Jun 29, 2007

ချိန်သီး

မနေ့ညက အိပ်မပျော်။
ပြည်တွင်းက အကိုတယောက်နဲ့ စကားပြောရာကနေ
စိတ်တွေ လေးလံထိုင်းမှိုင်း သွားခဲ့ရတာကြောင့်ပါပဲ။

သူကပြောတယ်..
ချောက်ထဲကလူတွေကို ကယ်တင်ဖို့ဆိုရင်
အပေါ်က လှမ်းဆွဲတာက အားပျော့တယ်.. မထိရောက်ဘူး…
အဲဒီ ချောက်ထဲကလူတွေနဲ့ တသားတည်း ရှိပြီး
အတူတူ ပခုံးထမ်းတင်ပေးမှ
ထိထိရောက်ရောက် တွန်းပို့ပေးနိုင်မှာ.. တဲ့။

ကျမ စဉ်းစားနေမိတယ်..
အောက်ကလဲ ပခုံးထမ်းတင်..
အပေါ်ကလဲ လှမ်းကူဆွဲဆိုရင်ရော
ပိုမကောင်းနိုင်ဘူးလား.. လို့။

ပြောဖြစ်တာတွေကတော့ အများကြီးပါပဲ။
အတွင်းအပြင် အယူအဆမတူတဲ့ ကိစ္စတွေပေါ့။
တချို့ သူ မှန်.. တချို့ ကျမ မှန် ။

သူက ပြောပါသေးတယ်။
တို့တိုင်းပြည်မှာသင်ရိုးပြဌာန်းစာတွေ မကောင်းတာမဟုတ်ဘူး။
ပြဌာန်းစာကောင်းကောင်း ရေးမယ့်သူတွေ မရှိတာတဲ့။
လူတော်တွေ မရှိတော့တာ… တဲ့။

အဲ..လူတော်တွေ ဘာမှ ပြဌာန်းခွင့် ရေးခွင့် မရတာကို ရော..
ဘယ်လို ဖြေရှင်းမလဲ… ဆိုတော့..
ရအောင် လုပ်ရမှာပေါ့.. ပို ကြိုးစားရမှာပေါ့ တဲ့။
အင်းးး
ကျမ အများကြီး ကြိုးစားခဲ့ဖူးတာတွေ …
ဘယ်လိုမှ မရနိုင်လို့ ခြေကုန်လက်ပန်း ကျခဲ့ရတာတွေ..
(ကိုယ်ရည်သွေးတီးလုံးဆန်တာတွေ) ပြောမပြချင်တော့ပါ။
ကျမကပဲ ညံ့ခဲ့သလား..
ပြီးတော့ စိတ်လျှော့ လွယ်ခဲ့လေသလား..။

အဲဒီနောက်မှာတော့
ကျမ တယောက်တည်း ငူငူကြီး ထိုင်နေမိပါတယ်။
ပြီးတော့ ကဗျာတွေ အများကြီး ထိုင်ဖတ်…။
အဲဒီထဲမှာမှ… ကဗျာလေးတစ်ပုဒ်က
ကျမကို စိတ်သက်သာရာ ရသွားစေခဲ့ပါတယ်။




ချိန်သီး
အကြောင်းကြောင်းနဲ့
ခေါင်းလောင်းသံချို အလွမ်းပြေ
ဝလုံးဖြူဖြူတွေ ရေးနိုင်ဦးမလား…
ငါလည်းပဲ

သွေးနဲ့ကိုယ်..သားနဲ့ကိုယ်..။

ဟောဒီ သတ္တုသိုက်ကြီးထဲ
လူဆိုတာ..
ကိုယ့်အချိုးအဆနဲ့ကိုယ် ဆင်နွှဲရ

ငါကတော့…

စိုထိုင်းဆ ခပ်များများနဲ့ ကောင်ပါ…။


မကြာခဏ

လူချင်းမှား နှုတ်ဆက်ကြ…

အချစ်ရေ.. လူတွေက
စားသုံးသင့်တဲ့ အာဟာရကို

မရွေးချယ်တတ်ကြဘူး..။

အရေးကြီးတာက
ဘယ်လိုအရာတွေ မျိုချခဲ့သလဲ…
ဘယ်လိုစက်ရုံ တည်ဆောက်ခဲ့သလဲ..
ဘယ်လိုရာသီဥတုမှာ နေထိုင်ခဲ့သလဲ..။

ညလယ်မိုး
(၁၉၉၅ ဇူလိုင်လ-စက်မှုတက္ကသိုလ်ထဲမှာ ထုတ်ခဲ့တဲ့
အမေမျှော်တဲ့မိုး ကဗျာစာအုပ်ထဲကပါပဲ..)


ညလယ်မိုးရဲ့ မေးခွန်းတွေ ဖြေအပြီး..
ရှေ့လျှောက်ကိုယ့်သမိုင်းလေး ဒီ့ထက်ပိုလှအောင်
ကြိုးစားရေးမှပဲလို့ တွေးမိပြီးတဲ့နောက်မှာတော့
ကျမ စိတ်လက်ပေါ့ပါးစွာ အိပ်ယာဝင်နိုင်ခဲ့ပါတယ်။
အပြင်မှာတော့ ညအမှောင်တောင်
အရောင်ဖျော့လာနေပြီ။
အရှေ့ဆီမှာ ရောင်နီလည်း လင်းလုလာပြီ..
အင်းးး အချိန်ကလည်း မနက် ၃နာရီခွဲလေ..။

မေငြိမ်း(ဇွန်၂၉)




Jun 27, 2007

မျှော်လင့်ခြင်းမိုး

ကိုစေးထူးရဲ့ မွေးကျေးဇူး ပို့စ်ကို ဖတ်အပြီးမှာ
ကျမ သိပ်ကြိုက်တဲ့..
အမေလွမ်းကဗျာရှည်တပုဒ်ကို သတိရသွားပါတယ်။
စက်မှုတက္ကသိုလ်က ကဗျာသမားတယောက်ဖြစ်တဲ့
မောင်နန္ဒရေးခဲ့တဲ့ ကဗျာလေးပါ ။
အမေမျှော်တဲ့မိုး စာအုပ်ထဲကပါပဲ။
မျှဝေခံစားကြဖို့ပါ…။

မျှော်လင့်ခြင်းမိုး


ဓါတ်ကြိုးပေါ်မှာ…
ငါ့ကို..
ငှက်ကလေးတွေ ကြည့်နေပုံက
ငါ့အလွမ်းကို ဓါတ်ကြိုးထဲ
ဆွဲခေါ်သွား…။

ငှက်ကလေးရဲ့
ငါမလွမ်းချင်ပါဘူး…
အဲဒီ ဓါတ်ကြိုးတွေကတဆင့်
ငါ့စိတ်တွေကို တွန်းကန်
ငါ့အလွမ်းငါ ငြင်းဆန်သလိုနဲ့
ငါ့ဘ၀ငါ… နောက်ပြန်စီးမိပေါ့ ။ ။

မတုန်လှုပ်လိုက်ပါနဲ့
ငါလည်းပဲ
ကြိုးတစ်ချောင်းထဲက
ဖိုဓါတ်လျှပ်စစ် တစ်ခုရယ်ပါ..
တစ်ကိုယ်ရေ အထီးကျန်ဆန်လို့မို့
ကိုယ့်ဒုက္ခနဲ့ကိုယ် ပူလောင်
စီးဆင်းလာတဲ့ ကောင်ပါ … ။

မလွမ်းချင်ပါဘူး … ငှက်ကလေးရဲ့
အမေက..ရိုးတယ် ၊ လှတယ်
နောက်ပြီး .. အ တယ်..
မိရိုးဖလာ တောင်သူအတတ်နဲ့
သူ့ဘ၀သူ စာလုံးပေါင်းဖတ်နိုင်လည်း
မိုးကိုတော့ အမြဲ သူ မျှော်
သြော်..ငါဟာ မိုးရေလား…
သူ့သား ငါဟာ..
မိုးရေဖြစ်မယ့် တိမ်တိုက်လား…
အငွေ့ပျံလို့ ကောင်းဆဲ
အမေ မျှော်လှရော့မယ်…။

ငယ်ငယ်က
ထွန်ရေးဖြောင့်အောင် မထွန်တတ်ခဲ့
ဒါ့ကြောင့်များ ငါဘ၀
ရုပ်ဆိုး ကောက်ကွေ့နေ ထင်ရဲ့…
အမေ မျှော်လှရော့မယ်..။

မလွမ်းချင်ပါဘူး ငှက်ကလေးရဲ့..
ရုတ်တရက် ကားဟွန်းသံ
လယ်ကန်သင်းပေါ် ဖြတ်ပျံသွား
ငါ ခြေထောက်ငါ ငုံ့ ကြည့်မိတယ်
အမေ၀ယ်ပေးတဲ့ ဖိနပ်ကလေး
ဟိုး..အဝေးမှာ ကျန်ခဲ့ပြီ…
(ဖြစ်ကိုဖြစ်ရမယ်)ဆိုတဲ့
ငါခြေရာတွေလည်း ကျန်ခဲ့ပြီ…
(ဘာမှ မဟုတ်သေးပါလား)
ဒါကိုပဲ မကြာခဏ ထွေးထုတ်နေမိတော့
မှတ်ပုံတင်ထဲက
ငါ့ဓါတ်ပုံ မှိန်ဖျဖျလည်း ကျန်ခဲ့ပြီ..။

တကယ်တော့..ငါဟာ
မြို့ကြီးရဲ့ ပလက်ဖောင်းတွေပေါ်
တိတ်တဆိတ် စာသင်ခဲ့တာပါ…။

ပလက်ဖောင်းတွေဟာ မျှော်လင့်ခြင်းလား..
မျော်လင့်ခြင်းဟာ ပလက်ဖောင်းတွေလား..
လူတိုင်းလူတိုင်း ဖြတ်နင်းသွားကြ…
ငါလည်း.. ငါ့လောဘငါ ကျောပိုးရင်းပေါ့…။

ဟောဒီ မြို့ကြီးမှာက
ကားတွေ ခပ်များများ
အမှိုက်တွေ ခပ်များများ
ဒါတွေကို ရှောင်ရှားနိုင်ပေမယ့်
ငါဘ၀ငါကျ ရှောင်ရှားလို့မရ…
ဒီသင်ခန်းစာကတော့..ခက်ခဲလွန်းထင်ပါ့…
အမေ မျှော်လှရော့မယ်…။

မလွမ်းချင်ပါဘူး..ငှက်ကလေးရဲ့…
မွန်းတည့် နေရောင်ခြည်တွေက
ငါ့ကိုယ်ပေါ် တစုးတစိုက်
မေတ္တာဓါတ် ခိုက်နေပုံလေ…
ငါ့မှာ ဦးထုပ်မရှိခဲ့ပါဘူး…
ဦးထုပ်ရှိဖို့ကိုလည်း မစဉ်စားခဲ့ပါဘူး…
ငါ့ဦးခေါင်းကို ငါ…
ထမ်းထားရတာပဲ လေးလံလှပါပြီ…
ဒါတောင်…ဆံပင်တွေ ရှည်ရှည်လာခဲ့သေး
ငါ့မှာသာ အတောင်ပံတွေရှိရင်
အမေ့ဆီ အပြေးပျံလိုက်ချင်သေး
ခုလို…နွေခေါင်ခေါင်ပေမဲ့
အမေကတော့…
မိုးမျှော်နေမှာ သေချာတယ်…။

ငါကြီးခဲ့တဲ့ ရွာလေးမှာ
မိုးက နှစ်စဉ်ခေါင်လို့မို့
ငါလည်း…မိုးကိုမျှော်ရင်း
ငါ့ရွာလေးငါ စွန့်ခွာလာခဲ့…

ငါဟာ..မိုးရေလား…
အမေ့သား..ငါဟာ
မိုးရေဖြစ်မယ့် တ်ိမ်တိုက်လား
အငွေ့ပျံလို့ ကောင်းဆဲပေါ့..
အမေ မျှော်လှရော့မယ်..။

မလွမ်းချင်ပါဘူးငှက်ကလေးရဲ့…
ပလက်ဖောင်းတွေကလည်း
ရှည်လျားလွန်းလှချည့်
လူတွေကို ငါသိတာ..
ဘာကြာသေးလို့လဲ..
သူတို့ ကွမ်းစားကြသလို
ငါလည်း တစ်ယာပြီး တစ်ယာ...
သူတို့ ဆေးလိပ်သောက်ကြသလို
ငါလည်း တစ်လိပ်ပြီး တစ်လိပ်...
ပလက်ဖောင်း တလျှောက်လုံး
ကွမ်းသွေးကွက် နဲ့ ဆေးလိပ်တို
အချည်းနှီးတွေချည်းပါပဲ…
သေချာကြည့်မှ တအံ့တသြ
ငါထွေးလိုက်တဲ့ ကွမ်းသွေးဟာ.. ငါ
ငါပစ်လိုက်တဲ့ ဆေးလိပ်တိုဟာ.. ငါ
ငါကိုယ်တိုင်သာ ဖြစ်နေပါပကော..။

ငှက်ကလေးရဲ့…
မလွမ်းချင်ပါဘူး…
အမေသောက်တဲ့ ဆေးလိပ်တိုလောက်မှ
အမေ့အပေါ် ငါ
ခံတွင်း အချဉ်ပြေစေခဲ့ဖူးပါစ…
အမေ မျှော်လှရော့မယ်…။

အခုတော့…
အမေ မျှော်တဲ့ မိုးလို…
မိုးကို မျှော်နေတဲ့ ငါ့လို
ငါ့ကို မျှော်နေမယ့် အမေဆီ
သည်းသည်းမည်းမည်း သွန်းဖြိုးဖို့
အငွေ့ပျံနေတဲ့ ခန္ဓာတွေဆီ
ပြန်ကျမိုးတွေ ရွာသွန်းဖို့…။

ငှက်ကလေးရေ…
ငါတို့မှာ…
မိုးလိုရွာဖို့ ခွန်အားအပြည့်နဲ့
ဒီ ခွန်အားသာပဲ
ငါတို့ မျှော်တဲ့ မိုးပါ..။

မောင်နန္ဒ (၁၉၉၅)



Jun 26, 2007

စွန်နှစ်ကောင်(အပိုင်း နှစ်)


မြို့ပြကို ခွဲချန်ထားခဲ့ဖို့ ဆုံးဖြတ်လိုက်ရခြင်းအတွက် မောင်ကတော့ အနည်းငယ် တုန်လှုပ် ခဲ့လေသည်။ လတ်က တော့ တုန်လှုပ် ဆင်းရဲခဲ့ရတာတွေ များပြီမို့ ခုချိန်ကျတော့ သွေးအေး နေခဲ့ပြီ။ လတ် ဘယ်လောက် ပင်ပင် ပန်းပန်း ရုန်းကန်ခဲ့သလဲ၊ ပြန်ပင် တွေးမကြည့်ချင် တော့။ မောင် နှင့် ချစ်သူသက်တမ်း ငါးနှစ်။ ၀ိဇ္ဇာဂုဏ်ထူးတန်း တက်ရောက်ခွင့် အဆင့်မီ။ နောက်တော့ မဟာဝိဇ္ဇာတန်း၊ တစတစနှင့် စိတ်ကူးယဉ် အိပ်မက်တွေ ပီပြင် လှပလာပြီဟု ယုံကြည်လာကြ။ ထမင်းတစ်နပ်ငတ်သော ရက်တွေကိုပင် ခပ်သာသာ ကျော်နိုင်လိမ့်မည် ဟု ထင်ခဲ့ကြသည်။

ကြည့်လေ၊ ဂုဏ်ထူးတန်း ကျောင်းသား ကျောင်းသူ ဘ၀ကတည်းက မောင် နှင့် လတ် တို့ ရုန်းကန် ခဲ့ကြရတာ ပဲ။ ဘွဲ့လွန် ဂုဏ်ထူးတန်း ကျောင်းသား ကျောင်းသူတွေအနေဖြင့် သူတို့ အတွင်း ကျောင်းဆောင် နေခွင့် မရ ခဲ့ကြပေ။ အပြင်ဆောင်တွေက တစ်ယောက် ကျောတခင်းစာ နေရာလေးကို တစ်ထောင်တဲ့။ ကျောင်းစရိတ်၊ စားစရိတ်၊ အဆောင်စရိတ်နှင့် အိမ်က ပံ့ပိုးနိုင်သော ငွေပမာဏမှာ ပြောင်းပြန် အချိုးကျ၏။

