စိန်ပန်းပွင့်ချိန်မှ သင်္ကန်းပွင့်ချိန် ညီမလေး
ဇီဝဇိုးငှက်တကောင်ရဲ့ အန်ဖတ်လို
မေတ္တာတရားမှာလည်း
သွေးစသွေးစနတွေနဲ့
သမိုင်းပျို့တယ်
သင်္ကန်းကို မီးလောင်လို့
ခွေးတွေက တခေတ်လုံးဟောင်တယ်
ဟောင်ဖွာ ဟောင်ဖွာတွေနဲ့
မီးမညှိလေနဲ့ ညီမလေး
ရတာခဲထားကြတာလည်း
ရခဲခြင်းပါပဲ
နောက်ကျောက ဓားနဲ့
ကျောခိုင်းရပ်ခဲ့တယ်
အနီးကြီးနီးဖို့
အဝေးကြီး အဝေးကြီးဝေးခဲ့တယ် ။ ။
သစ်ကောင်းအိမ်
(၃၀၊ ၁၀၊ ၂၀၀၇)
သေစာရှင်စာ
နိုင်ငံကူးလက်မှတ် မရှိဘူး
ဘ၀ကူးလက်မှတ်တော့ ရှိတယ်
နေ့ကိုစွဲသေပြီး နေ့စွဲဖြစ်ခဲ့
နေ့စွဲလေးတစွဲပါပဲ
သီတင်းကျွတ် လပြည့်ညကောင်းကင်မှာ
မီးပုံးပျံတွေမြင်မှ
ဘယ်တုံးကမှ မှိုင်းမ၀ဘူးတဲ့
ကိုယ်နှလုံးသားကိုလည်း သတိတရနဲ့
ပီကာဆိုလွှတ်လိုက်တဲ့ ချိုးငှက်
ပီကာဆိုလက်ထဲ ပြန်မရောက်နိုင်ခဲ့
တရား...တရားဆိုလား
ဘုရား...ဘုရားဆိုလား
မျှပြီးတကြရ
ကြားဖူးတယ်..
် ကြားဖူးတယ်
တရားဆိုတာ
မျှတမှုပဲဆိုလား
ကြားဖူးတယ်
ငါ့ ဘောပင်လေးကိုတော့ ခွေးစာမကျွေးနိုင်ပါ
ဟဲလို.....
၃၁ဘုံခင်ဗျား
ရမ္မက်ကြီးလွန်းလို့
အရင်းအတိုင်း ထိုင်မြည်းနေတာ။ ။
သစ်ကောင်းအိမ်
(၂၅၊ ၁၀၊ ၂၀၀၇)
ငွေကြာယံ
သရဏဂုံကို
သရဏဂုံ ပြန်တင်နေရတဲ့ခေတ်
ဒေါင်းသင်္ဃန်းတွေနဲ့
သူပုန်အလံကို ဥုံခံကာလွှင့်ကြ
အစွယ်ဖွေးဖွေး
စစ်ခွေးအုပ်ကြား
အောင်ခြင်းကိုးပါး မြတ်တရားနဲ့
ဗုဒ္ဓပွင့်တော်မူခဲ့ပြီ ။
သစ်ကောင်းအိမ်
( ၂၅ – ၁၀ – ၂၀၀၇ )
"သီတင်းကျွတ် တန်ဆောင်တိုင် မီးထွန်းပွဲမှာ မီးပုံးပျံလေးတွေ လွှတ်ကြရင်း ပြည်သူ့ဆန္ဒဖော်ထုတ်ကြရအောင်"
ဒီအတွက် စစ်အစိုးရရဲ့ ဖိနှိပ်မူတွေကြားထဲက လူထုပါဝင် လှုပ်ရှားနိုင်မယ့် နည်းလမ်းများ ရှာကြံတဲ့အခါမှာ တခု သတိထားမိတာက သီတင်းကျွတ် တန်ဆောင်တိုင် မီးထွန်းပွဲတွေမှာ မီးပုံးပျံလွှတ်ကြတာကို သွားသတိရမိပါ တယ်။ ဒီတော့ ဒီနှစ် မီးထွန်းပွဲမှာ ကျွန်တော်တို့ ပြည်သူ့ဆန္ဒမှန်တွေပါတဲ့ မီးပုံးပျံလေးတွေ လွှတ်ကြရင် မ ကောင်းဘူးလား။ သာသနာ့ အာဇာနည်တွေကို ကိုယ်စားပြုတဲ့ သာသနာ့အလံပါတဲ့ မီးပုံးပျံ အနီလေးတွေ၊ ကျောင်းသား အာဇာနည်တွေကို ကိုယ်စားပြုတဲ့ ခွပ်ဒေါင်းပုံပါတဲ့ မီးပုံးပျံ အနီလေးတွေ၊ ပြည်သူ့တွေရဲ့ ဆန္ဒမှန် "Free Burma" ဆိုတဲ့ စာတန်းပါတဲ့ မီးပုံးပျံ အနီလေးတွေ၊ ကျဆုံးသွားတဲ့ သာသနာ့ အာဇာနည် ကျောင်းသား အာဇာနည်တွေကို ကိုယ်စားပြုတဲ့ မီးပုံးပျံ အနီလေးတွေကို ကောင်းကင်ထက်စီ လွှတ်တင်ကြရအောင်လားဗျာ။
မီးပုံးပျံလေးတွေ ကောင်းကင်ယံဆီ ပျံဝဲသွားပြီဆိုတာနဲ့ ဒီ နအဖတွေ၊ ကပ်ဖားရပ်ဖားကောင်တွေ ငုတ်တုတ် ထိုင် ကြည့်ရုံမှတပါး ဘာမှမလုပ်နိုင်ပါဘူး။ ၀ါးရင်းတုတ်နဲ့လည်း လိုက်ရိုက်လို့မရ၊ အဲ…သေနတ်တွေနဲ့ လိုက်ပစ်ချရင်တော့ မပြောတတ်ဘူးပေါ့ဗျာ။ လူတစ်စုကို လိမ်ညာလို့ရချင်ရမယ်၊ လူထုကိုတော့ လိမ်ညာလို့ မရကြောင်း သက်သေပြလိုက်ကြပါစို့။ စစ်မှန်တဲ့ ပြည်သူ့ဆန္ဒတွေ ထက်ကောင်းကင် ဘ၀ဂ်ထိတိုင် သိနိုင်ကြပါ စေလို့…..။
မြန်မာကျောင်းသူ/သားများ
New
Coming Lighting Festival, and Tazaungdine Festival we can show People's Desire by releasing Hot Balloon with attachment.
