Mar 29, 2010

မြန်ပြည်သားချင်း ရိုင်းပင်းကူညီ ပြည်သူ့ဂုဏ်ရည်

အမေရိကားရောက်မြန်မာမိသားစုအသိုင်းအဝိုင်းများမှ မြန်မာပြည်တွင်း စေတနာ့ဝန်ထမ်း လူမှုလုပ်ငန်း စွမ်းဆောင်သူများသို့ ၄င်းတို့၏လုပ်ရပ်များအတွက် ကျေးဇူးတင်ဝမ်းမြောက် ဂုဏ်ယူပါကြောင်း အခမ်းအနား ကျင်းပပြီး နှစ်စဉ်ဂုဏ်ပြုမည့် ပြည်သူ့ဂုဏ်ရည် (Citizen of Burma Award) ဟုအမည်ပေးထားသည့် အစီအစဉ်တရပ်ကို ဝိုင်းဝန်း အကောင်အထည်ဖော်နေကြပါတယ်။

"မြန်မာပြည်သားအချင်းချင်း ရိုင်းပင်းကူညီ ပြည်သူ့ဂုဏ်ရည်"လို့ ရိုးရိုးလေးကြွေးကြော်ထားတဲ့ အဲဒီအစီအစဉ်မှာ ပူးပေါင်းပါဝင် ဆောင်ရွက်နေကြတဲ့ အမေရိကားမြို့စာရင်းများအရ ပြည်နယ်အသီးသီးမှ မြို့ကိုးမြို့အထိ ရှိနေပြီ ဖြစ်ပြီး၊ ကျန်ရှိနေသေးတဲ့ စိတ်ပါဝင်စားတဲ့ မြို့တွေနဲ့ ဆက်လက် ဆက်သွယ် ဆောင်ရွက်နေတယ်လို့ဆိုပါတယ်။

ပထမအကြိမ်အနေနဲ့ အမေရိကန်ပြည်ထောင်စုမှာရှိနေတဲ့မြို့များနဲ့ စတင်မှာဖြစ်ပေမဲ့ နောင်လာမယ့် နှစ်များမှာတော့ အပြည်ပြည် ဆိုင်ရာ မြန်မာမိသားစုများရဲ့ ဂုဏ်ပြုရေးအစီအစဉ်အဖြစ် ကျယ်ပြန့်လာစေရန် ရည်ရွယ်ထားတယ်လို့သိရပါတယ်။ ဒီအစီအစဉ်မှာ ပူးပေါင်းပါဝင်ကြတဲ့ မြို့များထဲမှ အိမ်ရှင်အဖြစ် လက်ခံကျင်းပလိုတဲ့မြို့တွေမှာ နှစ်စဉ် အလှည့်ကျဂုဏ်ပြုပွဲများ ကျင်းပသွားမှာ ဖြစ်ပြီး ပထမအကြိမ်ဂုဏ်ပြုပွဲကို ၂၀၁၀ ခုနှစ် ဧပြီလ၂၄ရက်နေ့မှာ လော့စ်အိန်ဂျယ်လိစ်မြို့၌ ကျင်းပသွားဖို့ စီစဉ်ထားပါတယ်။

မြန်မာပြည်တွင်းလူမှုရေးလုပ်ငန်းများကို ကိုယ်ကျိုးစွန့်အနစ်နာခံကာ အားကြိုးမာန်တက် လုပ်ဆောင်နေကြ သူများထဲက မိမိနှစ်သက်ရာ လူပုဂ္ဂိုလ် အဖွဲ့အစည်းတို့ကို ပြည်တွင်းပြည်ပမှ စိတ်ပါဝင်စားသူမည်သူမဆို အမည်စာရင်းများတင်သွင်းနိုင်ကြပြီး၊ အဲဒီ တင်သွင်းတဲ့ အမည်စာရင်းများကို မြို့အသီးသီးမှ ရွေးချယ်ရေး အဖွဲ့ဝင်များက ငါးဦးစီ ပြန်လည်စိစစ်ဆန္ဒပြုကြမှာဖြစ်ပါတယ်။

