Nov 30, 2007

အမျိုးသမီး ဆိုတာ..

နိုဝင်ဘာလ ၂၅ရက်နေ့ဟာ အမျိုးသမီးများကို အကြမ်းဖက်မှုပပျောက်ရေး နိုင်ငံတကာ အထိမ်းအမှတ်နေ့ (International Day for Elimination of Violence against Women) ပါ။ ပြီးတော့ (၂၈၊၁၁၊၀၇-ဗုဒ္ဓဟူးနေ့)ရဲ့ ဘီဘီစီ ရေဒီယို မြန်မာပိုင်း အစီအစဉ်က ‘ကမ္ဘာ့အရေး မြန်မာ့အရေး’ ဆွေးနွေးခန်းကလည်း မြန်မာ့နိုင်ငံရေး လှုပ်ရှားမှုထဲက အမျိုးသမီးတွေ ရဲ့ အခန်းကဏ္ဍဖြစ်ပါတယ်။ အဲဒီ ဆွေးနွေးကြတဲ့အထဲမှာ ကျမ ၀င် ဆွေးနွေးခဲ့ရ ပါတယ်။ ဒီနေရာမှာ တခြား ၀င်ရောက်ဆွေးနွေးကြတဲ့ အမျိုးသား အမျိုးသမီးတွေရဲ့ ဆွေးနွေးချက်တွေက ပြည့်စုံလွန်းလို့ တကယ်တမ်း ကျမ ပြောချင်တာတွေ အများကြီး ပါသွားတာနဲ့ ကြုံရပါတယ်။


နောက်တချက်ကတော့
တကယ့် ခေါင်းစဉ်ကြီးတခုကို အချိန်တို မိနစ်ပိုင်းကလေး အတွင်း ပြောရတာကြောင့် အပြည့်အစုံ မပြောနိုင်တဲ့၊ သိုင်းဝိုင်း ပြောပြခွင့်မရတဲ့အတွက် ပြောစရာတွေ ကျန် သွားတာပါပဲ။ ဒါပေမဲ့ အဖြေတခုတော့ ထွက်ပါတယ်။ အဲဒါကတော့ နိုင်ငံ့အရေးမှာ အမျိုးသမီးတွေရဲ့ ပါဝင်မှု အခန်းကဏ္ဍက အရေးပါတယ်ဆိုတာ ကို လူ့ပတ်ဝန်းကျင်က အများကြီး သတိပြု လာကြ ရပြီ ဆိုတာပါပဲ။

ဒီနေရာမှာ အမျိုးသမီးတွေရဲ့ ကိစ္စကို တကူးတက ထည့်ပြောလာရတာ ကလည်း အကြောင်းရင်းတွေ ရှိနေတာ တွေ့ရပါတယ်။ ဒါကတော့ ကမ္ဘာပေါ်မှာ အမျိုးသားနဲ့ အမျိုးသမီး နှစ်မျိုးနှစ်စားတည်း ရှိတာတောင်မှ အမျိုးသားတွေက အမျိုးသမီးတွေကို ဦးဆောင်သူအနေနဲ့ လက်သင့်မခံချင် လို့၊ နိုင့်ထက်စီးနင်းလုပ်တဲ့ အဖြစ်မျိုးတွေ ရှိလာလို့၊ အမျိုးသမီးတွေဘက်က အခွင့်အရေးတွေ တောင်းဆိုလာကြရတယ်လို့ ပြောလို့ရပါတယ်။

ဒီနေရာမှာလည်း အခွင့်အရေး(Opportunity) နဲ့ အခွင့်အလမ်း(Chance) ဆိုတာ ရှိလာပါတယ်။ အမျိုးသမီးတွေအတွက် ပိတ်ဆို့ခံခဲ့ရတဲ့ အခွင့်အလမ်း တွေ ပွင့်ဖို့ လိုပါတယ်။ ပြီးတော့ နောက်တဆင့် အခွင့်အရေးတွေ အပြည့်အ၀ရလာဖို့.. ယူနိုင်ကြဖို့ လိုပါတယ်။

မြန်မာနိုင်ငံမှာက ဓလေ့ထုံးစံ အစဉ်အလာ အစွဲအလန်းတွေအရ ‘သားကို သခင် လင်ကို ဘုရား’၊ ‘ကြက်မ-တွန်လို့ မိုးမလင်း’၊ ‘မိန်းမ-ဖျက် ပြည်ပျက်’၊ ‘မ-ဘက်လိုက်တော့ မိုက်ဘက်ပါ’ ဆိုတဲ့ အကြောင်းပြချက် ခိုင်ခိုင်လုံလုံ မရှိတဲ့ အဓိပ္ပါယ်မဲ့ အယူအဆမျိုးတွေနဲ့ အမျိုးသမီးတွေရဲ့ အခန်းကဏ္ဍကို လျှော့ချ နှိမ့်တွက် ခံထားရတာတွေ ရှိနေခဲ့ပါတယ်။ အထူးသဖြင့် ပညာရေးမှာ မိန်းကလေးမို့ စာတတ်စရာ မလိုဘူးဆိုတဲ့ အယူအဆ မျိုးတွေတောင် ရှိခဲ့တာပါ။ အမျိုးသမီးဆိုတာ လင်ကောင်းသားကောင်း ရရမယ်၊ အိမ်မှုကိစ္စ နိုင်နင်းရင်လုံလောက်ပြီ ဆိုတာတွေကိုသာ ရည်ရွယ်ချက်တွေလို စွဲလန်းခဲ့ကြ တာပါ။

ဒါပေမဲ့ ကျမတို့အမျိုးသမီးတွေကတော့ ကိုလိုနီခေတ်မှာကတည်းက ပညာရေး၊ လူမှုရေးကနေ စလို့ နိုင်ငံရေးလှုပ်ရှားမှုတွေအထိ ရှေ့ထွက်လုပ်ဆောင်လာခဲ့ကြရာက အမျိုးသမီး တွေရဲ့ အစွမ်းကို ပတ်ဝန်းကျင်က အတော်အတန် လက်သင့်ခံလာကြရပါပြီ။ ဒါပေမဲ့ အပြည့်အ၀တော့ မဟုတ်သေးပါဘူး။ ကျမတို့ အမျိုးသမီးတွေကိုယ်တိုင် ကိုင်ဆွဲမိနေတဲ့ ဓလေ့ထုံးစံလောင်းရိပ်တွေတော့ ရှိနေတုန်းပါ။ စနစ်တကျ ပြုစုရေးရင် အခိုင်အလုံ ရေးစရာတွေ အများကြီးပါ။ ဒါပေမဲ့ အဲဒီလောင်းရိပ်တွေထဲက လွတ်အောင် ရုန်းထွက် ချင်တယ်ဆိုရင်တော့ ရုန်းထွက်နိုင်လောက်တဲ့ခွန်အားမျိုး၊ အစွမ်းသတ္တိမျိုးတွေ၊ ပိုင်နိုင် ခိုင်မာတဲ့ အရည်အသွေးတွေ အရည်အချင်းတွေ ရှိဖို့လိုတာလည်း အမှန်ပါပဲ။

ခုဆိုရင် မြန်မာနိုင်ငံရဲ့ လတ်တလောဖြစ်ခဲ့တဲ့ စက်တင်ဘာ ရွှေဝါရောင် တော်လှန်ရေးထဲမှာ ဦးဆောင် ပါဝင်လာတဲ့ အမျိုးသမီးတွေ အများကြီးပါပဲ။ နောက် မြန်မာပြည်တွင်းမှာ ဒေါ်အောင်ဆန်းစုကြည်နဲ့အတူ မစုစုနွေး၊ မမီးမီး၊ မနီလာသိန်း၊ မဖြူုဖြူသင်းတို့ အပါအ၀င် အမျိုးသမီးတွေဟာ တကယ် အလုပ်လုပ်ရင်း အသိအမှတ်ပြုခံလာရတာ၊ နေရာရလာနိုင်ကြတာ၊ နေရာယူပြီး အရည်အချင်း ပြလာနိုင်တာတွေဟာ အမျိုးသမီးတွေရဲ့ နိုင်ငံ့အရေးထဲက ထင်ရှားတဲ့ အခန်းကဏ္ဍ ပြယုဂ်ပါပဲ။

တချိန်တည်းမှာပဲ အမျိုးသားတွေရဲ့ အနှိပ်စက်နဲ့ အနိုင်ကျင့်မှုကို ခံနေရတယ်ဆိုတဲ့ အမျိုးသမီးတွေလည်း ရှိနေပါတယ်။ ဒါကလည်း နှစ်ဦးနှစ်ဘက် နားလည်အောင် ပြေလည်အောင် ညှိနှိုင်းဖို့က လွဲလို့ တခြားအဖြေ ကျမတော့ ရှာမတွေ့သေးပါ။ ညှိလို့မှ မရရင်…. ဆိုတော့လည်း… အဲဒီအဖြေကို ရှာရမယ့်သူတွေဟာ ကာယကံ ရှင်တွေသာ ဖြစ်ပါတယ်။ ကိုယ့်ရဲ့ ကိုယ်ပိုင်တန်ဖိုးတွေ၊ ဂုဏ်သိက္ခာတွေနဲ့ ခံနိုင်ရည်အပေါ်မှာ တည်ပြီး အဖြေ ထုတ်ရမှာသာ ဖြစ်ပါတယ်။

တကယ်တော့ အမျိုးသမီးတွေရဲ့ အရည်အသွေးတွေ မြင့်မားဖို့၊ မြင့်မားခွင့်ရဖို့ဆိုတာ အမျိုးသမီးတွေ ကိုယ်တိုင်က ကြိုးစားယူကြရမှာဖြစ်ပါတယ်။ ပြီးတော့ ယှဉ်တွဲနေထိုင်ဘက် အမျိုးသားများဘက်ကလည်း အမျိုးသမီးတွေရဲ့ တန်ဖိုးကို အသိအမှတ်ပြု လေးစား တန်ဖိုးထားဖို့ လိုပါတယ်။ ဒီလို အပြန်အလှန် လေးစားမှုရှိမှပဲ သက်ဆိုင်ရာ အခွင့်အလမ်းတွေကို အပြန်အလှန် တွဲဖက် အသုံးချခွင့်ရပြီး အခွင့်အရေးတွေ ရလာမှာဖြစ်ပါတယ်။

အမျိုးသားနဲ့ အမျိုးသမီးဆိုတာဟာ လူ့ဘောင်လောကကို သာယာပြည့်စုံအောင် အတူ ယှဉ်တွဲဖန်တီးရမယ့် လုပ်ဖော်ကိုင်ဖက်တွေဖြစ်ပါတယ်။ ယှဉ်ပြိုင်အနိုင်ယူရမယ့် ပြိုင်ဖက်တွေ မဟုတ်ကြပါဘူး။ ဒါကို အမျိုးသားတွေ က ကောင်းကောင်း အသိအမှတ် ပြုတတ်ကြဖို့ လိုပါတယ်။ အမျိုးသမီးတွေကလည်း ကိုယ့်အရည်အချင်းကို ယုံကြည်ပြီး ဦးဆောင် ဆုံးဖြတ်ရမယ့် နေရာတွေ ယူတတ်ဖို့၊ ယူရဲဖို့၊ ယူနိုင်အောင် ဖန်တီးဖို့ လိုပါတယ်။ ဒါမှပဲ အမျိုးသမီးအချင်းချင်းအတွက် အရေးကိစ္စတွေကို သေသေချာချာ ပါဝင်ကိုင်တွယ် ဖြေရှင်း ဖြည့်ဆည်း ပေးနိုင်မှာ ဖြစ်ပါတယ်။ အရေးကြီးတာက ဦးတည်ချက်အားလုံးဟာ အမျိုးသားအမျိုးသမီး တန်းတူ လက်တွဲ လုပ်ဆောင်ခြင်းနဲ့ ကိုယ့်လောက၀န်းကျင်ကို အလှဆင်ဖို့ပါပဲ။

ဒီနေရာမှာ ပြည်တွင်းက ဆရာမကြီး ဒေါက်တာဒေါ်မြင့်မြင့်ခင်က ဘီဘီစီရေဒီယိုမှာ ပြောခဲ့တဲ့ စကားလေးကို လက်ဆင့်ကမ်းချင်ပါတယ်။

“အမျိုးသမီးတွေက အရည်အချင်းရှိပြီးသားပါ။ လမ်းတွေဖွင့်ပေးလိုက်ဖို့ပဲ လိုပါတယ်”

