုင်ငံရေးနဲ့ ပတ်သက်လို့ လုပ်ကိုင် စားသောက်ခဲ့ ဖူးပြီး  ဒေါ်အောင်ဆန်းစုကြည် နာမည်တောင် ကျယ်ကျယ် မပြောရဲခဲ့တဲ့ သူတွေ ပါနေတယ် ဆိုတာလည်း ကျမ သိနေတာပါပဲ။ ဒါပေမဲ့ ကျမ နားမလည်တာက ဘယ်လို အခွင့်အရေးကိုများ သူတို့က ဒီ အမျိုးသမီးကြီး ဆီကနေ လိုချင်ပါသလဲဆိုတာ ကိုပါပဲ။ အဲသလိုနဲ့……..

ဒေါ်အောင်ဆန်းစုကြည်ခမျာ.. အသက်အရွယ်နဲ့ မမျှအောင် ပင်ပန်းလှတဲ့ ခရီးတွေ.. အစီအစဉ်တွေထဲ .. ကိုယ့်နိုင်ငံ အတွက် ရလာနိုင်တဲ့ တိုးတက်ခွင့်တွေအတွက် ပင်ပန်းတကြီး စကားတွေပြောရ.. ဆွေးနွေး ရ.. ပြည်သူတွေရဲ့ တကယ့်အသံတွေအတွက် ကိုယ်စားလှယ်အဖြစ်နဲ့။ ဒီရက်တွေအတွင်း သူသွားခဲ့ရတဲ့ ခရီးတွေ.. သူ လုပ်ခဲ့ရတဲ့ အလုပ်တွေ ဟာ ငြိမ်ငြိမ်လေး ထိုင်ပြီး အလည်အပတ် သွား ရင်တောင် တော်တော် ပင်ပန်းမယ့် ခရီးတွေပါ။ ဒါပေမဲ့ အန်တီဟာ အပြုံးမပျက်အောင် နေခဲ့ သွားခဲ့ လှုပ်ရှားခဲ့ လုပ်ခဲ့ရပါတယ်။ ကျမကတော့ ကိုယ့်အမေနဲ့ ကိုယ်ချင်းစာပြီး အန်တီ့ကို သနားနေမိပါတယ်။

ကျမ ဒေါ်အောင်ဆန်းစုကြည်ကို ရိုသေလေးစားရတာတွေက ဘာကြောင့်ပါလဲ..။

ဒေါ်အောင်ဆန်းစုကြည် ဟာ.. ကျမ ဘယ်လိုမှ မလုပ်နိုင်တဲ့.. မလုပ်တတ်တဲ့ .. လုပ်ဖို့ စဉ်းတောင် မစဉ်းစားရဲတဲ့ အလုပ်တွေကို သူ့အတွက် မဟုတ်ဘဲ.. သူ့မိသားစုအတွက် မဟုတ် ဘဲ.. လုပ်နေတယ် ဆိုတာ တစ်ချက်၊

ပြီးတော့ ဘယ်တုန်းကမှ မြန်မာ ပြည်မှာ ခေါင်းဆောင်ပြန်လုပ်ခွင့် ကြုံမယ် လို့ မျှော်လင့် မထားခဲ့ပါဘဲနဲ့ တိုင်းတပါးမှာ နေပြီး တိုင်းတပါးသားနဲ့ လက်ထပ်ခဲ့တာတောင်မှပဲ မြန်မာ့ ဂုဏ်ဆောင် ပညာရှင်အဖြစ် မြန်မာပီပီသသ နဲ့ နေခဲ့တာ တစ်ချက်၊

အဖေနဲ့ နေခွင့်ကြာကြာ မရှိခဲ့ဘဲ အဖေ့ ဂုဏ်ကျေးဇူးကို စောင့်ရှောက်.. အဖေချစ်တဲ့ နိုင်ငံကို စောင့်ရှောက်ပြီး မိခင်ရဲ့ အဆုံး အမ နဲ့ ကျေးဇူးတရားကို အမြဲ မမေ့မလျော့ ဖော်ထုတ်တဲ့ သမီးကောင်း ဖြစ်တာက တစ်ချက်၊

နိုင်ငံနဲ့ ပြည်သူ အတွက် ကိုယ်ရေးကိုယ်တာကို စွန့်ခဲ့ရပေမဲ့ သားတွေအပေါ် မေတ္တာတရားနဲ့ တာဝန်ကျေချင် တဲ့ မိခင် ပီသခဲ့မှုက တစ်ချက်၊

နိုင်ငံအတွက် သူလုပ်သမျှဟာ ခုထိတော့ အတတ်နိုင်ဆုံး အကောင်း ဆုံး ဖြစ်အောင် လုပ်နေပြီး အမွန်မြတ်ဆုံး အဖြူစင်ဆုံး အရိုးသားဆုံး လုပ်နေတယ်လို့ ယုံကြည်တာက တစ်ချက်၊ အင်မတန်တော်တဲ့ ပညာရှင် အရည်အချင်းနဲ့ ပြည့်မီတာကတစ်ချက် နဲ့

ကျမအတွက်  အထူး အတုယူစရာ ကောင်းလှတာကတော့ အရာရာကို ကြိုးစား အားထုတ် လုပ်ကိုင်ရာမှာ စံပြ ဖြစ်တာပါပဲ။ (ကျမက ပျင်းတဲ့သူ မို့လို့လည်း ဖြစ်ပါတယ်)။

အဲဒီအချက်တွေဟာ ကျမအတွက်တော့ ဒေါ်အောင်ဆန်းစုကြည်ကို ထိခြင်းငါးပါးနဲ့ တရိုတသေ ကန်တော့ ချင်ရတဲ့ အချက်တွေပဲ ဖြစ်ပါတယ်။ ဒါဖြင့် အန်တီစုမှာ အမှားမရှိဘူးတဲ့လား..။ ကျမ မကြာ ခဏ ပြောဖူးပါတယ်။ ကျမက နိုင်ငံရေးသမားမဟုတ်တာကြောင့် နိုင်ငံရေးအရ ဒေါ်အောင်ဆန်း စုကြည် ဘာမှားသလဲ ကျမ နားမလည်ပါဘူး၊ မသိပါဘူး။ သာမန် အရပ် သား ပြည်သူတစ်ယောက် အနေနဲ့ကတော့ ကျမ ဒေါ်အောင်ဆန်းစုကြည် လုပ်နေတာ တွေဟာ မြန်မာနိုင်ငံ ဒီမိုကရေစီ အဖြစ် လုံးလုံး ပီပြင်သွားနိုင်ရေး ကို ဦးတည် လုပ်နေတယ် လို့ ယုံပါတယ်။ သွေးထွက်သံယိုတွေ.. အဖမ်း အဆီး အနှိပ်အစက်တွေ နည်းနည်း နဲ့ အလုပ်အောင်မြင်နိုင်ရေးကို ရွေးလုပ်နေ တယ်လို့ ယုံပါတယ်။ သူအာဏာရရေးအတွက် လုပ်နေတာ မဟုတ်ဘူးလို့ ယုံပါတယ်။ အာဏာရရင် လူထုအတွက် ပိုလုပ် နိုင်ရေးအတွက်ကိုပဲ ကြိုးပမ်း သွားလိမ့်မယ်လို့လည်း လုံးဝ ယုံပါတယ်။ အမှား ရှိရင်တောင် ပြည်သူလူထု အတွက် စေတနာမဲ့ အမှားမဟုတ်ဘူး လို့ ယုံပါတယ်။ အမှားဆိုတာ ဘယ်သူမှ မကင်းတာမို့ မှားနိုင်တယ်လို့လည်း လက်ခံပါတယ်။

ဒါဟာ ဒေါ်အောင်ဆန်းစုကြည် ကို မျက်စေ့စုံမှိတ် ယုံကြည်ကိုးကွယ်တာပဲလို့ ပြောလည်း ကျမ က တော့ စိတ်ဆိုးစရာအကြောင်း မရှိပါ ဘူး။ ဘာဖြစ်လို့လဲ ဆိုတော့ ဒေါ်အောင်ဆန်း စုကြည်ကို ကျမ ရိုသေလေးစားတာဟာ ဘာအကျိုး အမြတ် မျှော်လင့်ချက်နဲ့မှမဟုတ်တာ သေချာတာကြောင့် ကျမ လိပ်ပြာသန့်လို့ပါပဲ။

နည်းနည်းလေး လူပါးဝပြီးပြောရရင်တော့ မေငြိမ်း..က ဒေါ်အောင်ဆန်းစုကြည် နဲ့ မတွေ့လည်း မေငြိမ်း ပဲ။ တွေ့လိုက်ရလို့လည်း ပိုကျော်ကြားဖို့ မရှိ။ မတွေ့လိုက်ရလို့လည်း ဆုတ်ယုတ် ဖို့ မရှိ။ တွေ့ခွင့်ရ လိုက် တော့လည်း ဘ၀မှာ ကိုယ် ကြည်ညို လေးစားရသူကို မျက်မြင်ကိုယ်တွေ့ လက်အုပ်ချီပြီး စိတ်ထဲကနေ တရိုတသေ ကန်တော့ လိုက်ရတာ တစ်ခုပဲ တန်ဖိုးအဖြစ် ရှိပါတယ်။

+++++

ဒါပေမဲ့ ကျမ စိတ်မကောင်းတာက အဲသလောက် ကိုယ့်နိုင်ငံအတွက် လုပ်နေတဲ့ ကိုယ့်အမေအရွယ်.. အဖွား အရွယ်.. အဒေါ်အရွယ်ကို စာဖတ်ပေဖတ်.. ပြီးတော့ စစ်အာဏာရှင်ကိုလည်း မကြိုက်ခဲ့သူ ဒီမိုကရေစီ ဘက်သား တွေလို့ ယူဆရသူတွေက ဘာဖြစ်လို့များ မခန့်လေးစားနဲ့ ရိသလိုလို ထေ့ သလို လို.. ရွဲ့သလိုလို စောင်းသလိုလို တွေ ပြောနေကြသလဲဆိုတာကိုပါ။  ဒေါ်အောင်ဆန်းစုကြည်မှာ ဝေဖန်စရာ ရှိရင် သေသေချာချာ ပညာရှင်ဆန်ဆန် ဝေဖန်ထောက်ပြသင့်ပါတယ်။

ဥပမာပေးရရင် တလောက (ကို) မင်းဇင် ရေးတဲ့ ဆောင်းပါး ဆိုရင် စနစ် တကျ စေတနာ ပါပါနဲ့ ထောက်ပြထားတဲ့ ဆောင်းပါးပါ။ What Aung San Suu Kyi didn’t say during her visit to Washington  ဆိုတဲ့ ခေါင်းစဉ်နဲ့ ဒီမှာhttp://transitions.foreignpolicy.com/posts/2012/10/02/what_aung_san_suu_kyi_didn_t_say_during_her_visit_to_washington   ဖတ်နိုင်ပါတယ်။ ဒါဟာ ကျမတို့ နိုင်ငံအတွက် ပြီးတော့ ဒေါ်အောင်ဆန်းစုကြည်အတွက် စာရေးသူရဲ့ စေတနာပါ တဲ့ ဝေဖန် သုံးသပ်ချက်လည်း ဖြစ်ပါတယ်။

+++++

တကယ်တော့ ကျမ ခုလို စာမျိုး မရေးချင်ပါဘူး။ သူ့သဘောသူဆောင်ကြတာပဲ ဘာဖြစ်လဲလို့ ထား လိုက် ချင်တာပါ။ ဘယ်လိုမှ မမြင်ချင်တော့ရင် အဲဒီလူတွေရဲ့ facebook post တွေကို hide လုပ် လိုက်ရုံပါပဲ။ သိပ်လွယ်ပါတယ်။ ကျမအင်တန်ချစ်တဲ့ သူငယ်ချင်းကိုတောင် အပြန်အလှန် ပြောကြရင်း ကနေ ဘယ်လိုမှ မဖြစ်နိုင်တော့လို့ မမြင်အောင် လုပ်ပြီး နေလိုက်ရတော့တာပဲ။ ဒါပေမဲ့ ခုကျတော့ဖြင့်  ဒေါ်စုကို ချစ်ခင်ရင်းစွဲရှိခဲ့တဲ့သူတွေကတောင် အဲသလို မဆိုင်တာတွေနဲ့ ရိသလိုမျိုး ဒေါ်စုကို ပြောလာ ကြပါပြီ။

ကျမ ချစ်ခင်ရင်းစွဲ ရှိတဲ့ မိတ်ဆွေလေးတယောက်က (လွှတ်တော်က ထင်ထား သည်ထက် ဒီမိုကရေစီ ဆန် သည် ဟု ဒေါ်အောင်ဆန်းစုကြည် ပြောကြား) ဆိုတဲ့ သတင်းတစ်စကို   ပြန် ညွှန်းပြီး တော့..  “အမှတ်တွေ စွတ်ပေး နေပါ လား..” လို့ သူ့ wall မှာ တင်ထားတာ တွေ့ပါတယ်။ ကျမ စိတ် မကောင်း ဖြစ်ပါတယ်။ အံ့လည်း အံသြမိပါတယ်။ ဒီလို အပြောဟာ ကျမတို့ အတန်းဖော် သူငယ်ချင်း အချင်းချင်း မှာတောင်မှပဲ သိပ် အမြင် မကြည်တဲ့သူ ကိုသာ ပြောကြတဲ့ အသုံးအနှုန်း မျိုးပါ။ သူဟာ ဒီလို ပြောလေ့တဲ့သူမျိုးလည်း မဟုတ်ပါဘူး။

 ဒေါ်စု မြင်တာ မဟုတ်သေးဘူး.. ဒီလို မပြောသင့်ဘူးလို့ သူတကယ် ထင်တယ်ဆိုရင်.. အဲလိုတော့ ဒေါ်အောင်ဆန်းစုကြည် ထင်တာ များနေပြီ ထင်ပါတယ်ခဗျာ။ ကျနော်တို့ တွေ့ရသမျှတော့ မဖြစ်နိုင် ပါ.. ဆိုတာမျိုး ယဉ်ယဉ်ကျေးကျေး ရေးလို့ ရပါတယ်။

ကျမတို့ ဗမာတွေမှာ လူဆိုး လူယုတ်မာ မဟုတ်ဘူးဆိုရင် ဂါရဝေါစ နိဝါတောစ.. ဂုဏ်အားဖြင့် အသက် အရွယ်အားဖြင့် ကြီးသူ ကို .. ကျေးဇူးရှိ သသူ ကို.. မြင့်မြတ်သူ ကို.. ရိုသေလေးစားရတယ် ဆိုတာကို မင်္ဂလာတစ်ပါးအဖြစ် သတ်မှတ်ပါတယ်။

ဒါမှမဟုတ်လည်း.. ကိုယ့်အမေကိုသာ သူများက အဲလို ပြောလာရင် ခံနိုင်သလားလို့ တွေးတတ်ကြတဲ့ ကိုယ်ချင်းစာစိတ်ဆိုတာလည်း ဗမာ့ဓလေ့မှာ အထူးသဖြင့် ရှိပါတယ်။ (ဥပမာပြောရရင် ကိုယ့်အမေဟာ တခြား ဘာမှ မလုပ်ဘဲ အိမ်မှာ သနပ်ခါးအဖွေးသားနဲ့ သူများအတင်းထိုင်ပြောလိုက်… အိမ်လည်လိုက်နဲ့ နေ နေတာ ကိုတောင် သူများက အမှန်အတိုင်းပြောပြီး ကဲ့ရဲ့ရင် ခံနိုင်ကြပါသလား..)

ခု ဒေါ်အောင်ဆန်းစုကြည် ဆိုတဲ့ အမျိုးသမီးကြီး က ဒီနိုင်ငံက အကျိုးအမြတ် မပြောနဲ့ သူ့ကိုယ်ပိုင်ဘ၀က ရနိုင်တဲ့ အကျိုး အမြတ် ကိုတောင်မှ မခံစားဖူးသေးတဲ့ အမျိုးသမီးကြီးပါ..။

ဒီလိုအမျိုးသမီးကြီးဟာ ခုလို သရော်မော်ကားအပြောတွေနဲ့ ထိုက်တန်ပါသလား..။ စဉ်းစားကြစေချင်ပါတယ်။

သူ့ကို ထိကပါး ရိကပါး ငေါ့ဖို့ဆိုရင် တခုခုမှာတော့ သူနဲ့ တန်းတူ ယှဉ်နိုင်နေလို့သာ ဖြစ်ရပါမယ်။ တဆိတ်တော့ စဉ်းစားကြည့်ကြဖို့ ကောင်းပါတယ်။

ကိုယ်က သူနဲ့ တန်းတူ ကိုယ့်နိုင်ငံအရေး လုပ်နိုင်ခဲ့ပြီလား…

သူနဲ့ကိုယ် ပညာအရာ ဂုဏ်သိက္ခာအရာ ကိုယ်ကျင့်တရားအရာ ယှဉ်နိုင်သလား…

သူ့လောက် လုပ်နိုင်မယ့်.. လုပ်ခွင့်ရမယ့်သူ ကျမတို့ နိုင်ငံအတွက် ရှိနေပြီလား..။

မြန်မာနိုင်ငံသမိုင်းထဲ လူရိုသေ ရှင်ရိုသေရှိကြတဲ့ ခေါင်းဆောင် တခြားတစ်ယောက် အစားထိုးစရာ ရှိနိုင်ပြီလား။

+++++

ခုဒေါ်အောင်ဆန်းစုကြည်ကို အဲလို ရိနေတဲ့သူတွေထဲမှာ စစ်အစိုးရလက်ထက်တုန်းက စစ်အစိုးရရဲ့ အမှန်တကယ် ညံ့ဖျင်းမှုတွေကို ခုလို နာမည်နဲ့ ဓာတ်ပုံနဲ့ ပေါ်ပေါ် ထင်ထင် ရိခဲ့ကြတဲ့သူ ဘယ် နှစ်ယောက်များ ပါပါသလဲ..။

ဝေဖန်အပြစ်တင်ရတာ သိပ်လွယ်ပါတယ်။ ကိုယ်တိုင်အပြစ်မရှိအောင် မမှားအောင် နေရဖို့သာ ခက်တာပါ။ ပိုခက်တာက ကိုယ်မှားနေတာကို မှားမှန်းသိဖို့က ပိုခက်တာပါ။

ခုလည်း ဒေါ်အောင်ဆန်းစုကြည်ကို ရိကြ ထေ့ကြ ခနဲ့ကြတဲ့သူတွေကို မှားနေတယ်လို့ ထင်တာဟာ ကျမ ကိုယ်တိုင်က မှားနေတာလည်း ဖြစ်နိုင်ပါတယ်။

သေချာတာကတော့ ကျမက ကျမသိရှိလက်ခံထားတဲ့ ပကတိအမှန်တရား အချက်အလက်တွေနဲ့အတူ ယဉ်ကျေးမှုမင်္ဂလာတရားနဲ့ အညီသာ ရေးတာ ဖြစ်ပါတယ်။

ကျမကတော့ ဒေါ်အောင်ဆန်းစုကြည်ကို ရိနိုင် ထေ့နိုင် (ဝေဖန်သုံးသပ်တာ မပါပါ) လောက်တဲ့သူ မဟုတ်တာ သေချာပါတယ်။

၈ အောက်တိုဘာ ၂၀၁၂။

မေငြိမ်း ၀တ္ထုတိုများ

၁၅ နှစ်ကြာမှ ကိုယ့်နိုင်ငံထဲ ပထမဆုံး ပြန်ထွက်ခွင့် ရတဲ့ ၀တ္ထုတိုပေါင်းချုပ်ပါ.. ကျမ စိတ်ကြိုက် ပန်းချီ မျိုးမြင့် မျက်နှာဖုံးနဲ့.. ကံကော်ဝတ်ရည်စာပေက ထုတ်ဝေပြီး ၀တ္ထုတို ၁၆ပုဒ်ပါ ပါတယ်။ ဒီကနေ့ပဲ ဖြန့်ပါတယ်ရှင်။

အိမ်ဆီသွားတဲ့ လမ်း…

 

အဲဒီနေ့က ကျမ မော်လမြိုင်-သံဖြူဇရပ်လမ်းပေါ် ခဏ ပြန်ရောက်သွားတယ်။
ပြီး ခဏကြာတော့ ပင်းဒယ-တောင်ကြီးကားလမ်းပေါ် ရောက်သွားပြန်ရော…။
ဟော ဟိုးမှာ တောင်တန်းအလွှာတွေလား..၊ သစ်ပင်တောအုပ်အဆင့်ဆင့်တွေလား။
အစိမ်းရင့်.. အစိမ်းနု၊ အညိုရင့်.. အညိုနု၊ မီးခိုးရင့်- မီးခိုးနု။ တချို့နေရာတွေမှာ လိမ်မော်တွေ အနီတွေ ကျန်နေသေးတယ်။ Fall တုန်းက လက်ကျန်တွေလား… ဒါမှမဟုတ်.. သူ့ရဲ့ ရွက်သစ်လဲတဲ့ ရာသီကိုက Spring လား။ ဘာပဲဖြစ်ဖြစ်.. သဘာဝက ဖန်ဆင်းတဲ့ ရှုခင်းပန်းချီထဲ အရောင်စုံအောင် ထည့်ပေးထားသလို..။

