တွေးမိတာတွေ

ဒီနေ့ လမ်းလျှောက်ပွဲကို တကယ် ဆင်နွှဲရမှာက ပြည်သူလူထုကြီး တရပ်လုံးပါ။
ရိုးရိုးလေး တွေးကြည့်ရင်ကို ကိုယ့်ပြဿနာကို တင်ပြဖို့ တာဝန်ရှိသူတွေဟာလည်း တကယ် ခံစားနေရတဲ့ အဲဒီ ပြည်သူလူထုကြီးပဲ ဖြစ်ပါတယ်။ တကယ်တော့ ပြည်သူလူထုရှေ့ကနေ ကိုယ်စားပြောပေးနေကြတဲ့ ၈၈မျိုးဆက် ဆိုသူတွေဟာ တကယ်တမ်းမှာ သူတို့ဘာသာ အေးအေးချမ်းချမ်း စားသောက်နေထိုင်နိူင်သူတွေချည်းပါပဲ။ ဒါပေမဲ့.. သူတို့တတွေက..

ပြည်သူ့အငတ်ကို သူတို့ အငတ်..
ပြည်သူ့ အနာကို သူတို့ အနာ..
ပြည်သူ့အရေးကို သူတို့ အရေး..လို ခံစားပြီးတော့
သူတို့ဘ၀တွေ အချိန်တွေ အနစ်မွန်းခံ အနစ်နာခံပြီး
ကိုယ့်ဘာသာ တာဝန်ယူ လုပ်ပေးနေကြတာပါ။

ဒါကို ပြည်သူလူထုကြီးက နားလည်ရပါမယ်။
စစ်အစိုးရဟာ လူထုကို နည်း အမျိုးမျိုးနဲ့ တတိတိ သတ်နေတာပါ။
ဒါကို ပြည်သူလူထုကြီးက သိရပါမယ်။
ပြည်သူလူထုဆိုတာထဲမှာ စွမ်းအားရှင်ဆိုသူတွေ ကြံ့ဖွံ့ဆိုသူတွေလည်း ပါပါတယ်။
တကယ်တော့ စစ်အစိုးရဟာ လူဆိုးဂိုဏ်းတွေနဲ့ အတူတူပါပဲ။
လိုအပ်တဲ့အချိန်မှာ မွေးထားပြီး မဟုတ်တာတွေ မကောင်းမှုတွေ လုပ်ခိုင်းမယ်။
ပြီးတော့ အဲဒီ ကျူးလွန်ရသူတွေရဲ့ အပြစ်တွေကို ကိုင်ပြီး တသက်လုံး ချုပ်ကိုင်သွားမယ်။
အသုံးမ၀င်တော့ဘူးဆိုရင် ဒုက္ခပေးပြီး လက်စတုံး ဖျောက်ဖျက်ပစ်မယ်။
ဒါဟာ လူမသိ သူမသိ အသုံးချ ခံရသူတွေကို မဆိုထားနဲ့ အကြီးကြီးတွေပါဆိုတဲ့
ဗိုတင်ဦး နဲ့ ဗိုခင်ညွန့် ခံလိုက်ရတာကိုပဲ ကြည့်တော့။
အဲလို သက်သေခံတွေ စစ်အာဏာရှင်သက်တမ်းတလျှောက်မှာ အများကြီးပါ။
ဒီလိုအစဉ်အလာတွေ ပျောက်ပျက်ဖို့ဆိုတာ ဒီလို ရက်စက်တဲ့ မတရားအစိုးရမျိုး မရှိမှပဲ ဖြစ်မှာပါ။

ဒါကြောင့် လူထုအားလုံး ညီညွတ်မှကို ဖြစ်တော့မှာပါ။
အခြေအနေကို သေချာ နားလည်မှကို အောင်မြင်တော့မှာပါ။
မဟုတ်ရင်တော့.. ၈၈ မျိုးဆက်တွေနဲ့ ကျောင်းသားလူငယ်တွေပဲ အမြဲ အနစ်မွန်းခံကြရ။
ဘာကြောင့်ပဲဖြစ်ဖြစ် လူထုပါမလာဘူးဆိုရင်တော့ စစ်အစိုးရကို အားပေးအားမြှောက် လုပ်ရာကျသွားမှာပါ။ စစ်အစိုးရအတွက် လုပ်ကွက် သာသွားစေတာလည်း အမှန်ပါပဲ။ ကျမကတော့ အနည်းဆုံး အစိုးရ ဘက်က ပြောကွက် မသာအောင်တော့ လုပ်နိုင်ရမယ်လို့ ထင်ပါတယ်။ ခု ပြင်ပ မီဒီယာတွေက လုပ်နေတာ လည်း အဲဒီအတွက်ပါပဲ။ စစ်အစိုးရရဲ့ အားနည်းချက်တွေ ဖော်ပြနိုင်လေလေ...ကိုယ့်ဘက်က တနည်းနည်းနဲ့ အားသာ ကွက် ရနိုင် လေလေဖြစ်အောင် လုပ်နေရတာပါပဲ။ ဒါကြောင့် ၂၂..၂၃..၂၄ စသဖြင့် ရက်သတ်ထားပေမဲ့လည်း ၈၈ တုန်းကလိုပဲ တောက်လျှောက် ဆက်သွားနေရမှာပါပဲ။

ဒီနှစ် စက်တင်ဘာမှာဆိုရင် ကျမတို့ လူထုကို တရားမ၀င် ငွေစက္ကူလို့ ကြေငြာပြီး ဒုက္ခ စပေးလာခဲ့တာလည်း နှစ်၂၀ပြည့်ပါပြီ။ လာမယ့် မတ်လ၂ရက်ဆိုရင် လူထုကို ရန်သူလို့ သတ်မှတ်ပြီး အသေသတ်လာတဲ့ စစ်အစိုးရ အုတ်မြစ်တွယ်လာတာလည်း ၄၆ နှစ် ပြည့်ပါပြီ။ လာမယ့် ၂၀၀၈ ဆိုရင် ၈လေးလုံးအရေးတော်ပုံကြီးတောင် နှစ်၂၀ပြည့်မှာပါ။ တကယ်လို့ အချိန်ကိုက်မှ ပြောင်းမှာ ဆိုရင်တော့ ဒီနှစ်၂၀ပြည့်ဟာ အကိုက်ပဲ ဖြစ်ပါစေတော့။

မေငြိမ်း
(၂၃သြဂုတ်၀၇)