Feb 27, 2015

နှင်း အိပ်မက်




နှင်းကို ချစ်တဲ့အခါ.. မုန်တိုင်းဖြစ်ပါစေဦး.. ချစ်ချင်မဆုံးပါကွယ်..။
ကိုယ့်ရဲ့အိပ်မက်ရွာဆီမှာဖြင့် နှင်းငတ်လှချည်ရဲ့..။
နှင်းယောင်ယောင် မြူယောင်ယောင် ဖြူသယောင် အရိပ်ကလေးမျှပင် မသန်း.. လွမ်းစရာကောင်းလှချည့်..။
နှင်းဖြူထုတွေကြားကနေ တိတ်တဆိတ်ငေးကြည့်နေတာတောင် 
အဲဒီမှာ ... အသံတွေက ထောင်းထောင်း ထ။
ရိုးပြတ်မှာ ရွှေလ မသာတာ ကြာကြာလှပြီ.. တဲ့။ 
ကိုယ့်ဆီက ငွေညကို ရွှေ့ပေးဖို့ရာကလည်း လက်လှမ်းက မမီ။ 
သပြေရွက်တွေကြားမှာရော..  အပြုံးတွေလား… အမုန်းတွေလားဟင်..။
ပျံမလာချင်သေးပါဘူးကွယ်.. တောင်ပံတွေ နာနေဆဲရယ်..။
ရွှေချိုးဖြူ  ကူသံလား.. တေးမြုံငှက် သီသံလား.. ခိုဖြူ ခိုပြာငှက်ရဲ့ ညည်းချင်းလေလား..။ တိုးတိုးသဲ့သဲ့အကြား…
ဟော.. ဟိုးမှာ အုပ်ဖွဲ့ ပျံသန်းလာနေတာ .... ကိုယ့်မျက်ဝန်းထဲက နှင်းတွေ…။

၂၅ ဖေဖော်ဝါရီ ၂၀၁၅။

Feb 23, 2015

ကျမ နဲ့ မြန်မာစာ (၅)

ကျမ သတ်ပုံအမှားတွေအကြောင်းရေးတော့ ကျမသူငယ်ချင်း မြန်မာစာ ပါမောက္ခတစ်ယောက်က Comment မှာ ၀င်ရေးပါတယ်..။ စာရေးတဲ့သူတွေ မြန်မာစာသတ်ပုံကျမ်း ကြည့်သင့်တယ် ဆိုတဲ့အကြောင်း..။ ဒီနေရာမှာ ပြောရတော့မှာကတော့ ဘာဖြစ်လို့ မြန်မာစာ သတ်ပုံကျမ်း မကြည့်ကြသလဲဆိုတဲ့ မေးခွန်းရဲ့ အဖြေပါပဲ။ အများစုက သတ်ပုံကျမ်းရော အဘိဓာန်ရောကို မကြည့်ကြတာဟာ မထောက်မညှာပြောရရင် မကြည့်တတ်ကြ လို့ပါပဲ။ ဒါကလည်း ပြောရရင် အချိန်ပေး မလေ့လာကြတဲ့ ကိစ္စလို့ပဲ ပြောချင်ပါတယ်။

မြန်မာစာရဲ့ စာလုံးဖွဲ့စည်းပုံက အင်္ဂလိပ်စာလို Flat Form မဟုတ်ဘဲ Mixed Form လို့ ပြောရမယ် ထင်ပါ တယ်။ အင်္ဂလိပ်စာလုံးဖွဲ့စည်းပုံက Consonant + Vowels ဆိုတော့ ရှင်းပါတယ်။ A to Z .. Consonant တွေကို A,E,I,O,U ..Vowel တွေနဲ့ ပေါင်းလိုက်တာမို့ အဘိဓာန်မှာ Consonant အစဉ်အတိုင်း ကြည့်ရုံပါပဲ။ မြန်မာစာ မှာကတော့ စာလုံးပေါင်းဖွဲ့စည်းပုံကိုက အခြေခံအဆင့် ၄ဆင့်ရှိနေတာပါ။ ‘က’ ကနေ ‘အ’ အထိ ဗျည်းတွေကို အခြေခံသရ (အ၊ အိ၊ အု၊ အေ၊ အဲ၊ အော၊ အံ၊ အို) နဲ့ တွဲတာက ပထမအဆင့်။ နောက် ဒုတိယ အဆင့်က အသတ် တွေနဲ့ တွဲ။ အသတ်အစဉ်လိုက်ထဲမှာကို သရစဉ်အတိုင်းလိုက်ပြီး အသတ်ထပ်ခွဲ တာတွေ ရှိပြန်။ အဲဒီ အသတ်ဆင့် ပြီးပြန်တော့ တခါ ဗျည်းတွဲဆင့် -ျ ။ြ-  ။  -ွ ။  -ှ ။ -ျွ ။ြ-ွ ။ -ျှ ။ြ-ှ ။ -ွှ  ဆိုတာတွေကလည်း အဆင့်ဆင့်.. အဲဒီ ဗျည်းတွဲတွေကိုမှ တခါ ဗျည်းတွဲသရ နဲ့ ဗျည်းတွဲ အသတ်တွေ ထပ်ခွဲသေးတာဆိုတော့ အဲဒီ အက္ခရာအစဉ်ကိုသာ မကျေညက်ရင် အဘိဓာန် နဲ့ သတ်ပုံကျမ်း တခါ လှန်ဖို့အရေးက အတော်ကို အချိန် ယူ တော့တာပါ။ တက္ကသိုလ် ပထမနှစ် ပင်ရင်းမြန်မာစာ သင်ရိုးမှာ အက္ခရာစဉ် ပါပါတယ်။

အင်မတန် ကျွမ်းပါတယ်ဆိုတဲ့ ကျမတောင် အဲဒီအစဉ်အတိုင်း စာလုံးရှာဖို့ အချိန်ယူရသေးရင် အဲဒီအစဉ်ကို မကျေညက်ဘဲ ဗျည်းစဉ်ပဲ သိပြီး ရှာရတဲ့သူတွေအဖို့တော့ ပိုဆိုးတော့တာပဲ။ ဒါနဲ့ပဲ တော်ရုံဆို မကြည့်တော့ ဘဲ မှားလည်း မှားမှားပဲလို့ သဘောထားလိုက်ကြတာပါ။ တကယ်တော့ အဲလို သဘောထားတာကိုက Professional မဆန်တာလို့ ပြောရမလားပါပဲ။ (Professional ကို ဗမာလို အကောင်းဆုံးဘာသာပြန်စကားလုံး ရှိရင်လည်း ပြောပြကြပါဦး) ကျမ ဆရာမဖြစ်ခါစကဆို အဲဒီအက္ခရာစဉ်ကို ခေါင်းရှုပ်လွန်းလို့ (သိပ်မကျွမ်း သေးတာလည်း ပါပါတယ်) သူငယ်ချင်းဆရာမက ကျမအစား အတန်း ၀င်ယူပေးရတာမျိုးတောင် ရှိခဲ့ဖူးပါတယ်။ ဒါပေမဲ့ ကိုယ့်ပညာရပ်အတွက် ကိုယ့်အလုပ်အတွက် Professional ဖြစ်ဖို့ မရ အရ ကြိုးစားရမှာပါပဲ။ အချိန်ပေး၊ အာရုံပေးလိုက်ဖို့ပါပဲ။ အဲဒီအတွက် နာရီပိုင်း .. ရက်ပိုင်းပဲ ကြာပါတယ်။

+++++


နောက်ထပ်အရေးကြီးတာတစ်ခုကတော့ ကိုယ် ပြောချင်တဲ့ အကြောင်းအရာကို ရေးထားတာ တကယ် နားလည်လွယ်ရဲ့လား ဆိုတာကို ပြန်စစ်ကြဖို့ပါ။ အထူးသဖြင့် ဘာသာပြန် သတင်းတွေပါ။ ကျမ အကြံပေးချင်တာက တော့ စကားလုံးကောင်းကောင်းတွေ အဆင့်မြင့်မြင့်တွေ သုံးဖို့ ကြိုးစားတာထက် အရှင်းဆုံးတွေးပြီး အရှင်းဆုံး ရေးတာကသာ အကောင်းဆုံး မြန်မာစာ ဖြစ်တယ် ဆိုတာ ပါပဲ။ ဘာဖြစ်လို့လဲဆိုတော့ ကိုယ်ရေးတာ က သတင်း ဖြစ်နေလို့ပါ။ ရသစာ မဟုတ်ပါဘူး။ ပြီးတော့ ၀ါကျရှည် တွေ သုံးတာကို အတတ်နိုင်ဆုံး ရှောင်ကြ စေချင်တာပါ။