 ဒီနေ့ကျကာမှ နည်းနည်း အအေးပိုပေမဲ့ ကောင်းကင်ကတော့ ကြည်စင်လို့။ တိမ်တွေ ကလည်း အရုပ်တွေထင်လောက်အောင် အထူသားနဲ့။ ငယ်ငယ်က ရှမ်းပြည်မြောက်ပိုင်း ကျောက်မဲမြို့နားက နမ့်ဟူးတောင်းမှာ မော့ကြည့်ခဲ့ရတဲ့ တိမ်တွေလိုပါပဲ။ ဟော.. ကျမ နမ့်ဟူးတောင်းလည်း ရောက်သွားပြန်ပြီ။ တချက်တချက်မှာ ကားက တောင်မြင့်မြင့်တွေပေါ် တက်ရင် ဘေးမှာ ချောက်တွေ နဲ့ ချောက်တွေအောက် ခပ်လှမ်းလှမ်းမှာ ချောင်းတွေ မြစ်တွေ ပတ်စီးနေတာကို လှမ်းတွေ့ ပါတယ်။ ဟော.. အဲဒါ လားရှိုးသွားရင် ဖြတ်ရတဲ့ ဂုတ်တွင်းပေါ့..။ ဂုပ်ထိပ်တံတားကို တွေ့ချင်ရင်တော့ Shenandoah River ဘက်သွားရင်တော့ West Virginia ရဲ့ ပြည်နယ်သင်္ကေတ တံတားကြီးကို တွေ့မှာ။ ဂုတ်ထိပ်တံတားနဲ့ ခပ်ဆင်ဆင်ပေါ့။

ဟုတ်တာပေါ့.. တကယ်တော့ ကျမ သွားနေတာ West Virginia ကိုပါ။ ကျမနေတဲ့ Maryland ကနေ ၂နာရီကျော်လောက် ကားမောင်းသွားရင် ရောက်နိုင်တဲ့ အဲဒီ ဒေသ လေးက ကျမကို ချင်းတောင်တန်းတွေ.. ရှမ်းတောင်တန်းတွေနဲ့ မွန်ပြည်နယ် က သစ်ပင်အုပ်တွေကြား ဖြတ်သွားရတဲ့ အဝေးပြေးလမ်းတွေဆီကို ရောက်သွားစေတာပါ။ အဝေးကြီးက တောင်တန်းတွေကလည်း ဘယ်သူတွေ ဘာပဲပြောပြော ကျမ ခံစားရ တာကတော့ ရှမ်းတောင်တန်းတွေ.. ဒါမှမဟုတ်လည်း ချင်းတောင်တန်းတွေ ပါပဲ။ အလွှာလိုက် အထပ်လိုက်..၊ တချို့နေရာတွေမှာ လှေကားထစ်တွေလို ထစ်ပြီး စိုက်ဖို့ ပျိုးဖို့ မြေတွေ ပြင်ထားတာလည်း တွေ့တယ်။ စိုက်ရာသီကို စောင့်နေကြတာလေ..။

မြေကွင်းပြင် ကျယ်တွေ ဖြတ်ရင်တော့ နွားတွေ သိုးတွေ အုပ်လိုက်..၊ သန်မာ တောင့်တင်းတဲ့ ရွှေညိုရောင် မြင်းတွေနဲ့ သပ်ရပ် ကြီးမား ခိုင်ခံ့တဲ့ အိမ်ကြီးတွေ..။
စိုက်ခင်းတွေ.. ပျိုးခင်းတွေ.. ပန်းခင်း တချို့..။ စိတ်ထဲ မချင့်မရဲနဲ့ ကားတံခါး ဖွင့်လိုက်တော့ လေရဲ့ ရနံ့က မွှေးလိုက်တာ။ တိတ်ဆိတ်အေးချမ်းလှတဲ့ ၀န်းကျင်။ သာယာလှပတဲ့ သဘာဝ။ လမ်းတလျှောက် အကောက်အကွေ့တွေ ဂုံးတက် ဂုံးဆင်းတွေ.. သစ်ပင် တောအုပ်တွေက ကိုယ့်နံဘေးမှာ…။ နေခြည်တွေက သစ်ပင်တွေကြားထဲ ထိုးစိုက်ကျ..။ တိုက်ခတ်တဲ့ လေက အေးမြ..မွှေးမြ..။
အင်း ဒါကြောင့်လည်း John Denver က

♩ ♪ ♫ ♬    
Almost heaven,
West Virginia Blue ridge mountains,
Shenandoah river
Life is old there, older than the trees
Younger than the mountains,
growing like a breeze ♩ ♪ ♫ ♬

လို့ ဆိုပေတာပဲ…။

+++++

 
လမ်းတလျှောက်မှာ တွေ့ခဲ့ရသမျှနဲ့ ပြောရင်တော့ ကျမတို့ ဖြတ်ခဲ့တာက ကျေးလက် ဒေသ ပါ။ အဲဒီမှာ နေသူတွေက စိုက်ပျိုးရေး မွေးမြူရေးတွေ လုပ်ကြမယ်။ ဒါမှမဟုတ်.. ပိုင်ရှင်တွေက မြို့ပြမှာ နေပြီး အပန်းဖြေဖို့ ဒါမှမဟုတ် ရင်းနှီးမြှုပ်နှံတဲ့အနေနဲ့ ဒီ မြေတွေ အိမ်ကြီးတွေကို ၀ယ်ထားကြပြီး အိမ်စောင့်တွေက စိုက်ပျိုးမွေးမြူတာလည်း ဖြစ်နိုင်ပါ တယ်။ တချို့အိမ်တွေက သူတို့ မြေတွေ ကျယ်လွန်းတော့ အိမ်ရှေ့မှာ ကန်ကြီးတွေ တူးထားတယ်။ ကန်ထဲမှာ ၀မ်းဘဲတွေ.. ငန်းတွေက ရေကူးလို့။ တချို့နေရာတွေမှာ တော့ သိုးအုပ်တွေ နဲ့ သိုးထိန်းခွေးတွေ ပြေးလွှား။ တကယ့် ကျေးလက်။ တကယ်တမ်းကျတော့ အဲဒီနေရာက မြို့တော် ၀ါရှင်တန်ဒီစီနဲ့ ဆိုရင် အလွန်ဆုံး ၂နာရီကျော် ၃ နာရီလောက်ပဲ ကားမောင်းရင် ရောက်တဲ့ နေရာ။ ပြီးတော့ ဈေးချိုချိုနဲ့လည်း မြေကျယ်ကျယ် အိမ်ကြီးကြီးတွေ ရနိုင်တဲ့ နေရာ။

ညဆို အဲဒီ အိမ်ကြီးတွေထဲ အေးအေးဆေးဆေး နွေးနွေးထွေးထွေး နေနိုင်ပါသေး။
သားသမီးတွေ မရှိတော့တဲ့ ပင်စင်စားအဖိုးကြီး အဖွားကြီး နှစ်ယောက်တည်းဆိုလည်း တူတူ ရုပ်မြင်သံကြားကြည့်ရင်း ၀ိုင်တခွက် စီ သောက်၊ ဒါမှမဟုတ် ခြံထွက် နွားနို့လေး သောက်၊ လျှပ်စစ်မီး အမြဲရတဲ့နိုင်ငံမို့ နွားနို့ ပူပူလေးကို မပင်မပန်းသောက်နိုင်လိမ့်မယ်။ သားသမီးတွေ ကိုယ့်ဆီ လာမနေလည်း မပူတော့ပါဘူး လေ.. အရွယ်ရောက် သားသမီးတွေက သူတို့ဘ၀ သူတို့ ထိန်းကျောင်းနိုင်မယ့် နိုင်ငံမှာ ရှိနေတာမို့ မိဘတွေမှာ ပူဖို့ တာဝန်မရှိ။ မိဘ မို့ သူတို့လေးတွေကို လွမ်းတာ တော့ ရှိမှာပေါ့။

ဒါပေမဲ့ ဒါကလည်း ဓမ္မတာမို့ အဆန်းတကြယ် ခံစားရမယ့်ကိစ္စမဟုတ်။ သားသမီးတွေ လက်လွတ်သွားတဲ့ အချိန်မျိုးကျရင်နေဖို့ တကယ်ရွေးသင့်တဲ့ နေရာလို့ ကျမ ခံစားနေမိတယ်။ ဘယ်လောက် စိတ်အေးချမ်းမြေ့ ရှိလိုက်မလဲ..။

 +++++

ဆက်ပြောရင် ကျမ ဘယ်လောက် တကိုယ်ကောင်းဆန်တယ်ဆိုတာ ပေါ်လာတော့မယ်။ ကျမက ကိုယ့်ဇာတိမြေရဲ့ အဝေးကြီး တိုင်းတပါးနိုင်ငံမှာ ပျော်နေနိုင်.. စိတ်အေးချမ်း နိုင်တဲ့ တကိုယ်ကောင်း ဆန်သူပေါ့..။ ဟုတ်တယ်မို့လား။ ဒါပေမဲ့ မတတ်နိုင်ပါဘူး။ ဟုတ်ပါတယ်.. ကျမ တကယ်ပဲ ခု ကျမ နေရတဲ့ဘ၀မှာ ပျော်ပါတယ်။ စိတ်ချမ်းသာပါတယ်။ တချိန်မှာတော့ အဲလို စိုက်ခင်းမြေ အကျယ်ကြီး ပါတဲ့ နေရာဒေသ မျိုးလေးမှာ ကျမ ခင်ပွန်း အင်မတန်ဝါသနာပါတဲ့ စိုက်ပျိုး မွေးမြူရေး အလုပ်ကို လုပ်ရင်း .. ကျမက စာတွေရေး စာတွေဖတ်နဲ့ ဘ၀မှာ ဇောက်ချ နေသွားနိုင်ချင်တယ်လို့လည်း စိတ်ကူးနေသေး တာပါ။

John Denver ကတော့ ဆိုတယ်..
♩ ♪ ♫ ♬
Country roads, take me home
To the place I belong West Virginia,
mountain momma
Take me home, country roads…  ♩ ♪ ♫ ♬

ကျမအတွက်လည်း လောလောဆည်မှာတော့ ခဏလေးသွားခဲ့ရတဲ့ West Virginia ခရီးတိုလေးက အိမ်ဆီရောက်အောင် ပြန်ခေါ်သွားသလိုပါပဲ။

ဟုတ်ပါတယ်.. အဲဒီလမ်းတွေက ကျမကို အိမ်ဆီ ရောက်အောင် ခေါ်သွားခဲ့ကြတယ်..။
ဘာလို့လဲဆိုတော့ ကျမအတွက်
အိမ်ဆိုတာက..
ရောင့်ရဲ တင်းတိမ်မှုတွေနဲ့
စိတ်ချမ်းသာ ကိုယ်ကျန်းမာ..
လွတ်လပ်ပေါ့ပါး…
နေခွင့်ရတဲ့ နေရာတခုသာ ဖြစ်လို့ပါပဲ။

♩ ♪ ♫ ♬ 
I hear her voice in the mornin' hour she calls me
The radio reminds me of my home far away
And drivin' down the road
I get a feelin' That I should have been home yesterday, yesterday
Country roads,
take me home To the place
I belong West Virginia,
mountain momma Take me home,
country roads ♩ ♪ ♫ ♬

 ++++++

 မေလ ၁ ရက်၊ ၂၀၁၂။

အမေရိကန်ကျောင်းတွေဆီက ဘက်စုံဖွံ့ဖြိုးရေး

မြန်မာနိုင်ငံရဲ့ လွတ်လပ်ရေး ဗိသုကာကြီး ဗိုလ်ချုပ်အောင်ဆန်းကတော့ ပညာတတ်သူ သည် လောကရှိ အရာရာ ကို အခွင့်အလမ်းအလိုက် ဆင်ခြင် သုံးသပ်နိုင်စွမ်းသော ဥာဏ်အားကို လည်းကောင်း၊ မိမိ ဥာဏ် အမြင် အရ စိတ်နေ စိတ်ထား စိတ်ဓါတ် (Emotion of the Education) တို့ကိုလည်းကောင်း ပြုပြင် ပြုစု စီမံထားခဲ့သူ သာလျှင် ဖြစ်သည် လို့ ပြောခဲ့ပါတယ်။ ဒါဟာ ပညာရေး စနစ်ထဲမှာ EI (Emotional Intelligence) က အရေးပါ လှတာကို ထောက်ပြခဲ့တာပဲ ဖြစ်ပါတယ်။

ဒီတော့ ကလေးတွေမှာ.. စာသင်သားတွေမှာ အဲဒီ တီထွင်ကြံဆဉာဏ် ဖွံ့ဖြိုးအောင် ဘယ်လို ပျိုးထောင် ပါသလဲ…။ အဲဒီအချက်ကို ကျမ အမေရိကန်နိုင်ငံရဲ့ အခြေခံပညာရေးစနစ်ထဲမှာ လေ့လာ ရှာဖွေ ကြည့် ပါတယ်။ သပြေညို မြန်မာစာကျောင်းလေးဟာ တပတ်မှာ ၂နာရီကျော်ကျော်သာ စာသင် ခွင့် ရတဲ့ သင်တန်းလေး ဖြစ်ပေမဲ့ ကျမတို့ကလေးတွေကို သူတို့ ကျောင်းပညာရေးမှာ အလေ့အကျင့် ရပြီးသား စနစ်တွေနဲ့ မကင်းကွာအောင်၊ ပြီးတော့ ကျမတို့ သိစေချင်တဲ့ မြန်မာမှု မြန်မာ့စာ အရာမှာ လည်း တိုးတက် ဖွံ့ဖြိုးရလေအောင် အားထုတ်တဲ့ သဘောပဲဖြစ်ပါတယ်။

 ဒါဖြင့် ကျမတွေ့ရတဲ့ အမေရိကန် ကျောင်းတွေက အခြေခံပညာရေးထဲမှာ ကလေးတွေအတွက် ဘယ်လို အရည်အသွေးတွေ ဖွံ့ဖြိုးစေပါသလဲ.. ကြည့်ရအောင်ပါ။ အမေရိကန် ပညာရေး စိတ်ပညာရှင် Howard Gardner ( Prince of Asturias Award 2011 in Social Sciences ) က ကလေးတွေဆီမှာ ရှိဖို့ လိုအပ်တဲ့ စွမ်းရည် ၉ မျိုး ကို အဆိုပြုခဲ့ပါတယ်။ အဲဒါတွေကတော့ ယုတ္တိဗေဒ- သင်္ချာစွမ်းရည် (Logical Mathematical)၊ ဘာသာစကားစွမ်းရည် (Linguistics)၊ တေးဂီတစွမ်းရည် (Musical)၊ လက်မှုအနုပညာ စွမ်းရည်(Spatial)၊ ကာယလှုပ်ရှားမှု စွမ်းရည် (Bodily- Kinesthetic)၊ လူမှုဆက်ဆံရေး စွမ်းရည် (Interpersonal)၊ ကိုယ့်ကိုယ်ကို ဆင်ခြင်နိုင်မှုစွမ်းရည် (Intrapersonal)၊ သဘာဝတရားကို ချစ်မြတ်နိုးမှု စွမ်းရည် (Naturalist) နဲ့ တွေးတောဆင်ခြင်နိုင်စွမ်းရည် (Existentialist) တွေပဲ ဖြစ်ပါတယ်။

ဖွံ့ဖြိုးတိုးတက်တဲ့ နိုင်ငံကြီးအများစုမှာတော့ အဲဒီ စွမ်းရည် အမျိုးမျိုး ကို အခြေခံပြီး ကျောင်းပညာရေး ထဲမှာ ကိုယ့်နိုင်ငံ ကိုယ့်လူမျိုး နဲ့ လိုက်လျောညီထွေဖြစ်တဲ့ သင်ရိုးတွေ၊ သင်ကြားနည်းပုံစံတွေ၊ စီစဉ် ထည့်သွင်းထား တာကို တွေ့ရပါတယ်။

ပြောရရင်တော့ ဒါဟာ ဘက်စုံပညာရေးဆိုတာပဲ ဖြစ်ပါတယ်။ အမေရိကန် ကျောင်းတွေ ဟာ ဒီ စွမ်းရည် တွေကို အခြေခံထားပြီး သင်ရိုးတွေ သင်ကြားနည်းစနစ် တွေ ပြုစုထား တယ် လို့ ဆိုနိုင်ပါတယ်။ မူလတန်းမှာကိုပဲ သင်္ချာဘာသာရပ်ကို သင်တဲ့အခါ မြန်မာပြည်က အပေါင်း အနှုတ်အမြှောက်အစားအပြင် ဂျီသြမေတြီဆန်ဆန် တွေးပြီး တွက်ယူဖြေရှင်း ရတဲ့ အမေးပုစ္ဆာတွေ ပါပါတယ်။ အဓိကကတော့ ပုံတွေ ဆွဲပြီး တွက်ချက်စဉ်းစားရတာတွေ များတာပါပဲ။ ဒါကြောင့် (Logical Mathematical) လို့ ဆိုနိုင်မယ်ထင်ပါတယ်။

နောက်တခု ဘာသာစကား စွမ်းရည် (Linguistics) မှာတော့ မူလတန်းအဆင့် Grade 4 အထိဟာ ဘာသာစကားအပို သင်ယူစရာမလိုပေမဲ့ သူတို့ရဲ့ မိခင်ဘာသာစကား အင်္ဂလိပ်စာကိုပဲ Grammar နဲ့ Reading , Writing ကို Comprehension Question Types နဲ့ အိမ်စာလေ့ကျင့်ခန်းတွေ နေ့စဉ်လုပ်ခိုင်းပြီး ယဉ်ပါးအောင် လေ့ကျင့် ပေးပါတယ်။ ပြီးတော့ ပုံဆွဲပြီး ကိုယ့်ဘာသာ တီထွင်တဲ့ ဇာတ်လမ်းတိုတွေ Comic တွေ လုပ်ခိုင်းတာမို့ ဘာသာစကားတိုးရုံသာမက၊ တီထွင်စွမ်း Creativity နဲ့ တွေးတော ဆင်ခြင်နိုင် စွမ်းရည် (Existentialist) ကိုပါ တက်လာစေတာပါ။

တေးဂီတစွမ်းရည် (Musical)အတွက်ကတော့ ကလေးတိုင်းဟာ Grade 4 ကို ရောက်ပြီဆိုရင် တူရိယာ တခု ရွေးချယ်ပြီး တီးမှုတ်ရပါတယ်။ ပုလွေ၊ တယော၊ စန္ဒယား၊ အစရှိသဖြင့် ကိုယ် နှစ်သက်ရာ ရွေးပြီး သင်ယူရပါတယ်။ အဲဒီမှာ ထူးချွန်ပြီဆိုရင်တော့ ကျောင်းဖျော်ဖြေပွဲ Concert တွေမှာ ပွဲတိုင်းကျော်ဖြစ်ပြီပေါ့။

လက်မှုအနုပညာ စွမ်းရည်(Spatial) ပိုင်းကို ပြောရင်တော့ စိတ်ဝင်စားစရာကောင်းတာက စာသင်ခန်းထဲက လက်မှုအနုပညာသင်ကြားပုံပါပဲ။ သူ့အတန်း သူ့အရွယ်အလိုက်၊ အရုပ်လုပ်ဖို့ သီးသန့်ထုတ်လုပ်တဲ့ ရွှံ့စေး(Clay) ရောင်စုံသုံးတဲ့ Grade 1, 2, 3 ကနေစလို့ ပလာစတာ သုံးတဲ့ အရွယ်အတန်း Grade 4,5 တွေအထိ ပန်းပုရုပ်တွေ အုတ်ခွက်ရုပ်တွေ လုပ်ကြပါတယ်။ ပြီးတော့ ကိုယ့်အနားဝန်းကျင်က လွှင့်ပစ်ရတော့မယ့် သတင်းစာ စက္ကူတွေ၊ ပြက္ခဒိန်အဟောင်းတွေကို ကိုက်ဖြတ်ညှပ်ကပ်ပြီး ပန်းချီဒီဇိုင်းဖန်တီးတာတွေလည်း လုပ်ကြပါတယ်။ သုံးတဲ့ပစ္စည်းတွေက စိတ်ဝင်စားစရာပါ တခါသုံး ထမင်းစားပန်းကန်ပြားတွေ ပလပ်စတစ်ခွက်အဟောင်း၊ ဖျော်ရည်စုပ် သောက်တဲ့ ပိုက်တွေကိုသုံးပြီးတော့လည်း အရုပ်တွေ ဖန်တီးကြတာပါ။ ပျော်စရာကောင်းလှတဲ့ လက်မှုသင်ခန်းစာတွေပဲ ဖြစ်ပါတယ်။

