သိသင့်တဲ့ သတင်းတွေ

အရေးကြီးတဲ့ သတင်းတွေပါ။

ပြည်သူလူထုအမည်ခံကာ ပြည်သူအား ပြန်နှိပ်စက်နေသည်ဟုဆို

ဗထူး။ သြဂုတ် ၂၁၊ ၂၀၀၇
ယနေ့ ရန်ကုန်မြို့နေရာများတွင် ဖြစ်ပွားခဲ့သည့် ငြိမ်းချမ်းစွာ ဆန္ဒပြ မှုများအား ပြည်သူအမည်ခံသည့် အဖွဲ့များက အကြမ်းဖက် နှိမ်နင်း ခဲ့ခြင်းသည် ပြည်သူအမည်ခံများက ပြည်သူအား ပြန်လည်နှိပ်စက် နေခြင်းသာဖြစ်သည်ဟု ၈၈ မျိုးဆက် ကျောင်းသားခေါင်းဆောင် တဦးက ပြောဆိုလိုက်သည်။
ယနေ့နံနက် (၁၀) နာရီခွဲခန့်တွင် ရုံးချုပ်သို့သွားရောက်မည့် (NLD) ပါတီဝင်အချို့အား တုတ်၊ ဓါး၊ လေးဂွများ ကိုင်ဆောင်ထားသည့် စွမ်းအာရှင်နှင့် ကြံ့ဖွံ့အဖွဲ့ဝင်များက နှောင့်ယှက်ခဲ့သည့်အပေါ် ကိုမင်းဇေယျာမှ ပြောဆိုလိုက်ခြင်းဖြစ်သည်။
ရန်ကုန်မြို့၊ တာမွေပလာဇာရှေ့ ကားမှတ်တိုင်တွင် ဘစ်ကားစီးရန်စောင့်နေသည့် ရန်ကင်း မြို့နယ်ဥက္ကဋ္ဌအပါအ၀င် (NLD) အဖွဲ့ဝင်ခြောက်ဦးကို တုတ်၊ ဓါးနှင့် လေးဂွများ ကိုင်ဆောင် ထားသည့် ကြံ့ဖွံ့နှင့် စွမ်းအားရှင် အင်အား (၅၀) ခန့်က နှောက်ယှက်ခဲ့သည်။
(NLD) ရန်ကင်းမြို့နယ် ဥက္ကဋ္ဌဖြစ်သူ ကိုမျိုးခင်တို့ကို ရွှေဂုံတိုင် အထူးကုဆေးရုံရှေ့ရောက်ပြီး (၁၅) မိနစ်အကြာတွင် အဆိုပါလူအုပ်စုမှ ရပ်ကွက်နေလူထုဟုဆိုကာ ရိုင်းစိုင်းစွာ ဆဲဆိုပြီး
ဘတ်(စ်)စကားတစီးအား တားကာ ကားပေါ်သို့ အတင်းဖမ်းဆွဲတင်ခဲ့သည်။
အဆိုပါအဖြစ်အပျက်အား ပြည်သူများမှ စောင့်ကြည့်ကာ အနီးသို့ရောက်လာစဉ်တွင် အဆိုပါ လူအုပ်က ရိုင်းစိုင်းစွာ ပြောဆိုမောင်းထုတ်ခဲ့သည်ဟု ဆိုသည်။
“ကျုပ်တို့က ရပ်ကွက်လူထု၊ ခင်ဗျားတို့ဒီမှာလာပြီး ရုတ်ရုတ်ဖြစ်ရင် ပြဿနာတက်မှာ၊ စိတ် မထိန်းနိုင်ခင် ခင်ဗျားတို့ထွက်သွား၊ ခင်ဗျားတို့ပါ ပါသွားချင်လား။ ရိုက်မယ်နှက်မယ်ဆိုပြီးတော့ ခြိမ်းခြောက်ပြီး လာသမျှလူတွေ မောင်းထုတ်တယ်” ဟု ကိုမျိုးခင်က ဆိုသည်။
ယင်းနောက် ၎င်းတို့အား အမှတ် (၅၀) ဘတ်(စ်)စကားတစီးပေါ် အတင်းတွန်းတင်ခဲ့သဖြင့် ရှေ့မှတ်တိုင်ဖြစ်သော ခြောက်ထပ်ကြီးဘုရားမှတ်တိုင်တွင် ဆင်းကာ အခြား (NLD) ပါတီဝင် (၄၀)ခန့်အား အဖြစ်အပျက်ကို ရှင်းပြပြီး အားလုံးစုပေါင်းကာ ရုံးချုပ်သို့ အေးချမ်းစွာ လမ်းလျှောက်ခဲ့သည်ဟု ၄င်းက ဆက်လက်ပြောဆိုသည်။