နောက်တော့ ကျောင်းက ဆရာမတစ်ယောက်၏ အကူအညီဖြင့် လတ်က ကလေးတွေကို အိမ်လိုက် စာသင် ပေးရသော အလုပ်တစ်ခုကို ရခဲ့သည်။ ဆရာမ၏ လက်ထောက်တဲ့။ တစ်လ သုံးထောင်လောက် ရသော ထိုဝင်ငွေက လတ်ကို အတော် အသက်ရှူ ချောင်စေခဲ့သည်။ မောင့်မှာလည်း အချိန်ပိုင်း ကွန်ပျူတာစာစီနှင့် ပရုဖ်(Proof)ဖတ်သော အလုပ်ဝင်လုပ်ရ၏။ လတ် ထက် ၀င်ငွေပိုသကဲ့သို့ ပိုလည်း ပင်ပန်းပြီး အချိန်လည်း ပိုပေး ရ သောအခါ မောင့်ခမျာ စာကြည့်ချိန်များပင် များများ မပေးနိုင်ဘဲ ရှိခဲ့သည်။

သို့ပေမဲ့ လတ်တို့ နှစ်ယောက် ကြိုးစားခဲ့ကြပါသည်။ နယ်မြို့ကလေးတွေမှာ ကျန်နေခဲ့သော မိဘများကို အတတ်နိုင်ဆုံး ၀န်ပေါ့စေဖို့၊ ပြီးတော့ လတ်တို့ နှစ်ယောက်ရဲ့ အနာဂတ် ဘ၀လေးအတွက်။ တချိန်မှာတော့ တက္ကသိုလ်က ဆရာ ဆရာမတွေဘ၀မှာ အိနြေ္ဒရရ၊ ဂုဏ်သိက္ခာရှိရှိဖြင့် လက်တွဲနိုင်ကြမှာ။ မိဘကျေးဇူးကို ဆပ်ရင်း လတ်တို့ရဲ့ မျိုးဆက်တွေကိုလည်း ခေတ်မီတိုးတက်သော မြို့ပြမှာ ဖွံ့ဖြိုးအောင် မွေးမြူကြဦးမှာ။

လောဘနည်းသူတွေမို့ ထိုမျှလောက် ပြည့်စုံလျှင်ပင် မောင်နှင့်လတ်တို့က ကျေနပ်ပြီ။ လတ်တို့ရဲ့ သားသမီးဟာ နယ်မြိုလေးတစ်မြိုက ဘွဲ့ရပညာတတ် ကျောင်းဆရာသားနှင့် ပညာတတ် ရုံးဝန်ထမ်း၏ သမီးမျှသာဖြစ်သော မောင် နှင့် လတ် တို့၏ ငယ်ဘ၀ထက်စာလျှင် လူမှုဝန်းကျင် သာမည်။ ဗဟုသုတ သာမည်။ အကောင်းအဆိုး သာမည်။ မောင်နှင့် လတ် တို့၏ ဗီဇသွေးတွေမို့ သားသမီးတွေက သိပ်တော့ ဆိုးကြမည် မဟုတ်ပါ။ ပြီးတော့ ကြိုးစား တိုးထွက်နိုင်သူတွေလည်း ဖြစ်လိမ့်မည်။ ထိုအိပ်မက်တို့ဖြင့် လတ်နှင့် မောင်တို့ မောသမျှ ပြေခဲ့ကြ ရတာပါ။

ထိုစဉ်က ချစ်သူတွေဘ၀မှာ ညနေဘက်ပင် မှန်မှန် မတွေ့နိုင်ခဲ့။ နေ့လယ် အတန်းတက်ချိန်တွေမှာသာ တွေ့ကြရသည်။ စနေ၊ တနင်္ဂနွေမှာတော့ လတ်ကို အလုပ် အသွားအပြန် ကြိုပို့ရင်း လက်ဖက်ရည်ဆိုင် ထိုင်ရုံလောက် တွေ့ကြရသည်။ သည်လိုနှင့်ပင် လတ်တို့ နှစ်ယောက်မှာ ရောင့်ရဲတတ်မှုတွေ၊ ချင့်ချိန်နိုင်မှုတွေ တိုးလာသည်ဟု ထင်သည်။ သည်လိုနှင့် ချစ်သူသက်ကြာ၊ မဟာဝိဇ္ဇာကျမ်းပြု၊ လှေခါးထစ်တွေ တစ်ထစ်ပြီး တစ်ထစ်၊ ပင်ပန်းချွေးတို့ကိုပင် မသုတ်အားခဲ့။ ထိုစဉ် လတ်တို့ နှစ်ယောက်စလုံး တက္ကသိုလ် နည်းပြဆရာ အလုပ် စာမေးပွဲကို မဟာဝိဇ္ဇာကျမ်းပြု ကာလမှာပင် အောင်မြင်ခဲ့ကြတာ၊ သိပ်လှတဲ့ အနာဂတ် နီးလာပြီပေါ့။ ဘယ်လောက် ပျော်ခဲ့ကြသလဲ။ အဲဒီ မြင်ကွင်းက မမှုန်ဝါးခဲ့တာလည်း သေချာပါသည်။

ထိုနောက်ပိုင်းရက်တွေမှာ မောင့်အိပ်မက်တွေက ပိုလို့ အရောင်စုံလာသည်။ ထင်းပြက်လာသည်။ ဘ၀တစ်ခု ထူထောင်လို့ ရပြီ လို့ မောင်က ယုံသတဲ့လေ။

တို့နှစ်ယောက်ပေါင်း လစာက အသားတင် နှစ်ထောင်ထား မောင်ရယ်၊ အပြင်အလုပ်က ရှစ်ထောင်လောက် ရအောင် ရှာနိုင်ရင် တစ်လတစ်သောင်း၊ အိမ်တွေကို နှစ်ထောင်စီလောက် ထောက်ချင်တယ်နော် မောင် အဲဒါဆိုရင် ပိုမယ့် ခြောက်ထောင်၊ မောင်နဲ့လတ် လောက်အောင် သုံးကြတာပေါ့။ ဒါပေမဲ့ အိမ်က ငှားရဦးမှာ၊ စပေါ်နှစ်သိန်းလောက်နဲ့ တစ်လ သုံးထောင်လောက် ပေးရရင်

ပြောရင်းနှင့်ပင် သူမ၏ အသံက ပါးလျပြတ်တောက်သွားရ၏။ မောင်က သူမ၏ လက်ချောင်းတွေကို ဆုပ်ဖျစ်လိုက်ပြီး သက်ပြင်းကို နာနာ ရှိုက်လေသည်။

အိမ်ကိုလည်း လျှော့မပေးချင်ဘူးကွယ်။ လတ်တို့ မိဘတွေခမျာ ပြေလည်တာမှ မဟုတ်ဘဲ

တကယ်တော့ မောင်ညံ့တာပါ လတ်ရယ်၊ လတ် ခုလို တွက်ချက်ပူပင် လာရတာ ဘယ်လောက် ကြာခဲ့ပြီလဲ။ ခုဆို ချစ်သူသက်ပဲ ငါးနှစ်ကျော်လာပြီ၊ ကြိုးစားခဲ့ စုဆောင်း ခဲ့ရတာလည်း ကြာပြီ၊ ခုထိ

မောင်ကလဲ ကွယ်၊ အဲဒီ ညံ့တယ်ဆိုတဲ့စကား မပြောစမ်းပါနဲ့၊ ယောက်ျားတစ်ယောက်ဟာ ဒါထက်ပဲ တော်ရဦး မလား၊ စာမေးပွဲမှာ အမြဲဂုဏ်ထူးတွေနဲ့ အောင်ခဲ့တယ်။ အလုပ်တွေလဲ အများကြီး လုပ်နိုင်ခဲ့တယ်။ ကျောင်း ဆရာအနေနဲ့လည်း တော်တယ်၊ ရိုးသား ဖြူစင်တယ်။ ကြိုးစားတယ်၊ အဲဒီ ယောက်ျားကမှ ညံ့သေးရင် ဘယ်လို ယောက်ျားက တော်သလဲကွယ်

လတ်အသံက ဆူဝေလာသည်။

ဒါပေမဲ့ လတ်ကို မောင် မပူမပင် ထားနိုင်သင့်ပြီလေ

လတ်သည် ခေါင်းကို ခါယမ်းငြင်းဆန်ဆဲ၊ မျက်ရည်က လည်ချင်လာပြန်သည်။

မောင်ရယ်၊ ကံဆိုတာ မိမိလုပ်တယ်ဆိုပေမယ့် လုပ်တိုင်းလည်း မရတဲ့ ကံကြမ္မာဆိုတာ ရှိသေးတယ်လို့ ယုံစမ်းပါကွယ်

အဓိပ္ပါယ်တော့ မရှိဘူး၊ လတ်ရယ်၊ လုပ်ရင် ဖြစ်ရမှာပေါ့

အားမာန်ပြည့်ဖြင့် ပြောနေသော မောင်၊ ခုဆို တဖြည်းဖြည်း ပိန်ဖျော့လာတာ။

မမြင်နိုင်တဲ့ ကံဆိုတဲ့ အရာကြောင့် မောင်တို့နှစ်ယောက်က ဝေးနေကြရဦးမှာလား၊ ဟုတ်လား

ဒါပေမဲ့ မောင်၊ တို့နှစ်ယောက် အားကုန် ကြိုးစားခဲ့ကြပြီးပြီလေ။ ဒါ့ထက်ပို ကြိုးစားစရာကို မရှိတော့လောက် အောင်။
မောင်ရယ် အချစ်ရဲ့ ပန်းတိုင်ဟာ အတူနေဖို့ တစ်ခုတည်း အတွက်တော့လည်း မဟုတ်ပါဘူးကွယ်

မောင်က သူမကို မျက်နှာချင်းဆိုင် ကြည့်လေသည်။ မောင့်မျက်လုံးတွေကပင် နာကျင်နေ သလိုလို။

ဒါပေမယ့် တို့နှစ်ယောက်က သိပ်တော်တဲ့၊ သိပ်တိုးတက်မယ့် သားသမီးတွေ လိုချင်သေးတယ်လေ လတ် ရယ်
ထိုအခါမှာတော့ လတ်ကိုယ်တိုင်လည်း မောင့်ကို ဘယ်လိုစကားမှ တုံ့ပြန် မဆိုနိုင်တော့ပေ။

+++++

တက္ကသိုလ် ဆရာ ဆရာမတွေအတွက် နေစရာအိမ် ပေးမယ်ဆိုရင်တော့ တော်တော် အဆင်ပြေမှာ မောင်ရ၊ နော်
ဟု လတ်က စိတ်ကူးယဉ်တော့ မောင်က လှောင်ပြုံးပြုံးကာ သူမ၏ ဦးခေါင်းကို ခပ်ဖွဖွ ပုတ်လေသည်။

ဟုတ်တယ်လေ မောင်ရဲ့၊ နိုင်ငံရဲ့ အဆင့်အမြင့်ဆုံး ပညာရေးစနစ်မှာ အလုပ်အကြွေး ပြုနေကြတဲ့သူတွေပဲ ဟာ
နာသုံးနာထဲမှာ အနစ်နာဆိုတာ ပါတယ်လေ ..ကလေးမရဲ့

မောင့်တုံ့ပြန်စကားကို သဘောမတူလှသော်လည်း မချေပ လိုတော့။

သည်လိုနှင့် လတ်၏ ပြင်ပ စာသင်အလုပ်ကလေးမှ အသားတင်ဝင်ငွေ ငါးထောင် ရလာချိန်မှာတော့ အိပ်မက် တို့က ပြန်လည် ဦးမော့လာကြပြန်သည်။ ဒီတခါတော့ နီးပါပြီဟု အပြန်အလှန် အားပေးဆဲ။ န်းစားနိုင်စွာ မြင့်တက်လာသော အသုံးစရိတ်တွေက သူမတို့ နှစ်ယောက်ကို တိုက်ခိုက်လာကြသည်။ တကယ့်ကို ရန်သူသဖွယ်။ သည်းကြီး မည်းကြီး။ စပေါ်တင်၍ အိမ်ငှားသောစနစ်ကိုပင် ရှာမတွေ့တော့။ ကားဂိုဒေါင်လောက် အိမ်ခန်းကျဉ်း လေးကိုတောင် တစ်လ ငါးထောင်၊ နှစ်ချုပ်တဲ့။

မောင် နှင့် လတ် တို့ အရောင်အ၀ါတွေ မှိန်ဖျော့။ အိပ်မက်တွေ မှိန်ဖျော့။ အရည်အသွေးတွေ မှိန်ဖျော့။ ခံနိုင်ရည်တို့ပင် မှိတ်တုတ် မှိတ်တုတ် ဖြစ်လာပြီ။ ထိုအချိန်မှာတော့ နှစ်ယောက်အကြားရှိ အချစ်တို့ပါ မှိန်ဖျော့သွားကြမှာကိုပင် စိုးရိမ်လာမိကြသည်။

မဟာဝိဇ္ဇာဘွဲ့ရ တက္ကသိုလ်က ဆရာ ဆရာမနှစ်ယောက်ရဲ့ အိမ်ထောင်ရေးဘ၀တစ်ခုကို ဘယ်လို ထူထောင် ကြရသလဲ။ ညနေခင်းများစွာမှာ စိတ်ညစ်ညူးကြ။ အဖြေရှာ မတွေ့ကြ၊ မစွန့်လွှတ်ရဲကြ၊ အိပ်မက်တွေ မက်ကြ၊ ကြေကွဲနာကျင်ကြ။

တချိုနယ်ကောလိပ်တွေ၊ တက္ကသိုလ်တွေမှာတော့ အိမ်ထောင်သည် ဆရာ ဆရာမတွေ အတွက် နေစရာ အိမ်ခန်း ပေးတယ်တဲ့ မောင်ရဲ့၊ ပြီးတော့ နယ်မှာဆိုတော့ ခရီးစရိတ် သက်သာမယ်၊ အိမ်နဲ့ ကျောင်းနဲ့ နီးတော့ မုန့်ဖိုး၊ အ၀တ်အစားဖိုး သက်သာမယ်၊ ကုန်ဈေးနှုန်းလည်း သက်သာနိုင်မယ်၊ အနည်းဆုံး ဟင်းသီးဟင်းရွက် တော့ ပေါမှာပဲ မောင်

မောင်က သတ္တိတော့ နည်းနေခဲ့သေးသည်။

မောင်တို့ ကလေးတွေကို ကျောင်းကောင်းကောင်းမှာ ထားချင်တာလေ လတ်ရယ်

ဟုတ်တော့လည်း ဟုတ်ပါသည်။ မောင်ရော လတ်ပါ ပင်ကိုယ်ဥာဏ်ကောင်းပြီး စာကြိုးစားကြ၍ ခုလို အောင်မြင်ခဲ့ကြသော်လည်း နှစ်ယောက်စလုံးပင် ပညာရေးမှာ အခြေခံ မကောင်းခဲ့ကြတာ သတိရသည်။ ပတ်ဝန်းကျင် ကျဉ်းကျဉ်းလေးထဲမှာ တော်ရုံ ကြိုးစားမှုဖြင့် ပြိုင်ဖက် နည်းနည်းလေးကို ကျော်ဖြတ်နိုင်ခဲ့ကြတာ၊ တကယ့် မြို့ကြီး ၀န်းကျင်မှာကျတော့ လတ်တို့နှစ်ယောက် မှိန်ပျ သွားခဲ့ကြဖူးတာပဲ။ ပြီးတော့ မြို့ပြ ၀န်းကျင်မှာ ကြီးပြင်းခဲ့ရသူတွေနှင့် နယ်မြို့ကလေးတွေမှာသာ ကြီးပြင်းခဲ့ရသူတွေရဲ့ ကွာဟမှုက ကြီးမားလေသည်။ အမြင်ကျယ်မှု၊ လူနေမှုအဆင့်၊ ပေါင်းသင်း ဆက်ဆံရေး နယ်ပယ်မှစကာ နေရာအပေးခံရမှု အထိ။