ကာယလှုပ်ရှားမှု စွမ်းရည် (Bodily- Kinesthetic) အတွက်ကတော့ ထုံးစံအတိုင်း အမေရိကန် Football ၊ Basketball၊ ရေကူး၊ ကရာတေး၊ စသဖြင့် ကိုယ်ကြိုက်ရာ ရွေးချယ်ကစားဖို့ပါပဲ။ ကလေးတွေဟာ ကစားနည်း တခုခုကိုတော့ တတ်မြောက်ရသလို ကျောင်းပြင်ပမှာလည်း အမြဲတစေ အလေ့အကျင့် ရှိနေရပါတယ်။ အဲဒီအတွက် အပြည့်အ၀ တာဝန်ခံယူရတာက မိဘတွေပါပဲ။

လူမှုဆက်ဆံရေး စွမ်းရည် (Interpersonal) ကတော့ ကျောင်းခန်းတွင်း ကလေးရဲ့ အသင်းအဖွဲ့နဲ့ လှုပ်ရှားတဲ့ Team Work တွေမှာ ကလေးက အဆင်ပြေလိုက်လျော ညီထွေ ရှိသလား၊ အဖွဲ့ဝင် ကောင်း Team Player တယောက် ဖြစ်ရဲ့လားဆိုတာတွေကို ဆရာ ဆရာမတွေက အမြဲ စောင့်ကြည့် အကဲဖြတ်နေရပါတယ်။ တခုခု ချို့ယွင်းတယ်လို့ ယူဆတာနဲ့ မိဘတွေဆီ ချက်ချင်း အကြောင်းကြား ပါတယ်။ ဒီနိုင်ငံမှာ အဓိက ထားတာကတော့ ကလေးအချင်းချင်း အနိုင်ကျင့် (Bully) သလား ဆိုတာ ပါပဲ။

ဆရာ ဆရာမတွေက မိဘတွေဆီကို အပတ်စဉ် သောကြာနေ့တိုင်းမှာ ကလေးရဲ့ တပတ်စာ ကျောင်းတွင်း လှုပ်ရှားမှုနဲ့ အခြေနေတွေကို Report ပေးပါတယ်။ အဲဒီအခါ ကလေးက စကားများတာ၊ စာသင်တာကို အာရုံမစိုက်တာ၊ ပိုပြီး လိမ်မာနေတာ၊ အားလုံးကို မှတ်ချက်ရေးပေးတာမို့ မိဘကပါ သားသမီးရဲ့ စာသင်ခန်းအတွင်း လူမှုဆက်ဆံရေး စွမ်းရည် ကို မျက်ခြည်မပြတ်တော့ပါဘူး။ ကိုယ့်ကိုယ်ကို ဆင်ခြင်နိုင်မှုစွမ်းရည် (Intrapersonal) ကလည်း အဲဒီကနေ ဆင့်ပွားလာတာပါပဲ။ ကိုယ့်အပေါ် ဆရာဆရာမနဲ့ အတန်းဖော်သူငယ်ချင်းတွေ.. မိဘမောင်နှမတွေရဲ့ အပြန်အလှန် တုံ့ပြန်မှု အရပဲ ကလေးဟာ ကိုယ့်ကိုယ်ကို ဆင်ခြင်နိုင်စွမ်း တက်လာ မဟုတ်ပါလား။

သဘာဝတရား ကို ချစ်မြတ်နိုးမှု စွမ်းရည် (Naturalist) ကိုတော့ ကလေးတွေရဲ့ သင်ရိုးထဲမှာ ပါတဲ့ Social Science သင်ခန်းစာတွေနဲ့ အနည်းဆုံး တနှစ် ၂ကြိမ် ခရီးတို Field Trip တွေ ထွက်ရာကနေ အများကြီး ရနိုင်ကြပါတယ်။ ပန်းပင် ပန်းပွင့် သစ်ပင် သစ်တောတွေအကြောင်း၊ လိပ်ပြာပိုးဖလံတွေအကြောင်း၊ အိမ်မွေးတိရစ္ဆာန်လေးတွေအကြောင်း သင်ကြားရင်း ပုံတွေဆွဲ၊ ဇာတ်လမ်းတွေ ရေးကြရင်း ကလေးတွေကို သဘာဝတရားကို ကောင်းကောင်းသိပြီး ချစ်မြတ်နိုးတတ်လာပါတယ်။ ပြီးတော့ တကယ်ကို လက်တွေ့ကျကျ.. သူတို့ကလေးတွေကိုယ်တိုင် တနှစ်မှာ အနည်းဆုံး ပန်းပင်လေးတပင် ရှင်အောင် စိုက်ကြရပါသေးတယ်။

ဒီစွမ်းရည်တွေက ပညာရေးထဲမှာ ဘာလို့ အရေးပါရတာပါလဲ..။ ပြီးတော့ ကလေးတွေအတွက် ဘာကြောင့် ဒီစွမ်းရည်တွေ မဖြစ်မနေလိုအပ်ရတာပါလဲ…။ ကျမ ဖတ်ဖူးခဲ့တဲ့ ပြောင်းလဲတိုးတက်မှုဖြစ်စဉ် (Progressivism) အရ ဆိုရင်တော့ Education should be life itself, not a preparation for living လို့ ဆိုထားတာမို့ “ပညာရေးဟာ ဘ၀မှာ အသက်ရှင်သန် နေထိုင်ဖို့အတွက် ပြင်ဆင်ရုံ သာမဟုတ်ဘဲ ပညာရေးကို လေ့လာ လိုက်စားနေခြင်း ကပဲ ဘ၀တစ်ခု” လို ဖြစ်နေ သင့်တာပါ။ ဒီတော့ ကလေးတွေအတွက် ပညာရေးစနစ်ထဲကနေပဲ ကိုယ်ရည် ကိုယ်သွေးနဲ့ အတူ လူမှုဆက်ဆံရေး စွမ်းရည်ကိုပါ တပြိုင်တည်း ဖွံ့ဖြိုးစေရမှာ ဖြစ်ပါတယ်။

 Progressivism အယူအဆကို အမေရိကန် ပညာရေးပါရဂူတွေ ဖြစ်ကြတဲ့ John Dewey ၊ William Kilpatrick နဲ့ John Child တို့က ပြောခဲ့ကြတာဖြစ်ပါတယ်။ သူတို့က ကလေးတွေအတွက် ပညာရေးဟာ ကလေးတွေ စိတ်ဝင်စားတဲ့ သင်ခန်းစာတွေ ဖြစ်သင့်ပြီး စာသင်ခန်း ထဲမှာလည်း ဆရာဟာ ဦးဆောင် လမ်းညွှန်သူ မဖြစ်ရဘဲ အကြံပေးသူသာ ဖြစ်သင့်တယ်လို့ ဆိုပါ တယ်။ ပြီးတော့ ကျောင်းဆိုတာဟာလည်း ကလေးတွေရဲ့ စွမ်းရည်ကို ထုတ်ဖေါ်ရာမှာ အစုအဖွဲ့တွေနဲ့ ပူးပေါင်း ဆောင်ရွက် ပြီးတော့သာ ဖေါ်ထုတ်စေ သင့်ပြီး ကလေးတစ်ယောက် နဲ့ တစ်ယောက် ယှဉ်ပြိုင်ဖို့ အတွက် မဖြစ်သင့်ဘူးလို့လည်း ဆိုပါတယ်။

ဒါကြောင့်ပဲ တနှစ်တာလုံး ကလေးရဲ့ ကြိုးပမ်းခဲ့သမျှကို နှစ်ကုန်မှာ စာမေးပွဲတခုဖြေခိုင်းပြီး အအောင် အကျ နဲ့ ဆုံးဖြတ်လိုက်တာဟာ မမှန်ကန်ဘူးလို့ အဖြေထုတ်ကြတာဖြစ်ပါတယ်။ ဒီ မှားယွင်းတဲ့ စာမေးပွဲစနစ်အကြောင်း ရှေ့တပတ်မှာ ဆက်ပြောပြပါဦးမယ်။

 မေငြိမ်း ၂၅၊ ဧပြီလ ၂၀၁၂။
 Venus News Journal ပါ ဆောင်းပါး - ၇

အမေရိကန်ရောက် သင်္ကြန်ပွဲ နဲ့ သပြေညို

ဒီနှစ် သင်္ကြန်ဟာ သပြေညို ကျောင်းအနေနဲ့ ပထမဆုံးကြုံရတဲ့ သင်္ကြန်ပါ။ ပြောချင်တာက စာသင်ခန်းထဲမှာ ကလေးတွေကို သင်္ကြန်ဆိုတာ ဘယ်လို ပွဲတော်လဲ.. ဘာအထိမ်းအမှတ်နဲ့ လုပ်တဲ့ ပွဲလဲ.. ဘယ်လို ဆင်နွှဲကြတဲ့ ပွဲလဲ.. ဘယ်လို ဆင်နွှဲသင့် တဲ့ ပွဲလဲဆိုတဲ့ ဗမာမှုတွေကို သင်ခွင့်ရဖို့ ပထမဆုံးအကြိမ်ဖြစ်တယ်လို့ ပြောပြချင်တာပါ။ သပြေညို ကျောင်းစဖွင့်တာက မနှစ်က ဇွန်လ.. အမေရိကန်ပြည်ရဲ့ နွေရာသီ ကျောင်း ရက်ရှည် ပိတ်ရက်ထဲမှာမို့ ဗမာပြည်က သင်္ကြန်ချိန်နဲု့ မကြုံလိုက်ရပါဘူး။ ဒါကြောင့် ဒီနှစ် ကြုံကြိုက်မှပဲ သင်္ကြန်နဲ့ ပတ်သက်သမျှကို စာသင်ခန်းမှာ ပြောပြရပါတော့မယ်။

သင်္ကြန်ဆိုတာ မြန်မာ့ယဉ်ကျေးမှု အမွေအနှစ်ဖြစ်တဲ့အကြောင်း၊ နွေကာလ ပူပူ လောလော ရာသီ မှာ အေးမြစေလိုစ်ိတ်နဲ့ ရေလောင်းကြတဲ့အကြောင်း၊ အောင်အတိတ် အောင်နိမိတ် ဆောင်ပြီး အေးချမ်းမွှေး ပျံ့စေ လိုတဲ့ စေတနာ ပါ ပါလာတဲ့အခါ၊ သပြေခက်နဲ့ နံ့သာရည်ကို ပက်ဖြန်းကြတဲ့ အကြောင်း၊ နောက်ဆက် တွဲမှာ မြန်မာ နှစ်ဟောင်း ကုန်ပြီး နှစ်သစ်ပြောင်းချိန်မို့ မကောင်းတဲ့ စိတ်.. မကောင်းတဲ့ အဟောင်း၊ မကောင်းတဲ့ အညစ်အကြေးတွေကို ဆေးကြောတယ်လို့လည်း မှတ်ယူကြောင်း တွေ လောက် ပြောပြရင် သူတို့ နားလည်ပါပြီ။ ပြီးရင်တော့ အင်တာနက် ထဲက သင်္ကြန်ပုံတွေ ရှာပြီး Projector နဲ့ ပြမယ်။ ဟိုး ပုဂံခေတ်တုန်းက သင်္ကြန်ကို နံရံဆေးရေးနဲ့ သရုပ်ဖော် ထားတဲ့ ပုံတွေ ပြနိုင်တယ်။ အဲဒီကမှ တဖြည်းဖြည်းချင်း ခေတ်အလိုက် ရွေ့လျော ပြောင်းလဲ လာတာတွေကို ပြမယ်။ အားလုံးပြောပြအပြီး သူတို့တွေ အမျိုးမျိုး ပြန်မေး လာကြမယ့် မေးခွန်းတွေ ကို ဖြေပြီး ပြောပြပြီးရင်တော့ သင်္ကြန်ပွဲမှာ ဓလေ့ ထုံးစံတွေ.. ဝတ်စားဆင်ယင်မှုတွေ ဘယ်လို ရှိသင့်တယ်ထင်သလဲဆိုတာကို ကျမ သူတို့လေး တွေ ကို ပြန်မေးမယ်လို့ စိတ်ကူးထားပါတယ်။

အဲဒီလို သင်္ကြန်ပွဲနဲ့ပတ်သက်တဲ့ ပို့ချချိန် လုံလောက်ပြီဆိုရင်တော့ ထုံးစံအတိုင်း ဒီ အကြောင်းအရာအပေါ် သူတို့ ဘယ်လောက် နားလည်ကြသလဲ ဆိုတာကို ပြန် အကဲဖြတ် ရပါမယ်။ တကယ်လို့ စာကောင်းကောင်း ရေးနိုင်တဲ့ အရွယ် ဆိုရင်တော့ သူတို့ကို မှတ်စု ပြန်ရေးခိုင်းရုံပါပဲ။ ခုကတော့ စာကောင်းကောင်း မရေးနိုင်သေးတာမို့ သရုပ်ဖော်ပုံ ဆွဲခိုင်းရမှာပါ။ သင်္ကြန်ကို သူတို့ ဘယ်လို နားလည်လဲ.. ဘယ်လောက် နားလည်လဲ.. ဘယ်လို ခံစားသလဲဆိုတာ.. သူတို့ကိုယ်ပိုင် သရုပ်ဖော်တဲ့ ပန်းချီပုံတွေ မှာ တွေ့ရပါလိမ့်မယ်။

တနည်းအားဖြင့်တော့ ဒါဟာ ကလေးတွေရဲ့ သိမှုဆိုင်ရာစွမ်းရည် IQ ((Intelligent Quotient) ကိုသာမက ခံစားနားလည်နိုင်မှုစွမ်းရည် EI (Emotional Intelligence) ကိုပါ မြင့်တက် လာအောင် လေ့ကျင့်ပေးရာ လည်း ရောက်ပါတယ်။ ပြီးတော့ ဒါဟာ ပြဋ္ဌာန်းချက်တွေထဲက မဟုတ်ဘဲ၊ စာသင်သားတွေကို ပြောပြ သင်ပြဖို့ လိုအပ်တဲ့ ပတ်ဝန်းကျင်ဆိုင်ရာ သင်ခန်းစာလည်း ဖြစ်ပါတယ်။ ဒီလို သင်ခန်းစာတွေကို ပုံမှန်ကျောင်းပညာရေး Formal Education ထဲမှာ ထည့်သုံး ပြောပြရမှာက ဆရာ ဆရာမ တွေရဲ့ တာဝန်လည်း ဖြစ်ပါတယ်။

+++++

 ကမ္ဘာပေါ်မှာတော့ ၁၉၂၀ လောက်ကတည်းက ကလေးတွေအတွက် IQ ထက်ပိုပြီး EI ကို ပို လိုအပ်တယ် လို့ တွေ့ရှိခဲ့ကြပြီး ဖြစ်ပါတယ်။ ၁၉၂၀မှာ စိတ်ပညာရှင် Edward L. Thorndike (1879-1949) က ကလေးတွေ အတွက် ပညာရေးထဲမှာ လူမှုဆက်ဆံရေး စွမ်းရည် (Social Intelligence) ကိုပါ ထည့်သွင်းသင့်တယ်ဆိုတဲ့ သူ့ရဲ့ အယူအဆကို တင်ပြ ခဲ့ပါတယ်။ အဲဒီ အယူအဆရဲ့ နောက်မှာမှ ကလေးတွေ အတွက် လူမှု ဆက်ဆံရေး စွမ်းရည် နဲ့ ခံစား ဆင်ခြင်နိုင်မှု စွမ်းရည် (Inter and Intra Intelligence) က အရေးပါကြောင်းကို ပညာရှင်တွေ ဖြစ်တဲ့ Abraham Maslow က ၁၉၅၄ မှာ ၊ Carl Rogers က ၁၉၆၉မှာ၊ Howard Gardner က ၁၉၈၃ မှာ … သုတေသန လုပ်ပြီး တင်ပြ လာခဲ့ကြ ပါတယ်။ အဲဒီ တွေ့ရှိချက် အယူအဆပေါ်မှာ မူတည်ပြီး ပညာရှင်တွေက အမျိုးမျိုး ဆွေးနွေး အဖြေရှာ ခဲ့ကြပါတယ်။

 ၁၉၉၀ နောက်ပိုင်းမှာတော့ အဲဒီ အယူအဆတွေအရ EI က IQ ထက်ပိုပြီး ဘ၀ကို အောင်အောင် မြင်မြင် ဖြတ်သန်း နိုင်စွမ်း ရှိတယ်လို့ လက်ခံလာကြပါတယ်။ အဲဒီ နောက်မှာ တော့ EI အရ စိတ်ခံစားချက်က စဉ်းစား တွေးခေါ်ခြင်းကို ပို ထက်မြက စေပြီး ခံစားချက် တွေကို အသိဥာဏ် နဲ့ ယှဉ်ပြီး ဝေဖန် ပိုင်းခြား စဉ်းစားနိုင်တယ် ဆိုတဲ့ ယူဆချက်ကို ကလေးတွေအတွက် လိုအပ်တဲ့ စွမ်းရည်အဖြစ် ထောက်ပြလာကြပါ တယ်။ တကယ်တော့ မြန်မာနိုင်ငံရဲ့ လွတ်လပ်ရေး ဗိသုကာကြီး ဗိုလ်ချုပ်အောင်ဆန်းကလည်း “ပညာတတ်သူသည် လောကရှိ အရာရာ ကို အခွင့်အလမ်းအလိုက် ဆင်ခြင် သုံးသပ် နိုင်စွမ်းသော ဥာဏ်အားကိုလည်းကောင်း၊ မိမိ ဥာဏ်အမြင် အရ စိတ်နေ စိတ်ထား စိတ်ဓါတ် (Emotion of the Education) တို့ကိုလည်းကောင်း၊ ပြုပြင် ပြုစု စီမံထားခဲ့ သူသာလျှင် ဖြစ်သည်” လို့ ပြောခဲ့ဖူးပါတယ်။ ဒါဟာ ပညာရေးစနစ်ထဲမှာ EI (Emotional Intelligence) က အရေးပါ လှတာကို ထောက်ပြခဲ့တာပဲ ဖြစ်ပါတယ်။

ဒီနေရာမှာ စကားစပ်လို့ ဥပမာလေးတခု ပြောပြပါရစေ။ ကျမတို့ မြန်မာနိုင်ငံမှာတုန်းက ကျမသားကြီးက ကမာရွတ် ပညာရေး တက္ကသိုလ် လေ့ကျင့်ရေးကျောင်း (TTC) မှာ ကျောင်း တက်ပါတယ်။ သားကြီး ၈တန်းကျောင်းသားအရွယ်မှာ မြန်မာစာသင်ရိုးထဲက ကဗျာတပုဒ်ကို လပတ်စစ် စာမေးပွဲမှာ ဆရာမပေးထားတဲ့ မှတ်စု အတိုင်း ၏-သည်-မလွဲ မဖြေဘဲ သူနားလည်သလို ဖြေတာမှာ ဆရာမက ၁၀မှတ်ပေးဖို့ သတ်မှတ်ထား တာမှာ ၂ မှတ်ပဲ ပေးခဲ့ပါတယ်။ သားရဲ့ အဖြေစာရွက် အိမ်ကို ပါလာလို့ ကျမ ပြန်စစ် ကြည့်တော့ အချက်အလက်တွေအားလုံး အမှန်ပဲ ဖြစ်ပြီး စာလုံးပေါင်း သတ်ပုံ တစ်လုံးစ နှစ်လုံးစလောက်ပဲ မှားတာတွေ့ပါတယ်။ ကျမကိုယ်တိုင်လည်း မြန်မာစာ ဆရာမ မို့ ဒီလို အဖြေမျိုးကို အမှတ်ပေးစည်းမျဉ်းအရ အနည်းဆုံး ၆မှတ် ပေးဖို့ ဘောင်ဝင်တာကို တွေ့ပါတယ်။ ဒါနဲ့ပဲ သားရဲ့ မြန်မာစာဆရာမကို အကျိုးအကြောင်း မေးကြည့်ချင်တာနဲ့ ကျမ သားရဲ့ အဲဒီ မြန်မာစာ ဆရာမကို လိုက်တွေ့တော့ သူပေးတဲ့ မှတ်စုအတိုင်း မဟုတ်လို့လို့ ကျမကို အဖြေပေးပါတယ်။

ဒါဟာ ကလေးရဲ့ EI အရ ဖြေဆိုတာကို အသိအမှတ် မပြုတဲ့ ပြဿနာပါပဲ။ ပြီးတော့ အဲဒါဟာ မြန်မာနိုင်ငံ ရဲ့ ကျောင်းတွေမှာ တော်တော် များများ တွေ့နေရတဲ့ ပြဿနာလည်း ဖြစ်ပါတယ်။ ဒါနဲ့ပဲ ကလေးတွေဟာ ပုံစံသွင်းထား တဲ့ အနေအထားမျိုးနဲ့ သူတို့ရဲ့ ကိုယ်ပိုင်စိတ်ကူးဉာဏ်တွေကို ရိုက်ချိုး ခံရပြီး အရွယ် ရောက် လာကြရတာမို့ ဒါဟာ လက်တွေ့ဘ၀ကိုပါ ရိုက်ခတ် လာတော့ တာပါပဲ။ ဘာလို့လဲဆိုတော့ အနာဂတ်ဘဝ တိုးတက် ဖွံ့ဖြိုးဖို့ ဆိုရင် ကလေးတွေ အနေနဲ့ လက်တွေ့ ပစ္စုပ္ပန် ဘ၀ထဲမှာလည်း အရာရာကို ကိုယ့် စိတ်ကူး စိတ်သန်းနဲ့ ကိုယ် တွေးတောကြံဆ ဆင်ခြင်သုံးသပ်ပြီး အောင်အောင်မြင်မြင် ရင်ဆိုင် ကျော်ဖြတ်နိုင်ဖို့ လို တာကြောင့်ပဲ ဖြစ်ပါတယ်။ ဒါဟာ EI ကို အသုံးချခွင့်လည်း ဖြစ်ပါတယ်။