People's Desire
• We favour stability
• We favour peace
• We oppose spdc's violence
We encourage to participate everyone who loves the truth! in this festival.
Win your fear with the truth!
Show your desire over the sky!
Now Lighting Festival and Tazaungdine Festival are very close.
I'm thinking of how to show our desire to the Junta. Ok what we can do is releasing Hot Air Balloon (Mie Pone Pyan) to air, with Sar Sa Na flag, NLD logo, "Free Burma" letter or even Red ballon can show our desire. Once the balloon is up to the air it's very hard to take it down. Means our desires are up in the sky and not easily crack down by gun. Let the key full with people desire in ThaDinKyut Night.
Pls spread the idea to other, hope our country will free soon.
ဒီကနေ့ (အောက်တိုဘာလ ၁၈ ရက်)ဟာ ကျမတို့ မြန်မာနိုင်ငံ... ဒီမိုကရေစီရေးတိုက်ပွဲ သမိုင်းရဲ့ ဦးဆောင် သူရဲကောင်းတွေထဲမှာ တယောက်အပါအ၀င်ဖြစ်တဲ့ ကိုမင်းကိုနိုင်ရဲ့ ၄၅နှစ်မြောက် မွေးနေ့ပါ။ ကိုယ်ပိုင်ဘ၀ကို နိုင်ငံအတွက် ပေးဆပ်ထားတဲ့၊ နိုင်ငံလွတ်မြောက်ရေး အတွက် တစိုက်မတ်မတ် ကြိုးပမ်းနေတဲ့၊ စဉ်းစားနေတဲ့ ကိုမင်းကိုနိုင်.. ဒီကနေ့မှာကျရောက်တဲ့ ၄၅နှစ်မြောက်မွေးနေ့က စလို့ ရှေ့ဘ၀ခရီး တလျှောက်မှာ အန္တရာယ်ခပ်သိမ်း ဘေးရန်ခပ်သိမ်းမှ ကင်းလွတ်ငြိမ်းပြီး၊ သူလိုချင်တဲ့.. လွတ်လပ်တဲ့.. ငြိမ်းချမ်းသာယာတဲ့.. မြန်မာနိုင်ငံကို အမြန်ဆုံး မြင်တွေ့ရပါစေ…. လို့ မွေးနေ့အထိမ်းအမှတ်အဖြစ် ဆုတောင်းပေးလိုက်ပါတယ်...