ရေဒီယိုသတင်းတွေမှာ စာပိုဒ် တစ်ပိုဒ်လုံး ၀ါကျတစ်ကြောင်းတည်း ပြောသွားတာမျိုးတွေ အများကြီး တွေ့နေ ရ ပါတယ်။ အဲဒီအပြင် အဆက်ပစ္စည်းစကားလုံးတွေ နဲ့ ပုဒ်တွေကို မှန်မှန်ကန်ကန် မသုံးနိုင်တာပါ။

ဥပမာ စာပိုဒ်တစ်ပိုဒ်ကို ပြချင်ပါတယ်။
ကိုးကန့်ခေါင်းဆောင် ဦးဖုန်ကြားရှင် ဦးဆောင်တဲ့ မြန်မာအမျိုးသား ဒီမိုကရက်တစ် မဟာမိတ် တပ်မတော် ကတော့ ကိုးကန့်ဟာ တိုင်းရင်းသား မျိုးနွယ်စု ၁၃၅ မျိုးမှာ ပါဝင်နေတာ ကြောင့် တိုင်းရင်းသား တန်းတူအခွင့်အရေး ပေးပြီး တိုင်းရင်းသား ရင်ကြားစေ့ရေးကို သော့ချက် အဖြစ် အသုံးပြု ကာ ငြိမ်းချမ်းရေး တံခါးဖွင့်ပါဆိုပြီး သမ္မတ ဦးသိန်းစိန် ကို အိတ်ဖွင့်ပေးစာ ကို ဖေဖော်ဝါရီလ ၁၆ ရက် နေ့က ပေးပို့ခဲ့ပါတယ်။
အဲဒီသတင်းမှာဆိုရင်… အကြောင်းအရာက တဆက်တစပ်တည်းမို့ ၀ါကျ မခွဲနိုင်ဘူးဆိုရင်တောင် အနည်းဆုံး ၀ါကျခွဲ နှစ်ကြောင်းလောက်တော့ ခွဲသင့်ပါတယ်။ ကျမ ပြန်ရေးထားတာမှာ လေ့လာနိုင်ပါတယ်။
ကိုးကန့်ခေါင်းဆောင် ဦးဖုန်ကြားရှင် ဦးဆောင်တဲ့ မြန်မာအမျိုးသား ဒီမိုကရက်တစ် မဟာမိတ် တပ်မတော် ကတော့ ကိုးကန့်ဟာ တိုင်းရင်းသား မျိုးနွယ်စု ၁၃၅ မျိုးမှာ ပါဝင်နေတာ ကြောင့် တိုင်းရင်းသား တန်းတူအခွင့်အရေး ပေးသင့်ကြောင်း နဲ့ တိုင်းရင်းသား ရင်ကြားစေ့ရေးကို သော့ချက် အဖြစ် အသုံးပြုကာ ငြိမ်းချမ်းရေး တံခါးဖွင့်သင့်ကြောင်း တို့ကို သမ္မတ ဦးသိန်းစိန် ထံ အိတ်ဖွင့်ပေးစာ အဖြစ် ဖေဖော်ဝါရီလ ၁၆ ရက် နေ့က ပေးပို့ခဲ့ပါတယ်။
ကာ- အသုံးကို တချိန်တည်းပြိုင်တူလုပ်နေတဲ့အမူအရာ နှစ်ခုအတွက်သုံးရပါတယ်။
ကော်ဖီသောက်ကာ တယ်လီဖုန်းပြောနေတယ်။ (ရင်း- နဲ့ တူတူပါပဲ)
ကို - ကတော့ Object Marker ပါ။ ဦးတည် တဲ့ သဘော (To ) နဲ့ သုံးမယ်ဆိုရင် ဆီကို-ထံကို လို့ သုံးရမှာပါ။ ဒါဆိုရင် ‘ကို’နှစ်ခါ ထပ်တဲ့ စကားမပြေပြစ်မှုမျိုးလည်း မဖြစ်တော့ဘူးပေါ့။
အချိန်လုပြီး လုပ်ရတဲ့ ရေဒီယို သတင်းထောက်တွေ အတွက်ကတော့ အလွယ်ဆုံး စကားပြေ နဲ့ အတိုဆုံးဝါကျတွေ ရေးသင့်တယ်ဆိုတာကို မြင်စေချင်လို့ပါပဲ။

+++++

နောက်ထပ် ခဏခဏ ဆင်တူယိုးမှားမို့ မှားနေကြတဲ့အပြင် အဓိပ္ပါယ်ကိုပါ လုံးလုံးလွဲသွားစေတဲ့ စကားသုံး တချို့ကို ထောက်ပြချင်ပါသေးတယ်။ (ကျမ ခဏခဏ ပြောဖူးပြီးသားတွေလည်း ဖြစ်ပါတယ်)။

အပြောင်းအလွဲ - အပြောင်းအလဲ (အမှန်)
(ပြောင်းလဲ တာနဲ့ လွဲချော် တာဟာ တော်တော် ကွဲတဲ့ အဓိပ္ပါယ်ပါ)

နိုင်ငံရေးအကျဉ်းသမား - နိုင်ငံရေးအကျဉ်းသား
(သမား- ဆိုတာက ကျွမ်းကျင်သူလို့ အဓိပ္ပါယ်ရပါတယ်)

မှတ်ချက်ချ - ကောက်ချက်ချ
ဥပမာ - IS စစ်သွေးကြွတွေရဲ့ လုပ်ရပ်ဟာ ရက်စက်ကြမ်းကြုတ်တယ်လို့ သမ္မတအိုဘားမားက မှတ်ချက်ချ ပြောဆိုပါတယ်။
-       အသေးစားလုပ်ငန်းတွေ တိုးတက်လာတဲ့အခြေအနေတွေကြောင့် ၂၀၁၅ နောက်ပိုင်းမှာ အမေရိကန်စီးပွားရေး ပြန်ပြီး ဦးမော့လာမယ်လို့ စီးပွားရေးသုတေသီတွေက ကောက်ချက်ချ ပါတယ်။
(Remark နဲ့ Conclude နဲ့ တော်တော်ကွာပါတယ်နော်)

မှတ်တမ်းတင် - စံချိန်တင်
အကြောင်းအရာ တစ်ခုခုကို မှတ်တမ်းတင်တာနဲ့ နှုန်းထားတစ်ခုခု စံချိန်ချိုးတာ။
ဥပမာ- ၈လေးလုံးလှုပ်ရှားမှုကြီးဟာ သမိုင်းမှတ်တမ်းတင်စရာဖြစ်ပါတယ်။
-       ဒီနှစ် ဆောင်းရာသီမှာ နှင်းကျတာ စံချိန်တင်ပါတယ်။

အကျင့်ပျက်ချစား - အကျင့်ပျက်ခြစား (အမှန်)
ခြကောင်တွေစားသလို တတိတိ လျော့ပါးသွားတဲ့အဓိပ္ပါယ်နဲ့ သုံးတာပါ။

ဂတိပေး - ကတိပေး (အမှန်)
ကတိက၀တ်က လာတာမို့ ကတိ က အမှန်ပါ။ ဂတိဆိုတာက ပါဠိက လာတာ ဖြစ်ပြီး လားရာဆိုတဲ့ အဓိပ္ပါယ်ပါ။
-       ပညာရေးဥပဒေသစ် ပြင်ဆင်ရေးဆွဲရေးကိစ္စကို အစိုးရဘက်က နှုတ်ကတိပေးရုံလောက်ပဲ ရှိသေးတယ်လို့ ပြောနိုင်ပါတယ်။

စားရိတ်စက - စရိတ်စက (အမှန်)
မြန်မာနိုင်ငံမှာ ၀န်ထမ်းတွေ လုပ်ခ နည်းသလောက် ကုန်ကျစရိတ် ၊ နေထိုင်စရိတ် စတဲ့ စရိတ်စက တွေက ကြီးမြင့်လှပါတယ်။

ကျစ်ကျစ်လစ်လစ် - ကျစ်ကျစ်လျစ်လျစ် (အမှန်)
လစ် - က အလစ်အငိုက် ၊ လစ်လပ် စတဲ့ အဓိပ္ပါယ်တွေ ရှိပါတယ်။

အများဆုံးမှားကြတဲ့ ပျောက်ကြား - ပြောက်ကျား(အမှန်)
အကွက်ပြောက်ပြောက်ပုံစံနဲ့ ကျားတက် တက် ထိုးစစ်ဆင်လို့ ပြောက်ကျား လို့ပေါင်းတာပါ။

လျှော့ကျ ၊ လျော့ချ - လျှော့ချ ၊ လျော့ကျ (အမှန်)

