မြသီလာအလွမ်းပြေ(၃)

အဲသည် စတုတ္ထနှစ်တုန်းက တောင်ငူဆောင်အပေါ်ဆုံးထပ်က အခန်းအမှတ် ၂၁၂ မှာ ကျမ အတန်းတက် ရပါတယ်။ ကျမထိုင်တတ်တဲ့ နေရာက ဒဂုံဆောင်ရှေ့က လမ်းသွယ်လေးကို ဆီးမြင်ရတဲ့ ဘယ်ဘက်ခြမ်း နောက်ဆုံးခုံတန်းမှာ..။ (ဒဂုံဆောင်ကတော့ နာမည်ကျော် Geology ကျောင်းသားများ ရဲ့အဆောင်ပေါ့..။ တခါတုန်းက ကျမ ကိုယ်ဝန်ကြီးနဲ့ အဆောင်ရှေ့က ဖြတ်အသွားမှာ ဆရာမမှန်းသိသိနဲ့ "တရားခံ ဘသူလဲဟေ့.. ပြော.. တရားခံဘယ်သူလဲဟေ့" လို့ လှမ်းအော်စတာကို သတိရသေး) lecture တွေနားထောင်ရင်း သစ်ပင်ထိပ်ပိုင်းတွေကို ဖြတ်ကြည့်ရတာ သိပ် စိမ်းလန်းအေးချမ်းတာ။ သစ်ပင်တွေကို ဖြတ်ပြီး ကျမတို့ဆီရောက်ရောက်လာတတ်တဲ့လေကလေးက အေးလို့။ မျှော်ကြည့်ရင် ဂျပ်စင်ထိပ်ပိုင်းကိုတောင် လှမ်းမြင်နိုင်ပါတယ်။ ပြီးတော့ ဒဂုံဆောင်နောက်က မိုးပိတောက်ပင်တွေကိုရောပေါ့။

နွေဦးများပေါက်ရင် ရှင်မဟာရဋ္ဌသာရရဲ့ ရွှေစက်တော်သွားတောလားထဲက "သစ်ရွက်ရော်ရီ ဣန္ဓနီဝယ် သိင်္ဂီတ၀က် ဖက်၍ ဆေးစုံခြယ်သောပုံသို့" ဆိုတဲ့အတိုင်း တကယ်ကို ရွှေဝါရောင် နီညိုရောင်တွေ ဆေးရောင်ခြယ်သလို လှချင်တိုင်း လှနေတာ ခုထိ မေ့မရ။

ပြီးတော့ တောင်ငူဆောင်အ၀င်လမ်းနဘေးက ကျမ အင်မတန်စွဲလန်းတဲ့ ရှားရှားပါးပါး စိန်ပန်းပြာပင်ပုပုလေးကို ငေးရင်း ကျမစိတ်တွေ လန်းဆန်းနေကျ..။ အဲဒီအခါ စာသင်ခန်းမှာ အိပ်မငိုက်ဘဲ သင်သမျှစာ အကုန်လိုလိုကို လိုက်နိုင်ခဲ့တာ။

(ချစ်တဲ့ စိန်ပန်းပြာ)

(တကယ်တော့ အဲဒါလည်း ဖေဖေ့ကျေးဇူးကြောင့်ပါပဲ.. အများတကာမိဘတွေက သားသမီးကို ဆေး ရမှ.. စက်မှုရမှ.. အီကိုရမှ.. Law ရမှ.. လို့ တွန်းနေတဲ့ ခေတ်ထဲမှာ ကျမက မြန်မာစာပဲ သင်ချင်တယ်လို့ ပြောတာကို ဖေဖေက တချက်ကလေးမှ မတွန့်ဆုတ်ဘဲ အားပေးခဲ့တာ..။ ကျမ၀ါသနာပါတာကို သင်ခွင့်ရလို့ပဲ ထူးချွန်ခွင့်ရခဲ့တာ ထင်ပါတယ်.. ဒါကြောင့် ခု ကိုယ့်သားသမီးကိုလည်း သူတို့ ၀ါသနာပါတာပဲ လုပ်ဖို့ အားပေးထားပါတယ်)။