တစ်ခုကိုတော့ စွန့်ကြရလိမ့်မယ် မောင်

မောင်က လတ်ကို ထိတ်လန့်တကြား မျက်လုံးများဖြင့် ကြည့်သည်။ လတ်ကိုယ်တိုင်လည်း တုန်လှုပ်သော အသံတို့ကို ထိန်းနေရ၏။

မိသားစုဘ၀ရယ်၊ မြို့ပြလူနေမှုဘ၀ရယ်၊ တစ်ခုခုကို လတ်တို့ ရွေးချယ်ကြရလိမ့်မယ်

စကားအဆုံးမှာတော့ လတ်သည် တစုံတရာကို နာကြည်းစွာ မျက်စိမှိတ်လျက် ခပ်မဲ့မဲ့ပြုံးရခြင်း၌ အရသာ တွေ့ နေလေသည်။ သို့ပေမဲ့ ထိုအပြုံးက မျက်ရည်တို့ဖြင့် စွန်းပေ၍ နေပြန်သည်။ ထိုခဏမှာ မောင်က တက် တစ်ချက် ခပ်ဖွဖွ ခေါက်လိုက်လေသည်။

+++++

တကယ်တော့ လတ်ရယ်၊ ဗိုလ်ချုပ်အောင်ဆန်းလည်း နတ်မောက်ဆိုတဲ့ ရွာကလေး ကပါပဲ။ သန္ဓေဗီဇက တော်ရင် တော်မှာပါပဲနော်

မောင့်အသံက ကိုယ့်ကိုယ်ကို ပြန်လည် နှစ်သ်ိမ့် အားပေးနေရသလိုပင်။ လတ်က မောင့်ကို ပြုံးပြလိုက်သည်။ ရင်ထဲမှာတော့ ဒါပေမယ့် အဲဒီတုန်းက ငွေဆိုတာက ခုလောက် အရေးမပါသေးဘူး မောင်ရဲ့ ဟု ခွန်းတုံ့ ပြန်မိ သည်။

သွားမယ့်သွားလည်း မြို့ပြနဲ့လည်း မျက်ခြေမပြတ်ဘဲ မြို့ပြလည်း သိပ်မဆန်တဲ့ ကျေးလက်ဝန်းကျင်နဲ့လည်း နီးပြီး သဘာဝတရားပဲ ပိုထွန်းကားတဲ့ နယ်ကလေးတွေဆီကိုပဲ သွားရအောင်ကွယ် ဟု လတ်က ပြောတော့ မောင်က တကယ် ရိုးသားပေ့ဆိုတဲ့ တိုင်းရင်းသားတွေ ကြားထဲပဲ သွားကြမယ် ဟု ဆုံးဖြတ်ခဲ့လေသည်။

+++++

ပတ်ဝန်းကျင်ကတော့ မောင်နှင့်လတ်တို့အဆုံးအဖြတ်ကို အံ့သြကြလေသည်။

အင်မတန် တ်ိုးတက်ချင်သော၊ အောင်မြင်ချင်သော၊ တော်ချင်သော လတ်တို့ နှစ်ယောက်က နယ်ကောလိပ် တစ်ခုကို ပြောင်းရွှေ့ခွင့် တင်တာ
ဟာ ဘ၀ကို အရှုံး ပေးလိုက်သလိုပဲဟုလည်း လတ်တို့နှင့် ခံစားချက် အသွေး အရောင်တူသည့် သူငယ်ချင်း တစ်စုက ဆိုသေး၏။ လတ် နှင့် မောင် တို့လို လူတွေအတွက် ရောက်လာမယ့် အချိန် တစ်ချိန်နှင့် နေရာ တစ်နေရာ ဆိုတာကိုတောင် မစောင့်တော့ဘူးလား တဲ့လေ။

ထိုအချိန်မှာ လတ်၏ နှလုံးသားတို့က အရည်အချင်း၏ ရပိုင်ခွင့်ဆိုတာကို မယုံကြည်နိုင်မှုဖြင့် ခါးသီးနေခဲ့ပြီ။

မောင်ကတော့ စိတ်ကို လုံးလုံး ပြောင်လဲပစ်လိုက်ကာ စိတ်ကူးယဉ်တွေထဲမှာ ပြန်လည် တက်ကြွနေခဲ့သည်။

လတ် နှင့် မောင်တို့ ရွေးချယ်လိုက်သော နယ်ကလေးမှာ သာသနာ ထွန်းကားသော အေးချမ်း ရိုးစင်းသော သဘာဝရှိသည့် လူတွေနှင့် ဖွဲစည်းထားသော မြို့ကလေး ဖြစ်သည်။ ပြီးတော့ သီနှံ စိုက်ပျိုး ထွန်းကားရာ မြေ၊ ပန်းတို့ ဝေဆာသော မြေ။

ဟိုရောက်ရင် တို့စုထားတဲ့ ပိုက်ဆံလေးနဲ့ မြေကလေးဝယ်ပြီး အားတဲ့ အချိန်တွေမှာ ပန်းပင်တွေ စိုက်မယ်၊ မောင်တို့ သားသမီးတွေက ပန်းတွေထဲတော့ ကြီးပြင်းခွင့်ရကြမှာ လတ်ရ၊ သူတို့ ပတ်ဝန်းကျင်မှာ ခေတ်မနည်း ပညာတွေ၊ ရုပ်ဝတ္ထု ပစ္စည်းတွေ ချိုတဲ့ရင်တောင်မှ ပန်းတွေ၊ ဂီတတွေ၊ စာအုပ်တွေနဲ့ အနုပညာတွေ ထွန်းကားအောင် မောင်တို့က ဖန်တီးပေးမှာပေါ့။ အဲဒီအခါမှာ သူတို့လေးတွေက နူးညံ့သိမ်မွေ့မယ်၊ ပျော့ပြောင်းလိမ္မာမယ်၊ ရောင့်ရဲ အေးချမ်းမယ်၊ အဂတိလည်း ကင်းမယ်၊ အသိဥာဏ်လည်း မြင့်မားမယ်၊ ပြီးတော့ သဘာဝဘေးဒဏ် တွေကို လည်း ခံနိုင်ရည် ရှိပြီးသား ဖြစ်မယ်၊ ပြီးတော့ ကျောင်းဆရာသားသမီးတွေ ဖြစ်တဲ့အပြင် ခြံသမားမိသားစုလည်း ဖြစ်မှာမို့ ပန်းနံ့ နဲ့ လွတ်လပ်တဲ့ လေရယ်၊ လှုပ်ရှားမှုတွေရယ်ကြောင့် ကျန်းမာရေးလည်း ကောင်းကြဦးမှာ၊ အချိန်တန်ရင်တော့ မြိုကြီးဆီကို ပို့ပြီး ကျောင်းထားရဦးမှာပေါ့။ အဲဒီ အခါကျရင် မောင်နဲ့ လတ်တို့တုန်းကလို မဟုတ်ဘဲ ပြည့်စုံအောင်တော့ တို့နှစ်ယောက်က ကြိုးစားရမှာပေါ့၊ ပြီးတော့ လတ်ရယ်၊ သူတို့အလှည့်ကျရင်တော့ ကံတရားဆိုတာကလည်း တစ်မျိုး ပြောင်းချင် ပြောင်းနေနိုင် တာပဲလေ

မောင်က စကားတွေ တဖွဲ့တနွဲ့ ပြောလို့။ လတ် ကတော့ ဆရာ ဒဂုန်တာရာရဲ့ တဟီတီ သွားရအောင် ကိုပဲ သတိရနေခဲ့သည်။

မောင်ကရော ထွက်ပြေးဝါဒ မဟုတ်တာ သေချာရဲ့လားကွယ်။

+++++

တစ်ခုကတော့ သေချာခဲ့ပြီ ဖြစ်သည်။

ဆုတ်ယုတ်ရတာချင်း အတူတူဆိုလျှင်ပင် စိတ်အေးချမ်းသာဖြင့် အဆုတ်ယုတ် ခံရခြင်းကိုသာ ရွေးချယ်ရ တော့မယ် ဆိုတာ။ (မောင်ကတော့ ဒါဟာ လောကဓံကို ခံသတ်တာဟု ကဗျာဆန်ဆန် ပြောခဲ့ သေး၏)။

မြို့သေးသေးကလေးမှာတော့ မောင် နှင့် လတ် တို့၏ ရင်သွေးတို့က ဂုဏ်သရေရှိစွာ ကြီးပြင်းနိုင်ကြလိမ့်မည်။ ဆက်သွယ်ရေးစနစ် ချိုတဲ့၊ လျှပ်စစ်ဓါတ်အား ချိုတဲ့၊ မြို့ပြ ယဉ်ကျေးမှု ချိုတဲ့၊ နည်းပညာ ချိုတဲ့...စသော ချိုတဲ့မှုတွေက ကလေးတွေကို ရောင့်ရဲ ရင်ဆိုင်တတ်ခြင်းကို သင်ပေးသွားလိမ့်မည်။ အရသာသိဖူးသော သူတွေကမှ ပိုငတ်တတ်တာမို့ လတ် တို့ ကလေးတွေကတော့ အလွယ်တကူ ငတ်တော့မည် မဟုတ်ပေ။ စာအုပ်တွေထဲ တကယ် ပျော်ဝင်သွားကြလျှင်လည်း စွန့်လွှတ်ရဲလျှင် ဘ၀ဆိုတာကိုပင် မလိုအပ်တော့ဟု သူတို့ နားလည်သွားကြလိမ့်ဦးမည်။ ထိုအခါ ကလေးတွေသည် ပေါ့ပါး သွက်လက်လျှက် လတ်တို့တုန်းက ထက်ပင် စိတ်ချမ်းသာရလိမ့်မည်။ လတ်နှင့်မောင် ခုအရွယ်ထိ စားသုံးခွင့် မရသေးသော လောကရဲ့ အမြိုက်ကို သူတို့ ခံစားရလိမ့်မည်။

ထို့အတွက် မောင်စိုက်သော ပန်းတွေ လှိုင်လှိုင်ပွင့်ဖို့ ကောင်းကင်ကြီး အစဉ်အမြဲ ကျယ်ပြော ပွင့်လင်းနေဖို့၊ လူ့ဘ၀ထဲမှာ စိတ်ချမ်းသာဖို့ထက် ပိုလို့ ဘာမှ အရေးမကြီးကြောင်းကို အသေအချာ ပြောပြနိုင်တဲ့ အမှန်တရား တွေ.. စနစ်တကျ ထွန်းကားဖို့၊ ရောင့်ရဲနိုင်ခြင်းမှစကာ တစ တစ.. အတ္တကိုပါ ဖျောက်နိုင်ခြင်းဖြင့် အမြိုက်သုခကို အလွယ်တကူ ရနိုင်ကြောင်း သင်ပေးသည့် စာအုပ်တွေရှိဖို့၊ စိတ်ကောင်း စိတ်မြတ်ကို အမှန် တကယ် ပျိုးထောင်ပေးနိုင်သည့် စစ်မှန်သော အနုပညာတွေ ရှိဖို့။ ဒါတွေကိုသာ လိုတော့သည် ထင်၏။

နောက်ထပ် သေချာတာတစ်ခုကတော့ ကျယ်ပြောလွတ်လပ်သည့် ကောင်းကင်နောက်ခံဖြင့် ပေါ့ပါး သန်မာ စွာ ပျံဝံ ရဲရင့်နေသည့် စွန်ရဲတွေကို ပြန်လည် မြင်တွေ့ခွင့် ရနိုင်တော့မည် ဆိုတာပဖြစ်လေသည်။

(ရွှေအမြုတေ မဂ္ဂဇင်း။
နှစ်ပတ်လည် အထူးထုတ်၊၁၉၉၅။
)

မေငြိမ်း(ဇွန်၂၆)



Jun 25, 2007

စွန်နှစ်ကောင်(အပိုင်းတစ်)

ကျမပို့စ်တင်တာ သိပ်စိပ်တော့ ဖတ်တဲ့သူတွေ ဆက်တိုက်ကြီးဖတ်နေရတာ
ဖတ်အားကြပါ့မလားလို့ စိတ်ထဲ တွေးနေမိတာ။
အဲဒါကို s0wha1 လေးက မှန်မှန်မတင်လို့တဲ့..လေ။
ကြည့်ပါဦး။ ကျမကတော့ တင်ချင်တာပေါ့။

ခုလဲ မိုးကနေ..ကျောင်းထဲရောက်.. အဲဒီကနေ အင်းလျား။
အဲ..အင်းလျားရောက်တော့..

အင်းလျားနဲ့ ပတ်သက်တာတွေက တသီတတန်းကိုး……………..

ဒါနဲ့ အဲဒီ တသီတတန်းထဲကနေ အစတစ်စ ဆွဲထုတ်လိုက်ပါတယ်။
အင်းလျားကနေ စတဲ့ စွန်နှစ်ကောင် ဆိုတဲ့ ၀တ္ထုတိုလေး တစ်ပုဒ်ပါ။ ၁၉၉၅ ရွှေအမြုတေမဂ္ဂဇင်း အထူးထုတ်မှာ ပါခဲ့တာ။ (ဘလော့မှာတော့ ရှည်မှာမို့ အပိုင်းခွဲပြီး တင်သွားပါ မယ်နော်)

စွန်နှစ်ကောင်

အင်းလျားကန်ပေါင်ရဲ့ ညနေကတော့ အခါများစွာကလိုပင် အပူချိုချိုနှင့် လူတွေ စည်ကားလို့၊ အလှမပျက်။ ကန်ထဲမှာ ရွက်လွှင့်နေသော လှေနှစ်စင်းက တငြိမ့်ငြိမ့် မျောလို့။ ပြီးတော့ တိမ်အရောင်တောက်တောက် နောက်ခံ ပန်းချီကားနှင့်။ သစ်ရွက် သစ်ပင် စိမ်းအုပ်အုပ်တွေ။ အပူထဲက အအေး။ ရင်ထဲထိ အေးချင်လှသည်။ တကယ်ဆို သူမတို့ ရှိနေရာဝန်းကျင်က တကယ့်ကို စိတ်အေးချမ်းသာဖွယ် မြကျွန်းဝန်းကျင်ပေပဲ။ အင်းလျား တ၀ိုက်ဟာ စိမ်းအေးသော ကျွန်းမြေပဲ မဟုတ်လား။ ပြီးတော့ သူမ ချစ်ခင်တွယ်ဖက်ရာ ကျောင်းပရိဝုဏ်။ သူမရင်ထဲ ကဗျာတစ်စ ရောက်လာ၏။ အောင်ပြည့်ရဲ့ ကဗျာ။

ထားပါတော့လေ။
မြကျွန်း…သာနေပါ၏။
စိုနေတဲ့ခေါင်းအုံးလေးနဲ့ ရှိုက်သံတွေ

… ဘယ်မှာဖွက်ထားခဲ့သလဲ… ပြော

တဲ့။ တိုက်တိုက်ဆိုင်ဆိုင်ပင် ထိုခဏမှာ မောင့်ဆီမှ သက်ပြင်းရှိုက်သံ ဖွဖွကို ကြားရသည်။

လတ် တကယ်ဆုံးဖြတ်နိုင်ပြီပေါ့ဟုတ်လား

တကယ်တော့ မောင် မယုံကြည်၍ ပြန်မေးခြင်းမျိုး မဟုတ်သည်ကို သူမလည်း အသိပင်။ သေချာပြီးသားကိုပဲ မောင်က လက်မခံနိုင်သေးတာ ဖြစ်နိုင်ပါလိမ့်မည်။

ဆုံးဖြတ်တာမဟုတ်ပါဘူး မောင်ရယ်၊ အရွေးချယ် ခံလိုက်ရတာပါ

မောင်က သူမ၏လက်ခုံကို သူ့လက်ဖ၀ါးတွေနှင့် အုပ်ကာ ဖိညှစ်လိုက်၏။ သူမကတော့ ဝေ့လည်လာသော မျက်ရည်တွေကို လွှဲဖယ်ဖို့ ကောင်းကင်ကို မော့ကြည့်လိုက်ရသည်။ ကောင်းကင်မှာတော့ လေမိပြီး ငြိမ့်နေသော အနီရောင် စွန်နှစ်ကောင်။ ကောင်းကင်ထဲမှာ ပျော်နေတယ်နဲ့ တူပါရဲ့။