တကယ်တော့ စည်းကမ်းနဲ့ မှတ်လို့ မရတဲ့ သဒ္ဒါအထားအသိုတွေလည်း မြန်မာစာမှာ ရှိတော့ ရှိသားပါ။
ဥပမာ - အကြီးဆုံးသား၊ အငယ်ဆုံးညီမ  လို့ ပြောသလို သားအကြီးဆုံး ၊ ညီမ အငယ်ဆုံး လို့လည်း ပြောနိုင် ပါတယ်။ ဒါပေမဲ့ အချစ်ဆုံးသူငယ်ချင်း နဲ့ သူငယ်ချင်းအချစ်ဆုံးကျတော့ လှည့်ပြောလို့ မရပြန်ပါဘူး။ အဲလိုပဲ အလှဆုံးမြို့ ၊ အကောင်းဆုံးစာအုပ်.. ဒါတွေကိုလည်း လှည့်လို့ မရပါဘူး။ Superlative စကားလုံးတွေကို နာမ်/နာမ်စားတွေနဲ့ အတူတွဲသုံးရတယ်ဆိုတဲ့ Structure ဖြစ်ပါတယ်။

ဒါပေမဲ့ မနေ့ကတော့ ဂီတဆုပေးပွဲတစ်ခုမှာ ဆုပြားပေါ်မှာရေးထားတဲ့ အမှားတစ်ခု ကို တွေ့လိုက်ရပါတယ်။
နှစ်ပေါင်းများစွာ အောင်မြင်မှုကို အထိန်းသိမ်းနိုင်သော လူငယ်ဂီတသမားဆု.. တဲ့။
အထိမ်းသိမ်းနိုင်ဆုံး.. ဆိုတာနဲ့ ထိန်းသိမ်းနိုင်သော ကို ဘယ်လို လွဲမိသွားတယ် မသိပါဘူး။ အဲဒီအမှားကတော့ ဆုပြားပေါ်မှာကို ရေးထိုးထားတာမို့ မှတ်တမ်းဝင်အမှား ဖြစ်သွားရှာပါပြီ။

(အမှားတွေ ထပ်တွေ့တဲ့အခါ အလျဉ်းသင့်သလို ရေးသွားပါဦးမယ်ရှင်)

(စာကြွင်း- သူငယ်ချင်းတစ်ယောက်က ကျမကို ပြောပါတယ်။ မြန်မာသဒ္ဒါကို ရှင်းတာ အခေါ်အဝေါ်တွေ ကို ပြဋ္ဌာန်းစာအုပ်ထဲကအတိုင်း သုံးသင့်ပါတယ်.. တဲ့။ သူပြောချင်တာက သမ္ဗန္ဓ တို့ ကတ္တားပုဒ် ကံပုဒ် တို့၊ သုဒ္ဒကြိယာ ၊ ကာရိုက်ကြိယာ.. စသဖြင့်။ ကျမက ပြန်ပြောလိုက်ပါတယ်။ အဲဒီ စကားလုံးတွေကြောင့် မြန်မာသဒ္ဒါကို တော်ရုံနဲ့ ကြောက်ကုန် ကြ တာ.. ပျင်းကုန်ကြတာ ထင်တယ်လို့။ ဒါကြောင့် လူအများစု အလွယ်တကူ သိပြီးသား အဆက်ပစ္စည်းစကားလုံး.. Subject, Object, Active, Passive လို့ သုံးတာလို့ ပြန်ပြော လိုက်ပါတယ်)

ကျမ နဲ့ မြန်မာစာ (၄)

မနေ့ကပဲ Active, Passive မကွဲကြတဲ့အကြောင်း ပြောနေတုန်း.. ဒီနေ့ ပြည်တွင်း မီဒီယာတစ်ခုရဲ့ ရုပ်သံ သတင်းမှာ ဂမုန်းပွင့် ကုန်တိုက်အကြောင်း ပြောရင်း မီးငြိမ်းသတ်တယ်လို့ သုံးသွားတာ တွေ့ပါ တယ်။ ခေါင်းစဉ် မှာကို “ဂမုန်းပွင့်မီး ဘာ့ကြောင့် လောင်တာလဲ၊ ဘယ်လိုငြိမ်းသတ်ခဲ့ရလဲ”  လို့ ရေးထားပါတယ်။
ဒီနေရာ မှာ ငြှိမ်း လို့ ငြိမ်းတယ်.. ဆိုတဲ့ အခြေခံကို သိမှပဲ အမှန်ကို ရေးနိုင်မှာပါ။ မီးဖိုကမီး ကို ငြိမ်းအောင် ငြှိမ်းနော်.. ဆိုတာမျိုး ကွဲရပါမယ်။

ဟထိုးသံ ဆိုရင် များသောအားဖြင့် Active Voice လို့ ပြောရအောင်ကလည်း အကုန်လုံး အဲလိုတော့လည်း မဟုတ်ပြန်ပါဘူး။

တကယ်တော့ မြန်မာစာမှာ ဇဝေဇ၀ါ ဖြစ်စရာ ‘ရေးတော့အမှန် ဖတ်တော့ အသံ’ ဆိုတာတွေကလည်း အများ သား ပါ။
ဥပမာ- လေး နဲ့ မြား က မြား မှာ အသံက ဟထိုးသံနဲ့ ဖတ်ပေမဲ့ ရေးတော့ ဟထိုးမပါပါဘူး။
အဲလိုပဲ ငါးမျှား တာကျတော့  -ျှ နဲ့ ပေါင်းတာပါ။ တကယ်လို့ မြှား လို့ပေါင်းရင်ရော အဓိပ္ပါယ်ပြောင်းလား ဆိုတော့လည်း မပြောင်းပါဘူး။
ဒါကြောင့် ကျမကတော့ သတ်ပုံအမှားလို့ ပြောတဲ့အခါ အဓိပ္ပါယ် ထိခိုက်တဲ့ သတ်ပုံအမှားကို ပို ဂရုစိုက်ပြောဖြစ်ပါတယ်။ (လူတိုင်းတော့ ကျမ နဲ့ တသဘောတည်း မရှိနိုင်ပါဘူး။)

ဥပမာ- တစ်ယောက်တည်း-- ကို တစ်ယောက်ထဲ လို့ရေးရင် ထဲ .. က အတွင်း၊ အထဲဆိုတဲ့ အဓိပ္ပါယ် ရှိနေပါ တယ်။ ဒါပေမဲ့ လုံးလုံးကြီးတော့ အဓိပ္ပါယ်မှားမသွား.. ပြောင်းမသွားပါဘူး..။

တနေ့က အစ်မတစ်ယောက်ပြောသလို.. ခုနောက်ပိုင်း စာလုံးပေါင်းတွေ ပြောင်းတာမှာ..
အမဲရောင် - အမည်းရောင်
အသဲနှလုံး - အသည်းနှလုံး
မိုး သဲသဲမဲမဲ - သည်းသည်းမည်းမည်း
လို့ ပြောင်းသွားတာမျိုးတွေက ကျမအတွက်တော့ သိပ်အရေးကြီးတဲ့ အပြောင်းလို့ မထင်ပါဘူး။

ဒါပေမဲ့ အသတ်ပြောင်းသွားတာနဲ့ ယပင့်-ရရစ် ပြောင်းသွားတာနဲ့ အဓိပ္ပါယ်ပြောင်းသွားရင်တော့ အတော် ဂရုစိုက်ရပါမယ်။
ထိန်းသိမ်း ကို ထိန်းသိန်း လို့ ရေးရင် ထိန်းကျောင်းတာနဲ့ သိမ်းဆည်းတာ ပေါင်းတဲ့အဓိပ္ပါယ်က ပျက်သွားမှာ ပါ။
အဲလိုပဲ လက်ထပ် ထိမ်းမြား ကို ထိန်းမြား လို့ ရေးတာမျိုး ထိမ်းများ လို့ရေးတာမျိုးတွေ ဖြစ်လာရင်လည်း အတော် ရုပ်ဆိုး မှာပါ။

+++++

မနေ့က အစပျိုးခဲ့တဲ့ ဂဏန်းအရေအတွက် ရေးနေကြပုံဘက် လှည့်ချင်ပါတယ်။
မီဒီယာလောကမှာ အသုံးတပြေးညီ (Consistency) မရှိဆုံးက အရေအတွက်ဆိုင်ရာ ရေးပုံပဲလို့ ထင်ပါတယ်။
တခါက အစိုးရသတင်းစာထဲက သတင်းတစ်ပုဒ်မှာ ရင်းနှီးမြှုပ်နှံမှုနဲ့ ပတ်သက်ပြီးပြောထားတဲ့ ကိန်းဂဏန်း တစ်ခု က တစ်နေရာမှာ သန်းပေါင်း ၁၀၀၀ ကျော် လို့ ရေးပြီး၊ အောက်မှာ ဒီအချက်ကိုပဲ တိတိကျကျ ပြန်ရှင်း တာမှာတော့ ရင်းနှီးမြှုပ်နှံမှု စုစုပေါင်း မှာ သန်းပေါင်း ၁၄၈၆ သန်းဖြစ်သည်.. တဲ့။