စတုတ္ထနှစ်မှာ နောက်ထပ် အမှတ်တရဖြစ်စရာကတော့ Farewell Dinner ဖျော်ဖြေပွဲပါပဲ။ ကျမတို့စိတ်ထဲ နှမျောတသဖြစ်ရတဲ့ ခံစားချက်တွေနဲ့ ကျင်းပရတဲ့ ပွဲပေါ့။ ( ကျမဖြင့် အဲဒီတုန်းကဆိုရင် ဒီနှစ် Final year လို့ ဘယ်တော့မှမပြော.. Forth year လို့ပဲ ပြောတယ်.. Final ဆို နိမိတ်မကောင်းဘဲ ကျောင်းဆက်မတက်ရမှာ ကြောက်လို့လေ :D) ။ အဲလိုနှစ်မှာမှ Farewell ကလည်း စည်လိုက်တာ။ အဲဒီအချိန်မှာ နာမည်ကြီး အဆိုတော်တွေဖြစ်နေတဲ့ မြန်မာစာ ကျောင်းသူဟောင်း 'မေခလာ' ရယ်၊ ရန်ကုန်တက္ကသိုလ် ကျောင်းသား ဟောင်း 'ကိုင်ဇာ' ရယ်၊ နောက် 'ခင်မောင်ထူး' နဲ့ 'လွှမ်းမိုး' လာတယ်။ ပျော်စရာကြီးပေါ့...။ စတုတ္ထနှစ် ကျောင်းသူဘ၀မှာ နောက်ထပ်အမှတ်ရစရာကတော့ တကျောင်းလုံးပတ်ပြီး ဓာတ်ပုံရိုက်ကြတာပဲ။ ဓာတ်ပုံရိုက်လို့ကို မ၀..။ ဓာတ်ပုံဖိုးနဲ့ကို မွဲမတတ်။ (ခုတော့ ဆေးသားတွေပျက်လို့ တပုံမကျန် လွှင့်ပစ်လိုက် ရပြီ)။

ကျမတို့စိတ်ထဲ ကျောင်းကို ချစ်တာ တကယ့်ကို နင့်နင့် သီးသီး။

မြသီလာရေ..
ချစ်သူကိုတောင် မင်းရင်ခွင်မှာမှ
ပိုချစ်တယ်ထင်ရဲ့..။

မင်းသာမရှိရင်
'ချစ်တယ်'ဆိုတာတွေလည်း မပြည့်စုံ။
မင်းရင်ခွင်မှာမှ သူ့အနမ်းတွေကတောင်
ယဉ်ကျေးချိုမြိန်ရဲ့..။

မခွဲနိုင်လို့ မခွာရက်တာပါ မြသီလာ..။

ကံ့ကော်ပန်းတွေကတောင်
မြသီလာဆီကခွာရင်
မမွှေးပျံ့တတ်တော့ဘူးဆိုတဲ့နောက်
ကောက်ကောက်ပါအောင်သာ
လိုက်ပရစေတော့.. တသက်စာ။

အဲလို ကဗျာလိုလို စာလိုလိုနဲ့ ဘာမှန်းမသိတဲ့ စာတွေကို lecture လိုက်နေရင်းကနေ စာအုပ်နောက်ဆုံးက စာမျက်နှာတွေမှာ ပွနေအောင် မျက်ရည်တလည်လည်နဲ့ ရေးခဲ့ဖူးတာလည်း စတုတ္ထနှစ်ကျောင်းတက်ကာလရဲ့ နောက်ဆုံးရက်တွေမှာပါပဲ။

တကယ်ပဲ တက္ကသီလာ မြကျွန်းသာကို ချစ်သူထက် စုံမက်ခဲ့ဖူးပါတယ်။

+++++

အဲသည်တုန်းက တောင်ငူဆောင်မှာ မြန်မာစာနဲ့ အင်္ဂလိပ်စာအတန်းတွေ..။ အမရဆောင်မှာက သမိုင်းတန်း တွေ။ ရာမညဆောင်မှာက ဥပဒေနဲ့ စိတ်ပညာတန်းတွေ။ မန္တလေးဆောင်မှာက ဘူမိဗေဒတန်းတွေ။ အဲသည် ပတ်ပတ်လည်အတန်းတွေအချင်းချင်း သူငယ်ချင်းတွေ ဖြစ်ကြ။ စုံတွဲတွေ ဖြစ်ကြပေါ့။ ရန်ကုန်တက္ကသိုလ် ၀င်းထဲမှာ အီကိုပြီးရင် တောင်ငူဆောင်ကတော့ အချောအလှပေါတာ နာမည်ကျော်ပေါ့။ တကယ်ပြောတာပါ..။ (ကျမတော့ မပါပါဘူး :P)