အာဏာပိုင်များက ကား၊ မော်တော်ဆိုင်ကယ်များဖြင့် လိုက်လာကာ ဓါတ်ပုံနှင့် ဗွီဒီယိုများ ရိုက်ယူခဲ့ပြီး လမ်းဘေးမှ ပြည်သူများနှင့် ဘစ်စကားပေါ်မှ ပြည်သူများက လက်များဝှေ့ယမ်းကာ အားပေးခဲ့ပြီး ကျောင်းသားလူငယ်များ ပူးပေါင်းပါဝင်လာခဲ့သည်ဟု ဆိုသည်။
“ဒီကိစ္စ ရှင်းရှင်းပြောမယ်ဆိုရင် ပြည်သူနဲ့ ပြည်သူဆိုပြီး ပြည်သူအချင်းချင်းကို ရန်တိုက်ပေးတဲ့ ကိစ္စပဲဗျာ၊ တနည်းအားဖြင့် ပြည်သူတွေကြားထဲမှာ အကြမ်းဖက်မှုတွေ၊ ဆူပူမှုတွေ ပိုကြီးထွား လာအောင် တနည်းအားဖြင့် ဥပဒေဖောက်ဖျက်မှုတွေကို လွတ်လပ်စွာ လုပ်ကိုင်ခွင့်ရှိလာအောင် လုပ်နေတယ်ကိစ္စတွေဗျ” ဟု ၈၈ မျိုးဆက် ကျောင်းသားခေါင်းဆောင်တဦးဖြစ်သူ ကိုမင်းဇေယျာက ပြောသည်။
ယနေ့နံနက်ပိုင်းနှင့် နေ့လည်ပိုင်းများတွင် အလားတူဆန္ဒပြမှုများသည် သိမ်ကြီးဈေး၊ အုတ်ကျင်း နှင့် မင်္ဂလာဒုံမြို့နယ်များတွင်လည်း ဖြစ်ပွားခဲ့ပြီး လှိုင်သာယာစက်မှုဇုံ အလုပ်သမားတချို့က သဘာဝဓါတ်ငွေ့ဈေးနှုန်း တိုးမြှင့်မှုကို ဆန့်ကျင်သည့် ပိုစတာများ ကပ်ခဲ့သည်။
မြန်မာပြည်အတွင်း ယခုဖြစ်ပျက်နေသည့် ဆန္ဒပြမှုများနှင့်ပတ်သက်၍ စစ်အစိုးရတွင် လုံးဝ တာဝန်ရှိကြောင်း ကိုမင်းဇေယျာက “ အကြမ်းဖက်မှုတွေ၊ ဥပဒေချိုးဖောက်မှုတွေ များလာ မယ်ဆိုရင် ပြည်သူတွေကပဲ တခါတုန့်ပြန်အုံးမှာပဲ။ ဥသျှစ်သီးတလုံးကို ထုခွဲသလို၊ ကြက်ဥ တလုံးကို ထုခွဲသလို အကုန်လုံး ကြေမွသွားမှာပဲ၊ အဲ့ဒီတော့ ဒီအစိုးရက အဲ့ဒါကို လိုချင်သလား။ လိုချင်တယ်ဆိုရင်တော့ ကျနော် မတတ်နိုင်ဘူး၊ ကျနော်လည်း တားလို့ရတာမဟုတ်ဘူး။ လိုချင်ရင်တော့ ရမယ်” ဟု ဆိုသည်။
ယခုကိစ္စသည် အလွန်ပင် စိုးရိမ်စရာကောင်းပြီး ပြည်သူဟုအမည်ခံကာ ပြည်သူကို ပြန်နှိပ်စက်၊ အကြမ်းဖက်နေခြင်းဖြစ်ပြီး စစ်အစိုးရအနေဖြင့် အကြမ်းဖက်မှုကို ဘက်မလိုက်ဘဲ မှန်မှန်ကန်ကန် ဖြေရှင်းပေးရန်လိုသည်ဟုဆိုသည်။
“ကျနော်တို့နိုင်ငံဟာ ဒီအတိုင်းသာ သွားမယ်ဆိုရင် အာဏာပိုင်တွေရဲ့ သွေးထိုးလှုပ်ဆော်မှု ကြောင့် အာဏာပိုင်တွေရဲ့ အကြမ်းဖက်လှုပ်ဆောင်မှုကြောင့် ကျနော်တို့ တတိုင်းတပြည်လုံး မီးလောက်တိုက်သွင်းတဲ့ ပုံစံမျိုး သွေးချောင်းစီးတဲ့ပုံစံ ဖြစ်လာရင် ဒါ အာဏာပိုင်တွေရဲ့ လုံးဝ တာဝန်ပဲလို့ ကျနော်ပြောပြီ” ဟု ကိုမင်းဇေယျာက ပြောဆိုသွားခဲ့သည်။