အဲဒီမှာ ကျမ ကျောင်းသား တွေ နဲ့ ကျမ ချာလပတ် ရမ်းတော့တာ ပါပဲ။
သန်းပေါင်း ၁၀၀၀ ကျော် ဆိုတဲ့အထိက ပြဿနာ မကြီးသေး။ အတိအကျ သန်းပေါင်း ၁၄၈၆ သန်း ဆိုတော့မှ ကျောင်းသားက မေးတော့တာ Thousands of Millions လား.. 1486 Millions of Millions လား တဲ့။ ကျမက 1486 Millions ဖြစ်မယ်ဆိုတော့ ကျောင်းသားက ဒါဆို ဘာဖြစ် လို့ ရှေ့မှာ သန်းပေါင်း လို့ပါရမလဲ.. စုစုပေါင်းဆိုတာလည်းပါတော့ 1486 Millions of Millions ပေါ့ တဲ့။ ဒါပေမဲ့ အဲဒါတော့လည်း မဖြစ်နိုင်ဘူးလို့ သူက ခေါင်းတရမ်းရမ်း နဲ့ ပြောပါတယ်။

ဒီနေရာမှာ ကျမ ဖြစ်စေချင်တာက Media Guide ပဲ ဖြစ်ဖြစ်.. သတင်းသုံးမြန်မာစာ အနေနဲ့ စံ တခုခု ပဲ ဖြစ်ဖြစ် ရှိဖို့ လိုလာတာပါ။

၁၀ ထောင် ၊ ၁၀ သောင်း လို့ မသုံးဘဲ ဘာလို့ ၁၀ သိန်းလို့ သုံးလဲ..။
ဘာလို့ ၁ သန်းလို့ မသုံးလဲ..။
သိန်း ၁၀၀ လို့ မသုံးဘဲ ၁၀ သန်းလို့ သုံးရင် မရဘူးလား။
သန်းတစ်ထောင် ဆိုရင် သန်း ၁၀၀၀ ဆိုတာထက် ပို မရှင်းဘူးလား။
သန်းတစ်သောင်းလို့ မသုံးချင်ရင် ဘယ်လို သုံးမလဲ..။
ကျနော်တို့ဆီမှာ ဘီလီယံ၊ ထရီလီယံ သုံးသလို မြန်မာမှာလည်း ကုဋေ ကုဋာ ရှိတာပဲ.. ဘာလို့ မသုံးသလဲ..။
အဲဒါက ကျောင်းသားတွေဆီက တက်လာတဲ့ မေးခွန်းတွေပါပဲ။
ကျမမှာ အဖြေ မရှိခဲ့ပါ။ အဆင်ပြေသလို သုံး တယ် ဆိုတာကလည်း အဖြေကောင်းတော့ မဟုတ်ပါ။ ဒါပေမဲ့ ဘယ်လို သုံးသုံး ညီတူအသုံး ရှိစေချင်တာပဲ ဖြစ်ပါတယ်။

++++++

ဒီနေ့တော့ ကျမကို အလဲထိုးလိုက်တဲ့ ပြည်တွင်းဂျာနယ်တစ်စောင်ရဲ့ သတင်းခေါင်းစဉ်တစ်ခု Facebook မှာ တက်လာပါတယ်..။ ပြန်ရေးပြရမှာတောင် ရှက်မိပါရဲ့.. ခေါင်းစဉ်က..
“ တောင်တွင်းကြီးမြို့မှ ကျောင်းသူတစ်ဦး၏ မျိုးစေ့ ၃၂ မျိုးဖြင့် ပြုလုပ်ထားသည့် ဗိုလ်ချုပ်အောင်ဆန်း နှစ် ၁၀၀ ပြည့် ပန်းချီကားကြီးအား ရည်ညွှန်းချက် များဖြင့်ပြသ”
ကျမ ဘယ်လို နားလည်ရမှန်းမသိတဲ့ ခေါင်းစဉ်ဖြစ်တဲ့အပြင် သဒ္ဒါအထားအသို တော်တော်ကို ဆိုးဆိုးဝါးဝါး မှားနေတာပါ။ ဖြစ်သင့်တာက
“တောင်တွင်းကြီးမြို့က ကျောင်းသူတစ်ဦး  ဗိုလ်ချုပ်အောင်ဆန်း နှစ် ၁၀၀ ပြည့်ပန်းချီကားကို မျိုးစေ့ ၃၂မျိုးဖြင့် ဖန်တီးပြသ”
ခေါင်းစဉ်တွေမှာ မလိုအပ်တဲ့ စကားလုံးအပိုတွေ ဖြုတ်နိုင်ပါတယ်။
ဘယ်လို ဖြုတ်ရမလဲဆိုတော့ ကိုယ်ဖြုတ် လိုက်တဲ့ စာသား၊ စကားလုံးမပါဘဲ အဓိပ္ပါယ်ပြည့်စုံ တဲ့ ခေါင်းစဉ်ဖြစ်တယ် ဆိုရင် ဖြုတ်လို့ရတယ်လို့ပဲ လူပြိန်း ပြော ပြောပါ ရစေ..။
ခေါင်းစဉ်ဆိုကတည်းက ကျစ်လျစ်တိကျတဲ့ ဂုဏ်ရှိရမှာမို့ တိုလေ.. ရှင်းလေ.. ကောင်းလေ..ပါပဲ။
ဒါပေမဲ့ ခေါင်းစဉ်အရေးအသားမှာ စာလုံး အစု အခွဲ (Space ) ကတော့ သိပ်အရေးကြီးပါတယ်။

ဒီနေ့ သတင်းဌာနတစ်ခုရဲ့ ခေါင်းကြီးသတင်းမှာ Space နေရာမှားတာကြောင့် ထောင့်ထောင့်ကြီး စိတ်ထဲဝင်သွားပါတယ်။ ခေါင်းစဉ်ကို မြင်ရတာက ဒီလိုပုံစံနဲ့ပါ။
“လောက်ကိုင်တိုက်ပွဲဒေသ
ခံထောင်နဲ့ချီ ပိတ်မိနေဆဲ”

ဒီနေရာမှာ ကျမက စာလုံး အစုအခွဲ အရေးကြီးတာကို သိစေချင်တာပါ။
ဒါကြောင့် ကျမ ငယ်ငယ် မူလတန်းတုန်းက မြန်မာစာဆရာကြီးတစ်ယောက်က Space ရဲ့ အရေးကြီးပုံကို ခုလို ဥပမာပေးပြီး ပြောပြဖူးပါတယ်။ ဆရာက စာတစ်ကြောင်းကို ဖတ်ခိုင်းတာပါ။ တတန်းလုံး အမှန် မဖတ်နိုင်ခဲ့ကြ ပါဘူး။ အဲဒီစာကြောင်းက..
အလည်းအနားလည်းမကြား …
(တိုင်းရေးပြည်ရေးပူရတဲ့အထဲ ကျမရဲ့ မြန်မာစာအပူက ၀င်နှောက်တယ် မထင်ပါနဲ့ရှင်။ ကျမလည်း နေ့တိုင်း ကျောင်းသားတွေကို ရင်ဆိုင်ရင်း ရလာတဲ့ အတွေးတွေကို တေးတေး ထားရင်း ပူတုန်းနွေးတုန်း.. အချိန်ရတုန်းလေး ကောက်ကောက် ရေးတဲ့ သဘောပါ။နေ့တိုင်းလည်း ရေးချင်မှ ရေးနိုင်မှာပါ။
နောက်တစ်ပိုင်းမှာတော့ အတွေး မရှင်းလို့ အရေးမရှင်း တဲ့ စာပိုဒ်တွေအကြောင်း ဥပမာတွေနဲ့တကွ ပြောပါဦးမယ်..။ ရေဒီယိုသတင်းမှာ Subject နဲ့ Verb အဝေးကြီး ဖြစ်နေတာတွေ နဲ့ လိုအပ်တဲ့နေရာမှာ Subject, Object တွေ ဖြုတ် ထားခဲ့လို့ နားလည်ရခက်သွားရတာတွေကို ပြောမှာပါ)

Feb 19, 2015

ကျမ နဲ့ မြန်မာစာ (၃)

