ဒါနဲ့ နောက်ဆုံး ကြံရာမရဖြစ်ပြီး Tag ခံရဖော် ‘ကေသွယ်’ ရေးတာကို ဖတ်မှ အကြံရ။ ကဲ.. ကိုယ်လည်း တကယ်ခံစားခဲ့ရဖူးတဲ့ အဟောင်းလေးပဲ တင်မှပါဆိုပြီး… အထင်ကရဖြစ်ခဲ့တဲ့ အချစ်အကြောင်းလေးတစ်ခု တင်ပေးလိုက်ပါတယ်။ (မှတ်မှတ်ရရ အဲဒီဝတ္ထုလေးတုန်းကလည်း မိန်းကလေးက ချစ်တာကို အသေးစိပ် ရေးလို့ ဆိုပြီး တော်တော် အဝေဖန်ခံခဲ့ရသေးတာပါ)
သမီး အနှင်းလေးရေ.. နောက်မှ တပုဒ် ထပ်ရေးပေးမယ်နော်.. လောလောဆယ်တော့ ဒါလေးနဲ့ပဲ ကျေနပ်ပါဦးလို့..။
(၁)
“သူလာမယ်တဲ့။
ပြင်ကျယ်ဆီ လက်ဆန့်တန်း
စိတ်မှန်းနဲ့ရမ်းရော်
လာပါနော်
လာပါနော်ကွယ်..”
လွတ်လပ်လေပြေမှာ သူ့ ဆံပင်တွေက ဖွာဆန်ကျဲလို့ပေါ့။
ရိပ်ကနဲ့ မြင်တာနဲ့တောင် မောင်ဆိုတာ မှတ်မိပါတယ်ကွယ်။
ကိုယ့်ကိုယ်ကို အယုံကြည်ဆုံးဟန်နဲ့ လမ်းလျှောက်ပုံက ရှားတယ်မဟုတ်လား။
တကယ်ကိုပါပဲကွယ်… ဘယ်သူ့ကိုမှ မမှုစွာ၊ အထူးသဖြင့် … အပူအပင်ကင်းစွာပေါ့၊
မောင် လမ်းလျှောက်လာနေရဲ့။
“လာပါနော်
လာပါနော်ကွယ်…
မေ့ကိုပါခေါ်လှည့်
လိုက်ခဲ့မယ်နော်။
ဘယ်မှာလဲ
ဘယ်မှာလဲ ဟင်..
ချစ်သည်းသွားချင်တဲ့ သစ္စာရင်ပြင်။”
ကျမကိုခေါ်ပါလားဟင်…။
မောင်သွားချင်တဲ့ ဘ၀နယ်ထဲကို ကျမ အဖေါ်အဖြစ်နဲ့ လိုက်ချင်တယ်။
ယုံကြည်ရာ မြတ်နိုးရာ သစ္စာရင်ပြင်တဲ့။
အေးချမ်းငြိမ်သက်စွာ လွတ်လပ်သတဲ့။
ဖောက်ပြန်မှုတွေလည်း မရှိဘူးတဲ့ ။
ချစ်သူတို့နယ်မြေတဲ့။
‘ကျနော် စိတ်ကူးယဉ်တာပါလေ’ တဲ့။ မောင် ခဏ ခဏ ပြောတတ်တယ်နော်။
မောင်ဖန်တီးမယ့် ဘ၀ကို ကျမ ကြိုတင် တပ်မက်ထားပါတယ်။
မောင့်နောက်က ဖ၀ါးထပ်လိုက်လို့၊ အေးချမ်း ငြိမ်သက်ပါမယ်။
ယုံကြည်လိုက်တော့ မောင်ရယ်။
မောင်ရယ်...
ကျမရယ်...
သစ္စာရင်ပြင်ရယ် .. ရှိနေပြီလို့။
လမ်းတစ်စင်းသာ ခင်းလိုက်ပါတော့ .. မောင်...