မေငြိမ်း
၁။ ငါတို့သည် နအဖ နှင့် အဆက်အနွယ်များကို အားပေးသော အလုပ်မှန်သမျှကို ရှောင်ရှားမည်။
၂။ ငါတို့သည် နအဖ အတွက် အလုပ်ကို ဆိုးဆိုးရွားရွားလုပ်ပေးမည်။ ဖြည်းလေးစွာ လုပ်ပေးမည်။
၃။ ငါတို့သည် နအဖ ၏ အရေးပါသော စက်ကိရိယာများ၊ စက်ယန္တရားများကို ဖျက်ဆီးပစ်ရမည်။
၎။ ငါတို့သည် နအဖအတွက် အကျိုးရှိနိုင်မည့် အရာမှန်သမျှကို ဖျက်ဆီးပစ်ရမည်။
၅။ ငါတို့သည် နအဖ ထုတ်ဝေသော ရုပ်မြင်သံကြားသတင်း၊ ရုပ်ရှင်၊ ဗီဒီယို၊ စာစောင်များကို သပိတ်မှောက် ရမည်။
၆။ ငါတို့သည် နအဖ နှင့် အဆက်အနွယ်များပိုင် ဆိုင်များတွင်ဈေးမ၀ယ်တော့ပါ။ နအဖ နှင့် အဆက်အနွယ်များ ပိုင် ကုန်ပစ္စည်းအမျိုးမျိုးကို မစားသုံးတော့ပါ။
၇။ ငါတို့သည် နအဖ တို့၏ ဆက်သွယ်ရေး၊ နအဖ၏ အင်ထရာနက် ကွန်ယက်များ၊ သယ်ယူပို့ဆောင်ရေးများ အားလုံးကို နှောင့်နှေး ပိတ်ဆို့ အောင်ပြုလုပ်မည်။
၈။ ငါတို့သည် နအဖ နှင့် အဆက်အနွယ်များအား သူတို့နှင့်ထိုက်တန်သည့်အတိုင်း ဆက်ဆံရမည်။ အရေးတယူ မဆက်ဆံတော့ပါ။ ရှောင်ကျဉ်ရေးမူကို လုပ်ဆောင်မည်။
၉။ ငါတို့သည် ရဟန်းတော်များ၊ ကျောင်းသားခေါင်းဆောင်များ၊ ပြည်သူများကို နအဖတို့ မတရား ဖမ်းဆီး ချုပ်နှောင်ခြင်း မခံရအောင် အတတ်နိုင်ဆုံး ကာကွယ်ကြမည်။ လွတ်မြောက်အောင် ကြံဆောင်ပေးကြမည်။ ကျန်ရစ်သော ဘုန်းတော်ကြီးကျောင်းများ၊ ကျန်ရစ်သူမိသားစုများ၏ စားဝတ်နေရေး၊ ပညာရေးများကို လူအား ငွေအား စသည့် နည်းလမ်းပေါင်းစုံဖြင့် ထောက်ပံ့ ကူညီစောင့်ရှောက်ကြမည်။
တုံဏှိဘာဝေ နိုင်ငံမှာ
(In the quiet Land)
ဒင်းတို့ ရောင်းဝယ် ဖောက်ကားနိုင်တဲ့
လျို့ဝှက်ချက်တွေကို
တစုံတယောက်က
ဘယ်သူမှ ပြောမပြနိုင်ဘူး။
သတင်းတွေကို
ဒီနိုင်ငံရဲ့ သွေးတွေနဲ့ ပေးချေ၊
အာဏာရှင်တွေရဲ့ အားနည်းချက်ကိုတောင်
ဘယ်သူမှ မပြောရဲကြဘူး။
ဘယ်သူမှ မရယ်မောဝံ့ကြသလို
ကျယ်ကျယ်ပြန့်ပြန့်လည်း မတွေးဝံ့ကြဘူး။
ရယ်မောမှုတွေကို
လူအုပ်ကြီးရဲ့ ဆိတ်ငြိမ်မှုထဲမှာ
တွေ့မြင်နိုင်ကြပါရဲ့။
သူတို့ကို ခေါ်ဆောင်သွားမယ့်
စစ်သားတွေလာနေတာတောင်
ဘယ်သူတစ်ဦးတစ်ယောက်ကမျှ
ပြောမပြနိုင်ပေဘူး။
လမ်းတွေကို လိုချင်တယ်....
ပြင်သစ်တွေကတော့
လောင်စာဆီကို လိုချင်တယ်..
ထိုင်းတွေက
သစ်တွေကို ယူတယ်...
နအဖ ကတော့
အမြတ်အစွန်းတွေကို
ယူတယ်လေ...။
ဟော့ဒီ တုံဏှိဘာဝေနိုင်ငံမှာလေ..
လူသတ်သမားတွေကြောင့်
တေမိဇာတ် ခင်းနေရတာ...
စိုးရိမ်မှုတွေ ဖုံးလွှမ်းနေတာကို
မကြားသိနိုင်ပေဘူး။
ဘယ်လိုပဲ အင်အားသုံးသုံး
လွပ်လပ်မှုအသံကိုတော့
လူညာတွေ လိမ်လို့ မရသလို
ဘယ်လိုအသံမျိုးနဲ့မှလည်း
မဖုံးလွှမ်းနိုင်ပေဘူး...။
(မြန်မာပြန်..ဖေသက်နီ)
ရွှေဝါရောင် ဥဒါန်း
ဟော့ဒီ ကာလဟက်တက်ကြီးထဲ
အလွမ်းကိုလည်း တကျွန်းပို့ထားရပေါ့
မောင့်ဂူစတီနာ။
ကိုယ့်ကိုယ်ကို လောင်ကျွမ်းကြ
ပက်ပက်စက်လောင်ကျွမ်းကြ။
စုန်းမအိုရဲ့ မြည်တွန်တောက်တီးသံတွေလား..
ဒါမှမဟုတ် သွေးနံ့ရတဲ့ ပင်လယ်လား..။
ငါတို့ ကောင်းဘွိုင်ကြီး ဂျွန်ဝိန်းကို မမျှော်နဲ့..