အများစုကြီး ဖောဖောသီသီ မှားနေကြတဲ့ ..
တုံ့ပြန် ကို တုန့်ပြန် လို့ ရေးတာ..။ ထမင်းစားနေတုန်း ကို ထမင်းစားနေတုံး လို့ရေးတာ..မောပန်း ကို မောပမ်း လို့ရေးတာ.. ပင်ပန်းကို ပင်ပမ်း လို့ရေးတာ.. ရုပ်သိမ်း ကို ရုတ်သိမ်း လို့ ရေးတာ.. လမ်းပန်းအဆက်အသွယ် ကို လမ်းပမ်းလို့ရေးတာတွေကတော့ ထင်ယောင် ထင်မှား ဖြစ်စရာမို့လို့ရော.. သိသိသာသာ ရုပ်ဆိုးတဲ့ အဓိပ္ပါယ်မှားလည်း မဖြစ်စေတာမို့ ပြောမနေ ချင်တော့ပါ။ ဒါပေမဲ့ အပြစ် တင်တယ်.. အပြစ်ဖို့တယ် ဆိုတာတွေကတော့ အပစ်.. ရယ်လို့ မဖြစ်ဖို့ သိပ်ကို အရေးကြီးပါ တယ်။ အပြစ်တင် တာနဲ့ အပစ်အခတ်..၊ အမှိုက်ပစ် ဆိုတဲ့ အခြေခံ ပေါင်းထုံးလောက်ကိုတော့ သတိ ထားသင့် ပါတယ်။

ဒီနေ့ ပြည်ပမီဒီယာ တစ်ခု ရဲ့ Website မှာ ခုလို တွေ့ရလို့ပါ။
"၂၀၁၄ ခုနှစ်အတွင်း အရပ်သားသေဆုံးမှု ၇၂ ရာခိုင်နှုန်းအတွက် တာလီဘန်နဲ့ အခြား စစ်သွေးကြွ တွေကို အစီရင်ခံစာက အပစ်ဖို့ထားပြီး ၁၄ ရာခိုင်နှုန်းကတော့ အာဖဂန်နဲ့ နိုင်ငံတကာတပ်ဖွဲ့ တွေ ကြောင့် ဖြစ်ပါတယ်။"
အဲဒီသတင်းဌာနမှာပါပဲ …
"အခုအချိန်ဟာ နိုင်ငံအနေနဲ့ အခွင့်အလန်း တွေကို အမိအရ ဆုပ်ကိုင်နိုင်ဖို့ လိုအပ်တဲ့ အချိန် ဖြစ် ကြောင်း ကာကွယ်ရေးဝန်ကြီးဌာနက ထုတ်ပြန်တဲ့ မစ္စတာ Carter ရဲ့ အမှာစကားမှာ ပါရှိတယ်လို့ ကာကွယ်ရေးဝန်ကြီး အဆင့်မြင့်ဌာန အရာရှိတဦးက ပြောပါတယ်။"
အမြဲတစေ စာရေးနေရတဲ့ သူတွေအတွက်တော့ အခွင့်အလမ်း ကို အခွင့်အလန်း နဲ့ တော်တော် မမှား သင့်ပါ ဘူး။ အဲဒီစကားလုံးကို ခဏခဏ မေ့တတ်ရင် သေချာ မှတ်ရမှာပါပဲ။ ဘာဖြစ်လို့လဲဆိုတော့ ကိုယ် ထမင်းစား နေရတဲ့ အလုပ်ဖြစ်တဲ့အပြင် သတင်းဌာနကြီး ဖြစ်တဲ့အတွက် စံမြန်မာစာဖြစ်ဖို့ ဂရုစိုက်ရမှာမို့လို့ပါပဲ။

နောက်ထပ် အများစုမှားကြတာကတော့ အခမ်းအနား ကို အခန်းအနား လို့ရေးကြတာပါ။ အဓိပ္ပါယ် လုံးလုံး မှားပါတယ်။ ပွဲလမ်းသဘင်အခမ်းအနား ဆိုတဲ့ အဓိပ္ပါယ် နဲ့ အခန်းတစ်ခုရဲ့ အနီးအနားဆိုတဲ့ အဓိပ္ပါယ် နှစ်ခု တော်တော် လွဲပါတယ်။

အဲဒီအပြင် ဖွံ့ဖြိုးကို ရေးတာရော ဖတ်တာပါ ဖွင့်ဖြိုး လို့ ရေးနေကြတာ..၊ လိုချင်တယ်.. ရချင်တယ်.. စားချင်တယ် ဆိုတဲ့ ချင်.. ကို ခြင် နဲ့ရေးနေကြတာတွေက တော်တော်  ပစ္စလက္ခတ် နိုင်ပါတယ်။ ခြင် ကို ကျမတို့က ခြင်ကိုက်တယ်.. ခြင်ထောင် ဆိုတာတွေကလွဲလို့ တခြားနေရာမှ မသုံးတာပဲ။ ဒါလောက်တော့ သိသင့်တယ် ထင်တာပါပဲ။

နောက်ထပ် မြိုင်မြိုင်ဆိုင်ဆိုင်ကြီးမှားကြတာက ကြေညာ နဲ့ ကြော်ငြာ.. ပါ။ ဒါကိုပဲ ကျေညာ.. လိုက် ကြော်ညာ လိုက်.. ကြေငြာ လိုက်နဲ့ ပတ်လည်ရိုက်ရေးနေကြတာ..။ ကုန်ပစ္စည်း ကြော်ငြာ..၊ သတင်းကြေညာ… အဲလို တွဲမှတ်ဖို့ ဘယ်လောက်များ ခဲယဉ်းနေပါသလဲ..။

အဲလိုပဲ ဒီခေတ် မြန်မာပြည်သတင်းထဲ လှိုင်လှိုင်ကြီးတွေ့နေကျ.. အကျပ်အတည်း.. ကိုလည်း အမြဲ အကြပ် အတည်း လို့ရေးနေကြတာ..။ အကြပ် ကို ကျမတို့ ဘယ်နေရာများ သုံးလို့လဲ..။ ကြီးကြပ်.. အကြပ်တပ်သား.. တပ်ကြပ်.. ဒါပဲ။

အဲဒါကြောင့်ပဲ မြှင့်လို့ မြင့်တယ်.. ၊ ချ လို့ ကျတယ်.. ၊ လွှတ်လို့ လွတ်တယ်.. ၊ လွှင့်လို့ လွင့်တယ်.. ၊ လှပ်လို့ လပ် တယ်..၊ ရွှေ့ လို့ ရွေ့တယ်..၊ ချက်လို့ ကျက်တယ်..၊ ခွဲလို့ ကွဲတယ် ..၊ ခွာလို့ ကွာတယ်..၊ ဖြုန်း လို့  ပြုန်းတယ်.. ၊ နှစ် လို့ နစ်တယ်..၊ နှပ် လို့ နပ်တယ်.. ဆိုတဲ့ Active, Passive သဘောတွေကိုတော့ ဘယ်လိုမှ မကွဲနိုင်ကြတော့ တာပါပဲ။

ဒီနေ့ သတင်းဌာနအတော်များများ သုံးနေတဲ့.. ‘သင့်-မသင့်’ ဆိုတဲ့ အသုံးကို ပြောပါဦးမယ်..။ ဥပမာ ဒီနေ့ သတင်းတစ်ပုဒ်မှာ တွေ့ရတဲ့ ခေါင်းစဉ်တစ်ခု..
"ကျောင်းသားစစ်ကြောင်း ရန်ကုန်ကို ချီသင့်၊ မသင့် မနက်ဖြန် ဆုံးဖြတ်မည်"
အဲဒီမှာ ချီသင့်-မချီသင့် ဆိုတာကသာ သဒ္ဒါအမှန်ဖြစ်ပါတယ်။ တကယ်လို့ သင့်-မသင့်.. လို့ တွဲ သုံးမယ်ဆိုရင် ရန်ကုန်ကို ချီတက်ဖို့ သင့်-မသင့် လို့သာ ဖြစ်ရပါမယ်။ ဘာဖြစ်လို့လဲဆိုတော့ ‘သင့်’ က ဒီနေရာမှာ ကြိယာ ထောက်(Supporting Verb) ဖြစ်တာမို့ သူ့ကို ချီသင့်-မသင့် လို့ ကြိယာမပါဘဲ ဟန်ချက်ညီပုံစံနဲ့ မသုံးနိုင်ပါဘူး။မ+Verb+သင့် .. သာ ဖြစ်ရပါမယ်။

သွားသင့်-မသွားသင့် (သွားဖို့ သင့်- မသင့်)
စားသင့်-မစားသင့် (စားဖို့ သင့်-မသင့်)

Feb 18, 2015

ကျမ နဲ့ မြန်မာစာ (၂)

မြန်မာစာမှာ တချို့စာလုံးပေါင်းတွေက စဉ်းစားစရာကောင်းသလို အငြင်းပွားစရာလည်း ကောင်းပါတယ်။ ဒါပေမဲ့ နဲ့ ဒါပေမယ့်.. ဆို ခုထိ အငြင်းပွားကြတုန်း.. မဲ့ .. ရဲ့ သဘောက အငြင်းသဘောဖြစ်ပြီး 'မယ့်' ရဲ့ သဘောကတော့ ဖြစ်တော့မယ့်.. လုပ်တော့မယ့် ဆိုတာမျိုး စာဟန်အသုံး 'မည့်' နဲ့ သဘောတူတာမို့ ကျမကတော့ ‘ဒါပေမဲ့’ ကိုပဲ ပိုလက်ခံပါတယ်။