မောင့်ရဲ့ သစ္စာရင်ပြင်ဆီ ဦးတည်လို့။
မောင်ဟာ .. တစ်ဦးတည်း လွင့်မျောသူ။
မောင့်ဘ၀မှာ ကျမဟာ သဲတစ်ပွင့်စာတောင် နေရာမရပါ။
တခြားသော သူငယ်ချင်းတွေလိုပဲ မောင့်ရဲ့ စကားပြောဖက်သာ ဖြစ်တယ်ပေါ့နော်။
မောင်ကဆိုတယ် ။
‘ချစ်သူဆိုတာ ရင်ထဲမှာပဲ ရှိသင့်တယ်၊ ပြင်ပကိုရောက်လာ တည်ရှိဖြစ်သွားရင်
အနှစ်သာရ ပျယ်သွားတယ်’ တဲ့။
ဆိုရင်..
မောင့် ရင်ထဲမှာ ချစ်သူရှိတယ်ပေါ့။
ကျမများ ဖြစ်နိုင်မလား မောင်။ (မောင်ခေါင်းခါမှာ ကြောက်တယ်)
အိပ်မက်မှာတော့ဖြင့် မောင်က ပြုံးလို့။
မောင့်ရဲ့ တ၀က်ပြုံးနဲ့ပေါ့။ (မောင်ဟာ အပြုံးကအစ တွန့်တိုတယ်)
မောင့်ကို ကျမ ငေးကြည့်နေမိတယ်။
မောင်ကတော့ ဘာသာလွတ်လပ် ပေါ့ပါးလို့။
မနာလို စိတ်နဲ့ နာကျင်လိုက်တာမောင်။
ကျမကတော့ မောင့်အရိပ်မှာ နှောင်ငြိနေရသူ မဟုတ်လား။
မောင့် ကို ကျမ ချစ်နေတာများ သိရဲ့လားမောင်။
စာပေ အယူအဆ ဆူညံငြင်းခုံပွဲအလယ်မှာ တိတ်ဆိတ်နေတဲ့ မောင့်ကို
ကျမ ငြိတွယ်သွားခဲ့တာ။
“ပင့်သက်တို့ရဲ့ ပင့်ကူကြိုးရှည်ဟာ
ရင်မှာ ရစ်ပတ်
အထပ်ထပ်စွဲ
ဂန္တ၀င် ဟန်ဆောင်ပြုံးများထဲက
အချစ်ကြီးသူ သည်းတဲ့အနာ..”
လှုပ်ရုန်းမရတဲ့ နွံတစ်စပါပဲ။
မောင့် လက်သွယ် ဖြူနုတွေရဲ့ လှုပ်ရှားမှုမှာ ကျမ နှလုံးခုန်တယ် ။
စုတ်တံတစ်ချက် အယိမ်းမှာ ကျမ ပင့်သက်တစ်ခါ ရှိုက်ရဖူးတယ်။
လက်ရေးဝိုင်းစက်က အစ၊ ဖ၀ါးပြည့်ပြည့်အဆုံး..
မောင့်ထံမှာ ကျမ အနုပညာ ရှိရဲ့မောင်။
မယုံကြည်နိုင်လောက်အောင် ကျမ မြတ်နိုးခဲ့ပါတယ်။
“ကောင်းကင်၌ သဏ္ဍန်ထင်သော
အရိပ်အယောင်မျှလည်းကောင်း
အကျွန် မြတ်နိုးပါ၏။
သခင်တိမ်တစသို့ငှာလည်းကောင်း၊
ကမ်းမနိုင် လှမ်းမနိုင်၊
မီသော်မှ မလှမ်းသင့်တဲ့ အမြင့်မို့
မျိုသိပ်သိမ်းဆည်းထားပါ၏ သခင်…”
ကျမက မိန်းကလေးမို့ မောင့်ကိုအိပ်မက်မှာသာ တွေ့ဆုံပြုံးပြပါတယ်။
ကျမ အိပ်မက်တွေထဲကို
မောင်ဟာ..
ချိုးဖဲ့လို့ ..ဖယ်ဖွလို့ .. တိုးဝင်လာတယ်။
ဖြူသွယ် ပိန်လျတဲ့ မောင်ဟာ..