မန္တလေးဆောင်နဲ့ ပတ်သက်ရင်တော့ ကျမအမြဲသတိရတာ ဆရာမ ဒေါ်စ၀်ယဉ်နွယ် ပဲ။ ဆရာမကိုတွေ့တိုင်း ကျမ အမြဲငေးမိတာ။ (ကြည့်ကောင်းလွန်းလို့ ဆရာမစာမေးပွဲခန်းစောင့်တာနဲ့ ကိုယ်ဖြေရတာကြုံရင် မကြာမကြာကြည့်မိတာနဲ့ စာဖြေရတာတောင် မဖြောင့်)။ ဆရာမရဲ့ အသားအရည်က ကြည်ပြီး စင်နေတာ.. သလင်းကျောက်လိုပဲ။ အထူးခြားဆုံးက တောက်နေတဲ့ မျက်လုံးတွေပဲ။ ပြီးတော့ အ၀တ်အစားဝတ်တာမှာ အင်္ကျီက ဘယ်တော့မှ ပါးပါးမ၀တ်။ ပြီးတော့ တော်ရုံလူ မ၀တ်ရဲတဲ့ အပွင့်အခက်မပါတဲ့ ပြောင် အရောင် ဖျော့ဖျော့တွေကို ထက်အောက်ဆင်တူ ၀တ်သေးတာ။ ထူးခြားတာ နောက်တခုက ဆရာမရဲ့ အင်္ကျီလက် တွေက အဖျားမှာ ပွတဲ့ ခေါင်းလောင်းလက်ပုံစံတွေ။ ဆရာမက အရပ်မြင့်မြင့် ကိုယ်လုံး သွယ်သွယ် တောင့်တောင့်နဲ့ ဘိနပ်အမြင့်(Pencil heel)တွေ စီးတာမို့ သိပ်လိုက်တာပဲ။

(ကျမကတော့ ကိုယ့်ဆရာမလည်း မဟုတ်ပါဘဲနဲ့ ဆရာမကို ဘယ်လောက် သဘောကျခဲ့လဲဆိုရင် ဆရာမလိုပဲ ကိုယ့်ဘာသာရပ်မှာ တော်ချင်ခဲ့တယ်။ ပြီးတော့ ကိုယ်တိုင် ဆရာမလည်းဖြစ်ရော အင်္ကျီတွေကို ဆရာမလိုပဲ အသား ပျော့ပျော့ နဲ့ မပါးတာတွေ ၀တ်တယ်၊ ပြီးတော့ လက်ကို ခေါင်းလောင်းလက်ဝတ်တယ်၊ ဟီးး ဒါမဲ့ ကိုယ်က အရပ်မမြင့်ဘဲ ကိုယ်ခန္ဓာကလည်း ပြားပြား.. ဒီကြားထဲ ခုံမြင့်ဘိနပ်လည်း မစီးတတ်ဆိုတော့ ကားတား ကားတား ပုတက်ပုတက်နဲ့.. လှလည်းမလှတဲ့အပြင် ရယ်စရာတောင် ကောင်းနေခဲ့မလားပဲ :) )။

ဆရာမကလည်း အရှည်ကြီးဆိုင်အဖျား တောင်ပိန္နဲပင်တွေအောက်က စားပွဲပဲ ထိုင်လေ့ရှိပါတယ်။ ဘူမိဗေဒဌာနကမို့ ဆရာမ ကင်တီးလာရင် အမြဲတမ်း မိတ်ဆွေဆရာတွေ ပတ်ပတ်လည်နဲ့။ ဆရာမကို ကြည့်တာနဲ့ တော်တာ ထက်မြက်တာပေါ်လွင်နေသလို တကယ်လည်း စာသင်ကောင်းတယ် တော်တယ်လို့ သတင်းမွှေးတယ်။