ဒီက သတင်းပါ။

ကားခဈေးကြီး၍ လမ်းလျှောက်သည့် အန်အယ်လ်ဒီပါတီဝင်များ နှိမ်နင်းခံရ
ပီတာအောင် / ၂၁ သြဂုတ် ၂၀၀၇

ဘတ်စ်ကားခများ ဈေးကြီးသဖြင့် အမျိုးသားဒီမိုကရေစီအဖွဲ့ချုပ်ရုံးသို့ လမ်းလျှောက်သွားသည့် အန်အယ်လ်ဒီ ပါတီဝင်အချို့သည် လူတစု၏ ခြိမ်းခြောက်နှောင့်ယှက်ခံ့ရသည်ဟု ကိုယ်တွေ့ကြုံသူ များက ပြောသည်။

ယနေ့နံနက် (၁၀) နာရီခန့်က ရန်ကင်းမြို့နယ် အန်အယ်လ်ဒီဥက္ကဋ္ဌ ဦးမျိုးခင်၊ ဒု-ဥက္ကဋ္ဌ ဦးအေး မောင်တို့အပါအ၀င် ပါတီဝင်(၆) ဦးတို့သည် အဖွဲ့ချုပ်ရုံးသို့အသွား တာမွေမြို့နယ် ရွေဗဟိုအထူးကု ဆေးခန်း မှတ်တိုင်ရှေ့အရောက်တွင် ပြဿနာကြုံတွေ့ခြင်းဖြစ်သည်။

ဦးမျိုးခင်က “ပြည်သူအယောင်ဆောင်စွမ်းအားရှင်တွေပေါ့၊ ကျနော်တို့ကို မင်းမဲ့စရိုက်ဆန်ဆန် ရိုင်းရိုင်းစိုင်းစိုင်းဆက်ဆံပြီးတော့ ရိုက်နှက်ဖို့အထိ အစီအစဉ်ရှိတယ်ခင်ဗျ။ ကျနော်တို့ကို မင်းတို့ ဒီနေရာက ချက်ချင်းထွက်တဲ့၊ တို့ကရပ်ကွက်လူထုကွတဲ့၊ ဒေါသပေါက်ကွဲလာရင် အသေရိုက်သတ် ပစ်မယ်ဆိုပြီး ကျနော့်ကို လက်တွေဘာတွေကိုင်ပြီး ဟန်ရေးပြတယ်” ဟု ပြောသည်။

အဆိုပါလူတစုက အန်အယ်လ်ဒီပါတီဝင်များကို အမှတ် (၅၀) လိုင်းကားပေါ်သို့ လူအင်အားဖြင့် အတင်းတွန်းတင်ခဲ့ကြောင်း၊ အဖွဲ့ချုပ်ဝင်များမှာ ဘတ်စ်ကားနှင့်ပါသွားပြီး ခြောက်ထပ်ကြီး မှတ်တိုင်တွင် ဆင်းကာ ဗဟန်းရှိ အဖွဲ့ချုပ်ရုံးသို့ လမ်းလျှောက်လာခဲ့ရကြောင်း ၎င်းက ပြောသည်။