တကယ်ဆို အဲဒီအမြင့်မှာ လွင့်ဝဲရခြင်းဟာ သူတို့အတွက် အတု သာပဲ။ သူမတို့နှင့် မလှမ်းမကမ်းမှာ ထိုစွန် နှစ်ကောင်ကို လွှတ်တင်သည့် ကလေးနှစ်ယောက်က ရစ်ဘီးကို လိုသလို လှည့်နေကြ၏။ သူတို့ လက်ထဲမှာ ထို စွန်နှစ်ကောင်၏ ကံကြမ္မာရှိသည်။ တကယ့် စွန်ရဲတွေကတော့ဖြင့် တဖြည်းဖြည်းနှင့် မိုးပျံ အဆောက်အဦးတွေ များလာသည့် မြို့ပြ၏ ကောင်းကင်ကျဉ်းကျဉ်းကို စွန့်ခွာကုန်ကြ၏။ ခုတော့၊ သူမတို့ အရင်ကလို စိတ်အား တက်ကြွဖွယ် စွန်ရဲတွေကို အလွယ်တကူ မမြင်ကြရတော့။ မြို့ပြင် လယ်ကွင်းတွေဘက်မှာဖြင့် သူတို့ကို လွပ်လွပ်လပ်လပ် လေဟုန်စီးနေတာ တခါတခါ မြင်တွေ့နိုင်မည်။


ဟိုမှာကြည့်စမ်း မောင်၊ အဲဒီစွန်တွေဟာ လတ်တို့နှစ်ယောက်နဲ့ တူတယ်။ လတ်တို့ အခုရှိနေတဲ့ ၀န်းကျင်ဟာ ကောင်းကင်အတုပဲလေ မောင်ရယ်၊ ဒါကို လတ်တို့ လက်ခံကြရလိမ့်မယ်

ဒါပေမဲ့ လတ်ရယ်၊ မောင်တို့သားသမီးတွေကို နယ်မြို့ကလေးမှာ

သူမ မောင့်ကို စကားဆုံးထိ ပြောခွင့်မပြုချင်ပါ။ မောင့် နှုတ်ခမ်းတွေကို လက်ခုံတွေနှင့် လှမ်းပိတ်လိုက်မိသည်။

လတ်တို့လိုပဲပေါ့ မောင်၊ တချိန်ကျရင်တော့ လတ်တို့လိုပဲ မြို့ကြီးမှာ ကျောင်းလာတက်ခွင့်လောက်တော့ သူတို့ ရကြမှာပါ

မောင်က ခေါင်းငုံလျှက် ငြိမ်သွား၏။ ခဏကြာမှ

မောင်တို့နှစ်ယောက် စောင့်ခဲ့၊ မျှော်လင့်ခဲ့ကြတာ ဒီလောက်ကလေးပဲတော့ မဟုတ်ပါဘူး နော် လတ်

ဟု မခံချိမခံသာဟန်ဖြင့် ခပ်တိုးတိုး ဆိုလေသည်။ သူမကတော့ ခပ်ဖွဖွ ပြုံးရင်း ကိုယ်က အကောင်းဆုံးကို ရွေးချယ်လို့ မရဘူး၊ အကောင်းဆုံးကသာ ကိုယ့်ကို ရွေးချယ်လိမ့်မယ် ဟူသော ရာဗင်ဒြာနသ်တဂိုး၏ စကား ကိုပဲ ဒဏ်ရာတစ်ခုလို နာနာကျင်ကျင်နိုင်စွာ သတိရ နေမိပြန်သည်။ ထိုစကားသည် သူမ လက်မခံချင်ခဲ့ဆုံး သော စကားဖြစ်လျှက် ခုတော့ဖြင့် သူမရော မောင်ပါ လက်ခံလိုက်ကြရပြီ။

ထိုညနေသည် ချစ်သော မြို့ပြသို့ နှုတ်ဆက်ညနေတို့၏ အစလည်း ဖြစ်သည်။

+++++
(နောက်နေ့တွေ ဆက်တင်သွားပါမယ်။)

မေငြိမ်း(ဇွန်၂၅)

Jun 24, 2007

အင်းလျား

မိုး နဲ့ ဆက်စပ်ပြီး ကျောင်းဆီရောက်တော့ အင်းလျားကိုပါ ဖြတ်မိခဲ့သေး။
ဒါနဲ့ .. ကျမသူငယ်ချင်းတစ်ယောက်ရဲ့ အင်းလျား ဆိုတဲ့ ကဗျာလေးကိုပါ သတိရသွားတယ်။
၁၉၉၅ဇူလိုင်မှာ ရန်ကုန်စက်မှုတက္ကသိုလ်က ကဗျာသမားတွေ အပျော်စုထုတ်တဲ့
အမေမျှော်တဲ့မိုး.. ကဗျာစာအုပ်ထဲမှာ ပါခဲ့တာပါ။
ခု... အဲဒီကဗျာလေး တင်ပေးလိုက်ပါတယ်။

အင်းလျား

ကလေးတွေက..
ငါ့ခြေ ငါ့လက်ပေါ်မှာ
အိပ်မက်တွေကို စွန့်ပစ်
ဘ၀အစစ်ရှိရာဆီကို
ပျံသန်းသွားကြသတဲ့.......

ငါနဲ့အတူ
ကောင်းကင်ပက်လက်
ရွက်လှေနဲ့ သက္ကရာဇ်တို့
ငါ့ခန္ဓာကိုယ်ပေါ်နဲ့
ရင်ထဲ စီးဆင်းသွား.....။ ။

ကျော်ဇောခိုင်


ထုံးစံအတိုင်း ကဗျာရှင်ကို ခွင့်မတောင်းနိုင်ပါ။

မေငြိမ်း(ဇွန်၂၄)



Jun 23, 2007

မိုးနဲ့ ပတ်သက်ရင်

မေ (မေဓါဝီ) နဲ့ ဆဂိ (ယူဆဂိ) တို့က ကျမကို
မိုးအကြောင်းရေးဖို့ Tag ပါတယ်။
ဒါပေမဲ့ ရေးစရာလေးတွေ တိုက်နေတာကြောင့်ရော..
သူများတွေ ရေးတာ စောင့်ဖတ်ချင်တာကြောင့်ရော..

လူကြီးပီပီ .. ခုမှပဲ နောက်ကလိုက် Tag လိုက်ပါပြီ။

တကယ်တော့ မိုးနဲ့ ပတ်သက်ပြီး ဇွန်လကို ကြိုရင်း ရေးခဲ့ပါသေးတယ်။
ဘာလို့ဆို.. ကျမက မိုးချစ်တဲ့သူလေ။
(ဒီတော့လဲ ..ထပ်ရေးရသေးတာပေါ့လေ..)


တခါတလေမှာ အကြောင်းပြချက် မည်မည်ရရမရှိဘဲ
စွဲလန်းစရာဖြစ်နေတာတွေ၊လွမ်းေ
မာဆွတ်ပျံ့စရာကောင်းနေတာတွေ..
ကျမတို့ဝန်းကျင်က သြကာသလောကထဲမှာ
အများကြီးတွေ့ဖူးကြမယ် ထင်ပါတယ်။
တောင်တွေ တောတွေ ကြည့်ရင်း တချို့က လွမ်း..

မြက်ခင်းပြင်တွေ ကွင်းပြင်တွေ ကြည့်ရင်း လွမ်း..

ကန္တာရ တွေ သဲသောင်တွေ ပင်လယ်တွေ ကြည့်ရင်း လွမ်း..

အဲလိုပဲ..
ပန်းတွေကို ချစ်။ ရာသီဥတုကို ချစ်။ တိရစ္ဆာန်လေးတွေ ချစ်။ ချစ်သူကို ချစ်။

အဲဒီလို ခံစားချက်တွေက… ဆန်းတယ်။

ဒီအထဲ ကျမလဲ ပါတယ်။

ပန်းပွင့်တွေကို ခံစားတယ်။ ရေမြေတောတောင်ကို ခံစားတယ်။
ပုဂံဘုရားပုထိုးတွေကို ခံစားတယ်။
ထန်းတောညို့ညို့တွေကို ခံစားတယ်။
ဇွဲကပင်တောင်ကြီးကို ခံစားတယ်။
နှင်းတွေကို ခံစားတယ်။ မိုးရေစက်တွေကို ခံစားတယ်။
နွေရွက်ကြွေတွေကို ခံစားတယ်။ ခါသင်္ကြန်ကို ခံစားတယ်။
အမည်နာမတွေကို ခံစားတယ်။ စိတ်တွေကို ခံစားတယ်။
အဲဒီအထဲမှာ မိုး ကို ခံစားတာလည်း ပါပါတယ်။


ကျမက မိုးနဲ့ပတ်သက်ရင်…
မိုးစက်မိုးပေါက်တွေ..
အပြိုင်အဆိုင်ပွင့်ကြတဲ့ပန်းတွေ..
ပြီးတော့ မိုးရဲ့ရနံ့ ..မိုးရဲ့ လေပြေ..
မိုး ဆိုတဲ့ အမည်နာမ.. အားလုံးကို ချစ်တာ။
(ကျမရေးခဲ့တဲ့ လုံးချင်းဝတ္ထုတွေထဲမှာတောင်
မိုးရွာတဲ့ မြင်ကွင်း မပါတာ ခပ်ရှားရှား)

မိုးတွေ သည်းသည်းရွာပြီဆို.. ခုချိန်ထိ ကျမ ငြိမ်ပြီး စိတ်ကူးယဉ်ကောင်းတုန်း။
ဒါပေမဲ့ မိုးကို ခံစားတတ်လာတာကတော့ အရွယ်ရောက်မှပါ။
အထူးသဖြင့်ပြောရရင်တော့.. တက္ကသိုလ်ရောက်မှ။
ကျောင်းသူဘ၀.. မိုးရွာပြီဆို.. အင်းလျားကန်ဘောင်ဆီ အပြေးသွားပြီး
မိုးရေတွေ
ရေပြင်ပေါ် မြားတံလို ကျနေတာကို ခဏခဏ ထိုင်ကြည့်ဖူး။

၈၈ မတိုင်ခင်... တံတားဖြူက ခရမ်းပြာဆိုတဲ့ လဘက်ရည်ဆိုင်လေးထဲမှာ ထိုင်ရင်း မိုးသည်းသည်းအောက်က ကန်ပေါင်ဆီကို ဆိုင်လေးရဲ့ နံရံသစ်ချောင်းတိုင် ကျဲကျဲတွေကြားကနေ ငေးရင်း ကျမရဲ့ ပထမဆုံး လုံးချင်းဝတ္ထု သီချင်းနှင်းဆီကို ရေးခဲ့တာ ..။

အဲသည်တုန်းက … ခရမ်းပြာမှာ.. ကိုနေ၀င်း ရှိတယ်။ ကိုရဲလွင် ရှိတယ်။ တခါတခါ ကိုခင်ဝမ်း ရှိတယ်။ တခါတခါ ခိုင်ထူး ရှိတယ်။ တခါတခါ မဇ္ဈိမ ကိုမောင်မောင် ရှိတယ်။ အဲဒီလူတွေကို နတ်ဘုရားလို ယုံကြည် ကိုးကွယ်ကြတဲ့၊ ရန်ကုန်တက္ကသိုလ်ထဲက စာရေးဆရာ ကဗျာဆရာ ပေါက်စတွေ ရှိတယ်။
အဲဒီထဲမှာ စာရေးဆရာပေါက်စ.. ကဗျာရေးသူပေါက်စ.. တစ်ဦးတည်းသော မိန်းကလေး..ကျမ ရှိတယ်။ ပြီးတော့ ၈၈
နောက်ပိုင်း န၀တအစိုးရက ဗကပ ယူဂျီ ဆိုပြီးတော့ ထောင်ချပစ်ခဲ့တဲ့ စာပေသမားတစုလဲ ခရမ်းပြာမှာ ရှိတတ်တယ်။ ခရမ်းပြာဟာ..စာပေ အနုပညာ နဲ့ နိုင်ငံရေး တို့ ဆုံရာ အရပ်လေးတခု။

မိုးသည်းတဲ့နေ့တွေဆို တဆိုင်လုံး လူမရှိသလို ငြိမ်တိတ်အေးချမ်း..။

တကယ်တော့ သူတို့ အားလုံးလိုလို ရှိနေကြတာ။ တခါတလေ ဘာအတီးမှ မပါဘဲ မိုးရဲရင် ဆောင်းရဲရမယ် ကို ၀ိုင်းအော်ဆိုကြသေး။ မိုးနည်းနည်းပါးချိန်.. ၀န်းကျင်တခုလုံး စိုစို စိမ်းစိမ်း အေးငြိမ်းနေတုန်းဆိုရင်တော့.. ကျမတို့ ကဗျာသမားအုပ်စုနဲ့ ခင်နေပြီဖြစ်တဲ့.. (ကျမတို့က ချိုစိမ့်လို့ နာမည်ပေးထားတဲ့) ခရမ်းပြာဆိုင်ရှင် ရီရီ ဆိုတဲ့ ညီမလေးကို ကိုနေ၀င်းရဲ့ ယာဉ်အမီ ရီရီပြုံးပြန်ပါ သီချင်းတွေကို ဖွင့်ခိုင်းမြဲ။ ပြီးရင်.. စစ်ကိုင်းလမ်း.. ပြီးရင်..ခတ္တာ..။ ညနေစောင်း အိမ်ပြန်ရခါနီးလာရင်တော့ ဘာကြောင့်မှန်းမသိ နောက်ဆုံးအိပ်မက် ကိုပဲ တညီတညွတ်တည်း နားထောင်ချင်ကြ။

ရဲရင့်..ကျောက်ခက်တို့ ဖြိုနေဆဲ.. ငါ့စိတ်တွေ နှင်နေတုန်းပေါ့..
တချို့တွေ နေနိုင်လွန်းတယ်…

ဆိုတဲ့ နေရာရောက်ရင် တကယ် ပြန်ဖို့ ပြင်ကြ။ လှည်းတန်းထိ လမ်းလျှောက်ကြဖို့ အရေးလဲ ပြည်လမ်းမကို မရွေးဘဲ ကန်ဘောင်ပေါ် တက်ပြီး ကျောင်းဝင်းထဲ ဖြတ်လျှောက် တဲ့ လမ်းရှည်ရှည်ဝေးဝေးကိုပဲ ရွေးကြတာပဲ။ ကျမတို့အဖွဲ့ ခရမ်းပြာထဲက ထွက်ပြီဆိုရင်

နှုတ်ဆက်ခဲ့ပါတယ်.. ကျနော်သွားတော့မယ်..လမ်းရဲ့ သယ်ဆောင်ရာ .. ဟို အဝေးကို ..အဝေးကို… လွမ်းတတ်ရင်လဲ လွမ်းမှာပဲ..လွမ်းမယ်….

လို့ အော်ဆိုသွားကြမြဲ။ အဲဒီအခါ ကိုခင်ဝမ်းရှိနေရင်..သူက ပြုံးလို့။ ကန်ပေါင်ပေါ် ရောက်တော့ သီချင်း တပုဒ်ပြောင်း.. ။

ဆော်လမွန်ငါးတို့အပြန်.. အပြန်..အပြန်..အပြန်..ဆော်လမွန်ငါးတို့အပြန်..

ဒီလိုနဲ့ ကျောင်းဝင်းထဲရောက်..သီချင်း နောက်ထပ်တပုဒ်။

တက္ကသိုလ်မြေနေ၀င်မှာကိုစိုးတယ်…ခုံတန်းလျားလေးတွေနဲ့အတူ..
အင်းလျားမြေက ချစ်ရိပ်သာရယ်..အော်..အဓိပတိနဲ့ သစ်ပုတ်ပင်ရယ်..
ဘယ်သူရင်ထဲ ခွဲမလဲကွယ်..

မိုးရွာပြီးစဆို.. အဓိပတိလမ်းပေါ်မှာ စိန်ပန်းနီအကြွေတွေ မျောနေ.. ဖွေးနေတာ တွေ့တတ်မြဲ။ ဒါဆို တယောက်က စပြီ။

ကျောင်းဖွင့်ချိန် စိန်ပန်းတွေလဲ မြေမှာ ကျဲပြန့်နေ..ကံကော်ပန်းတွေနဲ့အတူ.. သူနဲ့တွေ့ရာမြေ.. တက္ကသိုလ် သို့မဟုတ် မြကျွန်းသာအင်းလျားကန်နယ်မြေ….