နောက်ထပ် စဉ်းစားစရာကောင်းတဲ့ စာလုံးပေါင်းက စိန်ခေါ်.. နဲ့ စိမ်ခေါ်.. ပါ။ စိန် ဆိုတာက ရတနာ စိန်ကျောက် အတွက် သတ်မှတ်ပြီးသား ဖြစ်သလို စိမ် ဆိုရင်လည်း ရေစိမ်တယ်.. ဆားစိမ်တယ် .. လို့ ရှိပြီးသားပါ။ ကျမ အရင်က တောက်လျှောက်မှတ်လာတာက စိမ်ခေါ်တယ်..။ ဒါကြောင့် ကျော်ဟိန်း ဒါရိုက်တာ လုပ်ရိုက်တဲ့ ရုပ်ရှင် က စိမ် သို့မဟုတ် စိန်..။ ဒါပေမဲ့ နောက်ပိုင်းမှာ ဘာကြောင့် စိန်ခေါ်တယ် လို့ ပြောင်းသလဲ.. ကျမလည်း နားမလည်ပါ။ တွေးကြည့်သလောက်တော့ စိန် လို တန်ဖိုးရှိတဲ့ အဓိပ္ပါယ် တခုခု နဲ့တော့လည်း ပတ်သက်စရာ မရှိလှပါ။

နောက်ထပ် သတ်ပုံ အပြောင်းအလဲတချို့ထဲမှာ အနုတ် ဆိုတဲ့စကားလုံး ရှိပါသေးတယ်။ ကျမတို့ တသက်လုံး အနှုတ် လို့ မှတ်လာတာ.. ခုတော့ အနုတ် ဖြစ်သွားတယ်။ နိုင်ငံခြား သား ကျောင်းသားတွေ အတွက်တော့ ရေးတော့ အနုတ်.. ဖတ်တော့ ဟထိုးသံ (aspirate ) နဲ့ ဖတ်ရတာကို နားမလည်နိုင်ပါ ဘူး။ နောက်ထပ် အချိန်မီ ၊ အမီလိုက် ၊ အလျင် ၊ မင်စာ လို ရေးတာမှာ ဟထိုးမပါပေမဲ့ ဟထိုးသံ ထည့်ဖတ် ရတဲ့ စကားလုံးတွေကို ဥပမာ ပြရပါတယ်။ ဘာကြောင့်အဲလို ဖတ်ရတယ်ဆိုတာကို ရှင်းမပြနိုင်တာမို့ သူတို့ အနေနဲ့ Memorize သာ လုပ်ရ တော့တာပါပဲ။ ဘာသာစကားမှာ တချို့နေရာတွေ ရှင်းပြလို့ မရနိုင်တာ ရှိတယ်.. လို့ ပြောရတာပေါ့။ ဥပမာ အင်္ဂလိပ်စကားထဲ Psycho မှာ P သံ ထည့်မဖတ်တာမျိုး ၊ But နဲ့ Put အသံထွက်ကွဲတာမျိုး ပေါ့ လို့ ပြောရပါ တယ်။

( ဒီလိုပဲ မြန်မာစကားလုံးတွေမှာ သူခိုး ၊ သူဌေး ၊ သူပုန် ၊ သေနတ် ၊ ပုလင်း  လို စာလုံးတွေမှာ ပထမ စကားလုံး ရဲ့ သရသံက ပြောင်းသွားတာမျိုးလည်း ရှိတာကိုး)

တနေ့ကတော့ ‘ညီမလေး’ တစ်ယောက်နဲ့ ပြောကြတာ.. လဲ နဲ့ လည်း ကိစ္စ..
ကျမရဲ့ စာတစ်ပုဒ်မှာ “သူဟာ သူမဟုတ်တော့၊ ဘယ်သူရယ်လို့လဲ အတိအကျ မသိ။” ဆိုတာမှာ ဘယ်သူ ရယ် လို့လဲ..က အမှန်လား ၊ ဘယ်သူရယ်လို့လည်း ..က အမှန်လားလို့ နှစ်ယောက်သား ပြန်စဉ်းစားကြတယ်။ ကျမက ဘယ်သူရယ်လို့လဲ.. က မေးခွန်းလို့ ပြောတော့ သူက ဘယ်သူရယ်.. ဆိုတာကိုက မေးခွန်းဖြစ်နေပြီ ဆိုတော့ ‘ညီမလေး’ကတော့ 'လည်း'.. က အမှန်လို့ ထင်တယ်တဲ့။ ကျမကတော့ လည်း .. ကို သုံးမယ် ဆိုရင် ရှေ့မှာ အကြောင်းအရာတူ တစ်ခုပါရမယ်ပေါ့..

ဥပမာ- သူ ဘယ်သူ့ကိုမှ မသိတော့.. သူ့ကိုသူလည်း ဘယ်သူရယ်လို့ မသိတော့.. ဆိုတာမျိုး သုံးရမယ်လို့ ထင် တယ်။ နောက်ထပ် ပြောနိုင်တာတစ်ခုက 'လည်း' ကို သုံးရင် နာမ်/နာမ်ပုဒ် + လည်း .. ဆိုတဲ့ Structure ဖြစ်ရမယ်လို့ ထင်ပါတယ်။ ဒါမျိုးက အင်မတန် စဉ်းစားစရာ.. ဆွေးနွေးစရာကောင်းပါတယ်။

မနေ့ကတော့ သတင်းဌာနတစ်ခုက..  အမေရိကန်ပြည်ထောင်စုမှာ နှင်းမုန်တိုင်းကျလို့ လေယာဉ် ခရီးစဉ်တွေ ရပ်လိုက်တဲ့အကြောင်းသတင်းကို ရေးတာမှာ လေယဉ်.. လို့ ရေးပါတယ်။ ယဉ်.. ဆိုတာက ယဉ်ကျေးခြင်းအနက်.. ယာဉ် ဆိုတာက စီးနင်းစရာပစ္စည်း.. ဆိုတော့ တော်တော် မမှားသင့်တာပါ။ Typo ဆိုလည်း ပြန်စစ်သင့်ကြောင်းပါ..။ အဲဒီ သတင်းဌာနမှာပဲ အနုမြူ တဲ့။ အဏုမြူ နဲ့ အနုမြူကတော့ အတော် သတိထားသင့်တဲ့ ကိစ္စပါ.. အဓိပ္ပါယ်ပါ ပြောင်းသွားတာပါ။ နျူကလီးယားကို ညူကလီးယား လို့ ပေါင်းတာ ကတောင် သိပ် အဓိပ္ပါယ် မထိပါဘူး။

ကျမကတော့ သိပ်မှားနိုင်တဲ့ စာလုံးပေါင်းတွေကို တော်တော် သတိထားပါတယ်။
ပုဂံခေတ် နံရံမှာ မင်နဲ့ ရေးတဲ့စာကို မင်စာ.. လို့ ခေါ်ပါတယ်။ ဒါကို အသံထွက်အတိုင်း မှင်စာ.. လို့ရေးရင်တော့ နာနာဘာဝ အမျိုးအစား ဖြစ်သွားမှာပါ။
အချိန်မီ ရောက်အောင်လာပါ..။ ကားတံခါးကို မှီ မထိုင်ပါနဲ့။
အလျင် လို လျှင် ကားနဲ့ သွားပါ။
အဏုမြူ ဆိုတာ နုသော မြူမှုန် (အနုမြူ) မဟုတ်။
ယဉ်ကျေးသော လေ ကို လေယဉ် လို့ ခေါ်ချင် ခေါ်နိုင်ပေမဲ့ လေယာဉ်တော့ မဟုတ်ပါ။
  • နောက်ထပ် မြန်မာစာမှာ အများစု မကွဲတာက Active Voice  နဲ့  Passive Voice ပါ။ နောက်တစ်ပိုင်းမှာ အဲဒါကို ရေးပါမယ်..။
  • (ပထမတော့ သတင်းဌာနတွေရဲ့ နာမည်ပါ ထည့်မလို့ပါ၊ နောက်တော့ ကျမက အမှားကိုသာ သိစေချင်တာဖြစ်ပြီး လူသိရှင်ကြား အပြစ်တင်ချင်တာမျိုးဖြစ်မှာစိုးတာကြောင့်.. ခုလိုလေးပဲ ရေးလိုက်တာပါ။ ကာယကံရှင်တွေ သိကောင်းပါရဲ့.. ပေါ့လေ.. )
  • စာဖတ်ရင်း စဉ်းစားလို့ရလာတာလေးတွေ ရှိရင်လည်း ၀ိုင်းဆွေးနွေးကြစေချင်ပါတယ်။