မိစ္ဆ္ဆာက ဟားတိုက်ရယ်နေရဲ့။
ဆွေးနွေးဖို့ မရှိတော့ပါ။
သစ်ကောင်းအိမ်
(၁၁၊ ၁၀၊ ၀၇)
မပြီးဆုံးသေးသော မြန်မာ့လွတ်လပ်ရေး တိုက်ပွဲ
အားတင်းထားကြပါ။ နိုင်ငံတကာက ပြည်သူများရဲ့ ကိုယ်ချင်းစာနာစွာ အားပေးမှုများကို ရရှိနေပါတယ်။ လွတ်လပ်မှုအတွက် ငြိမ်းချမ်းစွာ ဆက်လက် တိုက်ပွဲဝင်ကြပါ။
အားလုံး စည်းစည်းလုံးလုံး ညီညီညွတ်ညွတ်နဲ့ နည်းဗျူဟာများချမှတ်ပြီး စစ်ကျွန်ဘ၀ အန္တရာယ်ဆိုးကြီးက လွတ်မြောက်အောင် စုပေါင်း စီမံခန့်ခွဲကြစေလိုပါတယ်။
ပြည်သူတို့ရဲ့ သဘောထားကို အမှန်တကယ် နားလည်ထင်ဟပ်သော သုံးသပ်မှုများ ဖြစ်စေလိုပါတယ်။ မိမိတို့ ရဲ့ တတ်ကျွမ်းတဲ့ ပညာများကို လွတ်လပ်ရေးတိုက်ပွဲ အောင်မြင်ရန် မြန်မာပြည်သူများ ဆောင်ရန် ရှောင်ရန် အပြုသဘော အကြံဥာဏ်ကောင်းများပေးတဲ့ နေရာမှာ အသုံးချနိုင်ပါတယ်။
မြန်မာစစ်အစိုးရရဲ့ မတရားဖိနှိပ်မှုများ အခုချက်ချင်း ရပ်တန့်အောင်နဲ့ အတိုက်အခံများနဲ့ စေ့စပ် ညှိနှိုင်းလာ အောင် ထိထိရောက်ရောက် ဖိအားပေးကြပါ။
သတင်းများကို မပြတ်နားစွင့်ကြပါ။ မြန်မာ့အရေးအတွက် ရန်ပုံငွေများထည့်ဝင်ကြပါ။ မိမိတို့သက်ဆိုင်ရာ နိုင်ငံအသီးသီးမှ လှုပ်ရှားမှုများတွင် ပါဝင် အားပေးကြပါ။
Burmese Bloggers without Borders
http://bbwob.blogspot.com/
(ကိုထိုက် ဆီကပါ)
အဲဒီနှစ်တွေက စလို့ ကျောင်း ပညာရေးကို တန်ဖိုးမရှိတဲ့ ဖြစ်ကတတ်ဆန်း ပညာရေးဖြစ်အောင် ဗိုလ်ခင်ညွန့်က စီမံကိန်း ချပြီးတော့ကို ဖျက်ဆီး ပစ်ခဲ့တာပါ။ ဒါကိုလည်း လူတိုင်းသိပြီးသားမို့ အရှည် မပြောတော့ ပါဘူး။ အဓိက ကတော့ ဒီမိုကရေစီနိုင်ငံဖြစ်ဖို့အတွက် အရေးပါလှတဲ့ အဓိက မဏ္ဍိုင်ကို ဖြိုတာပါပဲ။ အဲဒီ အကျိုးဆက်ကြောင့်ပဲ နောက် ၁၀နှစ် အကြာ ၂၀၀၅ခုနှစ်မှာတော့ မြန်မာနို်င်ငံရဲ့ ပညာရေး အဆင့်အတန်းဟာ သုည ဖြစ်သွားခဲ့တာပါပဲ။ ပညာရေးအဆင့် နိမ့်ကျတာဟာ အညံ့များတဲ့ မျိုးဆက်ကို ပျိုးထောင်လိုက်တာနဲ့ အတူ တူ ပါပဲ။
တွေ သုတ်ပစ်တဲ့ ကိစ္စပါ။ "ပုဂံဘုရားတွေကို န၀တက အဲလို လုပ်တဲ့ကိစ္စနဲ့ ပတ်သက်ပြီး ဘယ်လို သဘော ထားပါသလဲ"လို့ ဆရာကြီး ဒေါက်တာသန်းထွန်းကို ဘီဘီစီက အင်တာဗျူးလုပ်ပြီး နောက်တနေ့ပေါ့။ “ပုဂံကို ဘယ်သူ စ တည်ထောင်ခဲ့လဲ လို့ ခုထိ ပညာရှင်တွေ သေချာ မပြောနိုင်သေးဘူး။ ဒါပေမဲ့ ခုတော့ ပုဂံကို ဖျက်တာ ဘယ်သူလဲ ဆိုတာတော့ သေချာ သိပြီ ပေါ့ဗျာ..” တဲ့။ ဆရာကြီးက အဲလို ရဲရဲတောက် ဖြေခဲ့ တာ။ နောက်တော့ ဆရာပြောပြတဲ့ သမိုင်းဆိုင်ရာ အထောက်အထား ယဉ်ကျေးမှု အနုပညာတွေ အဖျက် ဆီး ခံရပုံတွေကို နားထောင်ပြီး ကျမ မျက်ရည် ပေါက်ပေါက် ကျခဲ့ရတာပါ။ 