အဲ.. ဂျပ်စင်ဘက်ကို ဖဲ့ဆင်းသွားတဲ့ လမ်းသွယ်လေးဆီ ဦးတည်ပြီဆိုရင်တော့ ကျမအလှည့်ရောက်ပြီ။ ကျမက ဂျပ်စင်ကို မော့မျှော်ကြည့်တိုင်း


ဂျပ်စင်..မိုးတိုးမတ်တပ်
ရပ်နေတာ ကြာပကော

မြသီလာ နုချိုသည်းနဲ့

ခွဲနိုင်ဘူးနော..

ဆိုတဲ့ ကိုရွှေသိမ်းမင်းရဲ့ ကဗျာကို မကြာခဏ ရွတ်မိမြဲလေ..။
အဲဒီတုန်းကတော့ ကျမတို့တတွေ လူငယ်ပီပီ မေ့မေ့ပျောက်ပျောက် ပျော်ပျော်မွေ့မွေ့ ..။

ကျောင်းကို အင်မတန်စွဲလန်းတယ်ဆိုတဲ့ ဖေဖေကတော့ အဲလိုမဟုတ်။
ကျမကို ကျောင်းလာကြိုရင်း သူသတိရတဲ့ကဗျာတွေကို ပြောပြတော့..

တက္ကသီလာ
သွေးမိုးဖြာသည်
ပြည်ရွာမိဘ မြင်လှဲ့ပါ့
.. တို့

ကျောင်းတော်ခရီး လမ်းမကြီး၌
သွေးစီးပွက်ပွက် ခုနစ်ရက်နေ့
မမေ့ပါနိုင် လဇူလိုင်တွင်
သဲဆိုင်အက်အက် အသက်စတေး
ခွင့်ရေးဆန္ဒ ပြခဲ့ကြသည့်
ဘ၀ကောင်းရာ လားစေသော်…
တို့.. အဲဒါတွေပဲ သတိရတော့တယ်တဲ့။
(အဖေက ၆၂ ကျောင်းသားကိုး)
အင်းးး…တကယ်တော့ လူတိုင်းက ကိုယ်စွဲမိစွဲရာပဲ ထင်ပါရဲ့နော်။

မေနဲ့ ဆဂိ က မိုးအကြောင်း Tag တာ။
ကျမကလဲ မိုးဆိုရင်.. အမြဲ အဲဒီမြင်ကွင်းတွေ ဒီအချိန်တွေကိုပဲ သတိရ။
ဒါနဲ့ပဲ ဆိုင်ဆိုင် မဆိုင်ဆိုင် မိုးအမှတ်တရကို ခုလို ရေးဖြစ်ခဲ့ပါတယ်။

(ကျမက ထပ် Tag မှာကတော့ ခင်မင်းဇော်..ယောဟန်အောင် နဲ့ ကိုမြင့်ဇေ..ပါ။
အချိန်လုပြီး ရေးပေးကြပါဦးး)

မေငြိမ်း(ဇွန် ၂၃)

Jun 20, 2007

ဦးဆောင်မယ့်သူ..


မနေ့က ဇွန်လ ၁၉ရက်နေ့ဟာ ဒေါ်အောင်ဆန်းစုကြည်ရဲ့မွေးနေ့ဖြစ်သလို ကျမတို့ မြန်မာနိုင်ငံအတွက် မြန်မာ အမျိုးသမီးများနေ့လဲ ဖြစ်ပါတယ်။ အန်တီစုမွေးနေ့ကို ၁၉၉၆ခုနှစ်ကတည်းက မြန်မာ အမျိုးသမီးများနေ့လို့ သတ်မှတ်ခဲ့တာ ခုဆိုရင် ၁၁ကြိမ်မြောက်နှစ် ရောက်ခဲ့ပါပြီ။ ဒါကလဲ ကမ္ဘာသိ မြန်မာအမျိုးသမီး သူရဲကောင်း ဖြစ်တဲ့အပြင် တော်ရုံလူ မလုပ်နိုင်တဲ့ အန်တီ့ရဲ့ ဇွဲ သတ္တိ ခံနိုင်ရည် စွန့်လွှတ် အနစ်နာခံမှုနဲ့ တိုင်းပြည်ချစ်စိတ်စတဲ့ အရည်အသွေးတွေကြောင့်သာ ခုလို ဂုဏ်ပြု သတ်မှတ်ခံခဲ့ရတာပါပဲ။

ခုတလော ရေဒီယိုတွေ နားထောင်ရာက မြန်မာနိုင်ငံအရေးမှာ ဒေါ်စုပါဖို့ မပါဖို့ ဆိုတာတွေ ကြားရတော့ ကျမရဲ့ လူပြိန်းသိလေးနဲ့ တွေးကြည့်နေမိတာတွေ ပြောပြ ချင်လာပါတယ်။ ကျမတို့ မြန်မာပြည်ရဲ့ ဒီမိုကရေစီအရေးမှာ အန်တီစုရဲ့ အခန်းကဏ္ဍ ဘာကြောင့် ဘယ်လောက် အရေးကြီးရသလဲဆိုတာလေးကိုပါ။


မဆလ လက်ထက်မှာ ၂၆နှစ်လုံးလုံး မျက်စေ့ပိတ် နားပိတ် လက်ပိုက် ခေါင်းညိတ် လုပ်လာခဲ့ကြရတဲ့
ဲ့ ကျမတို့ မြန်မာလူထုဟာ ဒီမိုကရေစီဆိုတာကို လူ့အခွင့်အရေးဆိုတာကို တောင့်တရကောင်းမှန်း အန်တီစုကြောင့် သိလာရတာပါ။ လူထုအပေါ် ခေါင်းဆောင်တစ်ယောက်က မေတ္တာစေတနာထားတယ်ဆိုတာ ဒီလိုပါလား ဆိုတာကိုလဲ အန်တီစုကြောင့် သိလာရတာပါ။ မတရားအစိုးရရဲ့ အနိုင်ကျင့်မှုကို အချက်ကျကျ သိလာရတာလဲ အန်တီစုကြောင့်ပါပဲ။ အန်တီစုဟာ ကျမတို့ရဲ့ နားမျက်စေ့တွေကို ဖွင့်ပေးခဲ့တာပါ။ နှလုံးသားတွေ ဦးနှောက်တွေကို ပုတ်နှိုးခဲ့တာပါ။ န၀တ လက်ထက်မှာ အကြောက်တရား ဖိစီးနေတဲ့ လူထုကြီးကို လမ်းမပေါ် ထွက်ရဲလာအောင်လဲ အန်တီစုပဲ တတ်နိုင်ခဲ့တာပါ။


အန်တီစုဟာ ကိုယ့်မိသားစုလေးနဲ့ ကိုယ့်ဘာသာ အေးအေး သက်သာ ပြည့်ပြည့်စုံစုံ နေလို့ ရပါလျှက်နဲ့ မြန်မာလူထုနဲ့အတူ ဆင်းရဲဒုက္ခခံပြီး ငြိမ်းချမ်းရေးလမ်းစဉ်နဲ့ ဦးဆောင် တိုက်ပွဲဝင်နေတာပါ။ အထူးသဖြင့်တော့ မြန်မာနိုင်ငံရဲ့ အကျပ်အတည်းကို ကမ္ဘာက သိလာပြီး နိုင်ငံတကာက အာရုံစူးစိုက်မှု ရလာတာကလဲ အန်တီစု ကြောင့်ပါပဲ။ ဒါတွေကြောင့် ကျမတို့နိုင်ငံရဲ့ ဒီမိုကရေစီအရေးမှာ အန်တီစုရဲ့ ပါဝင်မှုက သိပ်ကို အရေးကြီး ပါတယ်။

တနိုင်လုံးအတိုင်းအတာနဲ့ လူ့အခွင့်အရေးရဖို့ ဒီမိုကရေစီရဖို့ ငြိမ်းချမ်းစွာ ကြိုးစားနေတဲ့ အန်တီစုကို ၂၀၀၃ခုနှစ် မေလ ၃၀ရက်နေ့မှာ ဒီပဲယင်း အရေးအခင်းကို ဖန်တီးပြီး စစ်အစိုးရက လုပ်ကြံဖို့ ကြိုးစားခဲ့တာကိုတောင် အန်တီက သင်ပုန်းချေခဲ့တာပါ။

အဲဒီလို အမျိုးသားသင့်မြတ်ရေးကိုသာ အစဉ်တစိုက် လက်ကိုင်ထားတဲ့ လူထု ခေါင်းဆောင်ကို မတရား သဖြင့် ချုပ်နှောင်ထားတာဟာ စစ်အစိုးရက ရာဇ၀တ်မှု ကျူးလွန်တာ ဖြစ်ပါတယ်။ ဒါကိုတောင်မှ အဲဒီ စစ်အစိုးရက ဒေါ်အောင်ဆန်းစုကြည် မပါမှဘဲ ဒီမိုကရေစီပေးမှာဆိုရင် အဲဒါကို ဒီမိုကရေစီလို့ သတ်မှတ် နိုင်ပါ့မလား…။ ပြီးတော့ အဲဒီ ဒီမိုကရေစီဟာလဲ ဘယ်လိုမှ မစစ်မှန်နိုင်ပါဘူး။ အနှစ်သာရလဲ မရှိနိုင်ပါဘူး။ တရားမျှတမှုလဲ မရှိပါဘူး။ ဒါကို ကျမတို့ သေသေချာချာ ယုံကြည်ထားဖို့လိုတယ်လို့ ထင်ပါတယ်။

ဒေါ်အောင်ဆန်းစုကြည် လွတ်မြောက်ရေးဟာ ကျမတို့နိုင်ငံ လွတ်မြောက်ရေးပါပဲ။ ပြီးတော့ ဒီမိုကရေစီ မျှော်လင့်ချက် ဒီမိုကရေစီပန်းတိုင်ပါပဲ။

ဒေါ်အောင်ဆန်းစုကြည်ဟာ ငြိမ်းချမ်းစွာ တိုက်ပွဲဝင်ပြီး သင်ပုန်းချေရေးကိုလက်ကိုင်ထားသူဖြစ်ပါတယ်။ ဒါကြောင့် ဒေါ်အောင်ဆန်းစုကြည်ကို ချုပ်နှောင်ထားတာဟာ တိုင်းပြည်ရဲ့ လွတ်လပ်ရေးကို.. ဒီမိုကရေစီကို ချုပ်နှောင်ထားတာနဲ့ အတူတူပါပဲ။ တိုင်းပြည်ငြိမ်းချမ်းရေးကို ချုပ်နှောင်ထားတာနဲ့ အတူတူပါပဲ။ လူ့အခွင့် အရေးတွေကို ချုပ်နှောင်ထားတာနဲ့ အတူတူပါပဲ။ ဒေါ်အောင်ဆန်းစုကြည် အချုပ်အနှောင် ခံထားရတာဟာ နောက်ကွယ်မှာ အဲလို မတရားသဖြင့် ဖမ်းဆီး ချုပ်နှောင်ခံထားရသူတွေ အများကြီး ရှိနေတယ် ဆိုတာကို ဖေါ်ပြနေတာနဲ့ အတူတူပါပဲ။

ဒါကြောင့် အန်တီဒေါ်အောင်ဆန်းစုကြည် မတရားသဖြင့် အချုပ်နှောင်ခံထားရတာဟာ နိုင်ငံကို ဒီမိုကရေစီနိုင်ငံအဖြစ် တည်ဆောက်နေပါတယ်ဆိုတဲ့ စစ်အစိုးရအနေနဲ့ အပြောနဲ့ အလုပ် မညီဖြစ်နေမှုရဲ့ သက်သေပါပဲ။

လူ့အခွင့်အရေးဆိုတာဟာ ကမ္ဘာကုလသမဂ္ဂက တရားဝင် လက်ခံ သတ်မှတ်ထားတာပါ။ ဒီမိုကရေစီ နိုင်ငံတွေမှာဆိုရင် ကျောင်းပညာရေးထဲမှာတောင် Democracy, Peace, Human rights တွေကို ကျောင်းသားတွေ နားလည်အောင် ထည့်သင်ပေးတာပါ။ အခု ကျမတို့ မြန်မာနိုင်ငံမှာကတော့ အဲဒီ လူ့အခွင့်အရေးအကြောင်း ပြောရင်ကိုပဲ စစ်အစိုးရက ရာဇ၀တ်မှုကျူးလွန်သူတွေကို အရေးယူသလိုမျိုး ဖမ်းဆီး သတ်ဖြတ်တဲ့အထိ မတရားသဖြင့် လုပ်နေတာပါ။ တကယ်တော့ ရာဇ၀တ်မှု ကျူးလွန်သူတွေကိုပင်လျှင် သူ့ အခွင့်အရေးကို အဲလို လုပ်ခွင့် မရှိပါဘူး။ ဒါကိုလဲ အန်တီစုက အမြဲ ပြောနေခဲ့တာပါ။

ခုတော့ ပိုအရေးကြီးလာပါပြီ။ ကျမတို့ နိုင်ငံထဲမှာ သူတို့ လုပ်ချင်သမျှကို လက်ရဲ ဇက်ရဲပိုလုပ်နိုင်ဖို့ ဖန်တီးထား တဲ့ အခြေခံဥပဒေဆိုတာကြီးကို အသက်သွင်းဖို့ သူတို့ သေသေချာချာ ကြိုးစားပါတော့မယ်။ ၁၉၇၄ တုန်း ကလို အလိမ်အညာတွေ အလှည့်အဖြားတွေ မခံရအောင် ကျမတို့ ဘယ်လို လုပ်ကြမလဲ.. လူထုကို ကျမတို့ ဘယ်လို ပြောပြ အသိပေးမလဲ.. ကျမတို့ ဘယ်လောက် လုပ်နိုင်မလဲ..။ (ညောင်နှစ်ပင်ကိစ္စနဲ့ ပတ်သက်လို့တော့ ဒီမှာ ဖတ်စေချင်ပါတယ်)

ကျမကတော့ အန်တီစုနောက်က တပြုံကြီး ပါလာတတ်တဲ့ လူထုကို မြင်ယောင် သတိရနေပါတယ်။ အန်တီစု ပြောလိုက်ရင် နားလည်သဘောပေါက်သွားတဲ့ မျက်လုံးတွေ ၀င်းလက်သွားပြီး လက်ခုပ် တဖြောင်းဖြောင်းတီး တတ်တဲ့ လူထုကို သတိရပါတယ်။ အန်တီစုနဲ့အတူ နိုင်ငံ့အရေးအတွက် တက်ညီလက်ညီ ဆွေးနွေး ညှိနှိုင်း နေတဲ့ နိုင်ငံရေး ဦးဆောင်သူတွေကို မြင်ယောင်လာပါတယ်။ ကျမယုံတယ်။ စစ်အစိုးရရဲ့ လုပ်ရပ်တွေကို သေသေချာချာ ထောက်ပြဝေဖန်ဖို့၊ လူထုကို လမ်းညွှန် ရှင်းလင်းပြဖို့၊ အတိုက်အခံ ခေါင်းဆောင်တွေနဲ့ ပြေပြေ လည်လည် ပူးပေါင်းနိုင်ဖို့တွေ ဆောင်ရွက်ဖို့ကို အန်တီစုကသာ အတတ်နိုင်ဆုံးပါ။ ဒါမှ စစ်အာဏာရှင်ကို အမြန်ဆုံး ဖြုတ်ချနိုင်မှာပါ။ (ဒါကို စစ်အစိုးရ ကလဲ ကောင်းကောင်းသိပါတယ်။) ဒါကြောင့်ပဲ လူထုအားကို ရဖို့ အတွက် အန်တီစု အမြန်ဆုံး လွတ်မြောက်လာဖို့ လိုပါတယ်။ အန်တီစုနဲ့ အလုပ်တွဲလုပ်ဖို့ နိုင်ငံရေး အကျဉ်း သားတွေအားလုံး လွတ်မြောက်ဖို့ လိုပါတယ်။