နောက်တခု သတိထားမိတာက ဆရာမက အဲဒီအချိန်တုန်းက ဦးဖြိုးေ၀၀င်းရဲ့ ဇနီးပါ။ ဖြိုးေ၀၀င်းဆိုတာက ဗမာပြည်မှာ နံပါတ်ဝမ်းကြီးလို့ အများခေါ်တဲ့ ဦးနေ၀င်းရဲ့ သားတယောက်ပေါ့။ အဲဒီ နံပါတ်ဝမ်းကြီးရဲ့သားက ကျောင်း ကင်တီးစုတ်စုတ်လေးမှာထိုင်ရင်း လက်ဘက်ရည်သောက်ရင်း ဇနီးသည်ဆရာမ ကျောင်း အဆင်းကို အမြဲ လာစောင့်ကြိုပါတယ်။ သူတို့စီးတဲ့ကားလေးက အဲဒီတုန်းက 323 လို့ခေါ်တဲ့ အမျိုးအစားပါ။ နံပါတ်တောင် မှတ်မိသေး က-၄၄၄၄ ။ ဒီနေရာမှာ ပြောချင်တာက ဆရာမက နံပါတ်ဝမ်းရဲ့ ချွေးမနဲ့ မတူသလို ဦးဖြိုးေ၀၀င်းကလည်း နံပါတ်ဝမ်းရဲ့သားနဲ့ မတူလှတာပါပဲ။ အခါများစွာမှာ ဆရာမတို့ရဲ့သားကလေး (၅နှစ်သားလောက်ရှိမယ်ထင်ပါရဲ့) ပါလာရင်လည်း ကင်တီးက မုန့်တွေပဲ မှာစားတာပါပဲ။ သူကလေးကလည်း ခုကာလတွေမှာ တွေ့ရတဲ့ စစ်ဗိုလ်သားသမီးမြေးမြစ်တွေနဲ့ မတူပါဘူး။ သူတို့ဟာ ကျောင်းဝင်းထဲမှာတော့ ကျမတို့နဲ့ တန်းတူ လိုပါပဲ။ အဲဒါကိုကပဲ ဆရာမရဲ့ ချစ်စရာကောင်းမှုလို့ ထင်ပါတယ်။

(နာဂစ်မတိုင်ခင် ခေတ်သစ်တောင်ငူဆောင်ကင်တီး- pti ဆီက ယူပါတယ်)

အဲဒီတုန်းက ကျမတို့ မြန်မာစာမှာ ၀န်ကြီးသားတွေရှိပါတယ်။ မှတ်မှတ်ရရ ၃ယောက်တောင်။ (နာမည်တွေတော့ ပြောတော့ပါဘူး)။ သူတို့ကတော့ ဆရာမတို့နဲ့ ကွာပါ့။ ကျောင်းကင်တီးတောင် လှည့်မကြည့်တဲ့အပြင် အတန်းထဲမှာတောင် ဆောင့်ကြွားကြွားမို့ မပြည့်တဲ့အိုး ဘောင်ဘင်ခတ်.. ဆိုပြီးတော့ ကျမတို့ ကြည့်မရ ဖြစ်ခဲ့ကြတာလည်း သတိရပါတယ်။ ဒါပေမဲ့ ၈၈ နောက်ပိုင်းကာလ... စစ်တပ်က တန်ခိုးထွားလာတော့ သူတို့ရဲ့ တူသားရင်းမြစ်တွေ တက္ကသိုလ် ပညာရေးဝန်းကျင်လို နေရာလေးမှာတောင် ဘယ်လောက် ဘောင်ဘင်ခတ်ကြ.. ရမ်းကားကြတယ်ဆိုတာ ကိုယ်တွေ့ကြုံရတာလေးတွေ ပြောဦးမှပါ။

+++++

သေချာတာကတော့ ၈၈ မတိုင်ခင် တက္ကသိုလ်ကျောင်းဝန်းကျင်မှာ အနည်းဆုံး ချစ်စရာကောင်းတဲ့ ရိုးသားမှု လေးတွေတော့ ရှိခဲ့တယ်ဆိုတာလေးတွေကို ပြောပြချင်တာပါပဲ။

(အချိန်ရတုန်းလေးတော့ ဆက်တိုက်တင်ပါ့မယ်.. မအားရင်လည်း နားမှာပေါ့... နော..။ လောလောဆယ်တော့ ဆက်ပါဦးမည်...)

မှတ်ချက်.. ဆရာမ ဒေါက်တာဒေါ်စ၀်ယဉ်နွယ်ကို ကျမက တလျှောက်လုံး အဲလိုပဲ မှတ်လာခဲ့တာ ခု ဘူမိသမားတွေက ဒေါက်တာဒေါ်ယဉ်ယဉ်နွယ်လို့ အမှားပြင်ပေးကြပါတယ်။