မေငြိမ်း
၂၉၊၁၁၊၀၇။


Nov 29, 2007

မွေးနေ့ ပူဇော်စာ

(ဒီနေရာက ယူလာတာပါ)

ဒီကနေ့ (၂၉၊၁၁၊၀၇) မှာ အသက် ၉၂နှစ်ပြည့်သွားတဲ့အထိ၊ ဘ၀တလျှောက်လုံး နိုင်ငံနဲ့ ပြည်သူလူထုအပေါ်.. စာအုပ်စာပေအပေါ်.. တဆံခြည်စာမျှ သစ္စာမယွင်းဖူးခဲ့တဲ့၊ အမှန်တရားအတွက် အလွန် တာဝန်ကျေခဲ့တဲ့၊ စိတ်ဓါတ်ခိုင်ကျည်လှတဲ့၊ မေတ္တာ ကရုဏာရှင် သတင်းစာဆရာ စာရေးဆရာမကြီး အမေ လူထုဒေါ်အမာ.. အသက်ရာကျော် ရှည်တဲ့အထိ ကျန်းမာ ပျော်ရွှင်စွာနဲ့ စာတွေအများကြီး ရေးနေနိုင်ပါစေ..။ အမေမာဟာ… ဆရာဂျမ်း(ကဗျာဆရာတင်မိုး)ရဲ့ "အမေသို့" ဆိုတဲ့ ကဗျာထဲကလို

အမေ
ထာဝရမသေ
အမတ အမတေ
ဘယ်တော့မှ မသေ….။



Nov 27, 2007

စာအုပ်နှစ်အုပ်

စာအုပ်ပို့ဖို့ ကိစ္စခက်ခဲတာက တကြောင်း၊ PDF နဲ့ တင်ပေးပါလို့ တောင်းဆိုတဲ့ သူတွေ များတာကြောင့် တကြောင်း၊ နောက်ဆုံးတော့ အသင်းရန်ပုံငွေက အရေးမကြီး၊ များများဖတ်ရဖို့က ပိုအရေးကြီးတာမို့ အများစုရဲ့ တောင်းဆိုမှုအတိုင်း PDF နဲ့ တင်ပေးလိုက်ပါပြီ။






Nov 26, 2007

လွိုင်ကထုံ

(အဲလိုမီးရောင်တွေက တမြို့လုံးပါ။ မြန်မာပြည်ကရတဲ့ ဂက်စ်တွေနဲ့ ထိန်ထိန်လင်းနေတဲ့ သူတို့တိုင်းပြည်)

ဘာလိုလိုနဲ့ … ဇင်းမယ်မှာ လွိုင်ကထုံပွဲနဲ့ ကြုံရတာ ဒီနှစ်ပါနဲ့ဆိုရင် ၃နှစ်တောင် ရှိပြီပဲ။
ကြုံရတိုင်းလည်း ကိုယ့်ဗမာပြည်ကို သတိရပြီး ပြေးပြန်ချင်လာတာချည်းပါပဲ။ ဒါပေမဲ့.. ပျော်ရာမှာ မနေရ၊ တော်ရာမှာ နေရမယ်တဲ့။ ဆရာဂျမ်း(ကဗျာဆရာတင်မိုး)ရေးတဲ့ “တို့တိုင်းပြည်” ကဗျာထဲကလို...

"နေချင်ပါလည်း
မနေရဲပြီ
စစ်သရဲတွေ
စီးနေ၍"
… … ဆိုသလိုပါပဲ။

ဇင်းမယ်မှာ ဗမာပြည်ကို အလွမ်းရဆုံးအချိန် နှစ်ချိန်ရှိပါတယ်။ လွိုင်ကထုံမီးထွန်းပွဲနဲ့ သင်္ကြန်ပွဲကာလတွေမှာပါ။ အဲဒီအချိန်တွေမှာ ဇင်းမယ်က ကိုယ့်တိုင်းပြည်နဲ့ အတူဆုံးလေ။ ခုလို လွိုင်ကထုံလို့ခေါ်တဲ့ တန်ဆောင်တိုင်ပွဲ မှာဆိုရင်လည်း ရာသီသဘာဝနဲ့ ခပ်ဆင်ဆင် ဓလေ့ထုံးစံတွေကြောင့် ဗမာပြည်ကို သတိရစရာကောင်းတာပါ။ ပြီးတော့ အဲဒီပွဲတော်တွေ မှာဆိုရင် ထိုင်းနိုင်ငံမှာ ဇင်းမယ်က အစည်ကားဆုံး အကျော်ကြားဆုံးဖြစ်တဲ့အတွက် တနိုင်ငံလုံးက အရောက်လာပြီး ပျော်ကြရတဲ့အပြင် နိုင်ငံခြားသားဧည့်သည်တွေ အများဆုံးလာတဲ့ မြို့လည်း ဖြစ်ပါတယ်။

ကျမကတော့ ရန်ကုန်သူဆိုတော့ မန္တလေးနဲ့ အသွင်အပြင်တူလှတဲ့ ဇင်းမယ်မှာနေပေမဲ့ ကိုယ်အကျွမ်းဝင်တဲ့ ရန်ကုန်တန်ဆောင်တိုင်ကိုပဲ လွမ်းနေမိပါတယ်။ ဒါတောင် ကျမတော်တော်ငယ်ငယ်တုန်းက ဆင်နွှဲခဲ့ရတဲ့ တန်ဆောင်တိုင်ပွဲပါ။ ရန်ကုန်မှာက သီတင်းကျွတ်ဆိုရင် ရေကျော်ရပ်ကွက်က စည်ကားပြီး၊ တန်ဆောင်တိုင် မှာတော့ တရုတ်တန်းဘက်နဲ့ ကျောက်မြောင်း၊ သင်္ကန်းကျွန်းဘက်တွေမှာ စည်ပါတယ်။ တရုတ်တန်းကတော့ ၁၀လမ်း၊ ၁၃လမ်း၊ ၁၅လမ်းတွေကနေ စပြီး လမ်း၂၀၊ လသာလမ်းထိ ပွဲဈေးတန်းတွေနဲ့ တောက်လျှောက် စည်တာပါ။

၁၃လမ်းမှာကတန်ဆောင်တိုင်ဆို နာမည်ကြီးတာက ကာတွန်းဦးဘဂျမ်းနေခဲ့တဲ့ လမ်းမို့ နှစ်တိုင်း ဦးဘဂျမ်း ရေးခဲ့တဲ့ ကာတွန်းတွေကို လမ်းအပြည့် ချိတ်ဆွဲပြတာပါ။ လူတိုးမပေါက်အောင် များတာမို့ တန်းစီပြီး ကြည့်ကြရပါတယ်။ နောက် ၁၀လမ်းထိပ်မှာက မာဃစင်လို့ခေါ်တဲ့ ဖျော်ဖြေရေးမဏ္ဍပ်ရှိပါတယ်။ အဲဒီတုန်းက (ဒေါ်)မာမာအေးတို့၊ (ဒေါ်)တင်တင်မြတို့၊ (ဒေါ်)ထား၊ စန္ဒယားချစ်ဆွေ၊ ကိုမင်းနောင်၊ ဂီတလုလင် မောင်ကိုကို တို့လို တွေ့ရခဲ၊ နားထောင်ရခဲတဲ့ နိုင်ငံတော်အဆိုတော်တွေက ဖျော်ဖြေတာမို့ လာနားထောင်တဲ့ ပရိသတ်ဟာ လူပင်လယ်ကြီးဖြစ်နေတာပါ။

ကျောက်မြောင်းနဲ့ သင်္ကန်းကျွန်းဘက်မှာကတော့ ဖျော်ဖြေရေးစင်တွေ ရှိပါတယ်။ ရပ်ကွက်အလိုက် စတိတ်ရှိုးတွေ၊ ကပွဲတွေ၊ အငြိမ့်တွေ၊ ဗလာရုပ်ရှင်ပြပွဲတွေ၊ ရုပ်သေးပွဲတွေရှိပါတယ်။ ကျမတို့ ကလေးတွေ အကြိုက်ဆုံးကတော့ ရုပ်သေပြပွဲတွေပါပဲ။ တကယ့်လူတွေက အရုပ်တွေလို ငြိမ်ပြီး မှန်ခန်းတွေထဲမှာ ရုပ်သေ သရုပ်ဆောင်ကြတာပါ။ များသောအားဖြင့် ဥမ္မာဒဏ္ဍီဇာတ်၊ ပဋာစာရီဇာတ်၊ မင်းကုသနဲ့ ပပ၀တီဇာတ်တွေထဲက နာမည်ကြီး လူသိများတဲ့ ဇာတ်ကွက်တကွက်ကိုရွေးပြီး သရုပ်ဆောင်ကြတာပါ။ သိပ် စိတ်ဝင်စားစရာ ကောင်းတာပါပဲ။ လူတွေက ပြင်ထားတာကအစ တကယ့်အရုပ်တွေလို။ ကျမတို့ အကြာကြီးစောင့်ကြည့်ပေမဲ့ နည်းနည်းမှ လှုပ်တာမတွေ့ရပါဘူး။ အခု နောက်ပိုင်း ဗမာပြည်မှာ ထွန်းကားလာတဲ့ Art Performance show ဆန်ဆန်ပါပဲ။

အဲဒီတန်ဆောင်တိုင်မှာဆို ကျမတို့နေတဲ့ ရွှေဘုံသာလမ်း (မဂိုလမ်း)ကနေ အဲဒီ တာမွေ ကျောက်မြောင်းဘက် ထိ လမ်းလျှောက်သွားတာမှာ လမ်းတလျှောက် ပွဲလမ်းဈေးသည် ပြတ်တယ်လို့ မရှိတော့၊ ကျမတို့တွေ ညောင်းဖို့တောင် မေ့နေခဲ့ကြတာပါ။ ဘာပဲဖြစ်ဖြစ် လူတွေ ပျော်ခွင့်တော့ ရခဲ့ကြဖူးပါသေးတယ်။

ဒီနှစ်မှာတော့ ကျမအတွက် ကိုယ့်နိုင်ငံကို သတိရစရာက ပိုရှိနေသလိုပါပဲ။ ကထိန်ပွဲတွေ အကန့်သတ်ခံရတာ။ ကိုယ်ကိုးကွယ်တဲ့ ဘုန်းဘုန်းတွေ ပျောက်နေတာ။ သာသနာရောင် သင်္ကန်းဝါ၀ါလေးတွေ နေရာမှာ အစိမ်းပုပ်ရောင် ယူနီဖောင်းတွေက နေရာယူထားတာ။ လက်အုပ်ချီရင်တောင် ဖမ်းတယ်ဆိုတဲ့ တိုင်းပြည်မှာ ကျမတို့ ပြည်သူလူထုတွေအတွက် ဘာသာ သာသနာ ပွဲလမ်းတွေကလည်း 'တစပြင်'လိုသာ ရှိနေမှာလေ။ ပြည်သူလူထုရော သံဃာတော်တွေပါ.. ကြိမ်မီးအုံးသလို ပူဆွေးနေကြမယ့်အချိန်။ ကျမ မပျော်နိုင်ပါ။

ဒါပေမဲ့ ကျမတို့နိုင်ငံလိုပဲ ခုချိန်မှာ စစ်အုပ်ချုပ်ရေးနဲ့ နေနေရတဲ့ ထိုင်းနိုင်ငံရဲ့ ဇင်းမယ်မြို့မှာကတော့ မီးရှူးမီးပန်းတွေ.. ဗျောက်အိုးတွေ.. တဒိုင်းဒိုင်းဖောက်တဲ့ လွိုင်ကထုံလို ပွဲတော်က စည်ကားမပျက်ပါဘဲ။ ဇင်းမယ်ရဲ့ လွိုင်ကထုံပွဲမှာ ထူးခြားတာကတော့ တမြို့လုံးမှာ အလှပြယာဉ်တွေ လှည့်တာပါပဲ။ ထိုင်းယောက်ျားလေး မိန်းကလေးတွေက ရှေးထိုင်းရိုးရာဝတ်စုံတွေနဲ့ ကားပေါ်မှာ အလှပြထိုင်ပြီး လှည့်လည် တာပါ။ ကျမတို့ဆီက နှစ်ကျိပ်ရှစ်ဆူဘုရားလှည့်သလို မီးရောင်စုံအလှဆင်ထားတဲ့ ကားတန်းတွေနဲ့ ဘုရားအပူဇော်ခံ ဒေသစာရီကြွတာမျိုးလည်း ရှိပါတယ်။ (ဒါတောင် ဇင်းမယ်က အာဏာသိမ်း ဖြုတ်ချခံထားရ တဲ့ ၀န်ကြီးချုပ်ဟောင်း 'သက်ဆင်ရှာနာဝပ်'ကို အများဆုံး ထောက်ခံခဲ့တဲ့ နယ်မို့ အာဏာပိုင်တွေ သတိထားစောင့်ကြည့်ရတဲ့ မြို့ပါ။)