အခု ဒေါ်အောင်ဆန်းစုကြည် မပါဘဲ ဒီမိုကရေစီအရေး လုပ်မှဖြစ်မယ်လို့ ပြောနေသူများမှာ မရှင်းတာကတော့ ဒေါ်အောင်ဆန်းစုကြည် မပါဘဲ…ဘယ်သူက လုပ်နိုင်ပါသလဲ.. ဘယ်လို လုပ်မှာလဲ.. ဘယ်လောက် အာမခံ နိုင်သလဲဆိုတဲ့ အချက်တွေကို ဘယ်သူမှ သေချာ မပြောနိုင်တာပါပဲ။ ကျမကတော့ သာမန်ပြည်သူ တယောက် အနေနဲ့ တကယ် သိချင်နေပါတယ်။ ကဲ.. …ဘယ်သူ ဖြစ်နိုင်မလဲ..။

မေငြိမ်း(ဇွန်၂၀)


Jun 19, 2007

အန်တီစုမွေးနေ့


နက်ဖြန်..
ကျမတို့နိုင်ငံအတွက် အရေးပါလှတဲ့

အန်တီ ဒေါ်အောင်ဆန်းစုကြည်ရဲ့ မွေးနေ့ပါ။

နက်ဖြန်မှာ အန်တီ အသက် ၆၂နှစ်ပြည့်ပါပြီ။
သားတွေ မြေးတွေနဲ့ အတူနေနေရမယ့်

အမေအရွယ်အဖွားအရွယ်အမျိုးသမီးကြီးဟာ

လူသူဝေးရာ သီးခြားကမ္ဘာမှာ…

ထီးတည်းနေ နေရတာ..ကာလများစွာ…ကြာခဲ့ပြီ။

မျိုးစေ့မှန်..သန်စွမ်းတဲ့ သစ်ကောင်းတပင်ဟာ
အချုပ်အနှောင်ခံနေရတာ
ဆယ်စုတစ်နှစ်ကျော်ခဲ့ပြီ။
သူ့အခက်အလက်တွေ တုပ်နှောင်ခံထားရပေမဲ့
မြန်မာပြည်အတွက် အရိပ်အာဝါသကောင်းကောင်းပေးနေဆဲ

အဲဒီ စိမ်းမြဝေဆာသစ်ပင်ကြီးကို

ဘယ်သူကမှ ဖုံးထားဖိထားလို့မရ။
ဖျောက်ဖျက်ဖို့ တားဆီးဖို့ မလွယ်။

သစ်ပင်ကြီးခမျာ..သူတပါးအေးမြဖို့အရေး
နေဒဏ်လေဒဏ်ကြံ့ကြံ့ခံနေရ။

အရိပ်နေနေ အခက်ချိုးချိုးတွေလဲ ခံရ။
ဒါပေမဲ့ သူ့မေတ္တာအရိပ်တွေကတော့ အဝေမပျက်…။

အဲဒီ အရိပ်ဝေသစ်တစ်ပင်ကို
ဘုရားရှင်က ကျမတို့အတွက် ပေးခဲ့တာ…

ဇွန်လ၁၉ရက် အင်္ဂါနေ့ ၁၉၄၅ခုနှစ်မှာပါ။
နက်ဖြန်ဆို..၆၂နှစ်ရှိပါပြီ။
ကျမတို့တတွေ အန်တီ့ဂုဏ်ကျေးဇူးတွေအတွက်

လောလောဆယ်မှာ ပြန်ပေးနိုင်တာဆိုလို့..

အနှောင်တည်းခံဘ၀က အမြန်ဆုံးလွတ်မြောက်ပြီး
အန်တီမျှော်မှန်းတဲ့ ဒီမိုကရေစီပန်းတိုင်ကို

လူထုနဲ့ အတူလျှောက်လှမ်းခွင့်ရပါစေလို့


ဆုတောင်းပေးတာလေးတခုတည်းပါပဲ..။
အန်တီစု… သက်ရှည်ကျန်းမာပျော်ရွှင်စွာဖြင့်
လိုရာပန်းတိုင်ဆီ မြန်စွာလှမ်းချီနိုင်ပါစေ…။

(ဒီပုံတူပန်းချီကို ကိုရီးယားပန်းချီဆရာမ Mrs.Khim Joung Ah က ရေးဆွဲထားတာပါ။)

[IF]

If you can keep your head when all about you
Are losing theirs and blaming it on you,
If you can trust yourself when all men doubt you
But make allowance for their doubting too,
If you can wait and not be tired by waiting,
Or being lied about, don't deal in lies,
Or being hated, don't give way to hating,
And yet don't look too good, nor talk too wise:

If you can dream--and not make dreams your master,
If you can think--and not make thoughts your aim;
If you can meet with Triumph and Disaster
And treat those two impostors just the same;
If you can bear to hear the truth you've spoken
Twisted by knaves to make a trap for fools,
Or watch the things you gave your life to, broken,
And stoop and build 'em up with worn-out tools:

If you can make one heap of all your winnings
And risk it all on one turn of pitch-and-toss,
And lose, and start again at your beginnings
And never breath a word about your loss;
If you can force your heart and nerve and sinew
To serve your turn long after they are gone,
And so hold on when there is nothing in you
Except the Will which says to them: "Hold on!"

If you can talk with crowds and keep your virtue,
Or walk with kings--nor lose the common touch,
If neither foes nor loving friends can hurt you;
If all men count with you, but none too much,
If you can fill the unforgiving minute
With sixty seconds' worth of distance run,
Yours is the Earth and everything that's in it,
And--which is more--you'll be a Man, my son!

Rudyard Kipling

အကယ်၍

မင်းအသိုင်းအ၀ိုင်းက တုန်လှုပ်ခြောက်ခြားပြီး

ဒါတွေဟာ မင်းကြောင့်လို့ ၀ိုင်းဝန်းပြစ်တင်ကြတဲ့အခါ

မင်းဟာ
ခေါင်းအေးအေးနဲ့ ရင်ဆိုင်နိုင်မယ်ဆိုရင်
အကယ်၍

အားလုံးက မင်းကို
မယုံသင်္ကာဖြစ်လာတဲ့အခါ
သူတို့ကို နားလည်စွာခွင့်လွှတ်ရင်းနဲ့

မင်းကိုမင်း ယုံကြည်မှုအပြည့်ရှိမယ်ဆိုရင်
…။
အကယ်၍

စောင့်သင့်တဲ့အချိန်ကို စောင့်ပြီး

အဲဒီအတွက်လည်း
မမောမပန်းနေနိုင်မယ်ဆိုရင်…
ဒါမှမဟုတ်
..မင်းရဲ့အကြောင်း
မဟုတ်
တရား မုသားစကားကြားရတဲ့အခါ
မင်းကလည်း အလိမ်အညာတွေနဲ့
မတုံ့ပြန်ဘူးဆိုရင်
ဒါမှမဟုတ်

မင်းကို လူတကာက ၀ိုင်းမုန်းတီးတဲ့အခါ

မင်းဟာ အမုန်းတွေ မပြန့်ပွားဘူးဆိုရင်

ပြီးတော့ မင်းကိုမင်း
လူတော်တယောက်ရယ်လို့ မမြင်ဘဲ
ပညာရှိ စကားတွေကိုလည်း
မလွန်ဆန်ဘူးဆိုရင်
အကယ်၍

စိတ်ကူးယဉ် အိပ်မက်တွေဟာ

မင်းအပေါ်မလွှမ်းမိုးစေ
ဘဲ စိတ်ကူးနိုင်မယ်ဆိုရင်
ပြီးတော့
အတွေးအခေါ်စိတ်ကူးတွေဟာ
မေ
ျှာ်မှန်းချက်သက်သက်သာမဖြစ်စေဘဲ
တွေးခေါ်နိုင်မယ် ဆိုရင်။

အကယ်၍

အောင်မြင်မှုသုခနဲ့ ဆုံးရှုံးမှု ဒုက္ခတွေကို
ကံတွေ့ရတဲ့အခါ
တူညီသောလောကဓံတရာ
တွေပါလားရယ်လို့
ခံယူထားနိုင်
မယ်ဆိုရင်
အကယ်၍

မင်းရဲ့အမှန်စကားတွေကို

လူလိမ်လူညစ်တွေက လှည့်စားပြောင်းလဲပြီး

မုသားအဖြစ် ထောင်ချောက်ဆင်ညစ်တဲ့အခါ

မင်းဟာ တည်ငြိမ်စွာနဲ့ နာကြားနိုင်မယ်ဆိုရင်

ဒါမှမဟုတ်
မင်းဘ၀တခုလုံးပေးပြီး
အရိပ်တကြည့်
့်ကြည့်နဲ့ ဖြည့်ဆည်းခဲ့ရတဲ့အရာရာကို
ဖျက်ဆီးခံလိုက်ရပြီးတဲ့နောက်မှာ
အင်မတန်မှ သေးငယ်လှတဲ့ တန်ဆာပလာအရာရာနဲ့

ပြန်လည်တည်ဆောက်နိုင်မယ်ဆိုရင်

အကယ်၍

မင်းနိုင်ခဲ့သမ
ျှတွေအားလုံးဟာ
ကြွေတလက် ကြက်တခုန်ပမာ

တလှည့်တခါတည်းနဲ့ ဆုံးရှုံးသွားခဲ့ရင်

ပြီးတော့
အစကနေ ပြန်စနိုင်မယ်ဆိုရင်။
ပြီး
တော့..ဆိုးလှတဲ့ကံကြမ္မာရယ်လို့
ဘယ်သောခါမှ ညည်းညူမနေဘူးဆိုရင်

အကယ်၍

သူများတကာလုပ်ပြီးသွားကြလို့

အချိန်အတော်ကြာမှ မင်းအလှည့်ရောက်တဲ့အခါ

မင်း တယောက်တည်းနဲ့ပဲ
အားနဲ့မာန်နဲ့ ဇွဲသတ္တိရှိရှိ
ဆက်
ကိးစားနိုင်မယ်ဆိုရင်
အဲဒီလိုပဲ
မင်းမှာစိတ်အားကလွဲလို့
ဘာဆိုဘာမှ မရှိတော့တဲ့အခါ
အဲဒီစိတ်အားကို ခိုင်မာစွာ နဲ့ပဲ

ဆက်လက် ဆုပ်ကိုင်ထားနိုင်မယ်ဆို
င်
အကယ်၍

လူတွေနဲ့ ထိတွေ့ပြောဆိုဆက်ဆံတဲ့အခါ

ကိုယ်ကျင့်သိက္ခာကို စောင့်ထိန်းနိုင်မယ်ဆိုရင်

ဒါမှမဟုတ်

မင်းဧကရာဇ်တွေနဲ့အတူ လမ်းလေ
ျှာက်နေရပေမဲ့
မာန်မာနသွေးမကြွဘူးဆိုရင်
..။
အကယ်၍

ရန်သူကဖြစ်စေ မိတ်ဆွေကဖြစ်စေ

မင်းကို သိပ်ပြီးနာက
ည်းအောင်မလုပ်နိုင်စေရင်
အကယ်၍

လူတိုင်းကို တန်းဖိုးထား လေးစားရပေမဲ့
ဲ့
စွဲလန်းမှု သံယောဇဉ်တွေ ထားမနေဘူးဆိုရင်

အကယ်၍
..
တိုတောင်းလှတဲ့ မပစ်ပယ်နိုင်တဲ့
တစ်မိနစ်အတွင်းမှာ
အဓိပ္ပါယ်ရှိလှတဲ့ စက္ကန့်ခြောက်ဆယ်အဖြစ်

အသုံးချနိုင်မယ်ဆိုရင်

ငါ့သားရေ
..မင်းဟာ
အရာရာရှိတဲ့
အရာရာဖြစ်တဲ့

ကမ္ဘာကြီးကို ဆုပ်ကိုင်လို့

အရာရာ ဘာမဆို မင်းစွမ်းနိုင်ပြီပေါ့

အဲဒီတော့
မင်းဟာလည်း
ယောက်ျားကောင်းတယောက်ပေါ့

(အဲဒီကဗျာလေးကို အန်တီစု သိပ်ကြိုက်လို့
ဘာသာပြန်ခဲ့တယ်..လို့ ကြားဖူးပါတယ်။)

မေငြိမ်း(ဇွန်၁၈)

Jun 16, 2007

အဖေနေ့ အမှတ်တရ

ဇွန်လရဲ့ ဒုတိယပတ် တနင်္ဂနွေက အဖေနေ့လို့ ကျမကို s0wha1 လေးက အဖေချစ်သူချင်း လက်တို့ပြောတာကြောင့် ဒီဝတ္ထုလေးကို တင်ဖို့တွေးမိပါတယ်။ ကျမအဖေကတော့ လာမဖတ်နိုင်တော့ပါဘူး။ ဒါပေမဲ့ အဖေနဲ့ပတ်သက်ရင် အမှတ်တမဲ့ နေမိသူတွေအတွက် သတိရအောင်.. ပြီးတော့ ကျမကိုယ်တိုင် စိတ်ကျေနပ်မှုရအောင် ဒီ ၀တ္ထု အဟောင်းလေးကို တင်လိုက်ပါတယ်။

အဖေပေးခဲ့တဲ့အမွေ


(ဒီ ပုံလေးကို မူရင်းမဂ္ဂဇင်းမှာထဲက ကိုဝသုန် ဆွဲခဲ့တာပါ။နှစ်မျက်နှာစာအပြည့်ကို တစ်မျက်နှာစာဖြတ်ထားတာပါ။ပြုပြင်ပေးတာကတော့ s0wha1 လေးပါပဲ။)

ခုကျတော့ ကျမနဲ့ အဖေ့ကြားမှာ ဒိုင်ယာရီလေးတစ်အုပ်သာ ရှိတော့သည်ဟု ကျမ ခံစားနေရပါသည်။

+++++

မကြာခဏဆိုသလို သူတပါးရှေ့မှောက်မှာ ကျမ ဖွင့်ဟ၀န်ခံမိသည့် အမှန်တရားတစ်ခု ကျမမှာ ရှိပါသည်။ အဲဒါကတော့ ကျမဘ၀မှာ အဖေသည် အရေးပါဆုံး ဆိုတာပါပဲ။ အဖေမရှိတော့ခြင်းသည် ကျမအတွက်တော့ သူတကာ တင်စားသလို ရွှေတောင်ကြီး ပြိုခြင်း မဟုတ်ပါ၊ မြေပြိုခြင်းသာ ဖြစ်ပါသည်။ တကယ့်ကို ကျမရပ်တည်ရာ ကမ္ဘာမြေကြီး အစိတ်စိတ် အမွှာမွှာ ကွဲပျက် ပြိုကျသလို… ကျမစိတ်ထဲ ရပ်တည်ရာ မဲ့လှပါသည်။

+++++

ခုလို ဝေးသွားတော့မှပင်၊ အဖေနှင့် ကျမအကြားမှာ ရှိနေသော ဆက်သွယ်ကြိုးတွေက ပိုလို့ ထင်းပြက်လာသည် ဟု ထင်ပါသည်။ အဖေနှင့် ကျမအကြားမှာ တော်ရုံလူတို့ နားမလည်နိုင်၊ မမြင် မသိနိုင်သည့် ဆက်သွယ်မှုတွေ ရှိနေသည်ကို အဖေကိုယ်တိုင်ပင် သိချင်မှ သိပေလိမ့်မည်။ ကျမအတွက်တော့ အဖေသည် ကျမ၏ စိတ်ခန္ဓာထဲရှိ သတ္တိ၊ အင်အားနှင့် ဂုဏ်သိက္ခာတို့ကို မွေးဖွား ဖန်ဆင်းပေးသူ ဖြစ်ပါသည်။ အဖေ့ကို စံပြထားကာ ကျမ ဘ၀ထဲမှာ နေရာ ရနိုင်ခဲ့တာပါ။ (သို့ပေမဲ့ အဖေကိုယ်တိုင်ကတော့ဖြင့် ကျမရဲ့ ဘ၀၊ ခံစားချက်နှင့် အောင်မြင်မှုတို့ကို ဘယ်တုန်းကမှ ကျမသိအောင် အသိအမှတ် မပြုခဲ့ဖူးပါ။) ကျမရဲ့ အောင်မြင်မှုတို့က အဖေ့အတွက်မူ မဆန်းကြယ်လှပေ။ အဖေက ကျမထက် ပို၍ များစွာသော အောင်မြင်မှုများကို ကိုယ့်အင်အားနှင့် ကိုယ် ရုန်းကန် တူးဖော် ရယူ နိုင်ခဲ့သူလေ။