ပညာရေးတွေ ကျန်းမာရေးတွေကအစ တစ်ခုတည်းသာ ကျန် တော့တဲ့ အားကိုးရာကိုပါ ပျက်သုဉ်းသွားအောင် အာဏာရှင် များက မီးကုန်ယမ်းကုန် ဖျက်ဆီးလိုက်ပါပြီ။ သူတို့ အလွန် ရိုသေပါတယ်လို့ ကြွေးကြော်ခဲ့တဲ့ ဘာသာရေးကိုတောင် ဒီလောက် ဖျက်ဆီးရင် တခြားသော ဘာသာရေး တွေကိုလည်း တိုက်ခိုက် ဖျက်ဆီးလာဦးမှာလည်း သေချာပါတယ်။ ဒါဟာ လူထုရဲ့ နှလုံးသားကို၊ ဘ၀ကို၊ ဂုဏ်သိက္ခာတွေကို၊ မာနတရား တွေကို၊ လူ့တန်ဖိုးတွေကို အဆုံးစွန်ထိ အစွမ်းကုန် ဖျက်ဆီးနေ တာ နဲ့ အတူတူပါပဲ။ 
တွေကို ဖိနှိပ် နှိပ်ကွပ်ခဲ့တာ သူ့ရဲ့ နောက်ဆုံးချိန်ထိပါပဲ။ အဲလိုပဲ ၁၉၇၄ ဦးသန့် အရေးအခင်း၊ ၁၉၇၆ မှိုင်း ရာပြည့် ကိစ္စ၊ ကျောင်းသားတွေက တာဝန်ကျေခဲ့။ ဦးနေ၀င်းက အခဲမကျေဘဲ ရက်ရက်စက်စက် နှိမ်နင်းခဲ့ တာ ၈၈ ထိ။ နောက် သူ့အမွေခံ ခင်ညွန့် က ၈၈နောက်မှာ သူတို့ကို အုံနဲ့ ကျင်းနဲ့ ဆန့်ကျင်ခဲ့တဲ့ ပြည်သူလူထုနဲ့ ကျောင်းသားတွေအပေါ် နည်းမျိုးစုံနဲ့ နှိပ်ကွပ် ဖျက်ဆီး၊ တကယ့်ကို အငြိုးတကြီး။ နောက်တော့ ၁၉၉၆ မှာ တကြိမ်၊ ကျောင်းသား အရေးအခင်း.. အနှိမ်နင်းခံရ။ ၉၆နောက် မှာတော့ စစ်အစိုးရဟာ ကျောင်းသား ဆိုတာနဲ့ ပတ်သက်ရင် အခြေခံပညာကနေ တက္ကသိုလ်ထိကို ဖိနှိပ်ရုံမက ဒုက္ခ အမျိုးမျိုး ရှာကြံပေးတာမျိုး ထိအောင် လုပ်လာတာ အားလုံးအမြင်ပါ။ သူတို့ မူက ပညာတတ် မရှိရေး၊ ကျောင်းသားတွေ ဆင်းရဲဒုက္ခ ရောက်ရေး၊ စစ်တပ်ရှေ့မှောက် မှာ ဦးကျိုးရေးပါ။
ို မလိုလားကြောင်း ပြခဲ့တဲ့ မြန်မာတပြည်လုံးကို ကုန်းကောက်စရာ မရှိတဲ့အထိ မွဲပြာကျအောင်၊ လူညွန့် တုံးသထက် တုံးသွားအောင်၊ သူတို့ကို ရှိခိုး ဦးချ နေရ အောင် လုပ်လာမှာ မလွဲမသွေပါ။ ဗုဒ္ဓဘာသာ နေရာမှာ စစ်တပ်ဘာသာကို အစားထိုး ခံယူလာကြ ရပါလိမ့်မယ်။ ပြီးတော့ စစ်တပ်ကို လိုလားသူတွေက အဆမတန် နေရာရပြီး လူလူချင်း ခွဲခြားဆက်ဆံခံရမှုတွေကြောင့် နောက်မျိုးဆက်တွေဟာ ကိုယ့်တိုင်းပြည်ထဲမှာ စစ်ကျွန် တွေ၊ စစ်အမျိုးအနွယ်ဝင်တွေရဲ့ ကျေးကျွန်တွေအဖြစ် အလွန်တရာမှ အောက်တန်းကျစွာနဲ့ နေသွား ကြရပါ တော့မယ်။