Feb 16, 2015

ကျမ နဲ့ မြန်မာစာ (၁)


ကျမက မြန်မာစာရေးရာ အာဏာပိုင် မဟုတ်သလို မြန်မာစာကျွမ်းကျင်သူကြီးလည်း မဟုတ်ပါ။ အဲလိုပဲ မြန်မာနိုင်ငံမှာ မြန်မာစာ ကထိက ဘ၀နဲ့ နေခဲ့တုန်းကလည်း ထူးချွန်ကျော်ကြား မြန်မာစာဆရာများ ထဲမှာ မပါပါ။ စာလေးပေလေး မတောက်တခေါက်စရေး.. မဂ္ဂဇင်းတွေ တပျော်တပါးပို့ကြည့်ရင်း အယ်ဒီတာ များ(အထူးသဖြင့် ဦးဝင်းငြိမ်း နဲ့ ကိုမျိုးမြင့်ငြိမ်း) တို့က ကျမ စာမူတွေကို တကယ် ဖတ်ပြီး တောက်လျှောက် ရွေးခဲ့ကြလို့သာ ‘မေငြိမ်း’ ရယ်လို့ ဖြစ်လာတာမို့ ခု မြန်မာစာသတ်ပုံနဲ့ ၀ါကျအထားအသိုအမှားတွေအကြောင်း ပြောရာမှာ မြန်မာစာကို ချစ်လို့ တစိုက်မတ်မတ် ကြိုးစား မွမ်းမံထိန်းသိမ်းလာတဲ့ .. ပြီးတော့ တသက်လုံး မြန်မာစာ နဲ့ပဲ အသက်မွေးဝမ်းကျောင်းခဲ့.. ထမင်းစား ခဲ့တဲ့ မြန်မာစာသမားတစ်ယောက် အနေနဲ့ပဲ ပြောမှာ ဖြစ်ပါတယ်။
 
တကယ်တော့ မြန်မာစာ သတ်ပုံမှာ ကျမကိုယ်တိုင် လက်မခံချင်တဲ့ စာလုံးပေါင်းတွေလည်း ရှိတာပါပဲ။ ဥပမာ.. ကျွန်မ ၊ ကျွန်တော် ဆိုတာကို ကျမ လုံးဝ လက်မခံချင်တာမို့ ကျမ .. ကျနော်.. လို့ အဓိပ္ပါယ် တခြား အထူး မရှိတဲ့ .. နာမ်စားမျိုးအနေနဲ့ပဲ သုံးချင်ပါတယ်..။ 

 ပြီးတော့ အရပ်မျက်နှာတို့ Side တို့ကို ဘက် လို့ ရေးပြီး 2 sides ဘက် နှစ် ဘက် ကျတော့ နှစ်ဖက် လို့ရေးရမယ်.. ကိန်းဂဏန်းရဲ့ နောက်မှာ ရှိလို့ဆိုတာမျိုး သတ်မှတ်တာကို မကြိုက်ပါဘူး။ အဆိုးဆုံးက တခု တကောင် ကို တစ်လို့ ပြင်တာမျိုး.. မလိုအပ်ဘူးလို့ထင်ပါတယ်။ (ဦးနေ၀င်းပြင်လို့ မကြိုက်ဘူး ဆိုတာမျိုး မဟုတ်ပါဘူး။ အဓိပ္ပါယ် မရှိလို့ပါ)။

 ဂဏန်းအရေအတွက်ကို ပြောချင်လို့ ပန်းတစ်ပွင့်.. ရေတစ်ခွက်.. အုပ်စု တစ်စု ဆိုတာမျိုးကို ကျမ လက်ခံနိုင်ပါသေးတယ်။ တစ်မနက်တို့ တစ်ညနေတို့ကျတော့ မလိုအပ်ဘဲ သုံးတယ်လို့ ထင်ပါတယ်။ အဆိုးဆုံးက တစ်ဖက်သတ်.. တစ်သဝေမတိမ်း.. တစ်စုံတစ်ရာ.. တစ်ရှိန်ထိုး.. ဆိုတဲ့စကားလုံးမျိုးတွေဆို ကျမ အတော်ကို စိတ်ပျက်တာပါ။ ကျမစဉ်းစားတာက တဘက်တည်း က ခံစားတာမို့ တဘက်သတ် သာ ဖြစ်သင့်တယ်.. ပြီးတော့ နှစ်သဝေမတိမ်း သုံးသဝေမတိမ်းမှ မရှိဘဲ.. ဘာလို့ တစ်ရတာလဲ.. ဆိုပြီး..။ တော်တော်ကို စိတ်ပျက်တာပါ။

ပြီးတော့ ‘သူမ’ .. အသုံးကိစ္စ… ။ ကျမ အင်မတန်ချစ်ကြည်ညိုတဲ့ ဆရာအေး (မောင်ခင်မင်-ဓနုဖြူ) နဲ့တောင် ပြောဖူးပါတယ်။ ၀တ္ထုမှာဖြစ်ဖြစ် .. ဘယ်မှာဖြစ်ဖြစ် အမျိုးသား အမျိုးသမီး ဇာတ်ဆောင် နှစ်ယောက်ကို အလွယ်တကူ ခွဲသိအောင်.. 3rd Person နေရာက ရေးရင်တော့ သူမ လို့ သုံးတာ ကျမက ကြိုက်တယ်လို့။ (ဆရာအေးကတော့ ‘သူမ’ အသုံးကို သိပ် သဘောမတွေ့ပါဘူး)
ဥပမာ.. နှင်းတွေကြားမှာ သူ လမ်းလျှောက်လာနေတာကို သူမ လှမ်းမြင်သည်.. ဆိုတာမျိုးက အဆင်ပြေ တယ်.. ပိုရှင်းလင်းတယ်လို့ မြင်ပါတယ်..။ ဒီနေရာမှာ ဇာတ်ဆောင်နာမည် ထည့်သုံးရင် ရတယ်ဆိုပေမဲ့ တခါတလေမှာ နာမ်စားအသုံးက ပိုလိုက်ဖက်တာမျိုး ရှိပါတယ်။ ဒါပေမဲ့ ကျမလည်း ဒေါ်အောင်ဆန်းစုကြည် အကြောင်းပြောနေတဲ့ သတင်းထဲ နောက်ထပ် ရည်ညွှန်းစရာ တစ်ယောက်မှ မပါတဲ့ နေရာမှာ သူမ.. လို့ ပြန်ပြန်ညွှန်းတာမျိုးကို မကြိုက်ပါဘူး။ ခုနောက်ပိုင်း သတင်းအများစုမှာ အဲလို ရေးကြပါတယ်။ 

ဒါပေမဲ့ စာပေ စကားသုံးရဲ့ ရွေ့လျားပြောင်းလဲမှု ၊ ဆန်းသစ်နေမှု သဘာဝအရ ကျမက လက်ခံနိုင်ပါတယ်။ ကျမတို့ တသက်လုံး အဓိပ္ပါယ် ခပ်ရိုးရိုးနဲ့ တင်စားပြောလာတဲ့ သမင်လည်ပြန် ကို ခြင်္သေ့လည်ပြန်လို့ အဓိပ္ပါယ် ပို လေးလေးနက်နက် နဲ့ ဆရာခမ်းလိတ်က ရေးလိုက်တော့ ကျမတို့ လှိုက်လှိုက်လှဲလှဲ လက်ခံခဲ့ကြတာပဲ။ ဒါက စကားအသုံးအနှုန်းကိစ္စပါ။ စာလုံးပေါင်း ကိစ္စ .. သဒ္ဒါအထားအသို ကိစ္စ မဟုတ်သေးပါဘူး။

များသောအားဖြင့် မြန်မာစကားလုံးတွေရဲ့ စာလုံးပေါင်းက အဓိပ္ပါယ်တွေနဲ့ ဆက်စပ်နေပါတယ်။ ဥပမာ - ရည်းစား ဆိုတဲ့ စကားလုံးဆိုရင် ရည်-ရည်း (ရည်ညွှန်းခြင်း၊ ရည်ရွယ်ခြင်း)၊ စား (အထူးတလည်)။ ဒါကြောင့် အထူးတလည် ရည်ရွယ်ထားသူကို ရည်းစားလို့ ခေါ်တာမျိုးပါ။ တကယ်လို့ တလုံးချင်း အဓိပ္ပါယ် အထူး မရှိရင်တော့လည်း စာလုံးပေါင်းအမှားက ရုပ်မဆိုးရင် ပြောမနေချင်တော့ပါဘူး။ ဥပမာ- ခြွင်းချက် ကို ချွင်းချက်လို့ပေါင်းတာကို အဓိပ္ပါယ် လွဲနိုင်စရာ သိပ်မရှိတာကြောင့် ပြောမနေချင်တော့ပါဘူး။ ဒါပေမဲ့ ကြိုးစား (အထူးကြိုးပမ်းခြင်း) ဆိုတဲ့ အဓိပ္ပါယ်ကို ကျိုးစား(အထူးကျိုးပဲ့ခြင်း) နဲ့ မှားနိုင်ရင်တော့ ဂရုစိုက် စေချင်တာပါပဲ။ (ခက်တာကို ကျိုးတာပဲ့တာကို ဘယ်လိုပေါင်းမှန်းတောင် မသိကြတော့လည်း.. အားလုံးကောင်းပါသည် ခင်ဗျား .. လို့သာ အော်ချင်ပါတော့တယ်)။