အဖေ့ အလုပ်စားပွဲဘေးက နံရံမှာ ကပ်ထားတဲ့ Pains transform into thorns and drive to fly higher ဆိုတဲ့ စာတန်းက အဖေ့ရဲ့ ဒဏ်ရာဒဏ်ချက်တွေနဲ့ အောင်ပွဲတွေကို မေ့မရစေနိုင်ခဲ့။ တခါတခါကျတော့လည်း အဖေက “ငါသည် နာကျင်သော ကိုယ်ရှိသူ ဖြစ်လျက် နာကျင်သောစိတ် ကင်းသူ ဖြစ်လတ္တံ့” လို့လည်း ဓမ္မပဒကို နှလုံးသွင်းတတ်ပြန်သေးတာ။ ကျမက အဲသည်အဖေ့ကို ခိုးခိုးကြည့်ကာ ကျမရဲ့ခွန်အားတွေ ဂုဏ်သတ္တိတွေ တောက်ပြောင်အောင် သွေးတတ်ခဲ့ရတာ။

ကျမစိတ်ထင်ဖြင့် အဲဒါတွေ အဖေတောင် သိမည်မထင်ပါ။ ဘ၀မှာ အဖေ့သမီးဖြစ်ရခြင်းအပေါ် ဂုဏ်ယူခဲ့ရတာ အကြိမ်များစွာ။ ကျမဘ၀မှာ အဖေ့ ဂုဏ်သိက္ခာအရောင်နှင့် ဘ၀ လင်းလက် တောက်ပြောင်ခဲ့ရတာလည်း အခါများစွာ။ အဲသလိုနှင့် အဖေ့အပေါ် အထင်ကြီးလှသည့် သမီး၊ ကျမက ဘ၀ကို မကြောက်သော၊ ဘ၀ထဲမှာ မာနကြီးသော၊ အမှန်တရားကို ကိုးကွယ်သော၊ လိမ်ညာမှုကို ရွံရှာသော၊ မတရားမှုကို ခေါင်းငုံ့မခံချင်သော၊ အဆင်းရဲခံနိုင်သော ကိုယ်ရည်ကိုယ်သွေးတွေနဲ့ ဖြစ်တည်နေနိုင်ခဲ့တာပါ။

+++++

ဟိုး ငယ်ငယ်ကတည်းက ကျမက အမေ့ထက် အဖေ့ကိုပိုပြီး ရင်းနှီး ကြီးပြင်းခဲ့ရသည်။ အဖေ့ရဲ့ သွန်သင် ဆုံးမပုံနှင့် မတူသော ဆွေးနွေးစကားတွေနှင့်အတူ လောကကို ယဉ်းပါးတတ်ပွန်ခဲ့တာ ကိုယ်တိုင်ပင် သတိမထားမိခဲ့။ အဖေနှင့်ကျမ ဆက်ဆံရေးက သားအဖထက် မောင်နှမနှင့်ပိုတူသည်။ အဖေနှင့်ကျမ အသက်နှစ်ဆယ်သာ ကွာပြီး အဖေက သိပ်ခေတ်မီသူဖြစ်သည်။ အဖေနှင့် ကျမက ရုပ်ရှင်ကြည့်ဖက်၊ စာဖတ်ဖက်၊ ဂစ်တာတီးဖက်၊ ပန်းချီရေးဖက်၊ ဆွေးနွေး ငြင်းခုန်ဖက်။ ကျမက အရွယ်မရောက်လှခင်ကတည်းက အဖေ့ကြောင့် လူဖြစ်စောခဲ့သည်။ အသက်ဆယ့်ငါးနှစ်ပင် မပြည့်ခင်မှာ အဖေ့စာအုပ်စင်မှ စာအုပ် အမျိုးအစားပေါင်းစုံကို ကျမ ဖတ်ပြီးသား ဖြစ်နေခဲ့ပြီ။ ဘာသာရေး၊ နိုင်ငံရေး၊ အချစ်ရေး၊ စာပေရေးရာများ အစုံ။ ကျမက ကလေးလူကြီးလိုလည်း မုန်းစရာ ကောင်းခဲ့မည် ထင်သည်။ အဖေ့ကြောင့် စကားကြီးကျယ်တွေ ပြောတတ်၊ ရန်စွာတတ်၊ တစ်ချိန်တည်းမှာ စာလည်းတော်ခဲ့သည်။

ရှစ်နှစ်သမီးကလေးက ကမ္ဘာ့မြေပုံကို ကောင်းကောင်းသိတာလည်း အဖေလေ့ကျင့်မှုကြောင့်။ အမေရိကန် သမ္မတ ရွေးကောက်ပွဲမှာ ဂျင်မီကာတာ နိုင်-မနိုင်ကို အဖေနှင့်အတူ လောင်းခဲ့တာလည်း ဘယ်လောက်မှ အရွယ်မရောက်သေးတဲ့ ကျမပါ။ အဖေနှင့်အတူ အဖေခိုင်းသမျှ Newsweek, Time မဂ္ဂဇင်းတွေထဲက News Maker လို People လို သတင်းတိုတွေ ဖတ်ရင်း ကိုယ့်အရွယ်နှင့်မလိုက် အဲလ်ဗစ်ပရက်စလေကို ကြိုက်၊ ရက်ကယ်ဝဲ့လ်ခ်ျကို ကြိုက်၊ မွန်ရိုးကို ကြိုက်။ ဒါပေမယ့် အဲဒီ ကျမက အဖေနှင့် မတူတာတစ်ခုကတော့ အထင်အရှား ရှိခဲ့လေသည်။ အဲဒါကတော့ သင်္ချာကြောက်ခြင်းပါ။ အဖေက သင်္ချာအလွန်တော်.. ကျမက အလွန်ညံ့။ ကျမနှင့်ပတ်သက်လျှင် အဖေစိတ်ဆိုးတာ အဲဒီ သင်္ချာညံ့တာ တစ်ခု။ ကျမကလည်း အခုထိတိုင် သင်္ချာဆိုလျှင် အသံပင် မကြားချင်သလောက်။ အဲဒါကလွဲရင်တော့ ကျမသွေးထဲမှာ အဖေ့ဗီဇက ရာနှုန်းများသည်ဟု ထင်ပါသည်။ သွေးအမျိုးအစားကိုက အမေက “ဘီ”သွေးမှာ အဖေနှင့်အတူ ကျမက “အို”သွေး ဖြစ်ခဲ့တာကို ကျေနပ်ခဲ့တာ။

+++++

လောကမှာ ကျမအထင်ကြီးဆုံး သက်ရှိပုဂ္ဂိုလ် ခပ်နည်းနည်းမှာ အဖေက ပထမတန်းနေရာက ပါပါသည်။ အဖေ့ကို အရာရာတိုင်ပင်၊ အားကိုးတတ်မှုကြောင့် ကျမ၏ချစ်သူနှင့်ပင် မကြာခဏ ပြဿနာများရတာလည်း ဘယ်တော့မှ မမေ့ပါ။ ကျမဘ၀ရဲ့ အရေးပါသော အဖြစ်အပျက် တော်တော်များများမှာ အဖေ့ဆုံးဖြတ်ချက် လိုသည်ဟု ကျမ အမြဲယူဆခဲ့သည်။ တစ်ကြိမ်ပဲ၊ အဖေ့အဆုံးအဖြတ်မယူဘဲ ကျမလုပ်ဖူးသည်၊ အဲဒီတစ်ကြိမ်သည် ကျမဘ၀၏ အမှားဆုံး အမှားတစ်ခု ဖြစ်သွားခဲ့သည်။ မိန်းမတစ်ယောက်ရဲ့ ဘ၀မှာ အိမ်ထောင်ဖက်ဟာ အရေးအကြီးဆုံး အစိတ်အပိုင်းဟု သေချာမတွေးဘဲ ဆုံးဖြတ်ခဲ့တာ။ အဲဒီမှာ အကြီးဆုံးအမှားကို လက်ခံလိုက်ရပြီး နောက်ထပ်ရလာတဲ့ နောက်ဆက်တွဲ ဆိုးကျိုးကတော့ အဲဒီ နောက်ပိုင်း ကာလကစလို့ အဖေနှင့် ကျမ သူစိမ်းဆန်သွားခဲ့တာပဲ ဖြစ်သည်။ ကျမအတွက်တော့ ကုသမရနိုင်တော့သော ရောဂါတစ်ခုကို ကြိုဆို ခေါ်ယူမိသလို အဖေ့ကို စတင် ဆုံးရှုံးခဲ့ရတာ။

+++++

အဖေနဲ့ ကျမရဲ့ ဘ၀အစ ကျမ ငယ်ငယ်က အချိန်တွေကို ပြန်တွေးမိလျှင် ခုပင် အဖေ့ကို လွမ်းလာသည်။ အဖေနှင့်အမေ ပြောပြတဲ့ ညဦး စကားဝိုင်းထဲက ငယ်ဘ၀ပုံပြင်တွေ။ ရုန်းကန်ပင်ပန်း ကြိုးစားခဲ့ရသမျှတွေ၊ အဖေ့ကြိုးစားမှုတွေကို အမေက ပံ့ပိုး။ တက်ညီ လက်ညီ။ အရည်အချင်းဖြင့်သာ အမြင့်တနေရာရောက်အောင် အလွယ်တကူ တက်လာနိုင်ခဲ့တဲ့ အဖေက ဘ၀မမေ့ဘဲ ရိုးသားသောအခါ အရာရှိသားသမီးဖြစ်လျှက်နှင့် ကျမတို့ မောင်နှမတတွေ ဆင်းရဲခဲ့ကြရသည်။ အသက်သုံးဆယ်မှာ အဖေ အရာရှိဖြစ်လာတော့ အမေ ကျောင်းဆရာမမှာ သားသမီး ငါးယောက် ပိုက်မိပြီ။ အဖေက ရသမျှ လစာ အမေ့ကို အကုန်အပ်။ အမေ့ဆီက မုန့်ဖိုးတစ်ရာ ပြန်ရသမျှကို လက်ဖက်ရည်တောင် မသောက်တတ်သည့် အဖေက မုန့်ဖိုးတွေကို စုပြီး သူနှစ်သက်ရာ ရေဒီယိုဝယ်၊ ကက်ဆက်ဝယ်၊ သီချင်းခွေဝယ်၊ ပန်းချီဆေးတွေ၊ စုတ်တံတွေ၊ ကင်းဗတ်စတွေဝယ်၊ စာအုပ်ဝယ်။ အဲသလိုနှင့် သူ့ အနုပညာပစ္စည်းတွေ စာအုပ်စင်မှာ နံရံကပ်စင်လေးတွေမှာ ပြည့်ပြည့် လာရတာ။

အဖေ့ကိုတူသော ကျမကတော့ ရသမျှ မုန့်ဖိုးလေးကို နည်းလွန်းလို့မို့၊ ကလေးပီပီ ပိုက်ဆံမစုနိုင်။ တစ်ကြိမ်မှာတော့ အတန်းထဲမှာ တခြားကလေးတွေ ကိုင်သော ရောင်စုံခဲတံဗူးလေး လိုချင်ခဲ့သည်။ ခဲတံဗူးလေးက ကိုယ်ထည်မှာ ငါးလေးတစ်ကောင် ဖန်ရေတကောင်းထဲ ကူးနေပုံကို ဆီစိမ်စက္ကူနှင့် ဖန်တီးထားရာ ဗူးခွံကလေးကို တွန်းရွှေ့လိုက်လျင် ငါးကလေး ရေကူးသွားသလို။ ဆီစိမ်စက္ကူကလည်း အထဲက ရောင်စုံခဲတံ ကလေးတွေကို မြင်နေရစေသည်။ အရောင်စုံ အသွေးစုံ။ ကျမက အရုပ်ကလေးတွေ ဆွဲတတ်တော့ သူငယ်ချင်း တွေက ကျမရဲ့ ရုပ်ပုံလေးတွေကို လိုချင်သည်။ ထိုအခါ သူတို့က စက္ကူဖြူတွေ ရောင်စုံခဲတံတွေပေးပြီး ကျမကို ပုံဆွဲခိုင်းကြသည်။ ကျမမှာ အဲသလောက် ဆွဲရတာကို ပျော်လှပြီ။ နောက်တော့၊ အိမ်မှာလည်း အဲဒီ ရောင်စုံခဲတံတွေနှင့် ကျမ ပုံဆွဲချင်လာသည်။ နေ့နေ့ ညည ရောင်စုံခဲတံဗူးလေးကို စိတ်ကူး အိပ်မက်။ မုန့်ဖိုးကလည်း စုမရ။ နောက်ဆုံးတော့ ကျမ မအောင့်အီးနိုင်တော့ပါ။
အဖေ…
သမီး ရောင်စုံခဲတံဘူးလေး သိပ်လိုချင်ပါတယ်။
အမေ့ကိုလည်း မပြောရဲဘူး။
သမီး ဒီလ အဆင့်တစ် ရအောင် လုပ်ပါ့မယ်။
သမီးကို ရောင်စုံခဲတံ ၀ယ်ပေးပါနော်။
သမီး-မိခက်။
အဲဒီလို စာမျိုး ရေးပြီး၊ မနက်စောစော ကျောင်းမသွားခင် ကျမတို့အိပ်ခန်းနှင့် ကပ်လျှက်ရှိ အဖေတို့ အိပ်ခန်းနံရံကို ကျော်တက်ကာ တဘက် နံရံကပ်စင်လေးပေါ်က အဖေရုံးသွားလျှင် ယူသွားနေကျ ဖိုင်တွဲပေါ်မှာ တင်ထားလိုက်သည်။ (အဖေက ညတိုင်း အလုပ်များများ လုပ်သည့်အတွက် မနက်ဆိုလျှင် နေမြင့်မှ နိုးသည်။ အဲသည်တုန်းက အဖေက နောက်ထပ် ဘွဲ့တခုထပ်ယူဖို့ စာကြိုးစားနေရတဲ့ အချိန်ဆိုတာ နောင် ကျမကြီးလာမှ သိရသည်)

အဲသည်နေ့ရဲ့ ညနေမှာ အဖေ ရုံးက ပြန်လာတာ နောက်ကျသည်။ ဒါတောင် အဖေ့ရုံးက ကျမတို့နေတဲ့အိမ်နဲ့ ကြားမှာ ကားလမ်းမတစ်စင်းသာ ခြားပါသည်။ အဖေပြန်လာတော့ ကျမက စာရေးစားပွဲမှာ အိမ်စာ လုပ်နေချိန်။ ရှေ့က စားပွဲပေါ်ကို စက္ကူအိတ်လေး တစ်လုံးကျလာသည်။ စက္ကူအိတ်လေးက ခပ်ဟဟ၊ ရောင်စုံခဲတံဗူးဟု သိသာစေသော ဗူးခွံပေါ်မှ ပိုးကြိုးလေးက ပြူတစ်တစ်ဖြင့်။ မော့ကြည့်လိုက်ချိန်မှာ အဖေက အိပ်ခန်းဆီ လျှောက်သွားခဲ့ပြီ။ အဲသည် ခဲတံဗူးလေးကို တစ်နှစ်ခံအောင် ကျမ တရိုတသေ နှမြောစုံမက်စွာ သုံးဖြစ်ခဲ့တာလည်း ခုထိ မှတ်မိသေးသည်။ အဲသည် စည်းကမ်းရှိ ပစ္စည်းရိုသေသော စိတ်ကလည်း အဖေ့စိတ်ပါပဲ။

ကျမ အသက်ရှစ်နှစ်လောက်မှာ အဖေ ရှမ်းပြည်နယ် မြောက်ပိုင်းရှိ ကျောက်မဲမြို့လေးဆီ ပြောင်းရွှေ့ တာဝန် ထမ်းရသည်။ ပထမဆုံး အိမ်နှင့် အကြာကြီး ခွဲသွားရသော အချိန်များ။ ဘယ်လောက်ပင် အိမ်နှင့် ကြာကြာ ခွဲရ သော်လည်း အဖေကတော့ အိမ်မှာ ချန်ထားခဲ့ရသော စာအုပ်စင်မှ စာအုပ်တစ်နေရာ လွဲသွားတာကိုပင် သိလောက်အောင် စည်းကမ်းကျနသူ။ သူတတ်နိုင်သမျှလေးနှင့် သူ့ဘ၀ သူ့မိသားစုလေးကိုလည်း သပ်ရပ် တောက်ပြောင်အောင် စည်းကမ်းတကျ ထားတတ်သူ။ ကျမကတော့ အဲသည်ကတည်းကနေ အဖေရှိဆဲ နောက်ဆုံး ကျမ အသက် သုံးဆယ့်ငါးနှစ် တိုင်တဲ့အထိ ကျမ လိုချင်တာကို အဖေ့ထံ စာရေးတောင်းလျှင် ရတုန်း။ အဖေကလည်း အမြဲ ဖြည့်ဆည်းခဲ့တာပါ။ အဖေ ကွယ်လွန်ချိန်ထိ ကျမကဖြင့် ဘာတစ်ခုမှ အဖေ့ကို ဖြည့်ဆည်း မပေးခဲ့ဖူးတာကို ဘယ်လို ဖြေသိမ့်မလဲ။ အဖြေမရှိပါ။