အဲသလိုပဲ ထေရ၀ါဒ ဗုဒ္ဓ သာသနာကို ၁၀၄၄ ခုနှစ်မှာ ရဟန်းမြတ် ရှင်အရဟံက သယ်ဆောင် ပေးလာတော်မူခဲ့ပြီး အနော်ရထာမင်းက စတင် ပြုစု ကိုးကွယ် ခဲ့ပါတယ်။ အဲဒီ သာသနာတော်ကြီးကို မြန်မာပြည်မှာ ပျောက်ပျက်သွားအောင် ဖျောက်ဖျက်ခဲ့ တဲ့ သမိုင်းဆိုရင်တော့ ၂၀၀၇ခုနှစ် စက်တင်ဘာလ -၂၅ရက်နေ့ က စပြီး သံဃာတွေကို သတ်ခဲ့၊ သာသနာတော်ကို သွေးစွန်းစေခဲ့တဲ့ ဗိုလ်ချုပ်မှူးကြီးသန်းရွှေ ဦးဆောင်တဲ့ စစ်အစိုးရနဲ့အတူ တာဝန်အရှိဆုံးထဲမှာပါတဲ့ သံဃာ့ မဟာသံဃာ့နာယက ဦးဆောင် ဆရာတော်တချို့ပဲ တရားခံတွေ ဖြစ်ပါတော့ မယ်။
သည်နေရာမှာ မြတ်စွာဘုရားရဲ့ အောင်ခြင်းရှစ်ပါးကို ပြန် သုံးသပ်ကြည့်မိပါတယ်။ ဗုဒ္ဓဟာ မေတ္တာကို အခြေခံ ထားသော်လည်း တဘက်လူ(ရန်သူ)ရဲ့ အခြေအနေကိုကြည့်ပြီး သင့်တော်တဲ့ နည်းဗျူဟာတွေ သုံးပြီး အောင်ခဲ့ တာပါ။ အားလုံးကို မေတ္တာသက်သက်နဲ့သာ အောင်တော်မူခဲ့တာ မဟုတ်ပါဘူး။
အောင်ခြင်းပထမမှာ မြတ်စွာ ဘုရားရဲ့ ဘုရား ဖြစ်တော်မူခြင်းကို မနာလိုတဲ့ မာန်နတ်နဲ့ နောက်လိုက် စစ်သည် တွေဟာ မြတ်စွာဘုရားကို နည်းမျိုးစုံခြောက်လှန့် နှိပ်စက်ပါတယ်။ မြတ်စွာဘုရားက မတုန်မလှုပ် မကြောက်မရွံ့ဘဲ မေတ္တာလက်နက်ကို ကိုင်စွဲပြီး သစ္စာ ဆိုပါတယ်။ သည်အခါမှာ ပြင်ပအကူအညီဖြစ်တဲ့ ၀သုနြေ္ဒနတ်သမီးရဲ့ အစွမ်းနဲ့ မာန်နတ်နဲ့နတ်စစ်သည်တွေ ရေမှာမျောပြီး ရှုံးနိမ့်ကုန်ကြပါတယ်။ မာန်နတ်နဲ့ နောက်ပါ စစ်သားတွေဟာ မြတ်စွာဘုရားရဲ့ မေတ္တာတရားမှာ နောင်တရပြီး မြတ်စွာဘုရားကို ဒူးထောက် တောင်းပန်ကြတယ်လို့ မကြားဖူးခဲ့ပါဘူး။
နောက် အောင်ခြင်းတပါးဖြစ်တဲ့ အာဠာဝက ဘီလူးကြီးကို အောင်တော်မူခန်းမှာလည်း မြတ်စွာဘုရားဟာ ဒေါသ ကြီးလှတဲ့ ဘီလူးကြီးကို ပြောက်ကျားနည်း သုံးပြီး အောင်တော်မူခဲ့ပါတယ်။ ဘီလူးကြီးရဲ့ နေရာမှာ ခေတ္တ ခဏ စံမြန်းနေတဲ့ မြတ်စွာဘုရားကို ဘီလူးကြီးက အကြမ်းဖက် အင်အားသုံးပြီး မောင်းထုတ်ပါတယ်။ ဗုဒ္ဓက တန်ခိုး နဲ့ ဟိုနေရာက ပေါ်လာလိုက် သည်နေရာက ပေါ်လာလိုက်နဲ့ နောက်ဆုံးမှာ ဘီလူးကြီးမောပြီး မြတ်စွာဘုရားရဲ့ရှေ့မှောက် ဒူးထောက်ရပါတော့တယ်။ သည်တော့မှ မြတ်စွာဘုရားက မေတ္တာနဲ့ တရားဟော တော်မူပါတယ်။
အောင်ခြင်းနံပါတ်(၈) မှာ လည်း သူ့ကိုသူ စွမ်းအားကြီးလှတယ်လို့ ဘ၀င်မြင့်ပြီး မြင့်မိုရ်တောင်ကို ကိုယ်နဲ့ ရစ်ပတ် အပိုင်စီးထားတဲ့ နန္ဒောပနန္ဒနဂါးကြီး ကို ဆုံးမဖို့ မြတ်စွာဘုရားဟာ သူ့ရဲ့ လက်ဝဲရံ တန်ခိုးအရာမှာ ထူးချွန်ဆုံးဖြစ်တဲ့ ရှင်မဟာမောဂ္ဂလာန်ကို တာဝန် ပေးခဲ့ပါတယ်။ ရှင်မဟာမောဂ္ဂလာန်က နဂါးဆိုးကြီးထက် (၂) ဆကြီးတဲ့ နဂါးကြီး တကောင်အဖြစ် ဖန်ဆင်းပြီး တောင်ကို ရစ်ပတ်ထားတဲ့ နဂါးဆိုးကြီးကို ထပ်မံရစ်ပတ် ဖိညှစ်ပြတော့ မှ နဂါးဆိုးကြီးလည်း မာန်စွယ်ကျိုးသွားခဲ့ပါတော့တယ်။