 +++++++

ဆက်စပ်ပြီးတော့ ပြန်ကောက်ပြောရရင် ခု အမေရိကမှာတော့ ကလေးတွေဟာ သင်္ကြန် ဆိုရင် တိုင်းတပါးနိုင်ငံမှာမို့ သင်္ကြန်ကျစရာနေရာက ဘုန်းကြီးကျောင်းဝင်းပဲ ရှိပါတယ်။ အမေရိကန်ပြည်ထောင်စု ရဲ့ မြန်မာများတဲ့ မြို့တွေမှာ ဘုန်းကြီးကျောင်း အနည်းဆုံး တကျောင်း တော့ ရှိပါတယ်။ အဲဒီ ဘုန်းကြီးကျောင်း မှာ သင်္ကြန်အထိမ်းအမှတ်ပွဲတွေ လုပ်တဲ့အခါ မြန်မာနွယ်ဖွား အများစုက မြန်မာ့ရိုးရာ ၀တ်စုံတွေ ၀တ်ကြပါတယ်။ ပြီးတော့ မဏ္ဍပ်တွေထိုး၊ စတုဒီသာ ကျွေး၊ ရန်ပုံငွေဈေးရောင်းပွဲတွေ လုပ်၊ သီချင်းတွေ ဆိုကြ၊ သင်္ကြန်ကတွေ ကကြ။ ဘုန်းကြီးကျောင်းဝင်းတ၀င်းလုံး မြနန္ဒာသံတွေ.. တူးပို့သံ တွေ ညံလို့။ တခါတလေ ရာသီဥတုက ကောင်းကောင်းမနွေးသေးရင် သပြေခက်နဲ့ ရေပက်တာပါ။ ကလေးတွေ ကတော့ မြန်မာပြည်မှာလိုပဲ ရေပြွတ်တွေနဲ့ ဖလားတွေ နဲ့ ပေါ့။ သက်ကြီးပူဇော်ပွဲတွေလည်း လုပ်ပါတယ်။ သိပ်ကို မြန်မာဆန်တဲ့ သင်္ကြန်စစ်စစ်လို ကျင်းပကြပါတယ်။ ဘာကြောင့်ပါလဲ…

 ကျမစိတ်ထင်တော့ ဒါဟာ အမျိုးသားရေးစိတ်ပါပဲ။ ကိုယ့်ဇာတိမြေကို စွန့်ခဲ့ရ ပေ မဲ့ ကိုယ့်လူမျိုး၊ ကိုယ့်ယဉ်ကျေးမှု ကိုယ့်ထုံးတမ်း အစဉ်အလာ၊ ကိုယ့်ရိုးရာဓလေ့၊ ကိုယ့်သရုပ်သကန်ကို မေ့မသွားအောင် ထိန်းချင်တာ၊ ဖော်ထုတ်ချင်တာပဲလို့ မြင်ပါတယ်။ အဲဒီလို ထိန်းတာကပဲ ကျမတို့ရဲ့ ကလေးတွေကို ကိုယ့်လူမျိုး ကိုယ့်တိုင်းပြည်ကို သိအောင် ပြောပြ သင်ပြရာရောက်တယ်လို့ ထင်ပါတယ်။ ဒါကြောင့် အမေရိကန်ပြည်က သင်္ကြန်ပွဲကလေးဟာလည်း ကျမတို့ သပြေညို မြန်မာစာ ကျောင်းလေး အတွက်တော့ သင်ကြားမှု အထောက်အကူပြု နယ်ပယ်လေးတခုပဲ ဖြစ်ပါတယ်ရှင်။ သင်္ကြန်အခါသမယ နှစ်ဟောင်းအကုန် နှစ်သစ်အကူးမှာ မြန်မာပြည်က မိဘပြည်သူတွေ ကလေးတွေ လူငယ်တွေ အားလုံး စိတ်ချမ်းသာ ကိုယ်ကျန်းမာ ရှိကြပါစေလို့ ဆန္ဒပြုပါ တယ်ရှင်။

 ၁၁ ဧပြီ ၂၀၁၂။

Venus News Journal ပါ ဆောင်းပါး အမှတ်- ၆။

ဒီမိုကရေစီပညာရေး နဲ့ သပြေညို

အမေရိကန်ပညာရေးစနစ်က လေ့ကျင့်ပေးထားသလို ရှိတာကြောင့် ကျမရဲ့ သပြေညို မြန်မာစာကျောင်း ပိုလွယ်လွယ် ထိရောက်အောင်မြင်ရတာပါလို့ ရှေ့ဆောင်းပါးတွေမှာ ပြောခဲ့တော့ တလက်စာတည်း ဆက်ပြောစရာ ရှိလာတာက ယဉ်ကျေးမှုစံ တန်ဖိုးကိစ္စ ပါ။

အတန်းထဲမှာ ဆရာကို ပြန်မေးခွန်းထုတ်ခွင့် - Questioning (ကျမတို့ မြန်မာ့လူမှု ၀န်းကျင်ရဲ့ သတ်မှတ်ချက် နဲ့ ဆို အတွန့်တက်တယ်လို့ ပြောရမှာပေါ့)၊ ငြင်းဆန်ခွင့်- Argument (ဆင်ခြေပေးခွင့်) တွေ ပေးထားတဲ့ တဘက်မှာ မသိမသာ တွဲပါလာတတ် တာက အရိုအသေတန်သလို အမူအယာတွေ ဖြစ်နေတတ်တာပါ။ အမေရိကန် ရုပ်ရှင် တွေထဲ မြင်ရတတ်ပါတယ်။ ကျမ ထင်တာတော့ ဒါမျိုးက အမေရိက မှာမှ မဟုတ်ဘဲ ဘယ်နေရာမှာမဆို ရှိတတ်တာမျိုးပါ။ အရွယ်ရဲ့ ပြဿနာ၊ ပတ်ဝန်းကျင် ရဲ့ ပြဿနာ၊ ပြီးတော့ မိဘတွေရဲ့ ပြဿနာတွေက လွှမ်းမိုးတဲ့ ကလေးတွေ မှာသာ ဖြစ်လေ့ရှိတာပါ။ ကလေးတွေထဲ တချို့က I don’t care လို့ တုံ့ပြန်တာမျိုးပါ။

ဒါပေမဲ့ တကယ့် လက်တွေ့ မှာတော့ အတန်းထဲမှာ ဆရာဆရာမကို အဲလို တုံ့ပြန်ရင် သူ့အပြစ် အကြီးအသေး အလိုက် အနည်းဆုံး တနာရီကနေ ၂နာရီ လောက်ထိ အတန်းဖော်တွေ ထဲကနေ ခွဲထွက်ပြီး တယောက်တည်း ထိုင်နေရပါတယ်။ ဒီလို အပြစ်ပေးတာကို Time Out ပေးတယ်လို့ ခေါ်ပါတယ်။ အဲလို အပြစ်ပေးခံရမှာကို ကလေးအများစုက ရှက်ကြ ကြောက်ပါတယ်။ ဒီတော့ အဲလောက်ပြစ်ဒဏ်က လုံလောက်ပါတယ်။ အိမ်မှာလည်း သားသမီးတွေ ဆိုးရင် မိဘက အပြင်းအထန်အပြစ်ပေးတာတခုက Time out ပေးတာ ပါပဲ။ အဲဒီပြစ်ဒဏ်ကို ကလေး အများစုက ကြောက်ပါတယ်။ ဒီတော့ ကျမရဲ့ သပြေညို မှာလည်း ဒီနည်းကိုတော့ သုံးနိုင်ပါတယ်။

ဒါပေမဲ့ တကယ်တမ်းမှာ Time out သုံးရတဲ့ အဆင့် မရောက်ပါဘူး။ “Time out ထိမယ်နော်” ဆိုရင်ကို ရပါပြီ။ တခု ရှိတာက အမေရိကန်နိုင်ငံက ပြဋ္ဌာန်းထားတဲ့ လူနေမှုစနစ်ကိုက ကလေးတွေကို အကြောက်တရားကင်းအောင်၊ ရဲရင့်အောင်၊ သတ္တိရှိအောင်၊ အရာရာ ကို ရင်ဆိုင် တတ်အောင် လေ့ကျင့်ပေးတာမို့ ကလေးတွေက ရဲရဲတင်းတင်းနိုင်တာ၊ ကိုယ့်ကိုယ်ကို ယုံကြည်မှု ရှိနေတာမျိုးလည်း ဖြစ်ပါတယ်။ အဲဒါမျိုးက ကျမတို့ မြန်မာ မိဘတွေ အတွက်တော့ လက်ခံ နားလည်နိုင်အောင် တော်တော်ကို ကျင့်ယူရတဲ့ကိစ္စပါ။

အထူးသဖြင့်တော့ မြန်မာ ကျောင်းဆရာမ အနေနဲ့ ကျင့်သားရခဲ့တဲ့ ကျမအတွက်၊ ပြီးတော့ ကျမကို ကူသင်ပေးကြတဲ့အထဲ မြန်မာပြည်က ထွက်လာတာ မကြာသေးတဲ့ ဆရာမလေးတွေအတွက်တော့ အမေရိကန်ပညာရေးထဲက မြန်မာကလေးတွေရဲ့ စာသင်ချိန်နဲ့ စာသင်ခန်းကို ရင်ဆိုင်ရာမှာ တော်တော် ကျင့်သားရအောင် ကြိုးစားရ ပါတယ်။ ကလေးတွေက သူတို့ဘာသာ ချဲ့ထွင်သင်ယူကြပါတယ်၊ (ကျမတို့ မြန်မာတွေ အသုံးအနှုန်း အတိုင်း ပြောမယ်ဆိုရင် အမေး အမြန်း ထူတယ်၊ စောဒကတက်တယ်၊ အတိမ်းအစောင်း မခံဘူး။ အတွန့် တက်မယ်၊ စပ်စုမယ်၊ ပြီးတော့ သူတို့ဘာသာ တီထွင် ရှေ့တက်ချင်တယ်။ ကျမတို့ မြန်မာပြည် မှာသာဆို နင် ဆရာလား.. ငါဆရာလား.. လို့ အငေါက်ခံရမယ့်အဖြစ်မျိုး ပေါ့)။ အမေရိကမှာတော့ ဒါက စာသင်သားရဲ့ အခွင့်အရေး Student Rights ပါ။ ဒါကြောင့်ပဲ အမေရိကန် ဒဿနိက နဲ့ ပညာရေးပါရဂူ John Dewey(1859-1952) က “ပညာရေးသည် သင်ကြားခြင်းမဟုတ်။ ကလေးဘာသာသင်ယူတတ်ရန် လေ့ကျင့်ပေးခြင်းသာ ဖြစ်သည်။” လို့ အတိအလင်း ပြောခဲ့တာဖြစ်ပါတယ်။

 ++++++

အမေရိကမှာက ကလေးတွေဟာ ငယ်ငယ်ကတည်းက မိဘနဲ့ အတူတူ မအိပ်ကြရ တော့ ပါဘူး။ ဒီတော့ သူတို့ဟာ ညတွေကို တယောက်တည်း ရင်ဆိုင်ကျင့် ရှိပါတယ်။ အဲလိုပဲ မိဘတွေမှာ ကလေးတွေရဲ့ စူးစမ်းလိုစိတ်ကိုလည်း ဟန့်တားခွင့်လည်း မရှိဘဲ ထိန်းထိန်းသိမ်းသိမ်းနဲ့ အားပေးတာမျိုးသာ လုပ်ကြရတာကြောင့် ကလေးတွေဟာ လုပ်ရဲ ကိုင်ရဲ ရင်ဆိုင်ရဲကြတာပါ။ အမေရိကမှာ ဥပဒေနဲ့ တင်းတင်းကျပ်ကျပ် ကိုင်တွယ် ထားတာကတော့ မိဘတွေက သားသမီးတွေကို ရိုက်နှက်တာ၊ စိတ်ဆင်းရဲအောင် ညှင်းပမ်းတာတွေ၊ အစာရေစာ ၀လင်အောင် မကျွေးတာ.. လူတန်းစေ့မထားတာ တွေ အတွက် မိဘတွေကို ပြတ်ပြတ်သားသား အရေးယူ တရားစွဲတာပါပဲ။

ကျောင်းနေ ကလေးတိုင်းဟာ မိဘက ရိုက်နှက်ရင်ပဲဖြစ်ဖြစ်၊ မောင်နှမချင်း အနိုင်ကျင့် ရင်ပဲ ဖြစ်ဖြစ်၊ ဘယ်နေရာမှာမဆို ပြဿနာတခုခု ရင်ဆိုင်ရရင်ပဲဖြစ်ဖြစ်၊ 911 ကို ခေါ်ပြီး ပြောဖို့ ကျောင်း တွေကကို သင်ပေးထားတာပါ။ ဒီတော့ ကလေးတွေဟာ ဥပဒေကို အားကိုး ယုံကြည် တဲ့ စိတ်နဲ့ ကြီးပြင်းရ တာကြောင့်လည်း စိတ်လုံခြုံမှုနဲ့ ကြီးပြင်းရ ပါတယ်။ အဲဒီအခါ သူတို့ဟာ သူတပါးကို မတရားသဖြင့် ဒုက္ခရောက်အောင် ထိခိုက် အောင် လုပ် တာမျိုး မဟုတ်ရင် ဘာမဆို လုပ်ခွင့်ရှိတယ်ဆိုတဲ့ ယုံကြည်ချက်နဲ့ ရဲတင်း နေကြတာလို့ ပြောရမှာပါပဲ။ အဲဒီအခါ မြန်မာပြည်ထဲ မွေးခဲ့ နေခဲ့ အရွယ်ရ ကြီးပြင်း ခဲ့တဲ့ မြန်မာအမေတွေ အဖို့ တော့ သူတို့ သားသမီး အမေရိကန်ကလေးတွေရဲ့ ခွန်းတုံ့မခံ ပြန်ပြောတာ၊ ဝေဖန် ထောက်ပြတာ၊ ရဲတင်းပွင့်လင်းတာတွေကို တော်တော် သီးခံကြရတယ် လို့ပဲ ပြောရ မှာပါ။

ဒါပေမဲ့ အဲဒီ ကလေးတွေက သူတို့အပေါ် သူတို့ လက်ခံတဲ့ အပြုအမူမျိုး မိဘ မောင်နှမ ဆရာ ဆရာမတွေက ဆက်ဆံရင် ပြုမူရင်တော့လည်း Thank you လို့ ပြောဖို့ I love you လို့ ပြောဖို့ ၀န်မလေးကြသူလေးတွေပါ။ ကျမပြောချင်တာက သူတို့ဟာ တုံ့ပြန်ဝေဖန်တာ(Criticize)လုပ်သလိုပဲ အသိအမှတ်ပြုတာ(Appreciate) လည်း လုပ်ကြသူတွေဖြစ်တယ်ဆိုတာပါ။ သူတို့လေးတွေဟာ အဆိုးမြင်သမားတွေလည်း မဟုတ်ကြသလို အကောင်းမြင်သမား တွေလည်း မဟုတ်ကြ ပါဘူး။ သေချာတာကတော့ သူတို့ဟာ အရာရာကို သူတို့ မြင်တဲ့ ထင်တဲ့အတိုင်းသာ ပြောခွင့်ရကြသူတွေမို့ အမှန်ကို ပြောရဲသူတွေတော့ ဖြစ်နေတာပါပဲ။

အဲဒီအခါ သူတို့နဲ့ ရင်ဆိုင်ရတဲ့ လူကြီးတွေကလည်း အမှားမလုပ်မိအောင် သတိထား ဖြစ်လာပါတော့တယ်။ ဒါကြောင့်ပဲ ကလေးတွေရဲ့ ပညာရေးစနစ် .. ပြုစုပျိုးထောင်ရေး ပုံစံက ဘယ်လောက်အရေးပါတယ်ဆိုတာ ပိုပြီး ပေါ်လွင်လာရတာပဲ ဖြစ်ပါတယ်။

+++++

တလောက မြန်မာပြည်က သတင်းတွေထဲ အခြေခံပညာကျောင်းက ကျောင်းသား ကျောင်းသူတချို့ကို  ကျောင်းအုပ် ဆရာမကြီး၊ ကျောင်းအုပ်ဆရာကြီး ၊ အတန်းပိုင်ဆရာမ တို့က ပြင်းပြင်း ထန်ထန် ရိုက်နှက် အပြစ်ပေးတယ် ဆိုတဲ့ သတင်း သုံးလေးပုဒ် ဆက်တိုက်လို ဖတ် လိုက်ရတော့ ကိုယ်တိုင် အမေလည်း အမေ၊ ဆရာမလည်း ဆရာမမို့၊ ကျမ စိတ်ထဲ တော်တော် ထိခိုက်ခံစားရပါတယ်။ ဒီလို အဖြစ်အပျက်မျိုးဟာ အမေရိကမှာ ဖြစ်လို့ ကတော့ အဲဒီ ဆရာ ဆရာမတွေ ပြင်းပြင်းထန်ထန် အရေးယူ ခံရမယ့်အပြင် လူ့ပတ်ဝန်းကျင် အသိုင်းအ၀ိုင်းက ရှောင်ဖယ်တာကိုတောင် ခံကြရမှာပါ။

ကလေးတွေကို ရိုက်နှက်ဆုံးမတယ်ဆိုတာက ဒီမှာတော့ အလွန် ကြီးလေးတဲ့ ပြစ်မှုပဲ ဖြစ်ပါတယ်။ ဒါ့ထက်ပို ကျယ်ကျယ်ပြောပြော စဉ်းစားရင်တော့ ဒါက ယဉ်ကျေးမှု ကိစ္စလည်း ဖြစ်ပါတယ်။ သူတပါးကို အသားနာအောင် လုပ်တယ်ဆိုတာကိုက မယဉ်ကျေးတဲ့ လုပ်ရပ်မို့ ဆရာက တပည့်ကို ရိုက်ဆုံးမတာဟာ ချစ်လို့၊ မိဘက သားသမီးကို ရိုက်ဆုံးမ တာဟာ ချစ်လို့ စေတနာရှိလို့.. ဆိုတဲ့ ကျမတို့ မြန်မာ့အတွေး အယူအဆဟာ ပြန်စဉ်းစားစရာကောင်းနေတာ အမှန်ပါ။ ကျမလည်း စဉ်းစား ကြည့်နေ ပါတယ်။ တကယ်ပဲ ရိုက်ဆုံးမတာဟာ အဖြေကောင်း လား၊ စနစ်မှန် လား…။ ရိုက် မှပဲ ထိရောက်အောင် ဆုံးမတယ် မည်သလား.. စဉ်းစားကြရပါမယ်။

ဒါကို ပညာရေး စိတ်ပညာရှင်တွေ အပါအ၀င် စိတ်ပညာရှင်တွေ အတော်များများလည်း စဉ်းစားခဲ့.. အဖြေထုတ်ခဲ့ကြပြီးသားပါ။ အဖြေက ရှင်းပါတယ်။ ရိုက်နှက်ခြင်းသည် မှန်ကန်သော ဆုံးမခြင်း မဟုတ်… ဆိုတာ ပါပဲ။ ဒါပေမဲ့ ကျမတို့ မြန်မာပြည်မှာတော့ ခုချိန်ထိအောင် ကျောင်းတွေမှာ အိမ်တွေမှာ ဆရာ ဆရာမတွေက မိဘတွေက သားသမီးတွေကို တရားဝင် ရိုက်နှက်ခွင့် ရနေဆဲ ဖြစ်ပါတယ်။ ဒါက ကလေးတွေရဲ့ ကိုယ်ရည်ကိုယ်သွေးဖွံ့ဖြိုးမှုကို ချိုးနှိမ်ရာ ကျတယ် ဆိုတာကို ကျမတို့ မတွေးမိခဲ့ကြပါဘူး။