အဲသည်အခါမှာတော့ ကြီးစွာသော အင်အားနဲ့ပါ။
ကျမ ဘ၀မှာ အခိုင်အမာ တပ်စွဲခဲ့တယ်။
ကျမရဲ့ နှလုံးခုန်သံကို မောင်ပိုင်စိုးသွားခဲ့တာ
မောင်သိအောင် ကျမ မလုပ်နိုင်ပါ (မလုပ်ရဲပါ)။
သိလည်း သိစေချင်ပါတယ်မောင်။
“ဖားလျားချထားတဲ့ ဆံပင်ရှည်ရှည်
လေမှာ လွှင့်ထူ
လိမ်းကျံ ခြယ်သတဲ့ သနပ်ခါးရောင်
အရောင်တွေထဲက ၀င်းပ
ဒါဟာ အလှတရားတစ်ခုလို့
အချစ်တွေ ချိတ်တွယ်မိလို့
စိတ်ကူးထဲ ဆင်သမိတယ်..”။
တည်ငြိမ်မှု ဣနြေ္ဒနဲ့၊ ထက်မြက်မှု ဗီဇနဲ့ ကျမကို …
စိတ်ကူးယဉ်ကြည့်ဖူးလား မောင်။
ချစ်သူသက်သက် ဘ၀နဲ့လည်း ကျမ ပျော်မှာပါပဲ။
မောင့် မျက်လုံးညိုတွေကို ချစ်တယ်။
ဆံပင် ညိုညိုတွေဟာ မြက်ရိုင်းတွေလိုပဲ။
လွတ်လပ်မှုကို မောင်တစ်ဦးတည်းသာ ပိုင်ဆိုင်နေရသလိုပဲ ကျမ ခံစားရတယ်။
ဒေါသကြီးတဲ့ ယောက်ျားတွေကို မုန်းတတ်လို့ ကျမ မောင့်ကို သဘောကျမိတယ် ထင်တာပဲ။
အမြဲတမ်း အဲလိုပဲ ဒေါသမရှိဘဲ နေပါလား မောင်..။
မောင့် နှုတ်ခမ်းတွေဟာ ခုလို ပိပိရိရိ အခြေအနေမှာ အလှဆုံးပါပဲ။
ရင်ထဲမှာ ရယ်ချင်နေတာတော့ ရှိတယ် မောင်။
ဘာလို့ဆို မောင်နှုတ်ခမ်းစေ့ထားတာကို နှစ်ခြိုက်သလို
မောင့်စကားသံတွေကိုလည်း ကျမက မွတ်သိပ်ပြန်တာကိုး။
မောင်ဟာလေ တခါတလေ စကားတစ်ခွန်းထွက်ဖို့တောင် ခက်ခဲသလောက်
စကားများချင်ပြန်တော့လည်း ကျမတောင် ငေးယူရရောနော်။
စာအုပ်ကြီးတွေထဲက မဟုတ်တဲ့၊ မောင့် ကိုယ်ပိုင်အယူအဆတွေကို
ကျမ လိုလားခေါင်းညိတ်တဲ့အခါ ငြင်းဖက်တွေက နှာခေါင်းရှုံ့ကြတာကိုလည်း
ကျမ ရင်ဆိုင်ရသေးတယ်။
ပုဂ္ဂိုလ်ခင်လို့ တရားမင်တာမဟုတ်မှန်း သူတို့ မသိကြတဲ့အခါ
ကျမရဲ့သိက္ခာက ခြေနင်းခုံကို ရောက်သွားတော့တယ် မောင်။
မိန်းကလေးမှာလည်း စ ချစ်ပိုင်ခွင့်ရှိပါတယ်။
စ ပြီး ချစ်စကားပြောခွင့်သာ မရှိတာပါ။
“စည်း” ဆိုတာကို ကျမ နားလည်၊ လက်ခံကြောင်း
အိပ်မက်ထဲမှာ မောင်က ကျမကို ပြောတယ်။
‘အနာဂတ်ကို ကြိုမမြင်နိုင်တဲ့သူတွေပဲ ဖြစ်လို့
ခုရှိနေတဲ့အချိန်မှာပဲ ပြောရလိမ့်မယ်။
ကျမ ကြည်နူးတယ်၊ ပြုံးတယ်၊ ခေါင်းညိတ်တယ်၊
ပြီးတော့ ရှက်နေတယ်။