(ဇင်းမယ်ရဲ့ နာမည်ကျော် ပင်းမြစ်ပေါ်က န၀ရတ်တံတား)

(အဲဒီလို အလှပြ ဖောင်မျိုးတွေနဲ့ မြစ်ထဲလှည့်ပြါတယ်)


ထိုင်းလူမျိုးတွေဟာ လွိုင်ကထုံပွဲကို ပန်းဖောင်တွေ ရေမှာမျှော၊ မီးပုံးတွေ လွှတ်တင်တာတွေနဲ့ အဓိက ဆင်နွှဲတာပါ။ မီးပုံးလွှတ်၊ ပန်းမျှောတဲ့အခါတွေ မှာလည်း သေသေချာချာ လေးလေးနက်နက် ဆုတောင်းကြတာ တွေ့ရပါ တယ်။ ကျမတို့မိသားစုလည်း သူငယ်ချင်းတွေနဲ့အတူ မီးပုံးလွှတ် ပန်းမျှောပြီး ဆုတောင်း မေတ္တာပို့ကြပါတယ်။ ဒီနှစ် တန်ဆောင်မုန်းလပြည့်မှာ ကျမတို့အတွက် ခါတိုင်းနဲ့ မတူတာကတော့ ကျမတို့ သာသနာ့သမိုင်းမှာ စစ်အစိုးရက သံဃာတော်တွေကို သွေးမြေကျစေခဲ့တဲ့ သွေးစွန်းတဲ့ ဥပုသ်နေ့၊ ၂လပြည့်တဲ့ နေ့ ဖြစ်နေလို့ပါပဲ။ ဒါကြောင့် ကျမတို့ သေသေချာချာ ဆုတောင်းခဲ့ကြပါတယ်။

တော်လှန်ရေးတလျှောက် ကျဆုံးခဲ့ရတဲ့သူတွေအတွက် မေတ္တာပို့ အမျှဝေ ရင်း၊ ကျမတို့ နိုင်ငံကြီး လွတ်လပ်ဖို့၊ ဘာသာ သာသနာတွေ လွတ်လပ်ဖို့နဲ့ တရားမျှတမှုကြီးစိုးဖို့တွေကို သစ္စာဆို ဆုတောင်းခဲ့ကြပါတယ်။

အဲဒီလို ကျမတို့ ဆုတောင်းနေချိန်မှာ….. ကျမတို့ရဲ့ တိုင်းပြည်ကြီးဆီမှာ ကတော့ ကလေးတွေခမျာလည်း တန်ဆောင်တိုင်ဆိုတဲ့ အထိမ်းအမှတ်ကို မသိနိုင်ကြတော့၊။ ပွဲလမ်းသဘင်ဆိုတာလည်း တဖြည်းဖြည်းမှိန်ဖျော့။ မီးပန်းလေးတွေတောင် လွှတ်ကြရ ပါ့မလား။ ကိုယ်တိုင်လွှတ်တင်လိုက်တဲ့ မီးပုံးပျံကြီး မိုးပေါ် လွင့်ပျံ တက်သွားတာကို မော့ကြည့်ရင်း ပီတိဖြစ်ရတဲ့ အပျော်မျိုးကိုရော ခံစားကြရပါ့မလား။ ကျမကလေးတွေကို “မေမေတို့က ဟိုးကောင်းကင်ပေါ်က စူဠာမဏိ စေတီကြီးကို မီးပုံးပျံလွှတ်ပြီး ပူဇော်တာ၊ ရေမှာ ပန်းဖောင်တွေ မျှောတာက ရေထဲကနေ ပူဇော်တာ” လို့ ပြောချိန်မှာ သားနဲ့သမီးက မျက်လုံးလေးတွေ လင်းလာပြီး “ဒါဆို သမီးတို့ ကုသိုလ်ရသွားပြီပေါ့နော်”လို့ စိတ်အေးချမ်းသာ၊ ကျေနပ်သွားသလို ပြုံးပြီး ပြောပါတယ်။ ကျမကတော့ အဲဒီအချိန်ကလေးမှာပဲ... ဗမာပြည်မှာတော့ဖြင့် ကလေးဘယ်နှယောက် အဲလို ကျေနပ်ခွင့်၊ ပြောခွင့် ရပါ့မလဲ… ဆိုတာကို စိတ်ထိထိခိုက်ခိုက်နဲ့ တွေးနေမိပါတယ်။

မေငြိမ်း
(တန်ဆောင်မုန်းလပြည့်အမှတ်တရ)

(ဓါတ်ပုံရိုက်ညံ့တာ ခွင့်လွှတ်ပါ)

Nov 22, 2007

ကလေးတွေအတွက် ကစားခွင့်

ပြီးခဲ့တဲ့ တပတ်မှာတုန်းက ညအိပ်ခရီးတိုလေးတခုကို ကျမမိသားစုမပါဘဲ အလုပ်ကိစ္စနဲ့ ၅ရက်လောက် သွားခဲ့ရ ပါတယ်။ အိမ်မှာတော့ ကလေးတွေအဖေခမျာ သားသမီး နှစ်ယောက် နဲ့ ပတ်ချာလည်ပေါ့။ ကျမက အဲလို မကြာခဏ သွားရတော့ ကလေးတွေအဖေမှာလည်း မကြာခဏ ပတ်ချာလည်ပေါ့။ သမီးက အသက် ၈နှစ်ကျော်ပြီမို့ နည်းနည်းလက်လွှတ်လို့ ရပေမဲ့၊ သားငယ်လေးကတော့ ၄နှစ်သားသာ ရှိသေးတာမို့ ဝေယျာဝစ္စ တွေကို အသေးစိတ် လိုက်လုပ်ပေးနေရတုန်းပါ။ တော်သေးတာက အဲဒီရက်တွေမှာ ကလေးတွေအဖေက လည်း အလုပ်သွားစရာမလိုတဲ့ ရက်တွေ ဖြစ်နေလို့ပါပဲ။

ဒီတော့ ကျမ မရှိတဲ့ အဲဒီရက်တွေထဲမှာ တနေ့တနေ့... ကလေးတွေ အဖေခမျာ ကလေးတွေကို မနက် ရှစ်နာရီ မှာ ကျောင်းပို့ပြီးတာနဲ့ အိမ်သန့်ရှင်းရေး လုပ်၊ ထမင်းဟင်းချက်၊ အ၀တ်လျှော်၊ မီးပူတိုက်၊ နေ့လယ်ခင်း တခဏ နား။ ညနေ၄နာရီ ကျတော့ ကျောင်းကြို။

ဟော… အဲဒီ အိမ့်ဆွဲလည်းဆိုသူလေးတွေများ အိမ်ပြန်ရောက်လာပြီဆိုလို့ကတော့… ကစားစရာ အရုပ်လုတဲ့ ပြဿနာ၊ ရောင်စုံခဲတံလုတဲ့ ပြဿနာ၊ ဂိမ်းဆော့ဖို့ ကွန်ပျူတာလုတဲ့ ပြဿနာ၊ ရုပ်ရှင်လုကြည့်တဲ့ ပြဿနာ (သမီးက Barbie ကြည့်မယ်.. သားက Tom & Jerry ကြည့်မယ်) တွေပေါ့…။ ရှင်းပေတော့.. တညနေလုံး..။ ပြဿနာလေးတွေရော.. ဖွတဲ့ အမှိုက်တွေ၊ ကစားစရာတွေရော..။

တခါတလေများ အလုပ်က ပင်ပန်း၊ သူတို့က ဆူညံ၊ စိတ်တွေတိုလာရော။ ဒီကြားထဲ အဖေ အမေ မသိအောင် ထိုင်းဘာသာစကားနဲ့ ရန်ကြိတ်ဖြစ်တာက ရှိသေး။ ဒါတောင် ၁၆နှစ်သားအကြီးကောင်ကြီးက အဝေးမှာ ဘော်ဒါကျောင်း သွားတက်နေပေလို့။ မဟုတ်လို့ကတော့ အပေါ်ထပ်သူ့အခန်းထဲက Punk သီချင်းသံတွေက အောက်ထပ်ထိ ညံလို့။ ကျမအလုပ်ကလည်း ခေါင်းသုံးရတဲ့အလုပ်၊ သူတို့အဖေအလုပ်ကလည်း အာရုံစိုက်ရတဲ့ အလုပ်။ အဲလိုနဲ့ တနေ့တနေ့ စိတ်ရော ကိုယ်ပါ အားရတယ်မရှိ။ ဒါပေမဲ့… အဲဒီ ဆူဆူညံညံအိမ်ကလေးနဲ့ ၅ရက်တပတ်လောက်ခွဲရပြီဆိုရင်တော့လည်း လွမ်းရပြန်ရော။

ဒီလိုနဲ့ ခရီးတိုလေးကနေ ပြန်ရောက်ပြီး နောက်တနေ့က တိုက်တိုက်ဆိုင်ဆိုင် ကလေးတွေ ကျောင်းပိတ်ရက် စနေနေ့ဖြစ်နေပါတယ်။ စနေတရက်ကတော့ ကလေး တွေအတွက် ကျမတို့မိသားစုက တနေရာရာကို သွားမြဲ။ တောင်ပေါ်ဘုရား၊ ရေကူးကန်၊ ကန်တော်ကြီး၊ ရေတံခွန်၊ ကစားကွင်းတွေ..ကလေးဖော်ရှိတဲ့ မိတ်ဆွေအိမ်တွေ ဆီ.. စသဖြင့်ပေါ့။

ဒီတပတ်တော့ ကုန်တိုက်တစ်ခုပေါ်က ကစားကွင်းကို သွားပို့ဖြစ်ပါတယ်။ အဲဒီအခါ မြန်မာနိုင်ငံထဲက ကလေး တွေကို ကျမ သတိရတော့တာပါပဲ။

မြန်မာနိုင်ငံနဲ့ နယ်နိမိတ်ချင်းထိစပ်နေတဲ့ မြေပေါ်မှာတော့ ကလေးတွေက လွတ်လပ် ရဲရင့်လို့၊ ပေါ့ပါး ပျော်ရွှင်လို့။ ကလေးတွေရဲ့ ပျော်ရွှင်ကျေနပ်ဖို့အတွက် ငွေကုန်ကြေးကျကလည်း မခံနိုင်စရာ မရှိ။ သူတို့ နိုင်ငံက လူတွေရဲ့ တဦးချင်းဝင်ငွေနှင့် သုံးငွေက မျှတလှတာမို့ ကလေးတွေအတွက် ကုန်ကျစရိတ်က ပြဿနာ မဟုတ်ပါ။ ဒီတော့ ကလေးတွေက ကံကောင်းခွင့်ရကြတာပေါ့။

ကျမတို့ မိသားစု မြန်မာပြည်မှာတုန်းက ကလေးတွေအဖေက မလေးရှားမှာ တလမှ ဗမာငွေ ၂သိန်း အနိုင်နိုင် ပို့ရရှာတာ။ ကျမရဲ့ တက္ကသိုလ်က ကထိကလစာက တလမှ တသောင်းခွဲ။ ကလေးတွေကို ကစားကွင်းပို့ရင် ပိုက်ဆံ ငါးထောင် တစ်သောင်းလောက်က ဘယ်လို ကုန်သွားမှန်းမသိ။ ကျမရဲ့ တစ်လခ နီးပါး။

ခု ဒီထိုင်းနိုင်ငံမှာကတော့ အခြေခံအလုပ်သမားလစာက အနည်းဆုံး ဘတ် ၇၀၀၀ ရှိပြီး မူလတန်းဆရာ တယောက်လစာကတောင် ဘတ်၂သောင်းကျော် ရပါတယ်။ ကလေးတယောက်ကို ကစားကွင်းပို့ရင် စိတ်ကြိုက် ဆော့ဦး.. ဘတ်၁၀၀ မကုန်ပါ။ ပြီးတော့ ကစားစရာ ဆော့စရာတွေကလည်း ကလေးရဲ့ ဉာဏ်ရည်ကို ဖွံ့ဖြိုးစေတဲ့ ဉာဏ်စမ်းဖြေတာတွေ၊ ပြီးတော့ ပန်းချီ ဆေးခြယ်တာတွေ၊ အရုပ်ဆက်တာတွေနဲ့ ကလေးတွေ ရဲ့ စည်းလုံးညီညွတ်မှုကို အားပေးတဲ့ စုပေါင်းကစားပွဲတွေ၊ ဖျော်ဖြေပွဲတွေပါ။