သည်နေ့ မြန်မာပြည်သူတွေရဲ့တိုက်ပွဲမှာလည်း မြတ်စွာဘုရားကျင့်သုံးခဲ့သလိုပဲ မေတ္တာတရားကို အခြေခံလို့ ရန်သူရဲ့ အခြေအနေ တုံ့ပြန် သဘောထားတွေ ကို သုံးသပ်ပြီး သင့်တော်တဲ့ နည်းဗျူဟာတွေ သုံးနိုင်ခြင်းဖြင့် အောင်ခြင်းကိုးပါး ဖြစ်စေချင်ပါတယ်။ ပြည်တွင်းပြည်ပ အားလုံးက သင့်တော်မယ့် နည်းလမ်းတွေနဲ့ ၀ိုင်းဝန်း တိုက်ပွဲဝင်လို့ မတရားမှုကို တရားမှုဖြင့် မုချ အနိုင်ယူနိုင်မှာပါ။
လေးစားအပ်ပါသော မြန်မာနိုင်ငံ၏ဒီမိုကရေစီရရှိရေးအတွက် လက်နက်ကိုင်၊ လက်နက်မဲ့ နည်းမျိုးစုံဖြင့် တိုက်ပွဲဝင်နေကြသည့် ပြည်တွင်းပြည်ပမှ အဖွဲ့အစည်းများ၊ ခေါင်းဆောင်များခင်ဗျား ......
မြန်မာနိုင်ငံ၏ ကောင်းကျိုးချမ်းသာကို လိုလားသော မြန်မာပြည်သူလူထု၏ ကိုယ်စား အညတရ မြန်မာ နိုင်ငံသားတစ်ဦးအနေဖြင့် အနည်းငယ်အကြံပြု ပြောကြားလိုပါသည်။ ယခုအချိန်တွင် မြန်မာနိုင်ငံ အတွင်းတွင် ဒီမိုကရေစီရရှိရေး၊ နိုင်ငံသားတိုင်း သာတူညီမျှ အခွင့်အရေးရရှိရေး၊ စစ်အစိုးရ၏ အုပ်ချုပ်ရေးဆုံးခန်းတိုင်စေရေးအတွက် နောက်ဆုံးနည်းလမ်းအဖြစ် လူထုတိုက်ပွဲအသွင်ဖြင့် လူထုနှင့် သံဃာ ပူးပေါင်းကာ စတင် တိုက်ပွဲဝင်နေကြပြီ ဖစ်ပါသည်။၊ ယခင့်ယခင် ကာလများဆီက လူထုတိုက်ပွဲ ဖြစ်မြောက်အောင် ပုံဖော်တော့မည်ဟု လွတ်မြောက်နယ်မြေရှိ NCUB, NLD(LA), FDB ကဲ့သို့သော ဦးဆောင်အဖွဲ့အစည်း များက တရားဝင် ကြေညာချက်များ ထုတ်ပြန်ခဲ့ကြသည်ကို ကြားသိ ဖတ်ရှုခဲ့ရပါ သည် ခင်ဗျား။
ထိုသို့ ကြေညာချက်များ၊ သတင်းထုတ်ပြန်ချက်များကို ဖတ်ရှုကြည့်ခဲ့ရာတွင် လူထုတိုက်ပွဲ ဖြစ်ပေါ်ဖို့ သည် ပြည်တွင်းက လူထုအပေါ်တွင် အဓိကမူတည်သည်ဟူသော အာဘော်မျိုးကို ဖတ်ရှုခဲ့ရပါ သည်။ ယခုအချိန်တွင် မြန်မာပြည်တွင်းကလူထုသည် သံဃာတော်များ၏ ဦးဆောင်မှုအောက်မှနေကာ လူထုတိုက်ပွဲ အသွင်မျိုးတိုက်ပွဲဝင်ခဲ့သည်မှာ ရက်သတ္တတစ်ပတ်မျှ ကြာမြင့်ခဲ့ပြီဖြစ်သည်ကို လူကြီးမင်း တို့ အသိပင်ဖြစ်ပါသည်။ ထိုအတောအတွင်း ကျဆုံးခဲ့ရသည့် ပြည်သူနှင့် သံဃာများစွာရှိနေသလို၊ လက်ရှိ အဖမ်းဆီးခံ၊ အနှိပ်စက်ခံနေရသည့် ပြည်သူလူထုနှင့် သံဃာများလည်း များစွာရှိနေပြီ ဖြစ်ပါသည်။