နေ့ရဲ့ အလယ်ခေါင်မို့ နေ့လယ် ခေါ်ပါတယ်။ နေ့လည် .. ဆိုရင်တော့ နေ့မှာ အလည်အပတ်သွားတာလား လို့ အဓိပ္ပါယ်ဖြစ်မှာလို့ သေချာ ရှင်းပြလည်း မှားသူတွေကတော့ ခပ်တည်တည်ပါပဲ။ စကားအဆက်အစပ်နဲ့ လူတိုင်းသိတယ်လို့ ပြန်ပြောပါသေးတယ်။ 

နောက်တစ်ခု.. ပညာတတ် ကို ပညာတက် .. လို့ ရေးကြတာ။ ပညာကို တတ်မြောက်လို့ ပညာတတ်လေ.. တက် ဆိုတာက အပေါ်ကို တက်တာ.. ။ မှားစရာ မရှိဘူးလို့ ရှင်းပြတာကိုတောင် နားမလည်ဘူးဆိုတဲ့ သတင်းထောက်မျိုးနဲ့လည်း ကြုံဖူးပါတယ်။

လဲ နဲ့ လည်း ကိစ္စလည်း အဲလိုပါပဲ။ လဲ .. ကို မေးခွန်း နဲ့ ချော်လဲ တာမှာပဲ သုံးတယ်။ လည်း.. ကျတော့ သူလည်းပဲ ငါလည်းပဲ.. လို့ အတူတူဖြစ်တဲ့ သဘောတွေမှာ သုံးတယ်လို့ ရှင်းပြလည်း မသိကြဆဲပါ။ (ကျမကျောင်းသား အမေရိကန်တွေတောင် မမှားတော့ပါဘူး) 

ပြဿနာက ကိုယ့်စာရဲ့ အဓိပ္ပါယ်ကိုတောင် ပြန်မစစ်တာပါ။ အပစ်အခတ်ရပ်စဲ ကို အပြစ်အခတ်ရပ်ဆဲ လို့ ရေးတဲ့ နာမည်ကြီး သတင်းဌာနတွေ အပုံ..။ သတင်းတစ်ပုဒ်ထဲမှာကိုပဲ ပထမအပိုဒ်မှာ အပြစ်အခတ်၊ ဒုတိယပိုဒ်မှာ အပစ်အခတ် လို့ မသေမချာ ရေးတာကျတော့ ဆိုးလှပါတယ်။ ကျမ ကျောင်းသားတွေကတော့ စာဖတ်ရင် အဲဒါမျိုးတွေ့ရင် အမှားတောင် Consistent မဖြစ်ဘူးလို့ ရယ်ပါတယ်။ 

ကျောင်းသားတွေကို နိုင်ငံတကာသတင်း၊ မြန်မာသတင်းတွေ Authentic News သင်ရတာမို့ ကျောင်းသား တွေကတောင် ဘယ်သတင်းဌာနက အချက်အလက်မှား အများဆုံး၊ ဘယ်သတင်းဌာနက စာလုံးပေါင်းအမှား အများဆုံး၊ ဘယ်သတင်းဌာနက သတင်းဘာသာပြန် အကောင်းဆုံး၊ ဘယ်သတင်းဌာနက စာလုံးပေါင်း အမှန်ဆုံး ဆိုတာ သိနေကြပါပြီ။ 

တော်တော် ဆိုးတဲ့ အမှားတွေ့ရင်တော့ သူတို့က ခေါင်းရမ်းပြီး သတင်းထောက်တွေ စာမဖတ်ဘူးလား.. အယ်ဒီတာတွေ မစစ်ဘူးလား လို့ ကျမကို မေးတတ်ပါတယ်။ ခက်တာက အမေရိကန်သံတမန် ဆိုသူတွေက Harvard တို့ Princeton  တို့ ကနေ အနိမ့်ဆုံး Master လောက် ဘွဲ့ရထားပြီး အနည်းဆုံး ဘာသာစကား ၃မျိုး တတ်ပြီးသား လူတွေမို့ သူတို့က ပညာရပ်တစ်ခုကို စနစ်တကျ လေ့လာကြတာပါ။ ကျမမှာ သူတို့ မေးခွန်းတွေရှေ့ ချွေးပြန်ရတဲ့ အကြိမ်တွေလည်း မနည်းမနောပါ။

ဒီတော့ ခုနောက်ပိုင်း သူတို့ကို သင်ဖို့ သတင်းတွေ ရွေးတဲ့အခါ အမှားအနည်းဆုံး သတင်းကို ရွှေရှာသလို ရှာရပါတော့တယ်။ ဒါမှ ကျမလည်း ချွေးအပြန် သက်သာ.. ကိုယ့်သတင်းထောက်တွေလည်း သိက္ခာ သိပ်မကျ ဘူးပေါ့။ ကျမကတော့ ကိုယ့်သက်မွေးဝမ်းကျောင်းနဲ့ ပတ်သက်ရင် ဂုဏ်သိက္ခာကို တန်ဖိုးထားတာ တစ်ခုတည်း ကြောင့်သာ ကြိုးစားတာပါ။ ငါ ဘယ်လို လုပ်လုပ် ပိုက်ဆံရပြီးသားပဲလို့ ခံယူသူတွေ အတွက်တော့ ပြောစရာစကားမရှိတော့ပါဘူး။

ဘာဖြစ်လို့လဲဆိုတော့ ကျမကိုယ်တိုင် အဖေ က ဟိုတယ်နဲ့ ခရီးသွားလာရေးဝန်ကြီးဌာနက ညွှန်ကြားရေးမှူး .. အင်္ဂလိပ်စာ ကောင်းသူ၊ အမေက အင်္ဂလိပ်စာဆရာမ .. ကိုယ်တိုင်လည်း အင်္ဂလိပ်စာ သိပ်မညံ့သူလို့ ထင်ခဲ့တာတောင်၊ ကျမ ပြည်ပကို စထွက်စ ၂၀၀၅ ခုနှစ် ထိုင်းနိုင်ငံကိုရောက်ချိန်မှာ ကိုယ့်ကိုယ်ကို မိတ်ဆက်ရင် My name is May Nyane လို့ ပြောရမှာလား.. I am May Nyane လို့ ပြောရမှာလား မသေချာလို့ အဲလောက်ကိုတောင် သူငယ်ချင်းတွေက ပြောပေးခဲ့ရတာပါ။ 

မြန်မာစာဆရာမ ဘ၀ အင်္ဂလိပ်စာကို တစ်လုံးမှ မကြည့်ခဲ့တဲ့အကျိုးဆက်ကြောင့်.. သတင်းထောက် ညီလာခံ တစ်ခုမှာ ကိုယ်ပြောတဲ့ အလှည့်.. မေးခွန်းအမေးခံရချိန်မှာ မေးသူက Comedian တွေရဲ့ နိုင်ငံရေး တာဝန် ကျေမှု အကြောင်း မေးတာမှာ Comedian ဆိုတာ ဘာမှန်းတောင် မသိခဲ့တဲ့ မြန်မာစာကထိက စာရေးဆရာမ အဖြစ် ကျမ သိမ်ငယ်ခဲ့ဖူးပါတယ်။ ဒါနဲ့ပဲ ကျမ ကလေးတွေ လေ့လာသလို အင်္ဂလိပ်စာကို အစက ပြန်စ လေ့လာ ခဲ့တာ… ခုချိန်ထိပါပဲ။ ဒါကြောင့်ပဲ ခု သံတမန်တွေအတွက် မြန်မာစာဆရာမအလုပ်ကို ချောချော မွေ့မွေ့ လုပ်နိုင်ခဲ့တာ ခုဆို ၃နှစ်ကျော်ပါပြီ။ ကျမ ပြောချင်တာက လေ့လာရင် ရတယ်ဆိုတဲ့ သတင်းစကားပါ…။

(နောက်အပိုင်းတွေမှာ မီဒီယာထဲက သတ်ပုံအမှား၊ သဒ္ဒါအမှားတွေ နေ့တိုင်းရေးသွားမှာဖြစ်ပါတယ်)
 ကျေးဇူးတင်ပါတယ်ရှင်။