တကယ်လို့ ပိုက်ဆံမတတ်နိုင်ဘူးဆိုရင်တောင်မှပဲ အခမဲ့ကစားကွင်းတွေက တမြို့နယ်မှာ တစ်ခုတော့ ရှိသေး တာပါ။ မြက်ခင်းပြင်ကျယ်ကြီးထဲမှာ ဆီးဆော့တွေ၊ လွှဲဒါန်းတွေ၊ လျှောစီးစင်မြင့်တွေ၊ အမျိုးစုံပါပဲ။ ညနေဆို ကလေးတွေ ကစားတာကို လူကြီးတွေက လမ်းလျှောက်ရင်း၊ ကိုယ်လက်လှုပ်ရှား အားကစားလေ့ကျင့်ခန်းတွေ လုပ်ရင်း စောင့်နိုင်တာပေါ့။ သူတို့ဆီမှာက အပူအပင် နည်းပါးလှတာကိုး။ တကယ့်ကို အေးရာအေးကြောင်း ပါပဲ။

ကျမတို့မြန်မာနိုင်ငံမှာ အများကြီးတွေ့နေရတဲ့ ကလေး အလုပ်သမားမျိုးကို ထိုင်းနိုင်ငံမှာ မတွေ့ရပါဘူး။ တခါတလေတော့ ပန်းကုံးလေးတွေလိုက်ရောင်းနေတဲ့ ကလေးတွေကို တွေ့ရပါတယ်။ မေးကြည့်လိုက်လို့က တော့ အဲဒါ ဗမာပြည်ကပါပဲ။ ကျမတို့မိသားစုကိုယ်တိုင် ဗမာပြည်မှာ တုန်းကဆိုရင် Amusement Park လို့ ခေါ်တဲ့ ကစားကွင်းတွေ သွားနိုင်တာဟာ လူတန်းစား တမျိုး သပ်သပ်ရှိသလို သတ်မှတ်ထားခဲ့တာပါ။ အဲဒီအခါ ကလေးတွေကလည်း အဲလို သွားနိုင်တာ ကိုပဲ ဂုဏ်လုပ် ကြွားဝါတတ်လာကြတာ ပါ။ ဒါဟာ ခေတ်အခြေနေကြောင့် ဖြစ်လာရတဲ့ အကျင့်ဆိုးပါ။

တကယ်တော့ ကလေးအခွင့်အရေးတို့၊ ကလေးပညာရေး တို့ ဆိုတာထဲမှာ ကလေးတွေ လွတ်လပ်ပျော်ရွှင်စွာ နေထိုင်ခွင့်ရရေးဆိုတာက အရေးကြီးတဲ့အချက်တချက်ပါ။ ကလေးရဲ့ ဉာဏ်ရည်နဲ့ ကိုယ်ရည်ကိုယ်သွေးတွေ တိုးတက်ဖွံ့ဖြိုးရေးမှာ ကစားခြင်းကလည်း အရေးပါတဲ့ လိုအပ်ချက်ပါ။ ဒါကြောင့် မိဘတွေမှာ ဘယ်လောက်ပဲ စိတ်ရှုပ်ရှုပ်၊ အလုပ်တွေရှုပ်ရှုပ်၊ ကလေးတွေကိုတော့ ကစားခွင့်ရအောင် ဖန်တီးပေးရမှာ ဖြစ်ပါတယ်။ အနာဂတ်မှာ ကျမတို့အားကိုးရမယ့် ကလေးတွေ တော်ဖို့ ကောင်းဖို့အတွက် ပျော်ရွှင် ကျေနပ်စွာ ကစားခွင့်ရရေး က သိပ်ကို လိုအပ်တာပါ။

ဒီလိုနဲ့ပဲ... ကစားကွင်းတွေထဲ ပျော်ပျော်ရွှင်ရွှင် ကစား နေကြတဲ့ ကလေးတွေကိုကြည့်တိုင်း ဗမာပြည်ထဲက ကစားခွင့်ကလေးတောင် မရကြရရှာတဲ့ ကလေးတွေကို သတိရစိတ်နဲ့ ကျမ စိတ်ထိခိုက်ရတော့တာပါပဲ..။ ဗမာ ပြည်က ကလေးတွေ ကလေးပီပီ ပျော်ခွင့်ရကြဖို့ ရော.. ကျမတို့ ဘာလုပ်ပေးရပါ့မလဲ….။

မေငြိမ်း
နိုဝင်ဘာ၊၂၂။

Nov 20, 2007

တူနှစ်ကိုယ်

ဒီတလော.. ကျမရဲ့ စာသင်ခန်းတွေ စကားဝိုင်းတွေမှာ ၀တ္ထုရေးချင်တယ်ဆိုတဲ့ လူငယ်တွေ တော်တော် တွေ့လာရပါတယ်။ သိပ်ဝမ်းသာစရာကောင်းတာပါပဲ။ အထူးသဖြင့် မိန်းကလေးတွေ များပါတယ်။ အဲဒီမှာ တော်တော်များများက ၀တ္ထုဘယ်လိုရေးရမလဲ…၊ ၀တ္ထုရေးရင် သူတို့ကြိုက်တဲ့ စာရေးဆရာရဲ့ ဟန်နဲ့ တူတူနေလို့ ခိုးချသလို ဖြစ်နေမှာစိုးတယ်.. လို့ ပြောကြတာတွေ့ရပါတယ်။ အဲဒါနဲ့ ကျမက စု-တု-ပြုကိစ္စကို ပြောပြပါတယ်။ ကျမစိတ်ထင်တော့ လူတော်တော်များများဟာ စု-တု-ပြု အဆင့်ကို ဖြတ်ခဲ့ရတယ်လို့ ထင်ပါတယ်။ ရှာဖွေစုဆောင်းတဲ့အဆင့် နဲ့ တုပဖန်တီးတဲ့အဆင့်တွေကို ကျော်ဖြတ်ပြီးမှပဲ ကိုယ်တိုင် ပြုစု ထုတ်လုပ်တဲ့ အဆင့်ကို သေချာရောက်တယ်ထင်ပါတယ်။ ကျမကိုယ်တိုင် စာရေးသက်တော်တော်ရတဲ့အထိ၊ ကိုယ့်အတွေးထဲမှာ ကိုယ်ကြိုက်တဲ့ စာရေးဆရာရဲ့ဟန် လွှမ်းမိုးတာကို ခံနေရသေးတဲ့အကြောင်း ပြောပြပါ တယ်။ ကျမက စာရေးဆရာထဲမှာ (ဒေါ်)‘ကြည်အေး’ကို စွဲစွဲလန်းလန်း အကြိုက်ဆုံးပါ။ ဒါကြောင့်သူ့ဟန်နဲ့ သူ့တွေးပုံက ကျမအပေါ် အများကြီးလွှမ်းမိုးပါတယ်။ ကျမရေးခဲ့တဲ့ အထဲမှာ (ဒေါ်)ကြည်အေးရဲ့တွေးပုံမျိုး လွှမ်းမိုးတယ်လို့ ကိုယ်တိုင်ခံစားရတဲ့ ၀တ္ထုတိုလေး တစ်ပုဒ်ကို သတိရလာလို့ ပြန်တင်ပေးချင်ပါတယ်။

(စက်တင်ဘာအရေးအခင်းကာလနောက်ပိုင်း စာရေးချင်တာတွေ ပေါ်လာပေမဲ့ မရေးနိုင်သေးသမျှ၊ ခုလို စာဟောင်းလေးတွေနဲ့ပဲ ကျေနပ်ပေးကြပါဦးနော်။)

တူနှစ်ကိုယ်

(ဒီနေရာကပါ)

ညနေလေးနာရီ ထိုးလုပြီဆိုလျှင် အဆောင်ရှိ မိန်းကလေးတိုင်းလိုလို ရုံးစုရုံးစုဖြင့် လှုပ်လှုပ်ရှားရှား ဖြစ်လာရ စမြဲပင်။ တချိုက ချစ်သူ လာတွေ့မှာမို့တချိုက ညနေခင်းမှာ ချစ်သူနှင့် ကြည်နူးသာယာဖို့တချိုက ခြေခင်းလက်ခင်းသာချိန်မှာ သက်သက်ကို လမ်းလျှောက်ဖို့တချိုက မုန့်စား၊ လက်ဖက်ရည်သောက် ထွက်ဖို့အားလုံးမှာက အကြောင်းပြချက် ကိုယ်စီနှင့်ပင်။ အဲဒီအချိန်မှာ အိပ်ခန်းတွင်းအောင်းပြီး နေချင်တဲ့သူ ဆိုတာကတော့ မရှိသလောက် ရှားပါးလှပါသည်။ ထို့ကြောင့်ပင် မသစ္စ္စာက တမျိုးထူးဆန်းသော ရှားပါး မိန်းကလေး ဖြစ်လာရခြင်းပဲ ဖြစ်ပါလိမ့်မည်။

+++++

မသစ္စာတို့ အဆောင်၏ ညနေလေးနာရီသည် သိပ်အေးချမ်းသော ကြည်နူး သာယာဖွယ်ကြီးတော့ မဟုတ်ပါ။ အဆောင်ရှေရှိ အတော်ကျယ်ပြောသော မြက်ခင်းပြင်ကြီးကသာ စိမ်းစိုနေ၍ နေရောင်အောက်မှာ လက်လက် ပြေးကာ အေးဟန် အေးရိပ်ရှိပြီး ကောင်းကင်မှာမူ နေက ညှိုးရိပ်ပင် မသမ်းသေးဘဲ ရှိနေတတ်သည်။ သို့ပေမဲ့ အဆောင်ခြံဝင်း ဥယျာဉ်အတွင်းမှာမူ သရက်ပွင့်တို့ ထုံဝေသည့် သရက်ပင်အုပ်အုပ်ကြီး၏ အရိပ်တို့ဖြင့် အေးရိပ်ရှိပြီး အဆောင်ရှေ့လမ်းမကြီးပေါ်တွင်လည်း ပိတောက်ပင်တန်းကြောင့် အေးမြပါသည်။ ထို့ကြောင့်ပင် ပူလောင်ရိပ် မကုန်နိုင်သေးသည့် ထို လေးနာရီ ၀န်းကျင်သည် မြို့ပြထက်မှာထက်စာလျှင်တော့ မသစ္စာတို့ အဆောင်ရှိရာ တက္ကသိုလ် ကျောင်းဝင်း နေရာလေးမှာတော့ အေးမြငြိမ်သက်သည်။ သာယာသည်ဟု ဆိုရမည် ဖြစ်ပါသည်။ ပြီးတော့ ထိုအချိန်သည် မသစ္စာတို့ အဆောင်သူအားလုံး ညနေခင်း ရေချိုးပြီးစ မွှေးပျံ့ လှပ သန့်ရှင်း ကြည်စင်နေတတ်ရာ ထိုညနေခင်းက စိတ် ကြည်လင် ချမ်းမြေ့ဖွယ်ရာ အမှန်ပဲ ဖြစ်လေသည်။

+++++

ညနေ လေးနာထိုးဖို့ ဆယ်မိနစ်လောက်အလိုတွင် မသစ္စာ၏ အခန်းဖေါ် မေစီ၏ နှစ်ကိုယ်ကြင်တဲ့အကိုလင်ရဲ့.. ပျိုခင်နွဲ့... မျှော်တဲ့... လေးနာရီဟူသော သီချင်းညည်းသံကို ကြားရမြဲပင်၊ မသစ္စာက မေစီကလည်းကွယ် လင်မှမဟုတ်ဘဲနဲ့ မဆိုပါနဲ့ဟု တားလျှင် မေစီက ပြုံးစစဖြင့် အိုး တစ်နေ့ကျ ဖြစ်လာမှာပဲဟာဟု ပြန်ပြောတတ်၏။ မေစီက မျက်နှာတပြည့်စာ ကြည့်မှန်ကလေးကို ကြည့်လို့ပဲ မ၀နိုင်။ ထိုအချိန်မှာတော့ မေစီက သူ့ရဲ့ ဒိုရူး(Dohru) မိတ်ကပ်ကို အသုံးမချဘဲ ရှင်မတောင်သနပ်ခါးတုံးကိုသာ နာနာသွေးကာ ခြေလက်ပါမကျန် ဖုန်နေအောင် လူးတတ်၏။ ပြီးတော့ နေ့တိုင်းလိုလိုပင် ပြုံးတုံ့တုံ့ မျက်နှာလေးဖြင့် ကိုမောင်က ရှင်မတောင်သနပ်ခါးနံ့ရရင် အမောပြေတယ်တဲ့ဟု ခပ်တိုးတိုးလေး ရေရွတ်ဟန်ဖြင့် ပြောတတ်သေး၏။ မေစီ အဲလိုပြောသည့်အခါတိုင်း မသစ္စာကတော့ မငြီးငွေ့ဘဲ မေစီ့မျက်နှာလေးကို အမြဲ ငေးမိရတတ်သည်။ အဲသည် အချိန်လေးမှာ မေစီ့ အပြုံးဟာ တွေ့ဖူးသမျှမှာတော့ အလှဆုံးနဲ့ အရှင်သန်ဆုံးပဲ ဟုလည်း အမြဲ တွေးမိရသည်။ ထိုအခါ မေစီ၏ ချိုယွင်းချက်ဟု သူမ အမြဲ ယူဆမိရသည့် ချစ်သူယောက်ျားလေးအပေါ် မျက်နှာသာပေးမှုကို မသစ္စာက အပြစ်ဟု မမြင်မိဘဲ ခွင့်လွှတ် လိုက်မိရတတ်သည်။