+++++

ဒီတိုင်းပြည်ရောက်တဲ့အခါမှာ ကျမ သေသေချာချာ သတိထားမိတာကတော့ ဒီမိုကရေစီ ပညာရေးကျင့်စဉ် ဆိုတာကိုပါပဲ။ အရင်ကတော့ ကျမမှာလည်း စာတွေ့သာ ရှိခဲ့ရတာပါ။ John Dewey(1859-1952) ရဲ့ လေ့လာတွေ့ရှိချက်အရ ပြောရရင်.. ဒီမိုကရေစီပညာရေးစနစ်ရဲ့ ရည်မှန်းချက် တွေဆိုတာက… -စာသင်သားတွေကို အတူတကွပူးပေါင်းလုပ်ဆောင်စေပြီး ဘက်စုံအသိပညာကိုရစေဖို့ -အနာဂတ်ကာလဖွံ့ဖြိုးတိုးတက်စေဖို့၊ -အပြုသဘောဆန်ပြီးလွတ်လပ်တဲ့အတွေးအခေါ်တွေဖွံ့ဖြိုးတိုးတက်စေဖို့ -အမှားအမှန်ကို ဝေဖန်ပိုင်းခြားတတ်ဖို့၊ -တရားမျတမှုကိုမြတ်နိုးတတ်ပြီးကိုယ်ချင်းစာတရားရှိစေဖို့၊ -လူမှုဆက်ဆံရေးတိုးတက်စေဖို့၊ -ကလေးတွေရဲ့ တစ်ယောက်နဲ့တစ်ယောက်မတူဘဲ ကွဲပြားခြားနားနေမှုတွေကို ဂရုစိုက်ပြီး တစ်ဦးချင်းကို ဖွံ့ဖြိုးတိုးတက်စေဖို့၊
-ကလေးတွေရဲ့ တီထွင်ဖန်တီးနိုင်စွမ်းကို အားပေးဖို့ နဲ့
-အသက်မွေးဝမ်းကျောင်းအလုပ်တွေ လုပ်နိုင်မယ့် ပညာရေးမျိုးကို စီစဉ်ပေးဖို့ ဆိုတာ တွေ ပါပါတယ်။

အဓိကကတော့ ကျောင်းသားကျောင်းသူတွေဟာ ဒီမိုကရေစီပညာရေးထဲကနေ လူမှု အသိုင်းဝိုင်း ထဲမှာ အဆင် ပြေပြေ နေသွားနိုင်ပြီး ကိုယ်ပိုင်အရည်အသွေးတွေနဲ့အတူ လူသားအချင်းချင်း ကိုယ်ချင်းစာ လေးစား တတ်တဲ့ အသိတွေ အတွေ့အကြုံတွေ စိတ်ချရ တဲ့ အသက်မွေးဝမ်းကြောင်းပညာ နဲ့ အလုပ်တွေကိုပါ ရသွားမှာမို့ အောင်မြင် တဲ့ နိုင်ငံသားတွေ ဖြစ်လာဖို့ ရည်မှန်းတာဟာ ဒီမိုကရေစီ ပညာရေးရဲ့ သော့ချက်ပဲ ဖြစ်ပါတယ်။ အဲဒီအခါ ခု ကျောင်းသေးသေးလေးပါဆိုတဲ့ သပြေညို  မြန်မာစာကျောင်းလေး သည်ပင် လျှင်၊ တချိန်မှာ ကျမတို့ကလေးတွေ ကိုယ့်ဇာတိမြေကို ပြန်ပြီး အလုပ်အကျွေး ပြုနိုင်တဲ့ အောင်မြင် တဲ့ နိုင်ငံသားတွေ ဖြစ်လာဖို့ ဆိုတဲ့ ရည်မှန်းချက်တော့ ရှိနေပါတယ်။

 ဒါမှပဲ ကျမလည်း ဆရာမကောင်း၊ သပြေညိုဟာလည်း ကျောင်းကောင်း၊ ပြီးတော့ ကျမ တို့ရဲ့ ကလေးတွေဟာလည်း စာသင်သားကောင်းလေးတွေ ဖြစ်မှာမဟုတ်ပါလား ရှင်။

၎ ဧပြီ ၂၀၁၂။

(ပြည်တွင်းထုတ် Venus News Weekly Journal  ပါ အပတ်စဉ်ဆောင်းပါး - အမှတ် ၅)

အမေရိကန်ကျောင်းပုံစံ နဲ့ သပြေညို

အမြဲလိုလို စိမ်းလန်းပြီး အညွန့် နီနီညိုညိုလေးတွေ ဝေဖြာနေတတ်တဲ့ သပြေကို မြန်မာလူမျိူးတွေက အောင်အတိတ် အောင်နိမိတ် အဖြစ် မှတ်ယူကြတယ်ဆိုတဲ့ စကားမျိုးကို အမေရိကန်ရောက် မြန်မာကလေးငယ်တွေ နားမလည်နိုင်သေးပေမဲ့ ကျမအိမ်မှာ စိုက်ထားတဲ့ သပြေပင်လေးဆီက သပြေညွန့်တွေ ချိုးလာပြီးတော့ ကလေး တွေကို ပြပြီး ဒါဟာ ကံကောင်းတဲ့ အပင် အရွက်လို့ မြန်မာတွေက ယူဆကြတယ် ဆိုတာကို ပြောပြရင်တော့ သူတို့ သဘောပေါက်ကြပါတယ်။ ဒီတော့မှပဲ သ-သပြေညို အောင်ပွဲကြိုဆိုတာကိုလည်း သူတို့ သေချာ နားလည်ကြပါတော့တယ်။
 
အဲဒီလို လက်တွေ့ ပြနိုင်တာလေးတွေက ကလေးတွေရဲ့ မှတ်ဉာဏ်ထဲ ပိုစွဲစေတယ်ဆိုတာ သေချာပေမဲ့ ကျမတို့ငယ်စဉ်က ဒီအခွင့်အရေး မရခဲ့ပါဘူး။ ဆရာ ဆရာမတွေရှေ့ လက် စုံပိုက်ပြီး စာတွေကို ကုန်းအံ ခဲ့ကြတာမှာ ဒီစာက ဘာအဓိပ္ပါယ်လဲလို့ ကျမတို့ အထူးတလည် သိခွင့် မရခဲ့သလို၊ သိချင်စိတ်လည်း မရှိခဲ့ကြပါဘူး။ ကျောင်းစာတခု ခက်ရင် ဘာကြောင့်ခက်သလဲ ဆိုတာ ကျမတို့ အဖြေမရှာ တတ် ခဲ့ကြ သလို ဒါကို မေးခွန်းထုတ်ရမယ်လို့လည်း မသိခဲ့ကြပါဘူး။ ဒါဟာ Teacher centered learning (ဆရာဦးဆောင်တဲ့သင်ယူနည်း) နဲ့ ကြုံခဲ့ရလို့ပဲ ထင်ပါတယ်။ အဲဒီအကျင့်က ကျမတို့ မြန်မာပြည်ပညာရေး လူထွက်တွေမှာ စွဲနေခဲ့တာ ကျမကိုယ်တိုင် အပါအ၀င်ပဲ ဖြစ်ပါတယ်။

ဒီနေရာမှာ စကားစပ်လို့ ပြောရရင်၊ မြန်မာပြည်မှာ မြန်မာစာအဓိကနဲ့ B.A ဘွဲ့၊ B.A (hons;) ဘွဲ့ နဲ့ M.A ဘွဲ့တွေ ရခဲ့ပေမဲ့ အင်္ဂလိပ်စာကို တော်ရိလျော်ရိသာ သင်ခွင့်ရခဲ့တာ မို့ အမေရိက ရောက်ချိန်မှာတော့ ဘာသာစကားပြဿနာနဲ့ တည့်တည့် တိုးရပါတော့ တယ်။ ကျမတို့က မြန်မာပြည်မှာတုန်းက အင်္ဂလိပ်လို ပြောကျင့် လုံးလုံးမရှိခဲ့တာမို့ ဒီရောက်တော့ အင်္ဂလိပ်စကားပြောဖို့ရာ မြွေကိုင်ရမှာလို တွန့်နေခဲ့တာပါ။ ဒီတော့ အင်္ဂလိပ်စာ အတွက် ကောလိပ်မှာ ကျောင်းတက်ရပါတော့တယ်။ အဲဒီအခါမှာတော့ ကျမဟာ အတန်းထဲမှာ ဆရာဆရာမကို မေးခွန်း မထုတ်တတ်တဲ့၊ တခုခု နားမလည် တာကို မေးဖို့အရေး တွန့်ဆုတ်နေတတ်တဲ့ ကျောင်းသူ ဖြစ်နေခဲ့ဖူးပါတယ်။ နောက်မှပဲ ဆရာမနဲ့ အတန်းဖော်တွေ လက်တွဲခေါ်မှုကြောင့် အတန်းထဲမှာ ကျမ ကျင့်သွားရသွား ခဲ့တာပါ။ ဒီတော့မှပဲ မေးခွန်း ထုတ်တာတွေ၊ ငြင်းချက်ထုတ်တာတွေ၊ ဝေဖန်သုံးသပ် တာတွေ၊ အုပ်စုဖွဲ့ သင်ယူနည်း တွေ၊ သုတေသနလုပ်တာတွေ၊ ဆရာ ဆရာမအပေါ် အကဲဖြတ်စစ်တမ်း ပေးတာတွေကို ရင်းနှီးကျွမ်းဝင်သွားခဲ့တာပါ။

 ဒီနေရာမှာ ပြောပြချင် တာက အဲလို ကောလိပ်တက်ဖြစ်လိုက်တာဟာ ကျမကို အမေရိကန် ပညာရေး စနစ်၊ သင်ကြားရေးစနစ်တွေနဲ့ ထိတွေ့ပေးလိုက်သလို ဖြစ်သွား ခဲ့တယ်ဆိုတာပါ။ အဲဒါကပဲ သပြေညိုကို ပျိုးထောင်တဲ့အခါမှာ ကျမက ကလေးတွေနဲ့ ကွာဟမှု သိပ်မကြီးမားခဲ့တာပဲ လို့ ထင်ပါတယ်။ ပြီးတော့ ကျမ သမီး နဲ့ သားငယ် ကိုယ်တိုင်တွေက အလယ်တန်းနဲ့ မူလတန်းကျောင်းသားတွေ ဖြစ်နေကြတာကြောင့် လည်း ကလေးတွေရဲ့ တုံ့ပြန်မှုစရိုက်သဘာဝကို ကျမ သဘောပေါက်ထားလို့ ဖြစ်ပါ လိမ့်မယ်။ ကျမအတွက်တော့ မြန်မာ-အမေရိကန်ကလေးတွေဟာ အများထင်ထား သလောက် ကိုင်တွယ်ရ မခက်ခဲ့ပါဘူး။

 +++++++

ခုချိန်မှာ အမေရိကန်ပညာရေးဟာ ကျဆင်းနေတယ်.. မအောင်မြင်ဘူးဆိုတဲ့ စစ်တမ်း တွေ အမျိုးမျိုး ထွက်နေပေမဲ့ ကျမလက်လှမ်းမီသလောက်မှာတော့ အမေရိကန် ပညာရေး ဟာ ကမ္ဘာက စောင့်ကြည့်နေရတဲ့..၊ လိုလားနေရတဲ့ အခြေအနေ မှာတော့ ရှိနေဆဲပါ။ ပြီးတော့ မြန်မာပညာရေးလူထွက် ဖြစ်တဲ့အပြင် ကိုယ်တိုင် ကျောင်းဆရာမ အဖြစ် နှစ် ၂၀နီးပါး အတွေ့အကြုံ ရှိခဲ့တဲ့ ကျမအမြင်မှာတော့ အမေရိကန် ပညာရေး.. ပိုပြီး အသေးစိတ်ပြောရရင် ကျမကိုယ်တိုင် ကျောင်းသူအဖြစ် ထိတွေ့ရတဲ့ ကောလိပ် အဆင့်ပညာရေး နဲ့ ကျမ သားသမီးတွေကြောင့် ထိတွေ့ရတဲ့ အခြေခံပညာရေးပုံစံ မှာ ကိုပဲ အတုယူစရာ သဘောကျစရာက များပြီး၊ စိတ်ပျက်စရာ အနေအထားက နည်းပါးပါတယ်။

 ပြီးခဲ့တဲ့ ဆောင်းပါးတွေမှာ ကျမပြောခဲ့ဖူးသလိုပါပဲ။ ကျမတို့ မြန်မာပြည်ပညာရေးထဲမှာ ဆောင်ပုဒ်တွေနဲ့ ကြွေးကျော်ပြီး တကယ် ထိထိရောက်ရောက် အလုပ်မဖြစ်ခဲ့တဲ့ “မိဘ ဆရာ ပူးပေါင်း ကလေးပညာကောင်း”ဆိုတာကို အမေရိကန်တွေကတော့ မကြွေးကျော် ဘဲ အကောင်အထည် ဖော်ပါတယ်။ ကလေးတွေရဲ့ ပညာရေးထဲမှာ မိဘ မပါမဖြစ် ပါရ ပါတယ်။ တလတကြိမ် မိဘဆရာ ပုံမှန်အစည်းအဝေးတွေ တက်ကို တက်ရပါတယ်။ (မတက်တဲ့ မိဘတွေရဲ့ သားသမီးတွေဟာ ပညာရေးမှာ သိသိသာသာ မတိုးတက်တာ လက်တွေ့ တွေ့နိုင်ပါတယ်)။

 ဒါ့အပြင် တနှစ်တကြိမ်၊ ကျောင်းသားမိဘ နဲ့ အတန်းပိုင် ဆရာ တွေ့ပြီး ကလေးရဲ့ တိုးတက်မှု ဆုတ်ယုတ်မှုတွေကို ဆွေးနွေးရပါတယ်။ အချိန် ပေး နိုင်ရင် အတန်းလိုက်တက်ရပါတယ်။ ကိုယ့်ကလေး စာသိပ်မလိုက်နိုင်တဲ့ ဘာသာ ဆိုရင် ကလေးက ဘာချို့ယွင်းသလဲ..၊ ဒါမှမဟုတ် ဆရာရဲ့ သင်ကြားရေးကပဲ ချို့ယွင်း သလား ဆိုတာတွေကို သိဖို့ မိဘကိုယ်တိုင် စာသင်ချိန်ကို ၀င်ကြည့်နိုင်ပါတယ်။ ပြီးတော့ ဆရာကိုဖြစ်စေ ကျောင်းအုပ်ကိုဖြစ်စေ၊ မိဘက တွေ့ခွင့်တောင်း ရက်ချိန်းယူပြီး ၀င်တွေ့ ဆွေးနွေးနိုင်ပါတယ်။ ဒီလိုတွေ့တာမျိုးကိုလည်း ဆရာတွေ ကရော ကျောင်းအုပ် တွေကပါ သဘောတကျ လက်ခံကြပါတယ်။

အမေရိကမှာ ကျောင်းကောင်း ကျောင်းညံ့ခွဲတာက ဆရာကောင်း၊ ပတ်ဝန်းကျင် ကောင်း နဲ့ တော်တဲ့ကလေးတွေဖြစ်လာအောင် ဘယ်လို စနစ်တကျ မြေတောင် မြှောက် ပေး သလဲ ဆိုတဲ့ စစ်တမ်းတွေပေါ်မူတည်ပြီး သတ်မှတ်တာဖြစ်ပါတယ်။ စာမေးပွဲစနစ်နဲ့ စာမေးပွဲ ချပစ် တာမျိုး၊ အောင်ချက်တွေနဲ့ ဆုံးဖြတ်တာမျိုး မဟုတ် တာကြောင့် ဆရာဆရာမတွေဟာ တနှစ်ပတ်လုံး တာဝန်ကျေကြရပါတယ်။ ကျောင်းသားတွေကလည်း တနှစ်ပတ်လုံး မှန်မှန် စာလုပ်ကြရပါတယ်။ ကျောင်းသား တွေ ရဲ့ နေ့စဉ်အိမ်စာတွေကို တကယ်လုပ်ကြောင်း မိဘတွေက နေ့စဉ် လက်မှတ် ပြန် ထိုးပေးရပါတယ်။

 ပြီးတော့ ကလေးတွေရဲ့ ကျောင်းသင်ခန်းစာနဲ့ ဆက်စပ်နေတဲ့ ပတ်ဝန်းကျင် လေ့လာရေးခရီးတို (Field Trip) တွေလည်း တနှစ်ကို အနည်းဆုံး ၂ခေါက် ထွက်ကြရပါတယ်။ ပြီးတော့ ကျောင်းဝန်းကျင်မှာ ကလေးတွေ ပျော်ဖို့ ပျော်ပွဲ ရွှင်ပွဲတွေ လှုပ်ရှားမှုအမျိုးမျိုး Activities တွေ လုပ်ကြပါတယ်။ အဲဒီအခါတွေမှာလည်း ဆရာ ဆရာမတွေနဲ့အတူ မိဘတွေက စေတနာ့ဝန်ထမ်းအဖြစ် လိုက်ကူကြရပါတယ်။ တကယ်ကို ပျော်ပျော်ပါးပါးပါပဲ။

အဲဒီအခြေခံပုံစံကို ကျမရဲ့ သပြေညိုကျောင်းမှာ ကျမ ပြန်သုံးပါတယ်။ တပတ်မှ တရက်တည်း၊ နှစ်နာရီတည်းသာ စာသင်ခွင့်ရတဲ့ ကျောင်းမို့ မိဘတွေမကူဘဲ ကလေးတွေရဲ့ မြန်မာစာ တိုးတက်ဖို့ မလွယ်ပါဘူး။ ဒါကြောင့် မိဘတွေကူကို ကူရမယ့် အိမ်စာမျိုးကို ပေးရပါတယ်။ ပြီးတော့ နေ့စဉ်စောင့်ကြည့်အကဲဖြတ်တဲ့အနေနဲ့ သတ်ပုံစစ်တာ၊ အဓိပ္ပါယ် ဘယ်လောက်ထိ နားလည်သလဲဆိုတာ သိရဖို့အတွက် စကားလုံးတွေ ဝေါဟာရတွေ ၀ါကျတွေကို အရုပ်ဆွဲပြီး ပုံဖော်ခိုင်းပါတယ်။ တကယ့် လက်တွေ့အရောင် ကိုပါသိအောင် အရောင်တွေ ထည့်ခိုင်းပါတယ်။ ပြီးတော့ စာတွေနဲ့ အရုပ်တွေကို မှန်အောင် တွဲတာမျိုး၊ စာလုံးတွေတွဲတာမျိုးတွေ လုပ်ခိုင်းပါတယ်။ Puzzle ဆက်ခိုင်း တာမျိုးပေါ့။ အဲဒီအခါမှာတော့ ကလေးတွေဟာ သူတို့ သင်ပြီးသလောက် သင်ခန်းစာ တွေကို တကယ်သိ၊ တကယ်နားလည်၊ တကယ် တတ်မြောက် သွားပါတော့တယ်။

အဲသလိုပဲ ဆရာဆရာမနဲ့ မိဘတွေ တလတကြိမ် အစည်းအဝေးကိုလည်း ကျမတို့ သပြေညိုကျောင်းမှာ ပုံမှန်လုပ်ပါတယ်။ ဆရာဆရာမတွေကို မိဘတွေက အကြံပေးကြ သလို မိဘ တွေဘက်က ဖြည့်ဆည်းကူညီရမှာတွေကိုလည်း ဆရာဆရာမတွေက ပြော ကြပါတယ်။ အဲလိုပဲ ကလေးတွေနဲ့ လေ့လာရေးခရီးတို ထွက်တာတွေ၊ အပန်းဖြေ ခရီးတို ထွက်တာတွေ၊ အမေရိကန်ယဉ်ကျေးမှုအထိမ်းအမှတ် နဲ့ရော မြန်မာ့ယဉ်ကျေးမှု အထိမ်းအမှတ်တွေအတွက်ရော ပျော်ပွဲရွှင်ပွဲတွေ လုပ်ပါတယ်။
အဲဒီအခါ ကလေးတွေက ကျောင်းမှာ ပျော်လာကြပါတော့တယ်။
ဒါကြောင့်ပဲ သပြေညိုကျောင်းက ခုလောက်မြန်မြန် အခြေကျလာခဲ့တာလို့ ထင်ပါတယ်။
ပြောရရင် အမေရိကန်ကျောင်းတွေကို နမူနာယူပြီး သပြေညိုကို ထူထောင်ခဲ့တာပါပဲ။

 နောက်သီတင်းပတ်တွေမှာလည်း အမေရိကန်ကျောင်းတွေရဲ့ ကောင်းကွက် ဆိုးကွက် တွေနဲ့ ယှဉ်ပြီး သပြေညိုကို ဒီ့ထက် သန်စွမ်းဖွံ့ဖြိုးအောင် ဘယ်လို လုပ်နေကြသလဲ ဆိုတာတွေ ပြောပြပါဦးမယ်။ ရည်ရွယ်ချက်ကတော့ မြန်မာပြည်က မိဘတွေ ဆရာတွေ ကို အတွေ့အကြုံတွေ ဝေမျှပေးချင်တာပါပဲရှင်။

၂၇၊ မတ်လ၊ ၂၀၁၂။
( ပြည်တွင်းထုတ် Venus News Weekly Journal ပါ အပတ်စဉ်ဆောင်းပါး-အမှတ် ၄)