အလားတူ သင်္ကန်းကျွန်းမြို့နယ် အဖွဲ့ချုပ် လူငယ်တာဝန်ခံ ကိုအောင်ထွန်းနှင့် အန်အယ်လ်ဒီပါတီဝင်
(၅) ဦးတို့သည်လည်း တာမွေမြို့နယ် ဗလီထိပ် ကားမှတ်တိုင်၌ ခြိမ်းခြောက်ခံရကြောင်း သိရသည်။

ကိုအောင်ထွန်းက “လမ်းစရိတ်မရှိတဲ့လူတွေ ရုံးကို အတူတူ လမ်းလျှောက်သွားမယ်ဆိုပြီး ပြောနေတုန်း ကျနော်တို့ကို လာဝိုင်းပြီးတော့ မင်းတို့ ဒီနေရာကနေ ဖယ်ကြပါတဲ့။ ဒီနေရာကနေ သွားမလား မသွားဘူးလား ဒါပဲပြော၊ မင်းတို့ကိုရိုက်ဖို့ လူငှားထားပြီးပြီတဲ့။ ကျနော်တို့က လမ်းအေးအေးဆေးဆေး လျှောက်သွားပါရစေ လို့ပြောနေတုန်းမှာ ရိုက်ပစ်မယ်ကွာဆိုပြီး တယောက်က ကျနော့်ကို ဆောင့်တွန်းတယ်၊ ကဲရိုက်ကွာဆိုပြီး ကျနော်လည်း ခေါင်းထိုးပေးလိုက်တယ်” ဟု ပြောသည်။

ထိုသို့ အခြေအတင်ဖြစ်နေစဉ် ၈၈ မျိုးဆက်ကျောင်းသားခေါင်းဆောင်တဦးဖြစ်သူ ကိုဌေးကြွယ်နှင့် အဖွဲ့ ရောက်လာပြီး အန်အယ်လ်ဒီလူငယ်များကို ဆွဲခေါ်ထုတ်သွားခဲ့ကြောင်း၊ ထို့နောက် အန်အယ်လ်ဒီရုံးချုပ်အထိ လမ်းလျှောက်လာခဲ့ကြကြောင်း ကိုအောင်ထွန်းက ပြောသည်။

ပြဿနာ၏အရင်းခံဖြစ်သည့် လောင်စာဆီဈေးနှုန်း မြင့်တက်မှုကို မဖြေရှင်းဘဲ ဘတ်စ်ကား မစီးနိုင်၍ လမ်းလျှောက်သူများကို နှိမ်နင်းသည့်နည်းဖြင့် ဖြေရှင်းခြင်းသည် မှားယွင်းကြောင်း၊ အာဏာပိုင်များအနေဖြင့် အကြမ်းဖက်မှုကို နှိမ်နင်းရမည့်အစား အကြမ်းဖက်မှုများကို ပြုစု ပျိုးထောင်နေသည်ဟု အန်အယ်လ်ဒီ ပြောရေးဆိုခွင့်ရှိသူ တဦးဖြစ်သူ ဦးမြင့်သိန်းက ပြော ကြားသည်။

ယခုလ (၁၅ ) ရက်၌ နအဖစစ်အစိုးရက ဓာတ်ဆီဈေး တဂါလန် ကျပ် (၁၅၀၀) မှ (၂၅၀၀)၊ ဒီဇယ် တဂါလံ ကျပ် (၁၅၀၀) မှ (၃၀၀၀) သို့ ကြိုတင်အသိပေးခြင်းမရှိဘဲ ရုတ်တရက် တိုးမြှင့်လိုက်ပြီးသည့်နောက် နောက်တနေ့တွင် မြို့တွင်းဘတ်စ်ကားခများကိုလည်း တရားဝင် နှစ်ဆ မြှင့်တင်ခဲ့သည်။

လောင်စာဆီဈေးနှုန်း မြင့်တက်လာမှုကြောင့် အခြေခံကုန်ဈေးနှုန်းများမြင့်တက်လာပြီး ပြည်သူ လူထုကို ဆင်းရဲတွင်း ပိုနက်စေကြောင်းနှင့် တိုင်းပြည်မငြိမ်မသက်ဖြစ်လာပါက စစ်အစိုးရ၏ တာဝန်သာဖြစ်ကြောင်း အန်အယ်လ်ဒီက ယမန်နေ့က ထုတ်ပြန်ကြေညာထားသည်။ ။

ဒီကပါ။