တကယ်တော့ မသစ္စာက ချစ်သူရည်းစားမထားဖူးသော်လည်း အချစ်ကို နားလည် ခံစားနိုင်သူ အချစ်များ အပေါ် ကိုယ်ချင်းစာ နာတတ်သူပါ။ ဒါကို ဘယ်သူသိမလဲသို့ပေမဲ့ တစ်ချိန်တည်းမှာပဲ မသစ္စာက အချစ်ကြီး ချစ်နိုင်သူများ (သို့မဟုတ်) ချစ်ခွင့်ရကြ သူများအပေါ် မနာလို မုန်းထား ရှိနေသည်ကိုရော ဘယ်သူ သိနိုင်မလဲ။

ခက်သည်က မသစ္စာက ကိုယ့်ကိုယ်ကို သိမြင်သောမိန်းမ ဖြစ်နေခြင်းပင်။

+++++

မသစ္စာ မှတ်ထားသလောက်တော့ အဆောင်၏ ဧည့်ချိန်တွေမှာ၊ အဆောင်ရှေဥယျာဉ်ထဲမှာ ထိုင်စကားပြော ကြသော စုံတွဲက ခုနစ်တွဲရှိပြီး လမ်းလျှောက်လေ့ရှိသော စုံတွဲက ခြောက်တွဲ ရှိသည်။ ပြီးတော့ သူမတို့ အဆောင်မှ လှမ်းမြင်ရသည့် စားသောက်တန်း (Canteen) မှာ လက်ဖက်ရည်သောက်ရင်း စကားပြောသော စုံတွဲက သုံးတွဲရှိသည်။ အားလုံးပေါင်း အဆောင်မှာ ရည်းစားကို ညနေတိုင်း မျှော်စောင့်သော ကျောင်းသူ များက ၁၆ယောက်ရှိသည်။ ရည်းစားမရှိသေးသော ကျောင်းသူများကတော့ ညနေခင်း လမ်းလျှောက်ပေါ့ကင်တင်းထိုင်ပေါ့။ အဆောင်မှာနေကျန်သူဟူ၍ စာဂျပိုးရှစ်ယောက် နှင့် မသစ္စာသာ ရှိမြဲ ဖြစ်သည်။

မသစ္စာကတော့ ညနေခင်း လေးနာရီမှ စ၍ ရေချိုးသော ကျောင်းသူတစ်ယောက် ဖြစ်သည်။ အဲသည်အချိန် မှာဆိုလျင် စာဂျပိုးရှစ်ယောက်မှ လွဲ၍ အခြားသော ရေချိုးသူ၊ ထမင်းစားသူ မရှိတတ်ပေ။ မသစ္စာကသာ စာဂျပိုးလည်း မဟုတ်ပါဘဲနှင့် အဲသည်အချိန်မှာမှ ရေချိုးတာ။ ပြီးလျှင်တော့ ရည်းစားနှင့် သွားတွေ့မည့် မေစီထက် နည်းနည်းမှ မလျော့သော အတိုင်းအတာလောက် မွှေးပျံဖုံးလွှမ်းသည့် သနပ်ခါးတို့ဖြင့် ကိုယ့်ကိုယ်ကို ခြယ်သ၏။ ကြည့်မှန်ထဲမှာ ကိုယ့်မျက်လုံးတွေကို ကိုယ့်ဘာသာကိုယ် ပြန်စိုက်ကြည့်မိလျှင်တော့ ထိုအချိန်မျိုးမှာ ကိုသန့်စင်ကို သတိရ လာမြဲ ဖြစ်သည်။

သူက မသစ္စာရဲ့ မျက်လုံးတွေအောက်မှာ ချမ်းမြေ့သတဲ့။ မသစ္စာလည်း ချမ်းမြေ့ခဲ့တာပါပဲ။ ဒါပေမဲ့ ချမ်းမြေ့ခဲ့တာ တစ်ခုထဲနဲ့တော့ ဘ၀မှာ (အထူးသဖြင့် ချစ်သူစုံတွဲဘ၀မှာ) မပြည့်စုံနိုင်ဘူး ထင်သည်။ (ဒါနဲ့ပဲကိုသန့််စင်ကို သူမ ငြင်းခဲ့ရတာ)။ ဒါပေမဲ့ တချို့ ညနေတွေမှာ အဆောင်ကို သူလာလို့ ဥယျာဉ်ထဲမှာ စကားထိုင် ပြောရသည်ကိုတော့ မသစ္စာက စိတ်ချမ်းသာရပါသည်။ ဘ၀ထဲမှာ လှောင်ပိတ် ကျဉ်းကျပ်နေရသမျှအတွက် အမောပြေစရာ လေပြေလေညှင်းကလေးကို တစ်ချက် ရှူရှိုက်လိုက်ရသလိုပေါ့။ ဘာပဲဖြစ်ဖြစ်ကိုယ့်ကို ချစ်ခင် တန်ဖိုးထားပါသည်ဆိုသော လူတစ်ယောက်ရဲ့ ရှေမှာနေရတာ အားတမျိုးရှိတာတော့ အမှန်ပဲ ဖြစ်သည်။ အနည်းဆုံးကတော့ ကိုယ့်ဘက်မှ ရပ်တည်ပေးမည့် လူတစ်ယောက် ရှိလာတာပဲ မဟုတ်လား။

အဲသည် ကိုသန့်စင်ကြောင့်ပဲ မသစ္စာက ညနေခင်းတွေမှာ သနပ်ခါး မွှေးကြိုင်ခြယ်သလို့ အဆင်သင့် ရှိခဲ့တာ။ ကိုသန့်စင်က ညနေ ငါးနာရီလောက်မှ လာတတ်ပြီး ခြောက်နာရီထိုးတိတိလောက်မှာ ထပြန်တတ်သူမို့ မသစ္စာက ခပ်အေးအေးပဲ လေးနာရီထိုးကာမှ ရေချိုးတော့တာ အလှပြင်တော့တာ။ တကယ်လို့ ကိုသန့်စင် ရောက်မလာတော့ကောတဲ့။

+++++

ညနေလေးနာရီခွဲဆို အဆောင်ရဲ့ မျက်နှာစာ ဘယ်ဘက်ထောင့်စွန်းမှာရှိတဲ့ သူမ၏ အခန်းရှေစင်္ကြံမှာ သူမကိုယ်တိုင် ချထားသည့် ထန်းပက်လက်ကုလားထိုင်မှာ ထိုင်နေပြီ။ သူတို့အဆောင်က လူသွားလမ်းနှင့် နီးပြီး အဆောင်၏ မျက်နှာစာက အုတ်ဝရံတာ မဟုတ်ဘဲ သံဇကာကွက်ဖြင့်သာ အပြည့် ကာရံထားသည်မို့ အဆောင်စင်္ကြံမှာရှိသော လူတိုင်းကို ရှင်းရှင်းလင်းလင်း မြင်ရနိုင်သည်။ အဆောင်ပေါ်ရှိ လူကလည်း ပတ်ဝန်းကျင် မြင်ကွင်းကို ရှင်းရှင်းလင်းလင်း မြင်ရသည်။

ညနေတွေမှာ အဆောင်ရဲ့ ဒုတိယထပ် မျက်နှာစာ စင်္ကြံပေါ်မှာ.. ထန်းပက်လက် ကုလားထိုင်တွင် ထိုင်နေသော မသစ္စာကို ကြည့်ရသည်မှာ အိပ်မက်ဆန်လှသည်ဟု ကိုသန့််စင်က ပြောဖူးသည်။ မသစ္စာကတော့ သိပ်ကို သက်သောင့်သက်သာ ရှိတာပါပဲ။ ထန်းပက်လက် ကုလားထိုင်ရဲ့ ခေါင်းမှီတန်းပေါ် ခေါင်းကို ခပ်မော့မော့မှီလျက် ကြည့်လျှင်ဖြင့် အဆောင်၏ အရှေတောင်ဘက် မလှမ်းမကမ်းမှာ ရှိသည့် စားသောက်တန်းမှ လူတွေ၊ သူတွေကိုပင် မြင်ရသေးသည်။

မသစ္စာတော့ ဥယျာဉ်ထဲ ဆင်းရတာထက်၊ လမ်းလျှောက်နေရတာထက်၊ ကင်တင်း သွားထိုင်ရတာထက် ခုလို ထိုင်ကြည့်နေရတာကိုပဲ ဘယ်လို မက်မောမှန်း မသိပေ။ ကိုသန့်စင် ရောက်လာခြင်း၊ မလာခြင်းကလည်း အရေးမကြီးတော့

ကိုသန့်စင် ရောက်မလာသော ညနေတွေမှာတော့ သက်သောင့်သက်သာ နိုင်လှစွာသော အမူအရာဖြင့် ထန်းပက်လက် ကုလားထိုင်မှာ ထိုင်ရင်း ငေးသီနေသောမျက်လုံးများနှင့် တခါတရံ ချိုမြိန်စွာ ပြုံးတတ်သော မျက်လုံးများဖြင့် တခါတရံ ကြေမွသော မျက်လုံးများ ဖြင့် အနီးဝန်းကျင်ရှိ စုံတွဲတို့ကို ငေးနေသည့် မသစ္စာကို တကယ့်ကို အိပ်မက်ဆန်စွာ တွေ့ကြရမြဲဖြစ်သည်။

+++++

ရေမိုးချိုးပြီး သနပ်ခါး မွှေးထုံ လိမ်းပြီး Essence ဆပ်ပြာရည်နံ့ မွှေးထုံသည့် အ၀တ်လတ်လတ်တို့နှင့် လဲလှယ်အပြီးမှာတော့ မသစ္စာက For men ဟု သေချာ ညွှန်းဆိုထားသည့် Eternity ရေမွှေး ကို သူ၏ လည်တိုင်မှာ နှစ်နေရာလောက် ဆွတ်မြဲ ဖြစ်သည်။ သူ့စိတ်ထဲမှာတော့ အဲသည် Eternity က ကိုသန့်စင်၏ ကိုယ်ပွားဟုပင် ထင်သည်။ ကိုသန့်စင်က အဲသည်ရေမွှေးကို အမြဲသုံးသူ မဟုတ်လား။ ပြီးမှသရက်ပွင့်နံ့တို့ သိသိသာသာ ဝေ့၀ဲပျံလွင့်သည့် အဲသည် နံရံကပ် ကုလားထိုင်ရှိရာမှာ လာထိုင်သည်။ ညနေ ငါးနာရီ မတိုင်မီ အထိတော့ မသစ္စာက သူ့ကို မျှော်မိသည်။ တမင် မမျှော်လိုသော်လည်း အလိုလိုပင် မျှော်မိလျက်သား ဖြစ်အောင် မျှော်ကျင့် ရနေခဲ့ပြီ။