မြန်မာအမေတွေ.. အမေရိကန်သားသမီးတွေနဲ့ ပျိုးပင်ပေါက် သပြေညို

တက္ကသိုလ်မှာ ဆရာမလုပ်တုန်းက ကိုယ့်ဘ၀တလျှောက်လုံး နှစ်ခြိုက်စိတ်သက်သက်နဲ့ ဖတ်လာတဲ့ စာတွေရယ်.. စာမေးပွဲအောင်ဖို့ဆိုတဲ့ စိတ်နဲ့ ကျက်မှတ်ခဲ့ရတဲ့ စာတွေရယ် ကြောင့် စာသင်ခန်းထဲကို ၀င်တော့မယ်ဆိုရင် ကိုယ့်မှာ အခက်အခဲရယ်လို့ မရှိခဲ့သလို ပါပဲ။

ခုတော့ ပရဟိတဆရာမအဖြစ် မြန်မာစာ မြန်မာစကားမသိတဲ့ မြန်မာကလေးတွေ ကို စာသင်ကာမှပဲ ကျမမှာ ဘာသာစကားသင်ကြားနည်းတွေ၊ စာသင်ခန်း ကွပ်ကဲ နည်းတွေ.. အရည်အချင်း စောင့်ကြည့် အကဲဖြတ်ပြီး အတန်းတင်ပေးတဲ့ စနစ်တွေကို ကျမ လေ့လာရပါတယ်။ ကျမ သမီးနဲ့သားကို အိမ်မှာ ကိုယ့်ဘာသာသင်နေတုန်းကတော့ အလွယ်တကူပါပဲ။ သမီးရဲ့ Level နဲ့ သားရဲ့ Level နှစ်ခုထဲကို ပုံမှန်သင်သွားရုံပဲလေ။ ခုကတော့ ကလေးတွေက အဆင့်အမျိုးမျိုး.. အခြေအနေအမျိုးမျိုး…။

သေချာ ခွဲပြရရင်.. ကလေး အများစုက မြန်မာစကားနားလည်ပြီး ပြန်မပြောတတ်တာ။ အဲဒီကလေးတွေက အများစုပါ။ ကလေးတချို့ကတော့ နည်းနည်း အဓိပ္ပါယ်ထွေပြားစေတဲ့.. နေ့စဉ်သုံး မဟုတ်တဲ့ စကားတွေဆို နားမလည်နိုင်ပါဘူး။ ဒါပေမဲ့ အားသာချက်တခုက သူတို့က မြန်မာကျောင်းလာရတာကို ပျော်တာပါပဲ။ ကျမငယ်ငယ်ကတည်းက နှစ်သက်ခဲ့တဲ့ ဆောင်ပုဒ်လေးဖြစ်တဲ့ ကျောင်းနေပျော်၍ စာတော်ရမည်ဆိုသလို.. ကလေးတွေ ကျောင်းနေပျော်ပြီး စာကို တကယ်သိနားလည်ဖို့ ဆိုတဲ့ ရည်ရွယ်ချက် ပြည့်တာပဲ ဖြစ်ပါတယ်။ ဒါကြောင့်ပဲ ကနဦးတုန်းက နွေရာသီ ၃လသင်တန်းပဲလို့ ရည်ရွယ်ခဲ့တဲ့ သပြေညိုက ပုံမှန် တနှစ် သင်တန်း ဖြစ်သွားခဲ့ရတာပါ။

+++++++

သပြေညိုကျောင်းလေးနဲ့ ပတ်သက်ရင် ကြုံရတဲ့အခက်အခဲလေးတွေက တခါတလေ ကိုယ့်အတွေ့အကြုံနဲ့ပဲ ယှဉ်စဉ်းစားပြီး ဖြေရှင်းသွားရပါတယ်။ ဥပမာ.. ကလေးတွေကို ကဗျာသင်တဲ့အခါ၊ က-ကလေးငယ် ချစ်စဖွယ် အစချီတဲ့ ဗျည်းကဗျာမှာတောင် ကလေးတွေအတွက် သ-သပြေညို အောင်ပွဲကြို.. နဲ့ အ-အမိမြေ တို့တိုင်းပြည် ငါတို့ ချစ်တဲ့ မြေ.. ဆိုတာတွေမှာ ကလေးတွေ အထစ်ထစ် အငေါ့ငေါ့  ဖြစ်ကြရပါတယ်။ သူတို့အတွက် ခက်ပါတယ်။ ဒါပေမဲ့ “မောင်တို့ မယ်တို့ ကျောင်းခန်းဝင် .. အပြုံးပန်းကို ဆင်.. မင်္ဂလာပါ ဆရာမ.. ညီညီညာညာ နှုတ်ဆက်ကြ” ကဗျာကျတော့ အမူအယာနဲ့ ဆိုရတဲ့အပြင် သူတို့အတွက် နားလည် လွယ်လို့ထင်ပါရဲ့.. အရလွယ်ပါတယ်။ အဲလိုနဲ့ မမ၀၀ ထထက..၊ ချိုးကလေး..၊ တို့ကျောင်း..၊ ဖိုးစလုံး ကဗျာတွေ သင်လာပြီး အဆင် ပြေခဲ့တဲ့ တလျှောက်၊ “မယ်ထွေး မယ်ထွေး .. ဘာကိုပျိုး” ဆိုတဲ့ “ဥယျာဉ်မှူး” ကဗျာ လည်း ကျရော၊ သူတို့ခမျာ လျှာတွေ ခလုတ်တိုက်၊ အဓိပ္ပါယ်လည်း သေချာ နားမလည်တော့ ကျမ တော်တော် ချွေးပြန်အောင် ရှင်းပြရပါတယ်။

ဒါပေမဲ့ သူတို့ အဲဒီကဗျာကို မပျော်ပါဘူး။ နောက်ပိုင်းမှာ သူတို့ မပျော်တဲ့ သူတို့အတွက် ခက်တဲ့ ကဗျာတွေ ထဲမှာ လူမိုက်ဆိုလျှင် ရှောင်သွေလွဲလို့.. မင်္ဂလာကဗျာလည်း ပါပါသေးတယ်။ အဲဒီကဗျာတွေက သူတို့ အတွက် တညီတညာတည်း ခက်ခဲနေခဲ့ပါတယ်။ ကျမ စိတ်ထင်တော့ သူတို့အတွက် ဘာသာစကား မရင်းနှီးမှုကြောင့်ပဲ ဖြစ်ပါလိမ့်မယ်။ ဒါနဲ့ပဲ အဲလို ကဗျာတွေကို မသိမသာ ကျော်သွားခဲ့ရပါတယ်။ အဲဒီလို ကျော်သွားရချိန်မှာ အဲဒီကဗျာတွေထဲက အကြောင်းအရာနဲ့ စကားလုံးတချို့ကိုတော့ သူတို့ ရင်းနှီးအောင် ကျမ တမင် ထည့်ပြောတာမျိုး လုပ်ယူရပါတယ်။

ဥပမာ… ပျိုးတယ်ဆိုတာ ဘာလဲ..။ ဥယျာဉ်ဆိုတာဘာလဲ…၊ မိုးသောက်နေ၀င်ဆိုတာ ဘာလဲ..၊ အများကောင်းကျိုး ကိုယ့်ကောင်းကျိုးဆိုတာဘာလဲဆိုတာမျိုးတွေကို စကားဆက်စပ်ပြောပြရပါတယ်။ အဲလိုနဲ့ အဓိပ္ပါယ်ကို သူတို့ သိလာပေမဲ့ ကဗျာကို အလွတ်ဆိုဖို့မှာတော့ သူတို့ခမျာ ခက်နေတုန်းပါပဲ။

++++++

ကျမတို့ငယ်ငယ်ကတော့ အဖေအမေက မအားရင်တောင် အဖိုးတွေအဖွားတွေဆီက အလျဉ်းသင့်သလို ကြားနေကျ ပုံပြင်တွေ ဆိုရိုးတွေနဲ့ ဘုရားဟောတရား တစွန်းတစ တွေကြောင့် ဒီလိုအကြောင်းအရာတွေ စကားသုံးတွေကို တကူးတကရှင်းပြစရာမလိုပဲ သိနေပြီးသားပါ။ ဒါက ဒီက ကလေးတွေနဲ့ အဓိက မတူတဲ့အချက်ပါပဲ။ သူတို့က မြန်မာ့လူနေမှုနဲ့ စိမ်းတာကြောင့် တချို့ရပ်သုံးရွာသုံးတွေကို မသိတာပါ။ ဒါကြောင့် ရပ်ဓလေ့ ရွာဓလေ့ မြန်မာ့ဓလေ့အခြေခံတွေနဲ့ ဖွဲ့တဲ့ ကဗျာတွေ စာတွေကိုတောင်မှပဲ မှတ်မိနိုင်ဖို့ တကူးတက ကြိုးစားယူနေရတာပါ။ အဲဒီထဲမှာမှ ကလေးတွေနဲ့ ကျမ ကြုံရတဲ့ အခက်အခဲတခုက စာမေးပွဲစနစ်ကိစ္စပါ။

+++++++

အနှစ် ၄၀လုံး မြန်မာပြည်ပညာရေးထဲ ကြီးပြင်းခဲ့ရတဲ့ကျမက စာသင်သားတွေကို အရည်အချင်းစစ်တဲ့အခါ စာမေးပွဲစနစ်ကိုပဲ ယဉ်ပါးနေခဲ့ပါတယ်။ အဲဒါဟာ မရည်ရွယ်ခဲ့တဲ့ ထင်မှတ်မထားခဲ့တဲ့ ကျမရဲ့ အမှားပါပဲ။

+++++++

သပြေကျောင်း နွေ ၃လအပြီးမှာ မျှော်လင့်ထားတာထက်ပိုပြီး အောင်မြင်တာကြောင့် ဆရာဆရာမတွေရော မိဘတွေပါ စိတ်ချမ်းသာကြရပါတယ်။ အမေတွေအားလုံးလိုလို ပြောကြတာက၊ သပြေညိုကျောင်းစကာစမှာ သူတို့ရဲ့ ကလေးတွေကို ကျောင်းတက်ဖို့ အရေး တော်တော် စည်းရုံး ရမယ်.. တောက်လျှောက် တွန်းတွန်း တိုက်တိုက် ကျောင်းပို့ကြရလိမ့်မယ်လို့ ထင်ထားခဲ့တာပါ..တဲ့။ ဒါပေမဲ့ ကလေးတွေဟာ မြန်မာစာ ကျောင်းလာဖို့ကို သူတို့ဘာသာကို စိတ်လိုလက်ရ ရှိလာကြတာမို့ စိတ်ချမ်းသာ ရကြောင်း.. ဆရာ ဆရာမတွေကို ကျေးဇူးတင်ကြောင်းတွေ ပြောကြပါတယ်။

ဒါနဲ့ပဲ ကျမကိုယ်တိုင်လည်း ပျော်ရွှင်ပြီး ၃လစာ သီတင်းပတ် ၁၂ပတ် သင်ထားသမျှ စာမေးပွဲစစ်ပြီး သူ့အသက် နဲ့ Level အလိုက် ပထမ ၊ ဒုတိယ ၊ တတိယ ဆိုပြီး ဆုပေးမိပါတော့တယ်။ ကလေးတိုင်းကိုတော့ လက်ဆောင်ဆုတွေ ပေးပေမဲ့ ပထမ ၊ ဒုတိယ ၊ တတိယဆု ခွဲထုတ်ပေးလိုက်တာဟာ၊ စာမေးပွဲစနစ်၊ အပြိုင်အဆိုင်စနစ်နဲ့ မယဉ်ပါးခဲ့တဲ့ ကလေးတွေရဲ့ စိတ်နှလုံးနုနုလေးကို မသိမသာ ထိခိုက်သွားစေခဲ့ ပါတယ်။ အဲလိုပဲ ဆုရသွားတဲ့ကလေးတွေကို ကျန်တဲ့ကလေးတွေက နည်းနည်းခွဲပြီး မြင်သွားခဲ့ ပါတယ်။ ဒါက အကျိုးမရှိတဲ့ ရလဒ်ပဲလို့ သိတော့ ကျမ နောက်ကျသွားခဲ့ပါပြီ။

ကျမကို ချစ်တဲ့စိတ်နဲ့ ဖွင့်မပြောကြပေမဲ့ အမေတွေလည်း သူတို့ရဲ့ သားသမီးတွေကို အားပေး နှစ်သိမ့်ရင်း စိတ်မကောင်းဖြစ်ခဲ့ကြတာကို ကျမ ရိပ်မိခဲ့ပါတယ်။ ပြီးတော့ ကျမ မေ့ထားခဲ့တာက အမေတွေဟာ ကျမလိုပဲ မြန်မာ့ပညာရေးစနစ်ထဲမှာ အပြိုင်အဆိုင် စနစ်ထဲ ကြီးပြင်းခဲ့ရပေမဲ့ သူတို့ရဲ့ အမေရိကန်မှာမွေး၊ အမေရိကန်ရဲ့ ကိုယ့်တာဝန် ကိုယ်ယူရတဲ့ ပညာယဉ်ကျေးမှုထဲ ပျော်ဝင်ယဉ်ပါးရတဲ့ သား သမီးတွေကြောင့် သူတို့က မြန်မာစိတ် တ၀က်၊ အမေရိကန်ယဉ်ကျေးမှုတ၀က် ရှိနေရသူတွေပါ။

အဲဒီအခါ တကယ်ပဲ မိဘဆရာ ပူးပေါင်းပြီး ကလေးပညာ ကောင်းရတဲ့ အမေရိကန်ပညာရေးစနစ်နဲ့ ရင်းနှီး ရသူတွေမို့လည်း သူတို့ကပါ ကလေးတွေနဲ့အတူ ကျမရဲ့ မြန်မာစာသင်ခန်းစာတွေထဲ ၀င် ဆင်နွှဲ ရ တာမို့ သူတို့လည်း ကလေးတွေရဲ့ အောင်မြင်မှု၊ ခက်ခဲမှု၊ ပျော်ရွှင်မှု၊ မပျော်ပိုက်မှုတွေကို အတူ ဖြေရှင်းကြရတာမို့ ကျမ လုပ်လိုက်တဲ့ စာမေးပွဲဆိုတာထဲ အမေတွေပါ ရင်တခုန်ခုန် ရှိကြရ ပါတော့တယ်။ ဒါနဲ့ပဲ ကျမ စနစ်ကို သေချာပြောင်းရပါတော့တယ်။

စာမေးပွဲဆိုတာ ကိုယ်စာ ဘယ်လောက် လိုက်နိုင်လဲဆိုတာကို သိချင်လို့ နေ့တိုင်း အတန်းထဲမှာ ပုံမှန် စစ်တဲ့ သတ်ပုံ ခေါ်တာမျိုးပဲနော်လို့ ပေါ့ပေါ့ပါးပါးဖြစ်အောင် ပြောရပါတယ်။ ပြီးတော့ ကျောင်းနဲ့ ပတ်သက်လို့.. သင်ခန်းစာတွေနဲ့ ပတ်သက်လို့.. ဆရာ ဆရာမတွေရဲ့ သင်ကြားရေးနဲ့ ပတ်သက်လို့ သူတို့စိတ်ထဲ ရှိတာလေးတွေ.. ပြောစေချင်တာနဲ့ Evaluation လုပ်ခိုင်းဖို့ ပြင်ဆင်ရပါ တယ်။ အဓိကကတော့ သူတို့ ပုံမှန်တက်နေကျ ကျောင်းလိုပဲ သပြေညိုကျောင်းဟာ လေ့လာ သုံးသပ်ခွင့်၊ ဝေဖန်ထောက်ပြခွင့် နဲ့ လွတ်လပ်စွာ ပြောဆိုခွင့် သင်ယူခွင့်တွေ ရှိတဲ့နေရာလေးဆိုတာကို ကလေးတွေ လက်ခံအောင် ပြရတာပါပဲ။

အဲဒီအတွက် ကျမလည်း ကြိုးစားရပါတယ်။ ဘာလို့လဲဆိုတော့ ကျမကလည်း မြန်မာ အမေ.. မြန်မာ ဆရာမ ဖြစ်နေသလို ကျမသားသမီးတွေကလည်း အမေရိကန် တပိုင်း ဖြစ်နေကြလို့ပါပဲ။ ပြီးတော့ သပြေညိုအောင်ပင်လေးကလည်း ခုမှ ပျိုးပင်ပေါက် အရွယ် သာ ရှိသေးတာကိုးလေ။

၂၁ မတ်လ ၂၀၁၂။

( ပြည်တွင်းထုတ် Venus News Weekly Journal ပါ အပတ်စဉ်ဆောင်းပါး-အမှတ် ၃) 

သပြေညို နဲ့ သင်ပုန်းကြီးဖတ်စာ

 

ဘာလိုလိုနဲ့ သပြေညိုတောင် နှစ် ပတ်လည်ပါတော့မယ်။ တပတ်မှာ စနေတရက်တည်း နှစ်နာရီထဲ သင်ရပေမဲ့ ကလေးတွေရဲ့ တိုးတက်မှုက အံ့သြစရာ ကောင်းလောက် အောင် မြန်ဆန်လှပါတယ်။ ဘာကြောင့်ပါလဲ…။

တကယ်တော့.. ဗမာလို ပြောရင် နားလည်ပေမဲ့ စကားတော့ တလုံးမှမပြောတတ်တဲ့ ကလေးတွေ.. ဗမာလိုပြောတတ်ပေမဲ့ စာမတတ်တဲ့ ကလေးတွေ.... ဗမာလိုပြောသမျှကိုတောင် ကောင်းကောင်းနားမလည်တဲ့ ကလေးတွေကို ကျမ သင်ရတာ..
ဝန်ခံရရင်တော့ တော်တော်ကို မောပါတယ်။ Level ဘယ်လို ခွဲရမလဲ…။ ခွဲထားတဲ့ အုပ်စုတွေကို ဘယ်လိုသင်မလဲဆိုတာက တော်တော်ကို ခက်ခဲပါတယ်။

ခုဆို ကျောင်းသား အရေအတွက်က ၄၀ကျော်ပြီ။ လောလောဆယ်တော့ အုပ်စု ၄စု ခွဲထားရပါတယ်။ အားလုံးကတော့ သူငယ်တန်းအဆင့်ပါပဲ။ အဲဒီမှာမှ သင်ခန်းစာတွေကို အမြန် ကျော် သင်သွားနိုင်တဲ့ ဆယ်ကျော်သက်တွေက တအုပ်စု..။ နောက်တအုပ်စုက မှန်မှန်နဲ့ သင်ခန်းစာတွေကို ကြိုးစားတဲ့ ၈နှစ် နဲ့ ၁၀နှစ်ကြား တအုပ်စု.. (သူတို့က ဗမာလို မပြောတတ်တဲ့ ကလေးတွေ များပါတယ်)။ နောက်တအုပ်စုက တကယ့် Beginner အဆင့် ကကြီး ခ ကွေး ၊ ၁ ၊ ၂၊ ၃၊ ၄ ကို .. က-ကလေးငယ်ချစ်စဖွယ်၊ ခ-ခရေကုံး မလေးပြုံး တွေကို သီဆိုကခုန်ရင်း မြန်မာစာ မြန်မာမှုကို သိအောင် ယဉ်ပါးအောင် သင်နေရတဲ့ တအုပ်စု၊ နောက်ဆုံး တအုပ်စုကတော့ မြန်မာစကားနဲ့ .. အရောင်တွေ ပန်းတွေ သဘာဝကိစ္စတွေကို ပြောတတ် ဆိုတတ် နားလည်တတ်အောင်၊ အရုပ်တွေ ရေးရတဲ့ အုပ်စုပါ။ ဒီကြားထဲ ကျောင်းပျက်လို့ စာနောက်ကျတာနဲ့ စာပြန်ဖြည့်ရတဲ့ ကလေး၊ စာသိပ်မလိုက်နိုင်လို့ နောက်ကျတဲ့ကလေးတွေကို ဆွဲထုတ်ပြီး သင်ရတဲ့ အုပ်စုငယ်လေးတွေလည်း ၂စု ရှိပါသေးတယ်။ ကျမကို ကူတဲ့ဆရာ ဆရာမ အင်အားက ၁၀ယောက်တောင် ရှိတာပါ။ ဒါကြောင့် ကောင်းကောင်း ပံ့ပိုးသင်ပေးနိုင်ပါတယ်။

တပတ်မှာ စနေတရက် ၂နာရီတည်း သင်ရ တာမို့ ကလေးတွေကို အိမ်စာတွေ ပေးလိုက်ရင် အိမ်က အမေတွေ အဖေတွေက တစ်ပတ်စာ သင်ပေးရတော့တာပါပဲ။ ကျမက အတန်းစတာနဲ့ သတ်ပုံခေါ်တာမို့ သူတို့ မဖြစ်မနေ စာလုပ်ကြရတာပေါ့။ ဒါပေမဲ့ ဒီကလေးတွေက အမေရိကန် ပညာရေး စနစ်က လေ့ကျင့်ထားပြီးသားကလေးတွေမို့ စာမလုပ်ရင် ကျန်ခဲ့ပြီး နောက်ထပ်စာအသစ်ရဖို့ ခက်သွားပြီဆိုတာကို ကောင်းကောင်းသဘောပေါက်နေတာကြောင့် စာသင်ရတာ သ်ိပ် လွယ်ပါတယ်။ သိပ် အတတ်မြန်ပါတယ်။ ကျမ သဘောအကျဆုံးကတော့ ကျမ တခု သင်ပြီးတိုင်း လက်တွေ အလုအယက် ထောင်ပြီး မေးခွန်းထုတ်ကြတာကိုပါ။ ဒါက အမေရိကန် ပညာရေးက လေ့ကျင့်ထားတဲ့ စနစ်ပါပဲ။

