Jul 28, 2008

မိုးချိုသင်းမှတ်တမ်းကို ကြိုဆိုခြင်း

'စာရေးစမ်းပါ'လို့ ပြောလိုက်ရင် ရယ်ပြီးတော့ ရေးဖြစ်ပါဘူးဆရာမရယ်... လို့ ပြောတတ်တယ်။
သူ့လက်က သရော်လက်။ ဟာသဥာဏ်ပါပါနဲ့ ရွှင်နေအောင် ရေးတတ်တယ်။ သူ အီမေလ်မှာ ကျမဆီ ရေးတဲ့စာ ကတောင် ဖတ်လို့ ကောင်းနေတတ်တာ။ အဲဒါ သူ့ကိုပြောရင် တဟားဟား ရယ်ဦး မှာ။ တကယ့်ကို သူက အဖေတူသမီး။ ဘွင်းဘွင်းပြောတတ်။ မျိုသိပ်မထားတတ်။ မဟုတ်မမှန်တာ တွေ့နေရလို့များ မပြောလိုက်ရဘဲ လက်ခံထားရသလိုရှိနေရင် အိပ်မပျော်.. စားမ၀င်နိုင်တတ်သူ။ ခုဆို သူနဲ့ ကျမ တွေ့ခဲ့ကြတာ ၁၇နှစ်ကြာခဲ့ပြီ။

+++++

၁၉၉၁ မေလမှာ ၈ လေးလုံးကတည်းက ၃နှစ်နီးပါး ရက်ရှည်ပိတ်ထားတဲ့ ကျောင်းတွေ ပြန်ဖွင့်ပါတယ်။ ကျောင်းပြန်အဖွင့် ဆရာဆရာမတွေ အတန်းတွေယူဖို့ တာဝန်ခွဲကြတော့ Geology ပထမနှစ်တန်းကို ပင်ရင်း မြန်မာစာသင်ဖို့ ကျမ တာဝန်ကျပါတယ်။ ဘာလို့လဲဆိုတော့ အဲဒီတုန်းက Geology တန်းဟာ စက်မှုတက္ကသိုလ်အမှတ်ထက် နည်းနည်းလေးပဲ နိမ့်တဲ့ သူတွေသာ တက်နိုင်တာဖြစ်ပြီးတော့ မေဂျာတခုလုံးမှ ကျောင်းသား အယောက်၂၀၀ လောက်သာ လက်ခံတဲ့အထဲမှာ ယောက်ျားလေးအယောက် ၁၈၀နီးပါးနဲ့ မိန်းကလေး အယောက်၂၀လောက်သာပါတာမို့ တော်ရုံ ဆရာမတွေ မ၀င်ချင်ကြပါဘူး။ ဒီကြားထဲ ဆရာ ဆရာမ လောကကလည်း ဆရာမတွေသာများပြီး ဆရာဦးရေက နည်းတာမို့ Geology တန်းကို ၀င်ဖို့ ရွေးတာမှာ ကျမက အိမ်ထောင်သည် ကလေးအမေလည်း ဖြစ်။ နည်းနည်းလည်း စွာတော့ :P ယောက်ျားလေး များတာကို ထိန်းနိုင်မယ်လို့ ဌာနမှူးက ရွေးတာပါပဲ။ Geology တန်းခွဲရဲ့ နောက် နာမည်ကျော်တာတခုကတော့ သင်ခန်းစာတွေနဲ့ ပတ်သက်ရင် အင်မတန် အမေးအမြန်းထူပြီး စာလည်း တော်ကြတယ်ဆိုတာပါပဲ။ (တကယ်လည်း ဟုတ်ပ.. အတန်းထဲမှာ သူတို့မေးခွန်းတွေနဲ့ တခါတလေ ချွေးပြန်ရော)

(အဲဒီနှစ်ဟာ ၁၉၈၈တုန်းက ကျောင်းတက်လက်စ Geology ကျောင်းသားတွေကို ကျမ သင်ရတာမို့ သူတို့က ကျမထက် အသက် ၇နှစ် ၈နှစ်လောက်ပဲ ငယ်ကြပြီး ကျောင်းပိတ် ရက်ရှည်ကြောင့် အချိန်တွေ ပုပ်ကုန်ကြရတဲ့ သူတွေပါ။ အဲဒီအခါ သူတို့နဲ့ ကျမက ဆရာတပည့်တွေနဲ့ မတူဘဲ ညီအကိုမောင်နှမတွေလို ရှိခဲ့ကြတာ ဒီနေ့ထိပါပဲ။ အဲဒီနှစ်ထဲမှာပဲ ကျမ မှတ်မှတ်ထင်ထင် ချစ်ရတဲ့ တပည့်တွေ.. ရခဲ့တာ။ အဲဒီနှစ်ကစလို့ပဲ ၁၉၉၅ထိ Geology တန်းခွဲတွေကို ကျမပဲ ဆက်တိုက် မြန်မာစာဆရာမ လုပ်ခဲ့ရတာ..။ Geology ကလေးတွေနဲ့ ရင်းနှီးလွန်းလို့ ကျမကို တချို့က မြန်မာစာဌာနကလို့ မထင်ဘဲ Geolgy က ဆရာမလို့တောင် ထင်ခဲ့ကြသေးတာ။)