သူ ရောက်လာလျှင်တော့ အဆောင်ရှေ လမ်းသွယ်လေးရဲ့ ထိပ်ဆီ သူ ရောက်လာသည်ကို လှမ်းမြင်လိုက် ကတည်းကပင် မသစ္စာက အိပ်ခန်းထဲ ပြန်ဝင်၊ မှန်ရှေမှာ ဆံပင်ကို တစ်ချက်နှစ်ချက် သပ်ပြီး အောက်ထပ်မှ သူငယ်ချင်းတချိုလှမ်းမအော်ခင် သူ့ကို ဆီးကြို နှုတ်ဆက်ဖို့ အဆောင်ဝင်းဝကို ရောက်နှင့်အောင် သွားမြဲ ဖြစ်သည်။ ပြီးတော့ အဆောင်ရဲ့ ဘယ်ဘက်ခြမ်းက ဥယျာဉ်ထဲမှာရှိသော ပုဏ္ဏရိပ်စည်းရိုးနှင့် ကပ်လျက် ခုံတန်းမှာ ထိုင်လို့။ ကိုသန့်စင်ပြောလေ့ရှိသော စာပေရေးရာတွေ.. ဘ၀ကို တစ်ယောက်တည်း ရင်ဆိုင်ရတာ ထက် နှစ်ယောက်ရင်ဆိုင်ရတာက ပိုကောင်းတယ်လို့ အထောက်အထား ခိုင်ခိုင်လုံလုံနဲ့ ပြောပြတာတွေကို နားထောင်မည်။ တခါတခါတော့လည်း သူပြောတာတွေကို မကြားဘဲ၊ သူမတွေးချင်ရာတွေ အကြာကြီး တွေးနေမိတာတွေလည်း ရှိတတ်သည်။

တခါတခါကျတော့ ကိုသန့်စင်က ခေါင်းကို ညင်ညင်သာသာ ခါယမ်းကာ ကျာ်သိတယ်.. မသစ္စာ ကာ့်ကို မချစ်ဘူးဆိုတာ။ က်ာက တကယ်တော့ ရူးနေတာပဲ…၊ က်ာဟာ ကိုယ့်အနာဂတ်ကိုလည်း မသိတဲ့ ကောင်ပါဟု ပြောပြန်သည်။ ပြီးတော့လည်း တနေ့နေ့ကိုတော့ ကာ် မျှော်နေပါရစေနော် မသစ္စာ လို့လည်း မပြီးဆုံးနိုင်သော ဇာတ်ကို ဆက်ချင်ပြန်သည်။ သည်နေရာမှာ အတ္တကြီးသော မသစ္စာကတော့ ဇာတ်မျောထဲမှာ အသာစီးနေရာမှ နေနေရခြင်းအတွက် ပျော်စရာ ကောင်းသည် ဟု ခံစားရသည်။

ကိုသန့်စင် မလာသောနေ့တွေမှာတော့ မသစ္စာက ကိုယ့်စိတ်ကို ပုံသွင်းထိန်းချုပ်မှု မလုပ်တော့ဘဲ လွင့်ချင် သလောက် လွင့်ဖို့သာ လွှတ်ထားလိုက်တော့သည်။ အဲသည် အခါမှာတော့ မသစ္စာ၏ ဟန်ဆောင် ဖုံးထားသော ပင်ကိုစိတ်တို့က တကယ်ပဲ ရွက်လွှင့်တော့သည်။ ရွက်လွှင့်သော စိတ်တို့၏ ဦးတည်ရာကား ချစ်သူစုံတွဲ များသာဖြစ်သည်။

+++++

အဆောင်ပေါ်မှစီးကြည့်လျှင် မြက်ခင်းပြင်ကျယ်တပြောကြီးပြီးတော့ အဲဒီမြက်ခင်းရဲ့ အစပ် အနားသတ်မှာ တော့ စာသင်ဆောင်တချို့။ စာသင်ဆောင်တွေရဲ့ဘေး လမ်းသွယ်က မြက်ခင်းပြင်ကျယ်ထဲကို ဖဲ့ဝင်ကာ သူမတို့ အဆောင်ထံ ရောက်လာသည်ကို မြင်နိုင်သည်။ သည်တော့ အဆောင်ပေါ်မှ ကြည့်ရင်းဖြင့် အဆောင် ညနေခင်း ဧည့်ချိန်တွေမှာ အလျှိုလျှို ထွက်သွားကြသည့် ချစ်သူစုံတွဲ အားလုံးလိုလိုကို မြင်နိုင်သည်။ အများအားဖြင့်လည်း ထိုစုံတွဲတို့က ထိုမျှသော နယ်နိမိတ်၊ ဧရိယာကို ကျော်မသွားကြောင့်လည်း ဖြစ်သည်။

မသစ္စာ၏ စိတ်တို့က မြင်ကွင်းတလျှောက် လိုက်ပါသည့်အခါ မကြာခဏ စိတ်ကောက်နေလေ့ရှိတတ်သော နီထွေးနှင့် ကျော်ကျော်သက်တို့ စုံတွဲ၊ အမြဲချစ်ခင်ယုယစွာ အချိန်ပေါင်းများစွာကို တစ်ယောက်မျက်နှာ တစ်ယောက်ကြည့်ကာ သုံးပစ်လေ့ရှိသော ထားထား နှင့် နေလင်းတို့ စုံတွဲ၊ တစ်ယောက်နှင့် တစ်ယောက် သူငယ်ချင်းတွေလို နင်၊ ငါ ရိုက်ကာပြောသော်လည်း တခါမှ ရန်ဖြစ် စိတ်ကောက်တာ မတွေ့ဖူးသည့် ချော နှင့် သီဟတို့ စုံတွဲ၊ တစ်ယောက်ကို တစ်ယောက် အားပေးကာ အခုလို ရည်းစားဘ၀ကတည်း က ဘ၀ကို ရင်ဆိုင်ရုန်းကန်နေကြရသော မာလာ နှင့် ဖေလတ်တို့ စုံတွဲ အနောက်တိုင်းဆန်ကာ ပွင့်လင်းလွတ်လပ် သလောက် ရည်းစားလည်းများသည့် မေစီက သူနှင့်ကျမှ အချစ်စစ်ကို တွေ့ပါသည်ဟု ကြွေးကြော်ရပါသည့် ဉာဏ်ဦး နှင့် မေစီတို့စုံတွဲ တို့ကို အထူးသဖြင့် မြင်နိုင်သည်။ ထိုစုံတွဲတို့က အလွန်ဆုံး ကျောင်း စာသင်ဆောင် လှေခါးထစ်တွေမှာ ထိုင်ရုံထက်ပို၍ ဝေးဝေး သွားလေ့မရှိရာမသစ္စာ၏ မျက်လုံးရှေသို့ အလိုအလျောက် ရောက်လာတော့သည်။

အဲသည် စုံတွဲတို့ကို မျှော်ငေးရင်း မသစ္စာက နီထွေး စိတ်ကောက်သည်ကို မျက်ရည်တလည်လည်ဖြင့် ချော့ရင်း ပြေလည်သွားတော့ ပျော်မဆုံးဟန် မခွဲနိုင်မခွာဟန် အပြည့် ရှိသည့် ကျော်ကျော်သက်ကိုကြည့်ကာ ရင်ခုန်သည်။ ထားထား နှင့် နေလင်းတို့၏ သာယာ ကြည်နူးဖွယ် အချစ်၌ မွေ့လျော်သည်။ ချော နှင့် သီဟ လို အရာရာတိုင်ပင်လို့ရသော သူငယ်ချင်းဆန်သည့် အချစ်ကို သဘောကျသည်။ မာလာနှင့် ဖေလတ်လိုလည်း ဘ၀ကို ရင်ဆိုင်ရဲချင်သည်။ ပြီးတော့ မေစီ နှင့် ဉာဏ်ဦး လို အရာရာကို ပြီးမြောက် ကျော်ဖြတ် ပစ်လိုက် နိုင်သည့် အရူးအမူး အချစ်မျိုးကိုလည်း ကြုံတွေ့ဖူးလိုသည်။ တကယ်တော့ ထိုစုံတွဲတို့က မသစ္စာ၏ အိပ်မက်များသာ ဖြစ်သည်။ လက်တွေ့မှာလည်း မသစ္စာက အိပ်ရာမှ နိုးထသည့်အခါ အိပ်မက်တို့ကို ပြီးဆုံး ဖြေဖျောက်ပစ်လိုက်ရသူပဲ မဟုတ်လားလေ…..

+++++

မသစ္စာက ဘ၀ကို ကြောက်ရွံ့သူဖြစ်သည်။ သို့ပေမဲ့ ယင်းကို ကိုသန့်စင်ကတော့ မသိပေ။ ကိုသန့်စင်သည် သူ့ကို မသစ္စာ ဘာကြောင့် ငြင်းဆန်နေသလဲ၊ ဘာကြောင့် ခေါင်းမညှိတ်သလဲ ဆိုတာကို အဖြေရှာမရပေ။ စဉ်းစားကြည့်တော့ ကိုသန့်စင် နှင့် မသစ္စာက မတူမတန်စရာæ မလိုက်ဖက်စရာလည်း မရှိပြန်။ ကိုသန့်စင်နှင့် မသစ္စာက လိုက်ဖက်၍ပင် နေသေးသည်။ ကိုသန့်စင်သည်လည်း မသစ္စာလိုပင် နယ်ကျောင်းသား လူလတ် တန်းစား၊ ၀န်ထမ်းသားသမီး ကိုယ့်အား ကိုယ်ကိုး နေရသူများ။ တနည်းအားဖြင့် စိတ်ချလက်ချ လက်တွဲ နိုင်သည့် အရည်အသွေးလည်း ပြည့်သူချင်းပဲ။ ဒါပေမဲ့ မသစ္စာ တွေးသလို ဆိုရင်တော့ ကိုသန့်စင်က မသစ္စာကို နားမလည်နိုင်သေးသူ။ အကဲမခတ်တတ်သေးသူ အထူးသဖြင့်တော့ ကိုသန့်စင်က လောကထဲမှာ ရိုးလွန်းသူ ဖြစ်နေခြင်းပင်။ မသစ္စာအမြင်အရတော့ ဒီလောကကြီးက ရိုးသားနေဖို့ မကောင်းသောကြောင့် ရိုးသားနေလို့ မဖြစ်။ ထိုအခါ ဒီလောကထဲ တသက်လုံး နေထိုင်သွားဖို့ရာမှာ သူမကို ဦးဆောင်နိုင်သည့် ထက်မြက်ပါးနပ် သော ယောက်ျားသာ လိုအပ်သည်ဟု ယူဆလေသည်။

ပြီးတော့ မသစ္စာက ဘ၀ထဲမှာ တစ်သက်လုံး ရုန်းကန်ပင်ပန်းခဲ့ရခြင်းတို့ဖြင့် နှစ်ဆယ့်နှစ်နှစ် လုံးလုံး နေခဲ့ရသူမို့ ကိုယ့်ကံကြမ္မာ ကိုယ်ဖန်တီးရမည့် နောက်ပိုင်း သက်တမ်းများကိုတော့ အေးအေးသက်သာဖြင့်သာ ဖြတ်သန်း လိုတော့သည်။ ထိုအခါ မသစ္စာက ဘ၀ထဲမှ ထွက်မသွားနိုင်သေးခင် အချိန်ကလေးအတွင်းမှာတော့ ဒုက္ခကို ကြောက်သူသာ ဖြစ်တော့သည်။

အခန်းဖေါ်မေစီကတော့ မသစ္စာဟာ ခုလောက် ခေါင်းအေးအေး အမြင်ရှင်းရှင်း ထားတတ်သူဖြစ်လျက်အသည်းနှလုံးထက် ဦးနှောက်ကို ဦးစားပေးနိုင်သူလည်း ဖြစ်လက်ဘ၀ကို လောကဓံဆိုတာကို ထိုမျှ ကြောက်ရွှံ့နေခြင်းမှာ အပြစ်ဟု ဆိုသည်။ မသစ္စာကတော့ မေစီ့ကို ခပ်ပြုံးပြုံးဖြင့်ပင်အင်းပေါ့လေမေစီက တော့ ပြောမှာပေါ့ တခါမှ မဆင်းရဲဖူးခဲ့ပဲကိုးဟု မှတ်ချက်ချသလို ပြောတတ်သည်။ အဲလို ဦးနှောက်ကို ဦးစားပေးလို့လည်း ကျိန်းသေ ဆင်းရဲဒုက္ခကြုံရမယ်လို့ သိတဲ့ ကိစ္စမျိုးတွေကို ရှောင်နိုင်တာပေါ့ဟု ဆက်ပြော ပြန်လျှင်လည်း မေစီက ခေါင်းတညိတ်ညိတ်ဖြင့် ထောက်ခံရပြန်သည်။