++++++

ကျမက တက္ကသိုလ်မှာ ပင်ရင်းမြန်မာစာတွေ၊ အထူးပြုမြန်မာစာဘာသာရပ်တွေကို နှစ် ၂၀ နီးပါး သင်ခဲ့တဲ့ အတွေ့အကြုံသာ ရှိပေမဲ့ သူငယ်တန်းကလေးတွေကိုတော့ တခါမျှ စာမသင်ဖူးတာမို့ ထင်မှတ် မထားတဲ့ အခက်အခဲတွေ ကြုံရပါတယ်။ ပိုထူးခြားတာက အမေရိကက ကလေးတွေကို သင်ရတာမို့ စိန်ခေါ်ချက်တွေက ပိုများတာပါ။ စိတ်ဝင်စားစရာ ကောင်းလှပါတယ်။ ဒီက ကလေးတွေရဲ့ ဖြန့်ထွက်တွေးတဲ့ အလေ့အကျင့် နဲ့ မေးခွန်းထုတ်တဲ့အလေ့ဟာ ကလေးတွေရဲ့ သင်ယူမှုကို အမြန် တိုးတက်စေပြီး နားလည်တတ်ကျွမ်းမှုကိုလည်း ပိုပြီး နက်နက်နဲနဲ ရှိစေပါတယ်။ ဖြစ်နိုင်ရင် မြန်မာပြည်က ကလေးတွေမှာသာ အဲလို အလေ့အကျင့်တွေရှိရင် တကယ် ပညာတတ်မှာလို့ တွေးမိတာမို့ ဒါလေးတွေကို ကျမ ဥပမာပေး ပြောပြချင်တာ ပါ။

သူတို့ကို စသင်တော့ က-ကလေးငယ် ချစ်စဖွယ်က စပါတယ်။ အဲဒီကနေပဲ မေးခွန်းတွေ စလာတော့တာပါ။ က - ဆိုပြီး ဘာလို့ ခလေးလို့ အသံထွက်လဲ တဲ့။ တခါတလေမှာ ကကြီးကိုပဲ ခ- လို့ အသံထွက်သလို ဂ- သံထွက်တာလည်း ရှိတယ်ပေါ့။ သူတို့က ကကြီး ခကွေး ဂငယ်လို့ တတန်းတည်း ရှိတဲ့ အသံဆင် စကားလုံးတွေမို့ အသံပြောင်းတတ်တယ်။ နောက်ပိုင်းမှာ စလုံးတို့ ဆလိမ်တို့ကို ဇကွဲသံ ထွက်တာတို့၊ တ၀မ်းပူကို ဒဒွေးသံထွက်တာတို့လည်း တွေ့ဦးမှာလို့ တပါတည်း ပြောပြပါတယ်။ ခု က-ခ အသုံးမှာတော့ ခလေး လိုပဲ၊ ရေကရားကို ခရား လို့ အသံထွက်တာ၊ ကံ့ကော်ပန်း တို့ ကတုံး တို့ ကဗျာတို့ ကဏန်းဟင်း တို့ကို ဂ ငယ်သံနဲ့ ထွက်တာကို သူတို့ကို ဥပမာပေး ပြောပြရပါတယ်။ အဲဒီမှာ မြန်မာပြည်က ကလေးတွေနဲ့ မတူတာက သူတို့က ကတုံး နဲ့ ကံ့ကော်ပန်းကို မသိတာမို့ အဲဒါတွေကိုပါ ရှင်းပြ ပုံဆွဲပြရတာပါပဲ။

အမေရိကမှာကတော့ အလွယ်တကူ လက်လှမ်းမီတာမို့ Internet က ပုံတွေ ရှာပြီး Projector နဲ့ ပြနိုင်ပါတယ်။ အဲလိုပဲ ခ-ခရေကုံး က ဘာလို့ မလေးပြုံးတာလဲ.. တို့၊ ည-ညနေခင်း ဘာလို့ ရေခပ်ဆင်းတာလဲ… တို့၊ ထ-ထမင်းပွဲ လက်ဆုံနွှဲ.. ထဲက လက်ဆုံနွှဲဆိုတာ ဘာလဲ.. တို့၊ အဲလို မေးခွန်းတွေ ကို သူတို့ လက်တွေ အလုအယက် ထောင်ပြီး မေးကြတာပါ။ တချို့စကားသုံး တွေက စာဆန် တာမို့ သူတို့အနီးဝန်းကျင်က လူကြီးတွေ ပြောတဲ့ အထဲလည်း မပါတာမို့ သူတို့အတွက်တော့ သိပ်ကို အသစ်အဆန်း ဖြစ်နေတာပါ။ ကျမကများ ရှင်းပြလိုက်ရင် သူတို့ ကျေနပ်ပြီး ပြုံးသွားတာများ တကယ် အမောပြေရပါ တယ်။ သူတို့ သိပ် နားမလည်သေး လို့ကတော့ မျက်နှာလေးတွေ ငယ်ပြီး I don’t get it.. လို့ အဖြေ မရမချင်း ပြန် ပြန် ပြောတာပါ။

ဒါနဲ့ပဲ အဲဒီ က-ကလေးငယ် ချစ်စဖွယ်… ကနေ အ-အမိမြေ တို့တိုင်းပြည် ငါတို့ ချစ်တဲ့ မြေ.. အထိ ကို ရောက်ဖို့ တစ်လလောက် ၄ချိန် (၈ နာရီ)လောက် အမူအရာတွေ လုပ်ရင်း အော်ရင်း ဆိုရင်း ရှင်းပြရင်း သင်အပြီးမှာတော့ သပြေညိုက ကလေးတွေဟာ အဲဒီ ကကြီးကနေ အ-အထိ အက္ခရာတွေကို တော်တော် မှတ်မိသွားရုံမက၊ သူတို့ မမြင်ဖူး မကြားဖူး မသိဖူးခဲ့တဲ့ ဝေါဟာရတွေ၊ ပန်းတွေ၊ မြန်မာ့ဓလေ့တွေကိုပါ တွဲသိ သွားပါပြီ။

အဲဒီလို ကဗျာတွေ ရွတ်ရင်း အဓိပ္ပါယ်တွေ ရှင်းပြရင်းကနေ သူတို့ မောချိန် ပျင်းချိန်လောက် စာသင်ချိန် တ၀က်ကျိုးရင် သူတို့ကို သူတို့ ရွတ်ခဲ့တဲ့ ကဗျာ တွေကို သရုပ်ဖော်ပုံ ဆွဲခိုင်းပါတယ်။ အမေရိကန်က အခြေခံပညာရေးထဲမှာက ပန်းချီဆွဲတာ ပုံရေးတာတွေက အမြဲပါနေကျမို့ ဒါက ကလေးတွေကို စိတ်ဝင်စားစေရုံ သာ မက ပါဘူး။ သူတို့ သိထားတာတွေကို ပိုမှတ်မိစေပါတယ်။ အရောင်တွေက အစ.. သူတို့ မှတ်မိအောင် အရောင်ခြယ်ခိုင်းပါတယ်။ ဒါက အမေရိကန်ကျောင်းတွေမှာ ဘာသာစကား မတူသူတွေအတွက် ထားတဲ့ ESOL (English for Speakers of Other Languages) မှာ သုံးတဲ့ သင်ကြားနည်းတွေလည်း ဖြစ်ပါတယ်။ ကျောင်းတွေမှာ ရှိတဲ့ ESOL Class တွေဟာ အင်္ဂလိပ်လို တလုံးမှ မတတ်လာတဲ့ ကလေးတွေကို ၃လ လောက် အတွင်း ရေရေလည်လည်ပြောတတ်လာအောင် သင်နိုင်တာပါ။

ကျမကလေးတွေ ဒီရောက်တော့ သမီးက ၉နှစ်၊ သားငယ်က ၆နှစ်။ ထိုင်းမှာ မူလတန်း ကျောင်းနေခဲ့တာမို့ အင်္ဂလိပ်စာအသံထွက်တွေက ထိုင်းသံဝဲလို့။ ဒီရောက်တော့ သမီးက GRADE 3 နဲ့ စ။ သားငယ်က  Kindergarten နဲ့စ။ သားနဲ့သမီးဟာ ၆လအကြာ၊ ကျောင်းနှစ်ဝက် မှာပဲ အမေရိကန်အင်္ဂလိပ်စကားကို အကျွမ်းတ၀င် ပြောနိုင်ကြပါပြီ။ သူတို့ဆီက သင်ကြားရေးစနစ်ကြောင့်ပါပဲ။ ဒါကို ကျမတို့ အတုယူရပါတယ်။

+++++

သပြေညိုက ကလေးတွေ အများစုကြီးက အမေရိက မှာ မွေးကြ ကြီးပြင်းကြရတဲ့အပြင် မြန်မာပြည်ကို မရောက်ဖူးကြတဲ့သူ အများစုမို့ သူတို့အတွက်တော့ သင်ခန်းစာထဲက မြင်ကွင်းတွေ အကြောင်းအရာတွေက စိတ်ဝင်စားစရာတွေချည်း ဖြစ်နေပါတယ်။ ဥပမာပြောရရင် စ- စခန်းသာ တောင်တန်းပြာဆိုရင် ကျမက အရင်ပြောမပြဘဲ သူတို့ကို သိလားလို့ အရင် မေးပါတယ်။ သူတို့က စခန်းဆိုတော့ Camp ပဲ ထင်ပါတယ်။ ဒီတော့မှ စခန်းသာဆိုတာ ခဏနားနေရတဲ့ သာယာတဲ့ နေရာကိုလည်း ခေါ်တယ်လို့ ပြောပြပါတယ်။ ဒီတော့ တယောက်က ဒါဆို Viewpoint လားတဲ့။ အင်း ဟုတ်တယ် အဲလိုမျိုးလို့ ကျမကလည်း နီးစပ်ရာ သဘောတူရပါတယ်။ အဲဒီနေရာမှာ တခါ ရှင်းပြရ တာက သာယာတယ်ဆိုတာ ဘာလဲ..ပေါ့။ အများစုက Peaceful တို့ Pleasant တို့ ပြောပါတယ်။ သူတို့ နီးနီးစပ်စပ် တော့ နားလည်ပါတယ်။ ခုမှ စကားရော စာရော စသင်တာမို့ ကျမ ကျောင်းမှာ No English.. Only Burmese လို့ စည်းကမ်း လုပ်လို့ မရသေးပါဘူး။ ဒါကြောင့် သူတို့ကို နားလည်သလို အင်္ဂလိပ်လို ပေးပြောပြီးမှ မြန်မာလို အခေါ်အဝေါ်ကို မှတ်မိအောင် တွဲကျင့် ရပါတယ်။ ထပ်ကာ ထပ်ကာ ပြောပြရပါတယ်။

အဓိကကတော့ မြန်မာလို သင်တာက မြန်မာပြည်ပြန်ရင် ဆွေမျိုးတွေကို စကားပြောနိုင်ပြီး  နိုင်ငံခြားမှာ နေပေမဲ့ ကိုယ့်မိခင်ဘာသာစကားကို ကောင်းကောင်း ပြောနိုင်တယ် ဆိုတာ .. ပြီးတော့ ဘာသာစကားတွေ အများကြီးတတ်တယ်ဆိုတာ ဂုဏ်ယူစရာ ကောင်းတယ် ဆိုတာတွေ အထိ ပြောပြတာကို သူတို့ နားလည်လက်ခံနိုင်တာပါပဲ။ သူတို့ အမေရိကန်ပညာရေးရဲ့ သင်ကြားရေးစနစ်ကြောင့် သူတို့ရဲ့ တွေးခေါ်နိုင်စွမ်း ဉာဏ်ရည်ကလည်း မြင့်နေတာပါ။ အဲဒီအခါ ခုလို သပြေညို ကျောင်း တနှစ်ပြည့်တော့မယ့်အချိန်မှာတော့ ကျမရဲ့ တခန်းစာနဲ့ စုပေါင်း စခဲ့တဲ့ မြန်မာစာကျောင်းဟာ ခုချိန်မှာ တန်းခွဲ ၄ခု ခွဲရတာမို့ ကျမနေတဲ့ Maryland ပြည်နယ် Rockville မြို့နယ်ထဲက မူလတန်း ကျောင်းထဲက ခန်းမကြီး တစ်ခန်းကို ငှားရမ်းပြီး သင်ရတဲ့ အခြေအနေကို ရောက်လာပါပြီ။

ကျောင်းသား ကျောင်းသူတွေ ကလည်း Virginia , Baltimore, Frederick လို အနီးအပါး မြို့နယ်တွေ ကပါ လာတက်ကြတာပါ။ အနီးအပါးလို့သာ ပြောရတယ်..။ တကယ်က တစ်နာရီ ကျော်ဝန်းကျင် ကားမောင်းလာ ကြရတာမို့ ရန်ကုန်ပဲခူးလောက် အကွာအဝေး ရှိတာပါ။ ဒါပေမဲ့ မိဘတွေရော ကလေးတွေပါ ကျားကုတ်ကျားခဲနဲ့ ပျော်ပျော်ရွှင်ရွှင် ကျောင်း မှန်မှန် လာကြတာများ.. နှင်းတွေကျလို့ Snow alert ရှိတာတောင် မပျက်မကွက် ပါ။ ဒါဟာ သပြေညိုကျောင်းအတွက် အင်အားဖြစ်သလို.. ကျမတို့ မြန်မာကလေးတွေ နောင်ရေး နဲ့ ဟိုးအဝေးကြီးထိ မျှော်လင့်ကြည့်ရင်၊ ကျမတို့ မြန်မာနိုင်ငံအတွက် အနာဂတ် မှာ ဖြည့်စွက်နိုင်မယ့် အားကလေးတွေကို မွေးနေတာပဲရယ်လို့၊ ကျမမှာ ပီတိ ဖြစ်ရပါတယ်။

 မေငြိမ်း ၁၄ မတ်လ ၂၀၁၂။

( ပြည်တွင်းထုတ် Venus News Weekly Journal ပါ အပတ်စဉ်ဆောင်းပါး-အမှတ် ၂)

အလွင့်

 နင့်ကို ငါ အဲလိုပစ်မထားနိုင်ဘူး.. မီ.. တဲ့။
 ကျေးဇူးပါ မေရယ်..
 ဒါပေမဲ့ ကျမကတော့ ကိုယ့်ကိုကိုယ်ပစ်ထားလိုက်ပြီလို့ မေ့ကို အသံတိတ်တုံ့ပြန်မိတယ်..။
 မေ.. အဲဒီမှာ ပျော်လားဟင်..
မပျော်ဘူးဆိုရင်ရော မီက ယုံလို့လား... တဲ့။
အင်း ယုံတယ်.. မေက မညာတတ်ဘူးလေ..။
 မပျော်ဘူး။ ဒါပေမဲ့ စိတ်မဆင်းရဲဘူး၊ ဒီမှာ အလုပ်ပင်ပန်းတာ မှန်တယ်.. စိတ်ဖိစီးတာ မှန်တယ်.. ဒါပေမဲ့ နေတတ်ရင် ကျေနပ်စရာပါ မီရယ်..။ ကလေးတွေ ပညာရေးကောင်းတယ်.. ကိုယ် အလုပ်လုပ် သလောက် အကျိုးခံစားရတယ်..။ ငါနောက်တခုထပ်ပြောရင် နင် ငါ့ကို တကိုယ်ကောင်းဆန်တယ်လို့ မကဲ့ရဲ့နဲ့နော်...။ ဒီမှာ အတတ်နိုင်ဆုံးတော့ လူနဲ့ တူအောင် နေရတယ်..။ နင်သိပါတယ်.. ငါ အဲဒီမှာတုန်းက ဘယ်လိုနေခဲ့ရတယ်ဆိုတာ... တဲ့။
မေ့အသံက နည်းနည်းတော့ နာကျင်နေတယ်ထင်ပါရဲ့။ ကျမသိပါတယ်။ မေက သူ့နိုင်ငံ ကို ထားခဲ့ရတယ်ဆိုတဲ့ စိတ်နဲ့ အမြဲ အဲလို နာနာကျင်ကျင် ခံစားတတ်တယ်ဆိုတာ..။
မေရယ်.. ဒီလိုပါပဲ.. ဒါပေမဲ့ ရှင် ဘယ်နေရာမှာပဲဖြစ်ဖြစ် အကောင်းဆုံးကို လုပ်နိုင်နေတာပဲ..။ ကျမကသာ.....................

 ++++

ဒီည မေ့ကို သိသိသာသာပဲ လွမ်းနေမိပါတယ်..။ မေက မီ့ထက် တနှစ်ခွဲပဲ ပိုကြီးပေမဲ့ အသက်တော်တော်ကွာသလို လူကြီးဆန်တတ်သူ။ မီနဲ့မေက စိတ်ခံစားချက် တူတာများပြီး ဘ၀ပုံစံချင်း.... ကြီးပြင်းရပုံချင်း.. ရပ်တည်ပုံချင်း မတူပေမဲ့ နီးစပ်ချစ်ခင်နိုင်ခဲ့ကြတာပါ။ ဒါပေမဲ့ မေကတော့ စာရေးဆရာမို့ ထင်ပါရဲ့..။ စိတ်ကူးနည်းနည်းပိုယဉ်ပါတယ်။ ပြီးတော့ မေက စိတ်ကူးယဉ်တဲ့ နောက်ကိုလည်း စိုက်လိုက်မတ်တတ် လိုက်တတ်သူ။ ခုနေ ပြန်ပြောဖြစ်ကြရင်တော့ မေ့ရဲ့ အဲလို စိတ်ကူးယဉ်တတ်မှုကြောင့်ပဲ အဲလို စိတ်ခံစားမှုနောက် လိုက်မှုကြောင့်ပဲ ခုချိန်ထိ မေက စိတ်ချမ်းချမ်းသာသာ.. ပြောရရင် လက်ရှိဘ၀မှာ ကျေကျေနပ်နပ် နေတတ်နေတာ လို့ ပြောဖြစ်ကြမယ် ထင်ပါရဲ့။ တကယ်လည်း မေက ချမ်းချမ်းသာသာ ပပလွှားလွှား မရှိလှတဲ့ ဘ၀ထဲ ပျော်တတ်ပါပေရဲ့...
ဒါဖြင့် ဘယ်ဟာကများ တကယ်ပျော်စရာလဲ ဆိုတာကို မီ.. ခုတော့ဖြင့် တွေးမိရပြီ။

+++++

အချစ်ဆိုတာ ဘယ်လိုခံစားချက်လဲဆိုတာ ရှင်သိရဲ့လား ကိုကို... လို့ မေးတော့ သူက မယုံနိုင်တဲ့ မျက်လုံးတွေနဲ့ မီ့ကို ကြည့်ပါတယ်..။ ဘာကြောင်တာလဲ..လို့ တွေးနေတာလားကိုကို ဆိုတော့ သူက စိတ်ပျက် လက်ပျက်ပုံနဲ့ ခေါင်းခါသေးရဲ့။။ ဒီမှာ ကျမလည်း အချစ်ကို ကိုးကွယ်တဲ့သူ မဟုတ်ပါဘူး.. ၀န်ခံပါတယ်။ ဒါပေမဲ့ ဘ၀မှာ ခုလို အဓိပ္ပါယ်မဲ့လှချည်ရဲ့လို့ ခံစားနေရချိန်မှာတော့ ကျမ အချစ်ဆိုတာကို စဉ်းစားမိတယ်.. သိလား... ဆိုတော့ သူက သက်ပြင်းချတယ်..။ ကိုယ် မင်းကို ချစ်ပါတယ်ကွာ လို့ ကျမ ပခုံးကို လှမ်းဖက်ပြီး ဒီတခါ ပြောချိန်မှာတော့ စိတ်ထဲ နည်းနည်း အော့မိတာ ၀န်ခံပါတယ်။။ ကျမ ခေါင်းရမ်းမိတော့ မီက ဘာဖြစ်ချင်တာလဲကွာ.. တဲ့။ ကျမလား.. အင်း.. ကျမလည်း မသိဘူး.. ကျမ ဘာဖြစ်ချင်တာလဲ.... ဆိုတာ....။