နောက်တော့ ကျမလက်ထဲ ကျောင်းသားစာရင်း ရောက်လာပါတယ်။ ကျမက နာမည်တွေ စိတ်ဝင်စား တတ်သူမို့ နာမည်တွေ လိုက်ကြည့်ပါတယ်။ အဲဒီအချိန်မှာပဲ ရှားရှားပါးပါး မိန်းကလေး ၂၂ယောက်ထဲမှာ မိုးချိုသင်းဆိုတဲ့ နာမည်လေးကို တွေ့တာပါပဲ။ တွေ့လိုက်တာနဲ့ပဲ ဒါ.. ကျမချစ်တဲ့ ကဗျာဆရာကြီး ဦးတင်မိုးရဲ့ သမီးအငယ်ဆုံးလေးပဲလို့ တန်း သိတာ ပါပဲ။ ဒီနာမည်မျိုးက ရှားတယ်လေ။ ပြီးတော့ အဲဒီအချိန်မှာ 'မိုးချိုသင်း'ဆိုတဲ့ နာမည်ကလည်း မဂ္ဂဇင်းစာမျက်နှာတွေပေါ်မှာ ရောက်နေပြီ။ ကျမတို့ စောင့်ဖတ်ရတဲ့ ၀တ္ထုတိုရေးသူဖြစ်နေပြီ။ ပြီးတော့ ဆရာကြီးအပြောနဲ့ သူ့ကို ကျမက စိတ်ထဲမှာ ရင်းနှီးပြီးသား ဖြစ်နေခဲ့ပြီ။ ဒီတော့ သူ့ကို ဆရာမ လုပ်ရတာတောင် စိတ်ထဲ မ၀ံ့မရဲ ဖြစ်ခဲ့ရတာ။ တကယ်တော့ စာသင်ကာလက နှစ်ဝက်စာလို ဖြစ်တာမို့ ဘယ်လောက်မှလည်း ကြာကြာ စာမသင်လိုက်ရပါ။ (ဒါကြောင့် တပည့်အစစ် မဟုတ်... ဒါကြောင့် ချိုသင်း တော်တာ ကျမနဲ့ မဆိုင်
:P )။ အဲဒီနောက်တော့ သူနဲ့ ကျမက အစ်မ အကြီးဆုံး နဲ့ ညီမအငယ်ဆုံးလို ရင်းနှီးခဲ့ကြ။ အဲဒီ ၁၉၉၁က စ ခဲ့တာ.. ခုထိ။

+++++

ခု သူက "မိုးချိုသင်းမှတ်တမ်း" ဆိုပြီး ဘလော့ ရေးဖြစ်ပြီဆိုတော့ ကျမ တော်တော် ပျော်သွားတာ။ သူ့လက်ရာတွေ ပြန်ဖတ်ရတော့မှာ။ (တကယ်က သူ့ဆီမှာ ရေးစရာတွေအပုံ... ကျမ သိတာပေါ့ :) )။ မြန်မာစာအငွေ့အသက် ပျောက်မှာ စိုးရိမ်နေရတဲ့ တိုင်းတပါးမှာ မြန်မာစာပန်းခင်းထဲ လျှောက်ခွင့်ရဖို့အထဲမှာ ... သူ့စာလေးတွေ ဖတ်ခွင့်ရရင် လမ်းကောင်း လမ်းလှ တလမ်း.. ပန်းခင်း တခင်း တိုးတာပဲပေါ့။ ဆရာဂျမ်းသာ ရှိနေသေးရင် တပြုံးပြုံး နေမှာ။ သေချာတာတော့ ကျမရဲ့ ဒီ post က သူ ဘလော့ မှန်မှန် ရေးဖြစ်အောင် တွန်းလိုက်တာပဲ ဆိုပါတော့..။ :D ... ချိုသင်းရေ.. အများကြီး ဖတ်ဖို့ စောင့်နေပြီနော်..။

5 comments:

သက်ဝေ said...

ဆရာမရေ...
မိုးချိုသင်းမှတ်တမ်း မိတ်ဆက်လေးအတွက် ကျေးဇူးတင်ပါတယ်..။
အလည်သွားလိုက်ပါအုံးမယ်နော်...။

Aung Phyoe said...

ဆရာမရေ Blog မိတ်ဆက်အတွက် ကျေးဇူး ...
သည် ဆရာမ ဟာလေးတွေလည်းဖတ်ဖူးပါတယ် ...

cohtet said...

Thanks Teachel Gyi
I will visit to her blog

b.rdgs
tmh

တန်ခူး said...

မမိုးချိုသင်းရဲ့ စာတွေကို နှစ်သက်လှတာမို့  ခုလိုအသိပေးတာ ကျေးဇူးပါ မ ရေ…

Myanmar armydog said...

ကျေးဇူးတင်ပါတယ် မာယာမှာတွေ့ကတည်းက လင့် ခြင်လို့လိုက်ရှာနေတာ ဆရာမဘလော့မှာမှတွေ့တော့တယ်