မြို့အသီးသီးရဲ့ဆန္ဒပြုချက်များမှ မဲအများဆုံးရရှိသူငါးဦး(သို့မဟုတ်)ငါးဖွဲ့ကို အင်တာနက်ဆန္ဒမဲများမှတဆင့် အပြည်ပြည်ဆိုင်ရာမြန်မာမိသားစုအသိုင်းအဝိုင်းများရဲ့ ဆန္ဒကို တောင်းခံသွားမှာဖြစ်ပါတယ်။ နောက်ဆုံး ဆန်ကာတင် ငါးဦးကိုရွေးချယ်ရာမှာတော့ “လူမှုရေးလုပ်ငန်းများကိုလုပ်ဆောင်ရာတွင် ကိုယ်ကျိုးစွန့်လွှတ် အနစ်နာခံမှု၊ ကျယ်ပြန့်ထိရောက် အောင်မြင်အောင်ဆောင်ရွက်ပြီးစီးနိုင်မှု၊ နိုင်ငံသားများနှင့် လူ့ဘောင် လောကအတွက် စံပြဖြစ်မှုများအပေါ်တွင်အခြေခံလျှက် လျာထားရွေးချယ်သွားမယ်” လို့ သိရပါတယ်။

အဲဒီလို ဆန္ဒမဲများတောင်းခံခြင်းဟာ ပြည်သူအများဝိုင်းဝန်းပါဝင်ဆောင်ရွက်နိုင်မယ့် အဓိကအစိတ်အပိုင်းဖြစ်ပြီး ပြည်တွင်းမှ လူမှုရေးသူရဲကောင်းများရဲ့ စိတ်စေတနာသန့်သန့်နဲ့လုပ်ဆောင်နေတဲ့၊ မြင့်မြတ်တဲ့ ဆောင်ရွက်ချက် တွေအပေါ်မှာ အကဲဖြတ်၊ ခွဲခြား၊ အဆင့် သတ်မှတ်တာမျိုးမဟုတ်ဘဲ ပြည်တွင်း၊ ပြည်ပ ပြည်သူအများစုရဲ့ ဆန္ဒကို ယေဘုယျ ထင်ဟပ်စေတဲ့ အင်တာနက်မှ ဆန္ဒပြုခြင်းပုံစံဖြင့် နှစ်စဉ်ရွေးချယ်ဂုဏ်ပြုသွားမယ်လို့ ဆိုပါတယ်။

ပြည်ထောင်စုမြန်မာနိုင်ငံအတွင်းမှနိုင်ငံသားများရဲ့အကျိုးအတွက် လူမှုရေးလုပ်ငန်းများဆောင်ရွက်နေတဲ့ နိုင်ငံသားများကို အဝေးရောက်ပြည်သူများက ကျေးဇူးတင်ဂုဏ်ပြုတဲ့ဒီအစီအစဉ်အတွက် အမည်စာရင်း တင်သွင်းခြင်းကို www.citizenofburma.org မှာစတင် လက်ခံ နေပြီဖြစ်ပြီး နောက်ဆုံးဆန်ကာတင် ငါးဦးအား ဆန္ဒမဲပေးရွေးချယ်ခြင်းကိုတော့ ယခုနှစ်အတွက် ဧပြီလ ၁၂ရက်နေ့မှ ၂၁ရက် နေ့အထိ လုပ်ဆောင်သွားကြမှာ ဖြစ်ပါတယ်။ ဆက်သွယ်ရန်လိပ်စာကတော့- contacts@citizenofburma.org ဖြစ်ပါတယ်။ မြို့အလိုက် လက်ရှိဆောင်ရွက်နေသူများကို Our Community စာမျက်နှာမှာတင်ပြထားပါတယ်။

အားလုံးရဲ့ကိုယ်စား

ဦးကိုလေး(အယ်လ်အေ) 626-383-6901 ကိုဝေလ(နယူးယောက်) 718-505-0080 ကိုထိန်လင်း(ဆန်ဖရန်စစ္စကို) 415-531-3761 ကိုကျော်ဝဏ္ဏ (အယ်လ်အေ) 626-478-7717 ကိုမောင်ရစ် (ဆန်ဖရန်စစ္စကို) 415-595-1485


3 comments:

rose of sharon said...

ဝမ်းသာဂုဏ်ယူမိပါတယ်...

victorOway said...

သို့ 
ဆရာမ မေငြမ်းခင်ဗျား-ကျနော့်ဘလော့နာမည်က jargyi.blogspot.comဖြစ်ပါတယ်။ ကျနော်ဘလော့ခေါင်းစဉ်က-ကျေးလက်နိုင်ငံတော်ဖြစ်ပါတယ်။ ကျနော်ရေးထားသည့် -နှင်းဆီရောင်တ်ေလှန်ရေး ရုပ်ပုံလွှာအပိုင်း(၇)အထိရှိသွားပါပြီ။ လာရောက်ပြီး ဝေဘန်အကြံပြုပေးသွားပါဦးလို့ လေးစားစွာဖိတ်ခေါ်အပ်ပါသည်။
ကျည်ဝေဖြိုး

Hteink Min said...

vely vely gooooood.. this is one of da way to support to those who give their life to improve Burma..