မေက ပြောတယ်...။ မေတ္တာတရား..တဲ့။
မေတို့ ဇနှီးမောင်နှံကြားမှာ အချစ်ဆိုတာက မပူလောင်တော့ဘူးတဲ့.. ဆိုတော့ မေတ္တာတရား ဖြစ်သွားပြီ တဲ့။ ဘာလို့လဲဟင်.. သားသမီးတွေကြောင့်လား..။ အသက်တွေ ၄၀ ကျော်ကုန်လို့လား..။ အစစ လုံခြုံအေးချမ်းတဲ့ တိုင်းပြည်တပြည်မှာ နေနေရလို့လား..။ ဒါမှမဟုတ်.. အရာရာကို အတူလက်တွဲ ရုန်းကန်ဖြေရှင်းနေကြရလို့လား..။ နားမလည်နိုင်တော့ဘူး..။
ဒါဖြင့် မီကရော...။ သမီးနှင်းကို သတိရပါတယ်..။ သမီးက မီ့ကို မအေးမြစေဘူးလား...။ ကိုကိုကရော...။ ကိုကို နဲ့ မီ့ကြားမှာ မေ နဲ့ သူ့ ခင်ပွန်းလို သားသမီးဆိုတဲ့ အချည်အနှောင်တွေ မရှိခဲ့ကြလို့လားဟင်...။

 ++++

မီ့ထက်အရင် မေက အိမ်ထောင်ပျက်တခုလပ်ဘ၀ကို သားတယောက်နဲ့အတူ တွဲပြီး ရင်ဆိုင်လိုက်ရတာပါ။ အဲဒီတုန်းက မေ ဘယ်လောက် ပင်ပန်းဆင်းရဲခဲ့သလဲဆိုတာ မေ့နားမှာ တောက်လျှောက် ရှိနေခဲ့တဲ့ မီက အသိဆုံးပေါ့..။ စိတ်ရော ရုပ်ပါ မေ ဆင်းရဲခဲ့တာ.. မီဖြင့် ကြည့်တောင် မကြည့်ရက်ခဲ့။ နောက်တော့ တိုက်ဆိုင်လှတဲ့ ကံကြမ္မာက မီ့ကိုပါ အိမ်ထောင်ပျက်ဖြစ်စေခဲ့ပါတယ်။ အဲဒီကာလတွေတုန်းက ဘ၀ကို ရဲရဲ ရင်ဆိုင်တတ်တဲ့ မိန်းမတွေ.. ကိုယ့်အားကိုယ်ကိုးတတ်တဲ့ မိန်းမတွေ.. ကြိုးစားတဲ့ မိန်းမတွေ အိမ်ထောင်ရေး အဆင်မပြေကြတဲ့ ခေတ်ထင်ပါရဲ့...။ မီက သမီးတယောက်နဲ့...။ မေက သားတယောက်နဲ့...။ ဘ၀ကို အလျားလိုက်ဖြတ်ခဲ့ကြတာ..။ ပင်ပန်းလိုက်တဲ့ဖြစ်ခြင်း။
ဒါပေမဲ့ မီရော.. မေပါ.. ရင်ဆိုင်ခဲ့ကြပါတယ်...။ နောက်တော့ ဘ၀ထဲ ပင်ပန်းတာနဲ့ မဆိုင်ဘူးထင်ပါရဲ့...။ မေက နောက်ထပ်လက်တစုံကို တွဲလိုက်တော့တယ်...။
အံ့သြစရာကောင်းတာက
မေရွေးချယ်လိုက်တဲ့ညီညီက မေ့ထက်ငယ်တဲ့အပြင် မေ့လောက်တောင်  ပြည့်စုံသူမဟုတ်..။
တခုတော့ ရှိပါတယ်.. ညီညီကကြင်နာတတ်သူ.. အေးချမ်းသူ.. မေ့ကို လေးလေးနက်နက်တန်ဖိုးထားတယ်လို့ ယုံကြည်ရလောက်တဲ့ အမူအရာတွေ ရှိတဲ့သူ။ မေက ပျော်ပါတယ် တဲ့။ ပြီးတော့ ချစ်ပါတယ်တဲ့...။
ဒါဖြင့် မီကရော...

++++++

ကိုကို့ကို မီ ခေါင်းညိတ်ဖြစ်ခဲ့တာ တကယ့်အချစ်လား.. ဒါမှမဟုတ် သာယာမှုလား.. ဒါမှမဟုတ် မျှော်လင့်ချက်ကြောင့်လား...။ ကိုကို့ စီးပွားဥစ္စာပြည့်စုံမှုကလည်း တစိတ်ဒေသတော့ ပါမယ်ထင်ပါတယ်..။ မီကိုယ်တိုင်တောင် မသေချာပါ။ ဒါပေမဲ့ ကိုကို့နဲ့ မီ တွဲဖြစ်ခဲ့ကြပါတယ်။
ကိုကို နဲ့ မီကတော့ မေ နဲ့ သူ့ရဲ့ ညီညီ့လိုတော့ မဟုတ်...။ ကိုကိုကိုယ်တိုင်ကလည်း မအောင်မြင်လှတဲ့ ပထမအိမ်ထောင်နဲ့ သားသမီး ရှိသူ..။ ဒါပေမဲ့ သားသမီးကို ငဲ့တဲ့ ကိုကိုက သူ့ အိမ်ထောင်ကို ပြတ်ပြတ်စဲစဲ မလုပ်နိုင်ပါဘူးတဲ့။ ရတယ်ကိုကို.. မီ့နားမှာ အဖော်အဖြစ်.. ရှိနေရင် တော်ပြီ...။ မီ ကိုကို့ကို လိုအပ်ခဲ့တာ အဖော်အဖြစ် သက်သက်ပါ..။ အားကိုးတိုင်တည်ရာ... လိုအင်တွေ ဖြည့်စွက်ရာတွေအတွက်တောင် မဟုတ်ခဲ့။ ကိုကို့ကို မီချစ်လားလို့ ကိုကိုက မမေးဖူးသလို မီကလည်း မမေးဖူးပါ..။ မီတို့နှစ်ယောက် အလုပ်အတူတူလုပ်.. တိုင်ပင်ဖော် တိုင်ပင်ဖက်...။ စိတ်ညစ်ရင် ရင်ဖွင့်ဖောက်ခွဲဖို့... အကြံဥာဏ်ကောင်းတွေ လိုအပ်တဲ့အခါ တိုင်ပင်ဖို့... တခါတလေတော့ ယောက်ျားတယောက် နဲ့ မိန်းမတယောက်ရဲ့ ဖြစ်တည်မှုလိုအပ်ချက်တွေ အတွက် ပါကောင်းပါလိမ့်မယ်..။
သေချာတာက မီ အဲဒီဘ၀မှာ ကျေနပ်ခဲ့ပါတယ်။

 ++++++

 မီက တိမ်တိုက်တွေ မျောလွင့်တာကို ကိုကို့ဘေးမှာ လဲလျောင်းရင်း ငေး..
တိမ်တိုက်တွေပေါ် မီပါ လိုက်ပါ လွင့်မျောသွား...။ ဟိုးအဝေးကြီးမှာဆို မီ နဲ့ ကိုကို ဟာ ဘာအနှောင်အဖွဲ့မှ နောက်မှာမရှိစတမ်း လွတ်လပ်နေကြသူတွေ...။ မီက နည်းနည်းလည်း နာမည်တော့ ကြီးချင်သေးတယ်..။ အောင်မြင်တဲ့ စာရေးဆရာပဲဖြစ်ဖြစ်.. ဒါမှမဟုတ်.. စီးပွားရေးလုပ်ငန်းရှင်မ... ဒါမှမဟုတ်.. အဆိုတော်... ဒါမှမဟုတ်... ကိုကိုက မီ့နေရာမှာ ဘသူ့ကိုမှ အစားမထိုးနိုင်ပါဘူးလို့ တမ်းတမ်းမက်မက် ရှိနေတဲ့အဖြစ်မျိုး...။ ကိုကိုက နားမလည်နိုင်ရှာဘူး။ မီ ဘာဖြစ်ချင်တာလဲ တဲ့။
ပြောပြရင် မီက စာအုပ်တွေ သိပ်ဖတ်တော့ ရူးချင်ချင်ရယ်လို့ ပြောဦးမှာ မီသိပါတယ်..။
 မီကလေ.. အချိန်တိုင်း အချိန်တိုင်းမှာ မီတောင့်တတဲ့ အရာတိုင်းကို ရချင်တာ.. ဆန္ဒတိုင်းကို ပြည့်ချင်တာဆိုတော့လည်း ကိုကိုက မဖြစ်နိုင်ဘူးလေ... ဘသူမှ အဲလို အလိုမပြည့်နိုင်ကြဘူးကွ.. တဲ့။ မီ မသိတာမှမဟုတ်ဘဲ...။ မီက တမင် ညစ်နေတာ တဲ့။ အင်း ဟုတ်မှာပဲ..။ မီက အဲလို ညစ်ချင်တဲ့ စိတ် ရှိတာတော့လည်း အမှန်...။

 ++++++

သမီး.. မာမီ့ကို ချစ်လားဆိုတော့ သမီးက ချစ်သားပဲ.. တဲ့။ သမီးဖြေပုံက စိမ်းသက်သက်နဲ့။ သမီးတောင် ၁၂နှစ်သမီး ဖြစ်ပြီ။ ဒီသမီးလေးကို မီတခါမှ ထွေးထွေးပိုက်ပိုက် မနေခဲ့ဖူးတာလည်း သတိရပါတယ်။ဒါပေမဲ့ မီကိုယ်က အဲလို ချော့ချော့မြှူမြှူ မနေတတ်တာပါ။ ခုဆို သမီးက အမြဲ အတူနေရတဲ့ အဖိုးအဖွားနဲ့ အဒေါ်အပျိုကြီးကို သူပူဆာသမျှဝယ်ပေးပေမဲ့ တခါတလေမှ တွေ့ရတတ်တဲ့ အမေထက် ပိုခင်တွယ်တာတော့ အမှန်ပါ။ မီက သမီးပဲဖြစ်ဖြစ်... မိဘတွေကိုပဲဖြစ်ဖြစ်.. နောက်ဆုံး ကိုကို့ကိုတောင်မှပဲ လိုအပ်တာသာ ဖြည့်ဆည်းပေးလိုက်မယ်.. ယုယုယယတော့ မနေတတ်တာ အမှန်..။
ဒါကိုတော့ အပြစ်လို့ မပြောကြစေချင်ပါဘူး..။ မီက ချစ်သူတွေ လိုအပ်သမျှကို ဂရုတစိုက် ဖြည့်ဆည်းပေးသူတော့ ဖြစ်နေပါသေးတယ်။ မီကိုယ်တိုင်ကလည်း အနားမှာ ဂရုတစိုက်ရှိနေပေးမယ့် ချစ်သူတယောက်ပဲ လိုချင်တာပါလေ...။ အဲဒီချစ်သူက ကယုကယင် မနေတတ်သူဆိုလည်း မီကျေနပ်မှာပါ...။ မီကလေ.. ရှုံးနိမ့်မှုတွေကို ရင်ဆိုင်ရလို့ ငိုကြွေးတဲ့အခါ ကိုယ့်ရှေ့မှာထိုင်ပြီး ကိုယ့်ကို ကရုဏာသက်စွာနဲ့ ထိုင်ကြည့်နေမယ့်သူတယောက်ကို လိုချင်တာပါ...။

++++++

 မူးယစ်ခြင်းဟာ အကောင်းဆုံးအဖော်မဟုတ်မှန်း မီအသိဆုံးပေါ့..။
အရွယ်ကြောင့် မီ့အလှက နုပျို ဆန်းသစ် မရှိနိုင်တော့တာလည်း မီအသိဆုံးပေါ့...။
အဲလိုပဲ ကိုကို သိဖို့လည်း လိုတယ်..။
အလုပ်တွေ မအောင်မြင်တာလည်း မီ့ကြောင့်မှ မဟုတ်ဘဲကိုကို.. ဒီခေတ်ကြီးထဲမှာ မီ့လို မိန်းမတယောက်အနေနဲ့ ဘာကို ထပ်ရင်းရဦးမှာလဲ...။ ကိုကိုသိလား..။ မီဟာ.. အချစ်ကို လိုအပ်ခဲ့သူဆိုတာ (တကယ်တော့ မီကိုယ်တိုင်လည်း မသေချာလှပါဘူး)။ မီဟာ ငွေကြေးအတွက်.. ဘ၀ရပ်တည်ရေးအတွက် ကိုကို့ကို ချစ်ခဲ့တာ မဟုတ်ပါဘူး (ဒါလည်း ကိုယ်တိုင် မသေချာ)။ မီဟာ သွေးသားဆန္ဒနဲ့ ကိုကို့ကို ရွေးချယ်ခဲ့ တာလည်း မဟုတ်ဘူး (အချစ်နဲ့ သွေးသားဆန္ဒ မီခွဲခြားတတ်ခဲ့ရဲ့လားဆိုတာ ခုချိန်မှာ ကိုယ်တိုင် ပြန်မေးဖြစ်နေတဲ့ မေးခွန်းပါ..)။ ဒါပေမဲ့ ကိုကို.. မီ ကိုကို့ကို လိုအပ်ခဲ့ပါတယ်..။ ခုလည်း လိုအပ်နေဆဲပါ ကိုကို..။ မီ့အနားမှာ နေ၀င်တော့မယ်..။ မီ့အခန်းထဲမှာ ဆေးလိပ်ငွေ့တွေနဲ့ အုံ့မှိုင်းလို့..။ အပြင်မှာ မြူခိုးတွေ ဆိုင်းနေတာနဲ့အပြိုင် မီ့အခန်းထဲမှာလည်း မှုန်မှိုင်းနေတယ်...။ အဲဒီအမှုန်တွေထဲမှာ မီက လွင့်နေတာ ကိုကိုရဲ့။

 ++++++

 မီက ကိုကို့ ရုံးခန်းစောင့်မဟုတ်ဘူးနော်..... နယ်က ကိုကို့ကုမ္ပဏီခွဲကို မီရှိမှ စိတ်ချတာလား...။
ကိုကို့ သားအရွယ်ရောက်လာလို့ ရန်ကုန် ရုံးခန်းမှာ မီ့ကို ရှိမနေစေချင်တော့တာလား..။
မီ အဲလို မစဉ်းစား သင့်ဘူးလား..။ နယ်မြို့ရဲ့ ခြောက်ခြောက်သွေ့သွေ့ ရုံးခန်းမှာ ခုနေ မီ သေသွားရင် ဘယ်သူ အရင်ဆုံး တွေ့မလဲ .. ရုံးအကူ ဦးဘမောင်လား..။ မနက်က သမီးနှင်းကို လွမ်းပြီး ဖုန်းခေါ်တော့ သမီးက မာမီ ဘာကိစ္စရှိလဲတဲ့။ သမီးကို သတိရလို့ဆိုတော့ ဘာအတွက်လဲ.. တဲ့လေ..။
အင်း မေမေက သမီးကို ကိစ္စရှိမှ သတိရတဲ့ အမေများဖြစ်နေပြီလား လို့ ပြန်တွေးမိသား။
အဲလောက်တော့ မဟုတ်ဘူးထင်ပါရဲ့ သမီးရယ်...။ ဒါနဲ့ ၀မ်းနည်းပြီး ရန်ကုန်ရောက်နေတဲ့ ကိုကို့ကို ဖုန်းခေါ်တော့လည်း ကိုကိုက မီဘာလိုလို့လဲတဲ့..။ ကိစ္စအရေးတကြီး ရှိလို့လားတဲ့...။ ကိစ္စမရှိရင် မဆက်ရတော့ဘူးလားကိုကို လို့ဆိုတော့ ကိုကိုအလုပ်ရှုပ်နေတယ်.. မရစ်နဲ့ မီ..။ စောစောစီးစီး မူးနေပြီလားတဲ့။
မီ့မှာ စကားလုံးတွေ ပျောက်ကုန်တယ်.. ကိုကိုက ဖုန်းချသွားတယ်...။
အဲဒီမှာ.. မီ့အခန်းထဲ မြူတွေဆိုင်းလာတော့တာပဲ..။
မီးခိုးလိုလို တိမ်လိုလို.. မီက အဲဒီအမှုန်တွေထဲ လွင့်လို့..။
ကံကောင်းလို့ ဒဏ္ဍာရီထဲက ပျံနေတဲ့ နဂါးကြီးတကောင်လောက်များ တွေ့လို့ကတော့ လိုက်သွားပြီပဲ ကိုကို။

++++++++

 စိတ်လေလေနဲ့ မျက်ရည်ဝေေ၀နဲ့ ကွန်ပျူတာရှေ့ ငိုင်နေတုန်း ကံကောင်းချင်တော့ မိုးကောင်းကင် အင်တာနက်မှာ မီးစိမ်းလေးပြနေတဲ့ မေ့ကို တွေ့တယ်။ အမြဲ မီးနီပြပြီး အလုပ်ရှုပ်နေတဲ့ မေက မီးစိမ်းလေးပြနေတာ..။ မီ့အတွက်တော့ နဂါးကြီးတကောင်နဲ့ ခဏတွေ့လိုက်ရတာပါပဲ..။
 မေရေ.... မီ စာရိုက်တင်လိုက်တော့ ချက်ချင်းပဲ မီ........... လို့ ၀မ်းသာအားရဟန်နဲ့ ပြန်ထူးတဲ့ မေ့ စာလေးတက်လာတယ်...။
လွမ်းလိုက်တာ မေရယ်..။
ဟုတ်ပါ့.. မေလည်း မီ့ကို တွေ့ရတာ ပျော်လိုက်တာ.. ဘာတွေလုပ်နေလဲကွာ..။
 မီလား ဘယ်လိုသေရင်ကောင်းမလဲ ထိုင်စဉ်းစားနေတာ...။
 ဟေ့ကောင် ပေါက်ကရမပြောနဲ့စမ်း.. ပြော.. ဘာတွေ ဖြစ်နေလဲ..။
မဖြစ်ပါဘူး..။ ဒီလိုပဲ လေတာ..။
 မီ.. တို့တွေ မငယ်တော့ဘူး..။
အင်း ၄၀ တော်တော် ကျော်ပြီလေ.. ။
မနောက်နဲ့မီ...။
မနောက်ပါဘူး.. တကယ်ပြောတာ..။ ခု ကျမ တယောက်တည်း....
အင်း... ကိုကိုရော..။
သူ ရန်ကုန်မှာ.....
ဘာထူးဆန်းလဲ မီ... မီက တယောက်တည်း ကျန်ခဲ့ရတာနဲ့ သေချင်လိုက်တာလို့ ဖြစ်တတ်တဲ့ လူညံ့လား..။
ကျမ ခုညံ့နေပြီမေ...။
သွားစမ်းပါ...။ မဖြစ်နိုင်ဘူး မီ။ မီက သိပ်တော်တဲ့ ထက်တဲ့ မိန်းမ..။
မဟုတ်ဘူးမေ.. အဲဒါ အတိတ်မှာ ကျန်ခဲ့ပြီ..။ ကျမက ရှင့်လိုမဟုတ်ဘူး..။ ဘာမှ မအောင်မြင်တဲ့ မိန်းမ။
မီ.. သမီးနှင်းရော..။
သူက အဖိုးအဖွားတွေနဲ့ပေါ့...။ သူက ကျမကို မချစ်လှပါဘူး...။ --------- ကျမ မပျော်ဘူးမေ....
ဘယ်သူပျော်ကြလို့လဲ မီ.. ဒါကိုက လူ့ဘ၀ပဲ.. မီသိပါတယ်..။
ကျမအတွက် လူ့ဘ၀က အဓိပ္ပါယ်မရှိ်တော့ဘူး..။
မီ.. အဲဒါအားလုံးက ကိုယ်တိုင်ပဲ လုပ်နေ ဖန်တီးနေကြတာလေ.. ဘယ်သူမှ ၀င်လုပ်ထားတာမဟုတ်ဘူး..။ ------------- မေ အဲလိုပြောရင် မီ့ကို အပြစ်တင်ရာကျလို့ မီသဘောမကျနိုင်ဘူးဆိုတာ မေသိပါတယ်.. ဒါပေမဲ့ မဟုတ်ဘူးလားမီ.. ဒီလမ်းတွေကို တို့တွေ ကိုယ်တိုင်ပဲ ရွေးချယ်ခဲ့ကြတာလေ...။
 ------ ဒါပေမဲ့ ကျမတယောက်တည်း မေ...
မပြောနဲ့မီ.. အဲဒီအတွက် အဖြေရှိပြီးသားလေ..။ နင် သမီး နဲ့ ပြန်သွားနေ.....။
မရဘူးလေ.. ကျမ အလုပ်လုပ်ရဦးမှာ..လေ မေရဲ့။
ဒါဆို ဘာလို့ လက်တွေ့ကို ရင်မဆိုင်နိုင်ရမှာလဲ...။
ကျမအခန်းထဲမှာ သိပ်မှောင်တာပဲမေ...
မီးတွေဖွင့်လေ.. ပြီးတော့ ပြတင်းပေါက်တွေ ဖွင့်လိုက်...။
ကျမကြောက်တယ် မေ..။ ကျမ.. ကျမ တယောက်တည်း...။ အခန်းထဲမှာ မိုးမှောင်ကြီးကျနေတယ်..။
မီ..
မီ...
မီ.. ဘယ်ရောက်သွားလဲ....။ ငါနင့်ကို ပစ်မထားနိုင်ဘူးမီ......

++++++



 မေငြိမ်း ဇန်န၀ါရီ ၉ ရက် ၂၀၁၂။


(မတ်လထုတ် အိုင်ဒီယာမဂ္ဂဇင်း။)