အိပ်မက် အေးအေးလေး ဆုံးသွားတယ်။
နိုးလာတော့လည်း ကျမ ပြုံးနေတယ်။
မနက်ခင်းဟာပြန်လည်ရှင်သန်ခြင်း တစ်ခုပဲ တဲ့။
မနက်ခင်းကို မင်္ဂလာရှိစွာ ကြိုသင့်တယ်တဲ့။
မနက် အိပ်ရာအနိုးမှာ ပြုံးနေတဲ့ ကျမဟာ မင်္ဂလာရှိသွားတာပေါ့နော် မောင်…။
မောင့်ကို ကျေးဇူးတင်ပါတယ်။
မောင့်ကျေးဇူးနဲ့ ကျမရဲ့ နေ့သစ်ဟာ လှတာနော်။
ပူပင်သောကများရတဲ့အခါ မောင့် အမူအရာ အေးအေးဟာ
ကျမရဲ့ စိတ်ငြိမ်းရာ ဖြစ်တယ်။
‘ဘ၀ဖော်ကို နေရောင်အောက်မှာ ရှာရတယ်’တဲ့။
မောင်နဲ့ တစ်ဘ၀ အတူနေချင်ပေမဲ့
မောင့်ကို နေရောင်ထဲ မရောက်စေချင်ဘူး။
လရောင်ထဲမှာ လန်းတဲ့ ပန်းပွင့်
နေရောင်ထဲ နွမ်းသွားမှာ ကြောက်တယ်။
မောင့်ရဲ့လတ်ဆတ်ရှင်းသန့်တဲ့ သစ္စာတရားလွင့်ပါးမှာ ကြောက်တယ်။
မောင်နဲ့ကျမ ချစ်ရုံသာ ချစ်ချင်ပါတယ်။
ထာဝရ ချစ်သူတွေပေါ့ မောင်။
စားဝတ်နေရေး မပါတဲ့…
ဝိဉာဉ်သန့်ရှင်းစင်ကြယ်ရေးသာပါမယ့်…
ရုန်းကန်လှုပ်ရှားရမှု မပါတဲ့..
ရိုးသားငြိမ်းချမ်းခြင်းသာ ပါမယ့်…
ကမ္ဘာလေးတစ်ခုသာ ဖြစ်စေချင်တာပေါ့။
ဒါကြောင့်
ကျမမောင့်ကို အေးဆေးစွာသာ စောင့်ကြည့်နေဖြစ်ခဲ့တာ။
ကျမမောင့်ကို မျက်လုံးကလေးစွေပြီး ပြုံးစစနဲ့ မကြည့်ဖူးခဲ့တာ။
‘တစ်ယောက်တည်းနေရတဲ့ ဘ၀ကို
စကားမခေါ်ခဲ့ဖူးတာ…။
‘ကျမကို ဟိုတစ်ယောက်က စိတ်ဝင်စားလို့တဲ့ရှင်..’လို့
သွယ်ဝိုက်နှိုးဆော် မြောင်းမပေးခဲ့ဖူးတာ။
မောင်ခင်းပေးမယ့် လမ်းကိုသာ လျှောက်ချင်တာ
ကျမကတော့ ဘယ်နည်းနဲ့မှ လမ်းခင်းမပေးရဲတာ။
ဒါတွေ မောင်သိရမယ်နော်။
(တခါက ကျောင်းကိုရောက်စ ချွေးတွေစိုနေတဲ့ မောင့်ကို အမြင်မှာ
ချွေးတွေသုတ်လိုက်ပါလားလို့ ပြောလိုက်မိတာကိုတောင်
ပြန်တွေးမိတိုင်း ရှက်နေလို့ မေ့ထားခဲ့ရတာလည်း
မောင့်ကို သိစေချင်တာပဲလေ)။
ကျမကိုရော မောင်က သိစေချင်တာ မရှိဘူးလားမောင်။
မောင် ကျမအပေါ် ဘယ်လို သဘောထားတယ် ဆိုတာမျိုးပေါ့။
ကျမကတော့ သိချင်နေပါတယ်မောင်။
“ချစ်တယ်” ဆိုတဲ့ စကားမျိုးကို
ကျမ မျှော်လင့်နေတာသိလို့များ မောင်ပြောတာလား။
‘ဒါပေမဲ့ အဲဒီ ချစ်တယ်က သိပ်အင်အားကြီးလာရင်တော့လည်း