တကယ်လည်း မသစ္စာက ခုထိတိုင် အသည်းနှလုံးကို ဖုံးကွယ် လိမ်ညာထားနိုင်ဆဲ။ လိုသလို အသုံးချ၍ ရနေဆဲပဲ ဖြစ်သည်။ မသစ္စာက ချစ်သူစုံတွဲများကို ပြုံးယောင်ပြုံးတုံ့ ငေးနေဆဲမှာပင် အကွာအဝေးပေါင်း များစွာကို ကျော်ဖြတ်ကာ အများကြီး တွေးမြင် ပစ်လိုက်သူပေပဲ။ ကြည်နူးရွှင်ပြနေသော ချစ်သူတစ်စုံကို ကြည့်ရင်းမှပင် အဲဒီ စုံတွဲနေရာမှာ သူမနှင့်အတူ ကိုသန့်စင်ကိုပါ အစားထိုး ကြည့်တာ။ အဲဒီအခါ… အိမ်ထောင်ရေး နယ်ပယ်တွင်းရှိ လူမှုရေး၊ စီးပွားရေး၊ ကျန်းမာရေးဆိုင်ရာ အခက်အခဲတွေကို မြင်တော့တာ။

အိမ်ထောင်သည်ဘ၀မှာ သူမ နှင့် ကိုသန့်စင်က ဘွဲ့ရပညာတတ်ဆိုတော့လည်း ပညာတတ်မာန်က ကြီးမည်။ သူများကို အောက်ကျ မခံ။ သူများ အောက်ကျိုရမည့် အလုပ်မျိုး မလုပ်နိုင်။ ကိုသန့်စင်က ပိုဆိုးလိမ့်မည်။ သူက သူ့ပညာမှာ တော်သည့်လူ ဖြစ်သည့်အပြင် မာနကလည်း ကြီးပေ့ ဆိုသည့် အစားထဲက။ ကိုယ့်ပညာကို တစ်နည်းနည်းနဲ့ စော်ကားလို့ကတော့ ငုံ့ခံနေစရာ အကြောင်းမရှိဘူးဟူသော စကားမျိုးကို သူ့ထံမှ မကြာခဏ ကြားခဲ့ရဖူးသည်။ သည်တော့ ကိုသန့်စင် နှင့် သူမတို့သည် သူမတို့၏ မိဘများလိုပဲ ရိုးကုပ်စွာ ဆင်းရဲသော ၀န်ထမ်း မိသားစုမျိုးသာ ဖြစ်လာလိမ့်မည်။ ပြီးတော့ ကိုသန့်စင်က မောင်နှမငါးယောက်ထဲမှာ သားအကြီးဆုံး လည်း ဖြစ်ပြန်သည်။ ခက်သည်က မသစ္စာကိုယ်တိုင် မောင်နှမငါးယောက်ထဲမှာ သမီးဦး ဖြစ်နေသည့်အတွက် သားဦး သမီးဦးတို့၏ ငဲ့ညှာရမှုထောက်ပံ့ရမှုတို့ကို သဘောပေါက်သည်။

ထိုအတွေးတို့ကို တွေးမိတိုင်းပင် မသစ္စာက သက်ပြင်းမှုတ်ကာ မျက်စေ့စုံမှိတ်လျက် ခေါင်းခါ ပစ်လိုက်ရမြဲ ဖြစ်သည်။ အတွေး၌ပင် ထိုဘ၀ကို ထိတ်လန့်၏။ ကိုသန့်စင်တို့ ယောက်ျားတွေကတော့ မိန်းမတွေ ဂုဏ်မက်သည်ဟုသာ စွပ်စွဲမှာပေါ့။ သို့ပေမဲ့ အောင်မြင်သော အိမ်ထောင်ရေးတစ်ခုအတွက် ငွေကြေးဆိုတာ အခြေခံလိုအပ်ချက်ပဲ မဟုတ်လား။ ချစ်သူတွေ အိမ်ထောင်ဖက်တွေ ဖြစ်ကြပြီးမှတော့ ငွေကြေးအတွက် ရန်ဖြစ်ကြရတာ ရှက်စရာကောင်းသည်မို့ ဒါကို မသစ္စာက ရှောင်ရှားလိုသည်။ ဒါပေမဲ့ ရှောင်ရှားဖို့လည်း ခက်မှာ သေချာသည်။ ထိုအခါမသစ္စာက ထိုသို့ ပြဿနာရှိနိုင်သည့်သူကို ချစ်သူအဖြစ်ပင် မပတ်သက် လိုတော့ပေ။ နှစ်ဦးနှစ်ဖက် အကျိုးရှိသော ဆုံးဖြတ်ချက်ဟုလည်း ထင်သည်။ မလိုအပ်ပါဘဲ ရန်သူလည်း မဖြစ်လိုတော့ပေ။ ကိုသန့်စင်ကို ငြင်းဖြစ်သည့် အဓိကအကြောင်းက ဒါပဲဖြစ်သည်ကို မသစ္စာကတော့ ၀န်ခံရဲပါသည်။

မေစီတို့ကတော့ မသစ္စာက အချစ်ကို တန်ဖိုးမထားဘူးဟု ဆိုသည်။ စင်စစ်တော့ မသစ္စာကမှ အချစ်ကို တကယ် တန်ဖိုးထားသည်ဟု ကိုယ့်ဘာသာ ယုံကြည်သည်။ ကြည့်လေ အချစ်ကို တန်ဖိုးထားလို့ပဲ အချစ်ရဲ့ ပုံသန်လေး ပျောက်ပျက် မသွားအောင်လို့ပဲ အဲဒီ အချစ် ဆိုတာကို အင်မတန် လှည့်ဖျားတတ်သော၊ ပူလောင်ပြင်းပြခြင်းတို့ များပြားသော အိမ်ထောင်ဘ၀ဆိုတဲ့ နွံထဲ ဆွဲခေါ် မထည့်လိုတာပေါ့။

အချစ်… ဆိုတာကို သီးသီးသန့်သန့်လေး ပြီးတော့ ဟိုး ခပ်မြင်မြင့်မှာသာ ကိုးကိုး ကွယ်ကွယ် ထားချင်သည်။
အိမ်ထောင်ရေးဘ၀ဆိုတာ
ထဲမှာတော့ စဉ်းစားချင့်ချိန်ခြင်းတွေတန်ဖိုးဖြတ်နိုင်မှုတွေနှင့်သာ တည်ဆောက်လို သည်။

မသစ္စာကတော့ ရင့်မာသည်ဟုပင် ဆိုဆို…။ မိန်းမတစ်ယောက်ဘ၀မှာ ယောက်ျားတစ်ယောက်ကို လက်ထပ် ယူလိုက်ရတာဟာ ကိုယ့်ဘ၀ကို အကုန် ပေးလိုက်ရခြင်း ဖြစ်သည်မို့ ယောက်ျားတစ်ယောက်၏ ကိုယ်ပိုင်ကျွန်ပဲ ဖြစ်သွားသည်ဟု ထင်သည်။ သို့ဆိုလျှင် အဲသလောက် ပေးဆပ်နိုင်ဖို့ တန်ရာတန်ဖိုးတော့ လိုချင်သည်။ ထိုနေရာမှာ တန်ဖိုးသတ်မှတ်ပုံခြင်းကတော့ မ်ိန်းမတစ်ယောက်နှင့် တစ်ယောက် ကွဲပြားနိုင်သည်ပေါ့။ မသစ္စာအတွက်ကတော့ အဲဒီ ခင်ပွန်းလောင်း၏ ကိုယ့်အပေါ် အချစ်သစ္စာရှိမှုနှင့် ငွေကြေးက တန်းတူကျစွာ တန်ရာတန်ဖိုး ဖြစ်နေသည်။ ယင်းအတွက် ကိုယ့်ကိုယ်ကို ငွေကြေးနှင့် လဲလှယ်သူသို့မဟုတ် အရိုင်းဆုံး ကြေးစားနှင့်ပင် နှိုင်းနှိုင်း မသစ္စာက သူမ၏ ဆုံးဖြတ်ချက်ကို မှန်သည်ဟုသာ ယုံကြည်သည်။

ကိုယ့်ရဲ့ဘ၀ ရုန်းကန် ပင်ပန်းခဲ့ရသမျှ ကိုယ့်သားသမီးတွေကိုတော့ ပြည့်စုံစေချင်သည်။ တူနှစ်ကိုယ် တဲအိုပျက်မှာ နေရနေရ အရေးမကြီးသော်လည်း တူနှစ်ကိုယ်မကသားသမီးတွေ ရှိလာလျှင်တော့ ထိုသားသမီးတို့အတွက် ဆိုတာကို ငဲ့သင့်ပြီ မဟုတ်လား။ မသစ္စာက အဲသည်အထိ တွေးသည်။ ဘာလို့ဆို ကိုယ်တိုင် မပြည့်မစုံဖြင့် ကြီးပြင်းခဲ့ခြင်း ဒဏ်ရာ ရထားသူ မဟုတ်လား။

သည်တော့ မေစီက ပြောသည်။ အဲလိုတွေးတာ မင်း ကိုသန့်စင်ကို တကယ် မချစ်သေးလို့ပါ။ တကယ် ချစ်ရင်တော့ အဲဒီ အယူအဆအားလုံးဟာ ပြောင်းပြန်တွေ ဖြစ်သွားမှာပဲ တဲ့။ မသစ္စာကတော့ ငြင်းလည်း မငြင်း ၀န်လည်း မခံဖြစ်ပါ။ ဒါဟာ သိပ် အရေးပါတဲ့ ကိစ္စလည်း မဟုတ်ဘဲ။

တခါကတော့ ကိုသန့်စင်ရှေမှာ

အိမ်ထောင်ရေးဘ၀ရဲ့ အဓိကရန်သူဟာ ဖေါက်ပြန်မှုပဲလို့ ကမထင်တယ်…။ ပြီးတော့ ငွေကြေး ချမ်းသာလွန်းတာရယ်.. ငွေကြေး ချိုတဲ့လွန်းတာရယ်။ အိမ်ထောင်ရေးဖေါက်ပြန်မှုဆိုတာမှာ ငွေကြေးချမ်းသာမှ-မှ မဟုတ်ဘဲ။ ဒီတော့ အခြေအနေတိုင်းမှာ လင်သားရဲ့ ဖေါက်ပြန်ခြင်းကို ခံရနိုင်တဲ့ မိန်းမဘ၀မှာ ငွေကြေးပြည့်စုံနေတာကမှ ခံသာဦးမယ် ထင်တာပဲ။ အနည်းဆုံးတော့.. ဖဲလေး ရိုက်လိုက်ဗွီဒီယိုကြည့်လိုက်တီဗွီဂိမ်းဆော့လိုက်ပစ်ကနစ်(Picnic) ထွက်လိုက်နဲ့ နေနိုင် တာပေါ့။ ဆင်းများ ဆင်းရဲရင်တော့ တော်တော် ချောင်ပိတ်ခံရတာမျိုး ဖြစ်မှာ။ ထမင်းငတ်တာ ပူရလင်ဖေါက်ပြန်တာအတွက် စိတ်ဆင်းရဲရသားသမီးတွေ မပြည့်မစုံနေရလို့ စိတ်ပူလောင်ရ နဲ့ လေ

ဟုပြောတော့ ကိုသန့်စင်က သူမ ကျေနပ်လက်ခံနိုင်လောက်သော နှစ်သိမ့်စကားမျိုး ပြန်မပြောနိုင်ခဲ့။ ခပ်ငူငူငိုင်ငိုင်ပဲ နေနေခဲ့သည်။ နောက် အတော်ကြီးကြာမှ လေသံ တွန်ဆုတ်ဆုတ်ဖြင့်မဖေါက်ပြန်တဲ့ ယောက်ျားလည်း ရှိပါတယ်ဟု ဆို၏။ ကမက အဆိုးဆုံးကို တွေးထားရတာပေါ့ဟု သူမက ပြန်ဖြေတော့ လည်းဆင်းရဲတာကို ချစ်သူနဲ့ လက်တွဲရင်ဆိုင်ရင်ကော ဟု မေးပြော ပြောသည်။ ဘ၀ကို ကမ ကံမစမ်းရဲ တော့ဘူး ကိုသန့်စင်”ဟု ပြောလျှင်လည်း သူက မျက်နှာတစ်ချက်ပျက်ကာ သူမကို မျက်နှာချင်းမဆိုင်ဘဲနှင့်တကယ်တော့ မသစ္စာကို က်ာက တခြားသာမန် မိန်းမ တွေလို ထင်မထားခဲ့ဘူး ဟု ခပ်မာမာ လေသံမျိုးဖြင့် ပြောလေသည်။