ထို့ကြောင့် ယခုအချိန်သည် ပြည်တွင်း၏အင်အားကိုသာမက ပြည်ပမှ လူကြီးမင်းတို့ကပါ ၀ိုင်းဝန်းပါဝင် လုပ်ဆောင်ကြရမည့်ကာလဟု ယူဆမိပါသည်။ ထို့အတွက်ကြောင့် လွတ်မြောက်နယ်မြေမှ အဖွဲ့အစည်း များ၊ ခေါင်းဆောင်များ၊ လက်နက်ကိုင်၊ လက်နက်မဲ့ တိုက်ပွဲဝင် နေကြသူများအနေနှင့် ပြည် တွင်းက လူထုကြီး၏ သတ္တိကို လေးစားသောအားဖြင့်လည်းကောင်း၊ အားပြုခြင်းအားဖြင့်လည်းကောင်း၊ ပြည်ပ လွတ်မြောက်နယ်မြေများမှနေ၍ နည်းလမ်းမျိုးစုံ အသုံးပြုကာ ပြည်တွင်းကို အထောက်အပံ့ပေးရန် အချိန်တန်ပြီဟု ယူဆမိပါသည်။ မြန်မာပြည်သူအားလုံး၏ ဘုံရန်သူ သာသနာဖျက် မင်းဆိုးမင်းယုတ် နအဖ စစ်အစိုးရအား ဘက်ပေါင်းစုံမှ ဖိအားပေးလုပ်ဆောင်သင့်ပြီဟုလည်း ထင်မှတ်မိပါသည်။
မြန်မာနိုင်ငံ၏ ဒီမိုကရေစီအရေးလှုပ်ရှားမှုတွင် ဦးစီးဦးဆောင် လုပ်ဆောင်နိုင်သူ အများစုမှာ နအဖမှ ဖမ်းဆီးထားသူများမှလွဲလျင် ပြည်ပတွင်သာ ရောက်ရှိနေကြပါသည်။ လူကြီးမင်းတို့အနေဖြင့် လူထု လိုက်ပါမှုကို တကူးတကစည်းရုံးစရာမလိုပဲ ယခုရရှိနေပြီဖြစ် သဖြင့် လွတ်မြောက်နယ်မြေ အသီးသီးမှ ယခု မြန်မာနိုင်ငံ၏ အခြေအနေနှင့်ကိုက်ညီသော နည်းဗျူဟာများချမှတ်ကာ စနစ်တကျ ဦးဆောင်မှု ပေးစေလိုပါသည်။ နိုင်ငံရေးဆိုသည်မှာ လူထုလိုက်ပါလာအောင် စနစ်တကျစည်းရုံးလုပ်ဆောင်နိုင်လျှင် အောင်ပွဲရသည်ချည်း ဖြစ် သည်ကို လူကြီးမင်းတို့ သိရှိပြီးဖြစ်ပါလိမ့်မည်။
လွတ်မြောက်နယ်မြေရှိ ခေါင်းဆောင်များက ဦးဆောင်မှုပေးလျှင် ပြည်တွင်းက ပြည်သူလူထုသည် လိုက်ပါဖို့ အဆင်သင့်ဖြစ်နေကြသည့် အနေအထားကို ရောက်ရှိမြင်တွေ့နေရပြီ ဖြစ်ပါသည်။ ထို့ကြောင့် လွတ်မြောက်နယ်မြေအသီးသီးရှိ ခေါင်းဆောင်များက ဦးဆောင်ဦးရွက်ပြုပြီး ခေါင်းဆောင်မှု လိုအပ် နေသည့် ပြည်တွင်းမှမြန်မာပြည်သူလူထုကို လမ်းညွှန်ပေးစေလိုပါသည်။
ခေါင်းဆောင်များအနေနှင့် ကြေညာချက်များထုတ်ပြန်ရုံ၊ သံရုံးများရှေ့တွင် ဆန္ဒပြ နေရုံမျှ နဲ့ကျေနပ်မနေကြစေလိုပဲ မြန်မာနိုင်ငံဒီမိုကရေစီရရှိရေး၊ ပြည်သူလူထုလိုလားသော ပြည်ထောင် စု စစ်စစ် တည်ထောင်ရေးကို ပြည်တွင်းမှ မြန်မာပြည်သူလူထုနှင့် ပူးပေါင်း လုပ်ဆောင် သင့်သည့်အချိန် ကျရောက်နေပြီ ဖြစ်ကြောင်း သတိထားမိစေလိုပါသည်။
၂၀၀၇၊ စက်တင်ဘာတိုက်ပွဲအတွင်း ကျဆုံးသွားခဲ့ရသော သံဃာတော်များနှင့် ပြည်သူလူထု အာဇာနည် များကို လေးစား အသိအမှတ်ပြုသောအားဖြင့်သော်လည်းကောင်း၊ ပေါ်ပေါက်လာသော နိုင်ငံရေး အခြေအနေ အခွင့်ကောင်းကို အမိအရ ဆုပ်ကိုင်သင့်သည်ကို သတိပြုစေချင်သောကြောင့်လည်းကောင်း၊ ဤအိတ်ဖွင့်ပေးစာကို ရေးသားရခြင်း ဖြစ်ပါတယ်။
အမိနိုင်ငံတော်အကျိုးကိုလိုလားသူ
ရွှေဘိုသား(အညတြပြည်သူတစ်ဦး)
(photo- UNIC)