ကျနော်ပြောရမှာပဲလေ’တဲ့။
ဝေ့လည်ချောင်ပတ်နိုင်ပေမယ့် ကျမ ရင်နည်းနည်းခုန်သွားခဲ့တယ်။
မောင် ကျမကို ချစ်နေသလား ဆိုပြီးတော့ပေါ့။
“ထီးနဲ့ မိုးပေးမယ့်သူ
နာဖျားမကျန်းတဲ့အခါ
တမ်းတစရာ အမည်နာမ
သူမဟာ
ဘ၀မှာ အလင်းတစ်ခုပါပဲ..”။
မောင့်ကို ချစ်တတ်လှသူပဲလို့
မောင့်ကဗျာတွေဆီကတဆင့် ယုံကြည်တယ်။
အဲဒီအခါ…
မောင့်ချစ်သူ ဘ၀ကို ရည်မှန်းတယ်။
သိပ်ပျော်မှာပဲမောင်။
မိုးရွာတဲ့အခါ မောင့်ကို ထီးမိုးပေးမယ်ပေါ့။
ဖျားတဲ့အခါ မောင်က ကျမနာမည်ကို တမ်းတမယ်ပေါ့။
ငြိမ်းရေ… ငြိမ်းရေ… လို့ ညည်းမှာမို့လားမောင်… ။
မောင်က မိန်းကလေးတွေ စာကြောင်တာမကြိုက်ဘူး။
အလှအပ မပြင်တာ မကြိုက်ဘူး။
မိုးရေထဲလမ်းလျှောက်၊
အချစ်ကို တရားလွန် ကိုးကွယ်တာဟာလည်း
စာကြောင်တာလို့ မောင်က ပြောခဲ့ဖူးပြန်တယ်။
ကျမမောင့်ကို စွဲလမ်းတာဟာလည်း စာကြောင်တာမဟုတ်ဘူးမောင်။
မောင့်လက်ရေးနဲ့ ရေးထားတဲ့ ဖယောင်းစက္ကူပေါ်က
“ငြိမ်း”ဆိုတဲ့ စာလုံးတွေကိုတောင် ကျမ တမက်တမောရှိလှတယ်။
“ငြိမ်း” ဆိုတဲ့ ကျမနာမည်ကိုတောင် အဓိပ္ပါယ်မရှိ ကျေးဇူးတင်သွားမိခဲ့တယ်။
မတတ်နိုင်ဘူးမောင်ရဲ့….။ ဒါတွေဟာ သူ့ဘာသာ သူဖြစ်လာတာ။
ကျမ တမင် ဖန်တီးယူရတာ မဟုတ်ဘူးဆိုတာ သေချာပါတယ်။
ပတ်ဝန်းကျင်တခုရဲ့ သတ်မှတ်ချက်အရ မောင်နဲ့ ကျမဟာ
တစ်ဦးနဲ့တစ်ဦး တိတ်တဆိတ် ငြိတွယ်နေသူတွေတဲ့။
မောင်က ကျမကို တစ်ဦးတည်းသော မိန်းကလေးမိတ်ဆွေအဖြစ်
သတ်မှတ် ဆက်ဆံ တယ်။
ကျမကတော့ အဲသည်အတိုင်းအတာမျှလောက်ကိုတောင် သိပ်ကျေနပ်နေပါတယ်။
မောင်နဲ့အတူ အင်းလျားရဲ့ညနေတွေမှာ စကားပြောရင်း
ကန်ဘောင်ပေါ်မှာ လမ်းလျှောက်ရတာကို ကြည်နူးတယ်။
လက်ဖက်ရည်ခွက်ပေါင်းများစွာ အတူသောက်တယ်။
ပန်းချီပြပွဲများစွာ အတူကြည့်တယ်။
မောင့်နံဘေးမှာ ကျမသာ တဦးတည်းသော အဖေါ်မိန်းကလေးအဖြစ်
နေရတာကို ကျေနပ်တယ်။
မောင့်လက်ဖ၀ါးမို့ကို မြတ်မြတ်နိုးနိုးကြည့်လို့
ခြေဖ၀ါးပြည့်တွေကို ယုံကြည်ခိုးကြည့်လို့
ရင်ခုန်သံ (အနုပညာ)များစွာ ကျမ ဖန်တီးပိုင်ဆိုင်တယ်၊
အချိန်များဟာ ချိုမြလို့။