ကမကို ငွေမက်တယ်လို့ ပြောချင်တာမဟုတ်လား ကိုသန့်စင်။ ဟုတ်ပါတယ်ကမ ငွေမက်တာ ပါပဲ။ ဘာလို့ဆို ကမတို့ မိန်းမတွေအတွက်က ဘ၀မှာ အဆင်မပြေစရာဖြစ်လာရင် ရှင်တို့လို အရက်သောက်.. ဘောလုံးပွဲသွား.. ကြေးစားမိန်းမဆီသွား.. အဲလိုထွက်ပေါက်မျိုးတွေ ဘာ တစ်ခု မှ မရှိဘူးလေ။ ကမ ပြောခဲ့ပြီးပါပကော

သည်အခါမှာတော့ သူက သက်ပြင်းတစ်ချက်ရှိုက်ကာ ခေါင်းကို လေးလေး ခါယမ်း၏။ မသစ္စာကတော့ ထူးပြီး မခံစားချင်တော့ပါ။ ခံစားခဲ့ရတာ များပြီ မဟုတ်လား။

+++++

တကယ်ဆိုတော့ မသစ္စာတို့ဘ၀က လင်သားတစ်ဦး မဖြစ်မနေ လိုအပ်သည့်ဘ၀တော့ မဟုတ်ပေ။ တစ်ခု တော့ ရှိမည်။ အိမ်ထောင်ပြုမှ ကိုယ့်အခြေအနေ တိုးတက်မည် ဆိုလျှင်တော့ လင်သားတစ်ဦး လိုအပ် သည်ပေါ့။ ထိုသို့မဟုတ်ဘဲ အိမ်ထောင်ပြုပြီးမှ ဆုတ်ယုတ်နေဆဲဆိုလျှင်တော့ မသစ္စာက မိသားစုထဲမှာပဲ တစ်ယောက်တည်း နေသွားတာ ကောင်းသည်ဟု ရွေးချယ်လိုပါသည်။

စင်စစ်တော့ မသစ္စာက ကိုယ့်အပေါ် စွဲလန်းချစ်မက်သည့်၊ ပစ္စည်းဥစ္စာလည်း ပြည့်စုံသည့် ယောက်ျား တစ်ယောက် ရဖို့ မျှော်လင့်ခြင်းက နည်းနည်းတော့ စိတ်ကူးယဉ် ဆန်ပါသည်။ မသစ္စာက မိန်းမလှမှ မဟုတ် ဘဲ။ မိန်းမတစ်ယောက်ဟာ လှရင်လှ၊ မလှရင်တော်မှဆိုလျှင်တော့ မသစ္စာက အနည်းငယ် ထူးချွန်သည်ဟု ဆိုနိုင်သော ဂုဏ်ဒြပ်မျှနှင့်သာ ပြည့်စုံပါလိမ့်မည်။

ဒါတွေကို မသစ္စာက အတွင်းကျကျ နားလည်ထားပါ၏။ ထိုအခါမသစ္စာက အချစ်ဆိုတာကို အိပ်မက်လိုပဲ စိတ်ကူးယဉ် မက်ကာ လက်တွေ့ဘ၀ကို မေ့လျက် နေ့ရက်တွေမှာ နေပျော်ရတော့သည်။ ချစ်သူစုံတွဲများစွာ ကို အားကျမနာလိုနှစ်လိုဝန်တိုခြင်းများစွာတို့ လွန်ဆွဲသော်လည်း၊ အတက်အကျတို့ဖြင့် အသက်ဝင်သော ထိုရက်များထဲမှာ မသစ္စာ ပျော်နေတတ်ပြီ ဖြစ်ပါသည်။

+++++

သို့နှင့်ပင် နေ့စဉ် ညနေတွေမှာ မက်နေကျ အိပ်မက်ကို မက်ယူဖို့ ကိုသန့်စင်ကို မျှော်စောင့် ချစ်သူစုံတွဲများ ကို ကြည့်ငေး အတွေးများနှင့် အနာဂတ်ခရီးကို ဆီးကြိုသွား ပြီးတော့၊ ပျော်လိုက်.. ငိုလိုက်နာကျင်လိုက်ကြေကွဲလိုက်ရန်စောင်လိုက်မာန်တက်လိုက်ဖြင့် မသစ္စာကတော့ စိတ်ကူးယဉ်တွေကို ပျိုးမြဲ ပျိုးနေ မိတော့သည်။

မေငြိမ်း
၉၄၊ မတ်လ၊

(ရှေ့ပြေးမဂ္ဂဇင်း၊ ၉၄၊အောက်တိုဘာလ၊ တွဲ ၃-အမှတ်၁)




Nov 18, 2007

ကြော်ငြာ



ကျမစာမရေးနိုင်လို့ အသစ်တင်ပါလို့ ပြောနေကြတဲ့ ကြားထဲ မှာပဲ ဒီနေ့တော့ ထူးထူးခြားခြား ပို့စ်တခု တင်ပါမယ်။ ကြော်ငြာပါ.. :) ။

Burma Media Association ကနေ ဒီနှစ်မှာ စာအုပ်နှစ်အုပ် ထုတ်ပါတယ်။ တစ်အုပ်က ကျမ ပြုစုတဲ့ “သတင်းသမား သတိထားစရာ မြန်မာစာနှင့် စကားသံများ” ဖြစ်ပြီး၊ နောက်တစ်အုပ်ကတော့ ဘလော့ဂါ ယောဟန်အောင်(အောင်သူငြိမ်း) ဘာသာပြန် ထားတဲ့ “ဘလော့ဂါများနှင့် ဆိုင်ဘာအတိုက်အခံများအတွက် လက်စွဲ“ စာအုပ် ဖြစ်ပါတယ်။

အသင်းသားတွေနဲ့ သတင်းသမားတွေအတွက် အခမဲ့ဖြန့်ဝေတဲ့ ဒီစာအုပ်နှစ်အုပ်ကို အသင်းရဲ့ ရန်ပုံငွေအတွက် ပြင်ပမှာ ဈေးနှုန်းသက်သက်သာသာနဲ့ ရောင်းပါမယ်။ 'ဘလော့ဂါလက်စွဲ' ရဲ့တန်ဖိုးက ၂ဒေါ်လာဖြစ်ပြီး၊ 'သတင်းသမား သတိထားစရာ' ကတော့ ၁ဒေါ်လာ ဖြစ်ပါတယ်။ လောလောဆယ်တော့ တမျိုးကို အုပ်၂၀၀စီပဲ ရှိပါတယ်။ လိုချင်ရင် ကျမဆီမှာ မှာလို့ရပါတယ်။ maynyane@gmail.com ကို မှာနိုင်ပါတယ်။ ပြည်ပကနေ မှာယူရင်တော့ စာပို့ခကို မှာတဲ့သူက ကျခံရပါမယ်။ မှာတဲ့အခါ ကျမဆီကို ပို့ပေးရမယ့် လိပ်စာ ထည့်ပေးပါ။ အဲဒီလိပ်စာအရ စာအုပ်ပို့ခ ကျသင့်ငွေ ဘယ်လောက် ဆိုတာကို စုံစမ်းပြီး အကြောင်းပြန်ပါမယ်။ အဲဒီ့အခါမှာ Money order သုံးပြီး ငွေပို့ရမယ့် စာတိုက်သေတ္တာနံပါတ် ကျမ ပေးပါ့မယ်။

ထိုင်းနိုင်ငံမှာဆိုရင်တော့ ဘတ်ငွေနဲ့ ရောင်းပါမယ်။ ၂အုပ်ပေါင်း တစ်စုံကို ဘတ် ၁၀၀ ပါ။ တစ်အုပ်စီ ဆိုရင် တော့ 'ဘလော့ဂါလက်စွဲ'က ဘတ် ၇၀၊ 'သတင်းသမား သတိထားစရာ'က ၃၅ဘတ်ပါ။ မြန်မာပြည်ထဲက လိုချင်သူတွေကိုတော့ အခမဲ့ပို့ပေးမှာ ဖြစ်ပါတယ်။


Nov 8, 2007

What's in May Nyane's bag

ဂျစ်တူးလေးက Tag ထားတာ ကြာပါပြီ။ ကျမကလည်း ရေးချင်တာကြာ။ ဒါပေမဲ့ ဒီရက်တွေ ထဲမှာ အလုပ်တွေက တကယ်ကြီးကို ပိ။ ပြီးတော့ ဘယ်လောက်များလဲဆို ဓါတ်ပုံရိုက်ထားပြီးတာတောင် ကင်မရာထဲကနေ မထုတ်ဖြစ်။ ထုတ်ပြီးပြန်တော့လည်း ဂျစ်လုပ်သလို ဓါတ်ပုံမှာ နံပါတ်လေးတွေ မတပ်တတ်... :D

ခုတော့ မထူးပါဘူးဆိုပြီး Tag တဲ့ သူကိုပဲ ပြန်အပ်လိုက်ရ.. ဂျစ်လိုမျိုးလေး လုပ်ပေးပါပေါ့။ :P
ကဲ.. ကျမသွားလေရာ ပါတဲ့ ပစ္စည်းတွေ….အဲဒီမှာ။

  1. ကျမရဲ့ လွယ်အိတ်ကလေးပါ။(သေးသေးလေးနဲ့ တော်တော်ဆံ့)
  2. အိတ်ဆောင် ဒိုင်ယာရီလေး (RFA က ပေးထားတာ)
  3. Electronic Dictionary (အင်္ဂလိပ်စာညံ့လို့ ဆောင်ရ)
  4. ရှူဆေးဗူးလေး (အဖွားကြီးဆိုတော့ ခဏခဏ မူးတတ်လို့ J)
  5. ဒါကတော့ စိတ်ညစ်စရာလည်းကောင်း.. အရေးကလည်းပါ….
  6. အဲဒီ ဘီးလေး .. ဗမာပြည်ကတည်းက ပါလာတာ။(တကယ်တော့ အဖျားလေးကျိုးနေပြီ =)) )
  7. ခုရိုက်နေတဲ့ ကင်မရာထည့်တဲ့ အိတ်ကလေးပါ။
  8. မျက်မှန်အိတ်က ပိုပါသွားတာ .. (:P)
  9. မျက်စေ့အလွန်ကျိန်းတတ်သော ကျမအတွက် အရေးပါသော မျက်မှန်ကလေး
  10. ပိုက်ဆံအိတ်ကလေး
  11. ဓါတ်ပုံထဲ မပါဘဲ ကျန်နေသေးတာက ရွက်ဆုတ် စာအုပ်လေး။(ဘယ်လို ကျန်ခဲ့တယ် မသိ)

ဖြန့်ဝေခြင်း(၆၀)


ကျွန်းရွက်များအကြောင်း အောက်မေ့မှု

ပြားချပ်သွားတဲ့ကမ္ဘာကြီးပေါ်က
ဖိနောင့်ပါးနေတဲ့
ပြားချပ်ချပ်ဖိနပ်တရံပေါ် ရပ်ရင်း
ငါဆွေးနေမိရဲ

မျက်ရစ်မပါတဲ့အချစ်နဲ့
ထူထောင်ခဲ့တဲ့ ခေတ်တခေတ်ဟာ
မင်းဖြစ်ခဲ့ပေါ့

ဂန္ဓာလရာဇ်သွေးနဲ့
ငါ့သားလေးရေ

မင်းတို့လူမျိုးတွေဟာ
လူတော်တွေပါ
လူပေါ်လူဇော်မလုပ်မိစေနဲ့

မင်းတို့လူမျိုးတွေဟာ
လူတော်တွေပါ
လူယုတ်မာတွေမဖြစ်မိစေနဲ့

မင်းတို့လူမျိုးတွေဟာ
လူတော်တွေပါ
သူတပါးတိုင်းပြည်ရဲ့အသွေးအသား
မပြစ်မှားမိစေနဲ့
သမိုင်းဆိုတာ

သားကြောဖြတ်လို့ရတဲ့အရာ
မဟုတ်ခဲ့

တို့နိုင်ငံရဲ့ ရွှေဝါရောင်တော်လှန်ရေး
သွေးနဲ့လက်ခမောင်းခတ်ခဲ့ပြီ

ပုရွက်ဆိတ်တွေရဲဘုံဝါဒ
အဓွန့်ရှည်ပါစေ
ခွေးအတွေရဲဘုံဝါဒ
ကျဆုံးပါစေ

တိန့်ရှောင်ဖိန်က
တိန်အန်မင်အရေးအခင်းကို
ရူးချင်ယောင်ဆောင်ခဲ့တယ်။

သစ်ကောင်းအိမ်
(
၇၊ ၁၁၊ ၂၀၀ရ)