+++++

အိမ်မှာ ရေဒီယိုတစ်လုံး၊ အဲဒီကမှ ကားကက်ဆက်လေး…၊နောက်တော့ မိုနိုကက်ဆက်လေး၊ နောက် အဖြူအမဲ ရုပ်မြင်သံကြား၊ အဲဒီကမှ ခုလို အရာရာပြည့်စုံသော ဘ၀ကို ရဖို့ အဖေနဲ့အမေ ရုန်းကန် ကြိုးစားခဲ့ရတာ အနှစ်သုံးဆယ်လောက် ကြာခဲ့သည်။ အဖေ့ ချွေးစက်တွေ၊ အမေ့ခွန်အားတွေ ရင်းလို့။ သေချာတာကတော့ ကျမရဲ့ ချွေးတစ်စက် တစ်ပေါက်မှ မပါဝင်ခဲ့ဖူးတာပါပဲ။

+++++

ခုကျတော့ ကျမရဲ့ ငယ်အိပ်မက်ထဲကလို ပြီးပြည့်စုံသော ဘ၀ထဲမှာ အဖေက အမေ့ကို တစ်ယောက်တည်း စိတ်ချ လက်ချ ထားသွားခဲ့ပြီ။ တကယ်တော့ စောလွန်းလှပါတယ် အဖေရယ်..။ အဖေ့လို ကျန်းမာ သန်စွမ်း တက်ကြွ ဖျတ်လတ်သောသူ တစ်ယောက်အတွက် ငါးဆယ့်ခြောက်နှစ်ဆိုတဲ့ အသက်တာဟာ တိုတောင်း လွန်းလှပါတယ်။

+++++

ကျမအတွက်တော့ဖြင့် ကျမအဖေက ကျမရဲ့ Dictionary လည်းဖြစ်။ Encyclopedia လည်း ဖြစ်ပြန်သည်။အဲဒီ အဖေ့နေရာမှာ ဘာနဲ့ အစားထိုးရမှာလဲ။ ချစ်သူ ရွေးချယ်ရာမှာ ဦးနှောက်နှင့် မကြည့်ဖြစ်ဘဲ အသည်းနှလုံးနှင့်သာ ကြည့်တတ်ခဲ့ခြင်းမှာလည်း အဖေ့ထက် ပိုတော်မယ့် ယောက်ျား မရှိနိုင်ဘူးဟု ကျမ ယုံကြည်ခဲ့မိ တာတွေကြောင့် ဖြစ်နိုင်သည်။ လူပုထုစဉ်ပီပီ အဖေ့မှာ ချွတ်ယွင်းချက် ရှိသော်လည်း ကျမကမူ မပြောပ လောက်သော ချွတ်ယွင်းချက်ဟုသာ အမြဲ မြင်ခဲ့သည်။ အဖေ့ကို ကျမ နားလည်သည်။ သိသည်။ ဒါကို အဖေပင် သိမည် မထင်။ ကျမအတွက်တော့ အဖေ့ကိုနားလည်ဖို့ရာ အထူးပင် ကြိုးစားစရာ မလိုပါ။ ဘာလို့ဆို ကျမသည် စိတ်ခံစားချက်နောက်ကို လိုက်သည့်နေရာတွင် အဖေ့ကို လုံးဝတူသော သမီး ဖြစ်နေသောကြောင့်ပင်။ ပြီးတော့ အဖေသည် ကျမ တစ်သက်လုံး နေ့စဉ်ဖတ်လာခဲ့သော စာအုပ်တစ်အုပ်လည်း ဖြစ်သောကြောင့်ပင်။

+++++

အဖေက စိတ်ကူးယဉ်တတ်သည်။ စိန်ပန်းပြာကို ကြိုက်သည်။ ရှမ်းပြည်နယ် မြောက်ပိုင်းက ကျောက်မဲမြို့လေးကို စွဲလမ်းသည်။ မြို့မငြိမ်းကို လွမ်းတတ်သည်။ပီကာဆိုကို ချစ်သည်။ ဒါရိုက်တာကြီး ဟစ်ခ်ျကော့ကို သဘောကျသည်။ ဆိုဖီယာလိုရင်းနှင့် ဂရေစ့်ကယ်လီကို ကြိုက်သည်။ မွန်ရိုးနှင့် ပရက်စလေကို စွဲမက်သည်။ အက်ဘာ(ABBA) နှင့် ဘော်နီအမ်ကို ကြိုက်သည်။ နေရာတကာ အနုဆန်သည်။ တက္ကသိုလ် မှာ အဖေက အနုမြန်မာစာကို ယူသည်။ သားသမီးတွေကို နာမည်လှလှ ပေးသည်။ အဲဒီ စိတ်နှလုံးတွေက ကျမရဲ့ငယ်ဘ၀ ထဲမှာ ကျမနှင့်ထပ်တူ တစ်သားတည်း ရှိနေခဲ့တာ အဖေသိရဲ့လား။ အဖေ့အကြိုက်များက ကျမရဲ့ ခရေစီပါပဲ။ ခုချိန်ထိ အဖေနဲ့ကျမ အကြိုက်တွေတူဆဲ။ ပန်းချီပြပွဲတွေကြိုက်တာ.. ပေါ်ဦးသက်ကို ကြည်ညိုတာတွေ…Fame လို ရုပ်ရှင်ကို ရင်ခုန်တာတွေ...Flash Dance မှသည် Selena ထိ ကြိုက်တာ။ တစ်ခါမှ တစ်ခုမှ မလွဲဖူးခဲ့။ အသက်ချင်းကွာ ခေတ်ချင်းကွာလျက် အဖေနှင့်ကျမက Bruce Willis ကိုကြိုက်တာ Jennifer Lopaz ကို ကြိုက်တာတွေထိ တူတာရော အံ့သြစရာ မကောင်းဘူးလား။ ကျမ တစ်ခုခုကို ခံစားကြိုက်ပြီဆိုလျှင် အဲဒါ အဖေလည်း သဘောကျမည်ဟု သိပြီးသား။ အဖေက ကောင်းတယ်လို့ ညွှန်းလိုက်ရင်လည်း ကျမ ကြိုက်မည်ဟု သေချာပြီးသား။

ခုဆို.. ကျမကို ဘယ်သူလမ်းညွှန်မှာလဲ။ ဘယ်သူက ဦးဆောင်မှာလဲ။ ဘ၀မှာ တစ်ကြိမ်ပဲ အဖေနှင့်ကျမ အကြိုက် သဘောကွဲလွဲဖူးသည်။ အဲဒီ တစ်ကြိမ်လေးကပဲ ကျမရဲ့ဘ၀ကို ကြီးမားထင်ရှားစွာသော အမည်းစက် ထင်စေခဲ့ဖူးတာ။ ခုတော့၊ ကျမကို စံပြုပေးမယ့်သူ မရှိတော့ပြီ။ နောက်ထပ် မှားမှာ..ဘ၀မှာ အရသာတွေ မဲ့မှာ.. ခံစားချက်တွေ စမ်းတ၀ါးဝါးဖြစ်မှာ..။ ကျမကို ဘယ်သူ ဆယ်ပေးမှာလဲ။ အဲဒါတွေက အဖေကိုယ်တိုင်ပင် သိမည်မထင်သော ကျမအပေါ်က အဖေ့ရဲ့ လောင်းရိပ်တွေပဲ ဖြစ်ပါသည်။

+++++

အဖေ မရှိတော့တဲ့ နောက်မှာတော့၊ အဖေ့ စာအုပ်ဗီရိုထဲမှာ ကိုယ်ရေး အတ္ထုပ္ပတ္တိ ဆန်ဆန် စာတမ်းလေး တစ်တွဲ တွေ့သည်။ ကျမ မဖတ်ပါ။ ဖတ်စရာ မလိုလောက်အောင် ကျမငယ်ငယ်က အဖေနှင့်မိသားတစ်စု ပန်းခြံ ကစားကွင်းဘက် လမ်းလျှောက်တိုင်း ကြားဖူးနေကျ အဖေ့ငယ်ဘ၀ ခံစားချက်များ။ ပြီးတော့ ကျမ အကြိမ်ကြိမ် ခံစားပြီး သတိရနေသော အကြောင်းအရာများသာ ဖြစ်ရမည်လေ။ ညီမအငယ်တွေကတော့ သိပ်ပြီး မမီလိုက်တော့ ဖတ်ရင်း ငိုကြ၏။ အဖေက စာရေးကောင်းတော့ ၀တ္ထုလေးလိုပဲ နေမှာပေါ့။

အဖေ့ဆီမှာ ကျမ ရှစ်လသမီးအရွယ် အဖေ ဖောင်ကြီးသင်တန်းတက်ရစဉ် သမီးကြီးကျမကို လွမ်းပြီး ရေးသော ဒိုင်ယာရီလို စာတိုလေးတွေ ခုထိ ရှိသေးသည်။ သေချာတာကတော့ ကျမ ကွယ်လွန်သွားပြီးချိန်မှာလည်း အဲလို မှတ်တမ်းမျိုးတွေ၊ ခံစားချက်စာတွေ အများကြီးရှိနေသည်ကို ကျန်ရစ်နေသူတွေ တွေ့ကြရလိမ့်မည်။ ကျမက အဖေနှင့် အဲသလို တူပါသည်။

+++++

အဖေက သူသေသွားတဲ့အခါ အုတ်ဂူလေးနံဘေးမှာ စိန်ပန်းပြာပင် စိုက်စေချင်သတဲ့။ အေးငြိမ့်တဲ့ ဂီတသံစဉ် တွေလည်း ပျံ့လွင့်စေချင်သတဲ့။ လေညှင်းလေးလည်း တိုက်ခတ်စေချင်သတဲ့။ ငှက်လေးတွေကိုလည်း သီချင်း ဆိုစေချင်သတဲ့။ နာမကျန်းနေစဉ်မှာပင်… အဲဒီဆန္ဒတွေကို စာညွန့်ပုံစံနှင့် အဖေ ရေးခဲ့သေးသည်။ အဖေ့ ရုပ်အလောင်းကို ရွှေ့စဉ် အိပ်ယာအောက်မှာ အဖေကိုယ်တိုင် ရေးခဲ့သည့် နာရေးကြော်ငြာကို တွေ့တော့ အမေ့ခမျာ သုံးဆယ့်ခုနစ်နှစ်တိုင် ပေါင်းလာခဲ့သော ချစ်လင်အတွက် ပူဆွေးရရှာသည်။

ဦးသိန်းရွှေ
(ပုသိမ်)
အသက်(၅၆)နှစ်

တကယ့်ကို အသက် ၅၆-နှစ်ပြည့်သောနေ့မှာ အဖေ့ရုပ်အလောင်းကို မီးသင်္ဂြိုလ်ရသည်။ ဒါပေမဲ့ ကံကောင်းတာလား.. ကံဆိုးတာလားတော့ မပြောတတ်ပါ ။ အဖေ့နောက်ဆုံးချိန်ကို ကျမ မတွေ့လိုက်ရ။ ထိုအခါ… ကျမအတွက်တော့ အဖေက ကျမတို့မိသားစု မော်လမြိုင်မပြန်ခင် ကန်တော့စဉ်မှာ ကုလားထိုင်ပေါ် ခပ်လျော့လျော့ထိုင်လို့ ဖျော့တော့တော့ ပြုံးပြီး ကျန်ခဲ့တာပါ။ ကျမအတွက်တော့…အဖေက အခါများစွာ ကလိုပဲ… ဟိုးအဝေး အဝေးတွေကို ခရီးသွားရင်း အလုပ်လုပ်နေတာပဲ ဖြစ်ပါသည်။

+++++

ကျမအဖေက သူ့ဘ၀ထဲမှာ အောင်မြင်သူ၊ လူဖြစ်ရကျိုးနပ်သူလည်း ဖြစ်သည်။ လူလူချင်း စာနာတတ်ပြီး သူတစ်ပါး အကျိုးပျက်စီးရာ ပျက်စီးကြောင်းကိုလည်း မလုပ် မကြံဖူးသူ ဖြစ်သည်။ သို့ပေမဲ့၊ ထင်ရှား ကျော်ကြား သူ မဟုတ်သည့်အတွက် အဖေက ကျမတို့ရဲ့ မိသားစုဘ၀ထဲမှာသာ အထင်ကရ ဖြစ်ရပါသည်။ အထူးသဖြင့် တော့၊ ကျမရဲ့ အထင်ကရ ကမ္ဘာမြေတစ်ခု။ ကျမအတွက်ဆိုလျှင်၊ အဖေ့စိတ်ကြိုက် ပြင်ထားခဲ့သည့် အနုပညာ ဆန်သည့် အိမ်ခန်းကလေးက တန်ဖိုးမဖြတ်နိုင်သော ပြတိုက်ပင် ဖြစ်သည်။ အဲဒီ ပြတိုက်လေးထဲမှာ အဖေ အမြဲ ရှိသည်။ အဖေ စုဆောင်းခဲ့တဲ့ စာအုပ်တွေ၊ ခရီးသွားရင်း ရိုက်ခဲ့တဲ့ ဗီဒီယိုခွေတွေ၊ အဖေ အပျော်ဆိုထားတဲ့ ကက်ဆက်ခွေတွေ၊ ရေးသားခဲ့သော စာတွေ၊ မိသားစု လှုပ်ရှားမှုတွေကို မှတ်တမ်းတင်ခဲ့တဲ့ ဗီဒီယိုခွေတွေ၊ ပြီးတော့ အဖေချစ်တဲ့၊ ရိုသေမြတ်နိုးခဲ့တဲ့၊ ဗိုလ်ကျ အနိုင်ယူသမျှ ခံခဲ့တဲ့ အဖေ့ဇနီး (ကျမတို့အမေ)…။ပြီးတော့၊ အဖေကိုယ်တိုင်တောင် မသိလိုက်ဘဲ ဗီဇစိတ်အရာမှာ အဖေနှင့် ထပ်တူ နီးပါးတူအောင် မွေးခဲ့သော သမီးကြီး ကျမ၊ နောက်ထပ် အဖေ့ဗီဇသွေးတွေ ဘယ်လောက်များများ ပါဝင် ဖွဲ့စည်းနေလဲဆိုတာ မသိနိုင်သည့် အဖေ့သမီး(ကျမ ရဲ့ ညီမအငယ်)တွေ.. မြေးတွေ..။ အဲဒီ အရာအားလုံးက အဖေ့ရဲ့ ပြတိုက်ထဲမှာ ရှိနေကြပါသည်။

+++++

ကျမအတွက်တော့ ဘာတစ်ခုမျှ မလိုတော့ပါ။ အဖေ့ထံမှ အကောင်းဆုံးအမွေကို ကျမရခဲ့တာ… ခုလာမည့် ဇွန်လဆိုလျှင် သုံးဆယ့်ကိုးနှစ်တောင် ပြည့်တော့မှာပဲလေ။ တစ်ခုပဲ ကျမ နောက်ကျခဲ့သည်။ ကျမ၏ ကလောင် အမည်ကို “စိန်ပန်းပြာ”ဟု ပေးခဲ့ဖို့ပင် ဖြစ်သည်။ (ကျမကိုမွေးလျှင် စိန်ပန်းပြာဟု နာမည်ပေးဖို့ စိတ်ကူးဖူးကြောင်း အဖေ ပြောဖူးပါလျှက်နှင့်...)။

(၁၉-၂-၂၀၀၁ တွင် ကွယ်လွန်ခဲ့သော အဖေသို့ လွမ်းဆွတ်လှစွာ…)
မေငြိမ်း
ရွှေအမြုတေ ၂၀၀၂။