ကဲ… ဘယ်လိုအခြေအနေမျိုးမှ မလိုအပ်တော့ပါဘူး မောင်ရာ နော်…။
မောင် ကျမကို ချစ်တယ်လို့ ပြောတော့မှာကို
ကျမ ယုံကြည်သိနေတယ်။
ဒီတော့ မောင်က… “ချစ်တယ်” လို့ ဖွင့်ဆိုဖို့အချိန်ကို စောင့်လို့။
ကျမကလည်း… မောင့်ကို ရင်ခုန်ခေါင်းညိတ်ဖို့ စောင့်လို့ပေါ့နော်။
အပျော်အိပ်မက်ရဲ့ အရှိန်နဲ့
မင်္ဂလာနေ့သစ်ဖြစ်တယ် ။
“နေရောင်ဖြာတဲ့လမ်း
မှန်းကြည့်ရင်…
ညင်သာခြေလှမ်းနဲ့
လှမ်းလာတဲ့အချစ်ကို မြင်ရမယ်။
မနက်ခင်းရဲ့
ညံ့သက်တဲ့ နေရောင်နုနဲ့အတူ
သူလေ…
ကိုယ့်အချစ်များစွာ
ရယူဖို့လာတယ်”။
(တကယ်တော့)
မောင်လာနေကျ နေရာလေးဆီကို လမ်းလျှောက်လာနေတာ မြင်ရပြီ။
တချက်တချက် မျက်မှန်ကိုင်းကို ညာလက်နဲ့ပင့်တင်လို့
တခါ တခါ ဆံနွယ်ညိုတွေကို လက်နဲ့သပ်လို့
ခိုင်မာညင်သာတဲ့ ခြေလှမ်းတွေနဲ့ လှမ်းလာနေတဲ့ မောင့်ကို…
မနက်ခင်းရဲ့ နေရောင်နုနဲ့အတူ လင်းလင်းပပ မြင်နေရတယ်။
မောင်သိတယ်မဟုတ်လားဟင်…..
မာန်တင်း ဣနြေ္ဒနဲ့ ဟန်မူထားပေမဲ့
ရင်ထဲမှာတော့ နူးညံ့သေ၀ပ်စွာ…
မောင့်ကို ကျမ ကြိုနေတယ်ဆိုတာ။
ဒဂုန်မဂ္ဂဇင်း၊ နိုဝင်ဘာလ
7 comments:
ချစ်စရာ ကောင်းလိုက်တာ...အဲဒါ တကယ်လားဟင်...ဟီးးး
တယ်လှပြီး ရင်ခုန်စရာကောင်းတဲ့ အရေးအသားလေးတွေပါ ဒါတကယ် မဟုတ်လား ဟင် :D ဆရာမ ?
ထင်သားပဲ.. အဲလိုပဲ မေးကြမှာလို့။ အဲဒီတုန်းကတော့ တကယ်ပေါ့လို့။ ဒီလောက်ခံစားထားတာ.. :D
'မ'ရေ...နူးညံ့သေဝပ်...ရင်ထဲကတိတ်တိတ်လေးချစ်တတ်တဲ့ မိန်းခလေးစည်းဘောင်ထဲက လိမ္မာစွာမြတ်နိုးတတ်တဲ့ အဲဒီကောင်မလေးကို မောင်ဖွင့်ပြောခဲ့လားဟင်?
မောင်သိတယ်မဟုတ်လားဟင်…..
မာန်တင်း ဣနြေ္ဒနဲ့ ဟန်မူထားပေမဲ့
ရင်ထဲမှာတော့ နူးညံ့သေ၀ပ်စွာ…
မောင့်ကို ကျမ ကြိုနေတယ်ဆိုတာ။
မောင်တော့မသိဘူး…။ ဖတ်တဲ့လူတောင် ကတုန်ကယင်နဲ့ ပြန်သွားပြီအစ်မရေ…
အရမ်းကြိုက်တာပဲ..
ဟက်ဟက် တီတီတော့ လုပ်လိုက်ပြန်ပြီ။ စာတွေကြည့်ပြီး လန့်သွားတယ်
*မမေအဲဒီလိုသိမ်မွေ့လှပစွာရေးထားတာတွေကိုစွဲလန်းစွာဖတ်ဖြစ်ခဲ့ပါတယ်။
အခုထိလည်းနှစ်သက်နေဆဲပါ။မျှဝေပေးတဲ့အတွက်ကျေးဇူးပါ။
Post a Comment